|
8.4.2022 |
GA |
Iris Oifigiúil an Aontais Eorpaigh |
L 109/66 |
CINNEADH (CBES) 2022/573 ÓN gCOMHAIRLE
an 7 Aibreán 2022
lena leasaítear Cinneadh (CBES) 2019/538 mar thaca le gníomhaíochtaí na hEagraíochta um Thoirmeasc ar Airm Cheimiceacha (OPCW) faoi chuimsiú chur chun feidhme Straitéis AE i gcoinne Leathadh Arm Ollscriosta
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagail 28(1) agus 31(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 1 Aibreán 2019, ghlac an Chomhairle Cinneadh (CBES) 2019/538 (1) mar thaca le gníomhaíochtaí na hEagraíochta um Thoirmeasc ar Airm Cheimiceacha (OPCW) faoi chuimsiú chur chun feidhme Straitéis AE i gcoinne Leathadh Arm Ollscriosta. |
|
(2) |
An 9 Feabhra 2022, d’iarr OPCW, atá freagrach as cur chun feidhme teicniúil na dtionscadal dá dtagraítear in Airteagal 1 de Chinneadh (CBES) 2019/538, go gcuirfí síneadh 12 mhí, go dtí an 30 Aibreán 2023, le tréimhse chur chun feidhme an Chinnidh sin. Leis an síneadh a iarradh, cuirfear ar chumas OPCW tionchar phaindéim COVID-19 ar chur chun feidhme tionscadal sonrach a mhaolú. |
|
(3) |
Ní bheidh aon impleacht, a mhéid a bhaineann le hacmhainní airgeadais de, le leanúint de chur chun feidhme na dtionscadal dá dtagraítear in Airteagal 1 de Chinneadh (CBES) 2019/538 go dtí an 30 Aibreán 2023. |
|
(4) |
Ba cheart, dá bhrí sin, Cinneadh (CBES) 2019/538 a leasú dá réir, |
TAR ÉIS AN CINNEADH SEO A GHLACADH:
Airteagal 1
In Airteagal 5 de Chinneadh (CBES) 2019/538, cuirtear an méid seo a leanas isteach in ionad mhír 2:
“2. Rachaidh an Cinneadh seo in éag an 30 Aibreán 2023.”.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, 7 Aibreán 2022.
Thar ceann na Comhairle
An tUachtarán
J. DENORMANDIE
(1) Cinneadh (CBES) 2019/538 ón gComhairle an 1 Aibreán 2019 mar thaca le gníomhaíochtaí na hEagraíochta um Thoirmeasc ar Airm Cheimiceacha (OPCW) faoi chuimsiú chur chun feidhme Straitéis AE i gcoinne Leathadh Arm Ollscriosta (IO L 93, 2.4.2019, lch. 3).