|
Il-Ġurnal Uffiċjali |
MT Serje C |
|
C/2024/1808 |
28.2.2024 |
Avviż minn qabel ta’ konċentrazzjoni
(Każ M.11477 — QUATTROR / MASSIMO ZANETTI BEVERAGE GROUP)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(C/2024/1808)
1.
Fl-20 ta’ Frar 2024, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
QuattroR SGR S.p.A. (‘QuattroR’, l-Italja), ikkontrollata minn QR Partners S.r.l., |
|
— |
Massimo Zanetti Beverage Group S.p.A. (‘MZBG’, l-Italja), ikkontrollata fl-aħħar mill-aħħar mis-Sur Massimo Zanetti. |
QuattroR se takkwista fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ MZBG kollha kemm hi.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma dawn li ġejjin:|
— |
QuattroR hija kumpanija maniġerjali li bħalissa tikkontrolla, esklussivament jew b’mod konġunt impriżi attivi f’firxa ta’ setturi differenti, bħall-inġinerija u l-loġistika, id-distribuzzjoni tal-madum taċ-ċeramika u l-uċuħ tal-ħitan, il-moda, il-polpa u l-karta, l-ipproċessar u l-imballaġġ tal-ikel, l-apparat mediku, u l-prodotti elettroniċi, |
|
— |
MZBG hija attiva fil-produzzjoni, l-ipproċessar u l-kummerċjalizzazzjoni tal-kafè inkaljat, distribwit madwar id-dinja. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2), jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.11477 – QUATTROR / MASSIMO ZANETTI BEVERAGE GROUP
Il-kummenti jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:
Indirizz tal-posta elettronika: COMP-MERGER-REGISTRY@ec.europa.eu
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (“ir-Regolament dwar l-Għaqdiet”).
ELI: http://data.europa.eu/eli/C/2024/1808/oj
ISSN 1977-0987 (electronic edition)