|
3.5.2023 |
MT |
Il-Ġurnal Uffiċjali tal-Unjoni Ewropea |
L 115/3 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/897
tat-2 ta’ Mejju 2023
li jemenda r-Regolament ta’ Implimentazzjoni (UE) 2021/128 li jiffissa l-bilanċ nett disponibbli għan-nefqa tal-FAEG
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2021/2116 tal-Parlament Ewropew u tal-Kunsill tat-2 ta’ Diċembru 2021 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolament (UE) Nru 1306/2013 (1), u b’mod partikolari l-Artikolu 14(2) tiegħu,
Billi:
|
(1) |
Ir-Regolament ta’ Implimentazzjoni tal-Kummissjoni (UE) 2021/128 (2) jiffissa l-bilanċ nett disponibbli għan-nefqa tal-Fond Agrikolu Ewropew ta’ Garanzija (FAEG), kif ukoll l-ammonti disponibbli għall-Fond Agrikolu Ewropew għall-Iżvilupp Rurali (FAEŻR) għas-snin finanzjarji 2021 sal-2027. |
|
(2) |
F’konformità mal-Artikolu 14(1) tar-Regolament (UE) 2021/2116, il-limitu massimu annwali għan-nefqa tal-FAEG għandu jkun kostitwit mill-ammonti massimi għas-sublimitu għan-nefqa relatata mas-suq u l-pagamenti diretti stipulati fl-Anness I tar-Regolament tal-Kunsill (UE, Euratom) 2020/2093 (3). |
|
(3) |
F’konformità mal-Artikolu 17(5), it-tieni subparagrafu, tar-Regolament (UE) 2021/2115 tal-Parlament Ewropew u tal-Kunsill (4), Stat Membru wieħed iddeċieda fil-Pjan Strateġiku tal-PAK tiegħu li jnaqqas l-ammont tal-pagamenti diretti li għandhom jingħataw lill-bdiewa għas-snin kalendarji mill-2023 sal-2026 u li jittrasferixxi l-prodott stmat tat-tnaqqis li jirriżulta lill-FAEŻR. |
|
(4) |
F’konformità mal-Artikolu 103(1), il-punt (a), u l-Artikolu 103(2) tar-Regolament (UE) 2021/2115, diversi Stati Membri ddeċidew fil-Pjan Strateġiku tal-PAK tagħhom li għas-snin kalendarji mill-2023 sal-2026 jittrasferixxu ċertu perċentwal tal-allokazzjonijiet tagħhom għall-pagamenti diretti għall-allokazzjonijiet tagħhom għall-FAEŻR. |
|
(5) |
F’konformità mal-Artikolu 103(1), il-punt (b), u l-Artikolu 103(3) tar-Regolament (UE) 2021/2115, diversi Stati Membri ddeċidew fil-Pjan Strateġiku tal-PAK tagħhom li jittrasferixxu għall-allokazzjonijiet tagħhom għall-pagamenti diretti ċertu perċentwal tal-allokazzjonijiet tagħhom għall-FAEŻR għas-snin finanzjarji mill-2024 sal-2027. |
|
(6) |
L-allokazzjonijiet rilevanti tal-Istati Membri għall-pagamenti diretti stabbiliti fl-Annessi V u IX tar-Regolament (UE) 2021/2115, kif ukoll id-diżaggregazzjoni annwali skont l-Istat Membru tal-appoġġ tal-Unjoni għall-iżvilupp rurali stabbilit fl-Anness XI ta’ dak ir-Regolament, ġew adattati konsegwentement permezz tar-Regolament Delegat tal-Kummissjoni (UE) 2023/813 (5). |
|
(7) |
F’konformità mal-Artikolu 2(1) tar-Regolament (UE, Euratom) 2020/2093, il-sublimitu għan-nefqa relatata mas-suq u l-pagamenti diretti tal-qafas finanzjarju pluriennali stabbilit fl-Anness I ta’ dak ir-Regolament għandu jiġi aġġustat skont l-aġġustament tekniku previst fl-Artikolu 4 ta’ dak ir-Regolament wara li jsiru t-trasferimenti bejn il-FAEŻR u l-pagamenti diretti. |
|
(8) |
Għalhekk, jeħtieġ li jiġi aġġustat il-bilanċ nett disponibbli għan-nefqa tal-FAEG għall-2024 sal-2027 kif stabbilit bir-Regolament ta’ Implimentazzjoni (UE) 2021/128. Għal raġunijiet ta’ ċarezza, l-ammonti li għandhom jitqiegħdu għad-dispożizzjoni tal-FAEŻR jenħtieġ li jiġu ppubblikati wkoll. |
|
(9) |
Għalhekk, jenħtieġ li r-Regolament ta’ Implimentazzjoni (UE) 2021/128 jiġi emendat skont dan, |
ADOTTAT DAN IR-REGOLAMENT:
Artikolu 1
L-Anness tar-Regolament ta’ Implimentazzjoni (UE) 2021/128 huwa sostitwit bit-test tal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Mejju 2023.
