Il-Ġurnal Uffiċjali
tal-Unjoni Ewropea
MT
Is-serje L
|
|
Il-Ġurnal Uffiċjali |
MT Is-serje L |
|
2026/2272 |
12.10.2026 |
DEĊIŻJONI TAL-KUNSILL (PESK) 2026/2272
tad-9 ta’ Ottubru 2026
li temenda d-Deċiżjoni (PESK) 2019/1720 dwar miżuri restrittivi fid-dawl tas-sitwazzjoni fin-Nikaragwa
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fl-14 ta’ Ottubru 2019, il-Kunsill adotta d-Deċiżjoni (PESK) 2019/1720 (1). |
|
(2) |
Id-Deċiżjoni (PESK) 2019/1720 tapplika sal-15 ta’ Ottubru 2026. Abbażi ta’ rieżami ta’ dik id-Deċiżjoni, jenħtieġ li l-miżuri restrittivi stipulati fiha jiġu estiżi sal-15 ta’ Ottubru 2027 u jenħtieġ li tiġi aġġornata d-dikjarazzjoni tar-raġunijiet għal persuna fiżika waħda elenkata fl-Anness tagħha. |
|
(3) |
Għalhekk, jenħtieġ li d-Deċiżjoni (PESK) 2019/1720 tiġi emendata skont dan, |
ADOTTA DIN ID-DEĊIŻJONI:
Artikolu 1
Id-Deċiżjoni (PESK) 2019/1720 hija emendata kif ġej:
|
(1) |
fl-Artikolu 9, l-ewwel paragrafu, id-data “15 ta’ Ottubru 2026” hija sostitwita bi “15 ta’ Ottubru 2027”; |
|
(2) |
l-Anness huwa emendat f’konformità mal-Anness ta’ din id-Deċiżjoni. |
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fil-Lussemburgu, id-9 ta’ Ottubru 2026.
Għall-Kunsill
Il-President
S. HARRIS
(1) Id-Deċiżjoni tal-Kunsill (PESK) 2019/1720 tal-14 ta’ Ottubru 2019 dwar miżuri restrittivi fid-dawl tas-sitwazzjoni fin-Nikaragwa (ĠU L 262, 15.10.2019, p. 58, ELI:http://data.europa.eu/eli/dec/2019/1720/oj).
ANNESS
Fl-Anness tad-Deċiżjoni (PESK) 2019/1720, taħt l-intestatura “A. Persuni fiżiċi msemmija fl-Artikoli 1(1) u 2(1)”, l-entrata 4 hija sostitwita b’dan li ġej:
|
|
Isem |
Informazzjoni ta’ identifikazzjoni |
Raġunijiet |
Data tal-elenkar |
|
“4. |
Néstor MONCADA LAU |
Data tat-twelid: 2.3.1954 Sess: raġel |
Konsulent personali tal-President tan-Nikaragwa dwar kwistjonijiet ta’ sigurtà nazzjonali sal-2025. F’din il-kapaċità, minn April 2018 ’il quddiem kien involut direttament fit-teħid ta’ deċiżjonijiet dwar kwistjonijiet ta’ sigurtà nazzjonali u fl-istabbiliment ta’ politiki repressivi mwettqa mill-Istat tan-Nikaragwa kontra persuni li jipparteċipaw f’dimostrazzjonijiet, rappreżentanti tal-oppożizzjoni u ġurnalisti fin-Nikaragwa, u huwa responsabbli għalihom. |
4.5.2020”. |
ELI: http://data.europa.eu/eli/dec/2026/2272/oj
ISSN 1977-074X (electronic edition)