Għall-Kummissjoni
Il-President
Ursula VON DER LEYEN
(1) ĠU L 435, 6.12.2021, p. 187.
(2) Ir-Regolament ta’ Implimentazzjoni tal-Kummissjoni (UE) 2021/128 tat-3 ta’ Frar 2021 li jiffissa l-bilanċ nett disponibbli għan-nefqa tal-FAEG (ĠU L 40, 4.2.2021, p. 8).
(3) Ir-Regolament tal-Kunsill (UE, Euratom) 2020/2093 tas-17 ta’ Diċembru 2020 li jistabbilixxi l-qafas finanzjarju pluriennali għas-snin 2021 sal-2027 (ĠU L 433I, 22.12.2020, p. 11).
(4) Ir-Regolament (UE) 2021/2115 tal-Parlament Ewropew u tal-Kunsill tat-2 ta’ Diċembru 2021 li jistabbilixxi regoli dwar l-appoġġ għall-pjanijiet strateġiċi li għandhom jitfasslu mill-Istati Membri skont il-Politika Agrikola Komuni (Pjanijiet Strateġiċi tal-PAK) u ffinanzjati mill-Fond Agrikolu Ewropew ta’ Garanzija (FAEG) u mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolamenti (UE) Nru 1305/2013 u (UE) Nru 1307/2013 (ĠU L 435, 6.12.2021, p. 1).
(5) Ir-Regolament Delegat tal-Kummissjoni (UE) 2023/813 tat-8 ta’ Frar 2023 li jemenda r-Regolament (UE) 2021/2115 tal-Parlament Ewropew u tal-Kunsill fir-rigward tal-allokazzjonijiet tal-Istati Membri għall-pagamenti diretti u d-diżaggregazzjoni annwali skont l-Istat Membru tal-appoġġ tal-Unjoni għall-iżvilupp rurali (ĠU L 102, 17.4.2023, p. 1).
ANNESS
“ANNESS
Bilanċ nett disponibbli għan-nefqa tal-FAEG
|
(miljun ta’ EUR) |
||||
|
Sena finanzjarja |
Ammonti mqiegħda għad-dispożizzjoni tal-FAEŻR |
Ammonti ttrasferiti mill-FAEŻR |
Bilanċ nett disponibbli għan-nefqa tal-FAEG |
|
|
L-Artikolu 14(1) tar-Regolament (UE) Nru 1307/2013 |
L-Artikolu 7(2) tar-Regolament (UE) Nru 1307/2013 |
L-Artikolu 14(2) tar-Regolament (UE) Nru 1307/2013 |
||
|
2021 |
1 099,539 |
58,165 |
600,658 |
40 367,954 |
|
2022 |
1 086,292 |
57,919 |
525,400 |
40 638,189 |
|
2023 |
1 277,253 |
55,858 |
507,322 |
40 692,211 |
|
|
L-Artikolu 103(1), il-punt (a) u l-Artikolu 103(2) tar-Regolament (UE) 2021/2115 |
L-Artikolu 17(5), it-tieni subparagrafu, tar-Regolament (UE) 2021/2115 |
L-Artikolu 103(1), il-punt (b) u l-Artikolu 103(3) tar-Regolament (UE) 2021/2115 |
|
|
2024 |
1 632,136 |
5,000 |
590,214 |
40 602,078 |
|
2025 |
1 702,286 |
5,000 |
590,214 |
40 664,928 |
|
2026 |
1 807,987 |
5,000 |
590,214 |
40 690,227 |
|
2027 |
1 981,419 |
5,000 |
590,214 |
40 650,795 |