|
Iris Oifigiúil |
GA Sraith L |
|
2025/146 |
30.1.2025 |
RIALACHÁN (AE) 2025/146 ÓN gCOIMISIÚN
an 29 Eanáir 2025
lena leasaítear Iarscríbhinní II agus III a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar le haghaidh socsaimíde i dtáirgí áirithe nó ar tháirgí áirithe
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 396/2005 ó Pharlaimint na hEorpa agus ón gComhairle an 23 Feabhra 2005 maidir le huasleibhéil iarmhar lotnaidicídí i mbia agus i mbeatha de bhunadh plandaí nó ainmhíoch nó ar bhia agus ar bheatha den sórt sin agus lena leasaítear Treoir 91/414/CEE ón gComhairle (1), agus go háirithe Airteagal 14(1), pointe (a), agus Airteagal 49(2) de,
De bharr an mhéid seo a leanas:
|
(1) |
I gcás na substainte gníomhaí socsaimíde, socraíodh uasleibhéil iarmhar (‘MRLanna’) in Iarscríbhinn II agus i gCuid B d’Iarscríbhinn III a ghabhann le Rialachán (CE) Uimh. 396/2005. |
|
(2) |
Chuir an tÚdarás Eorpach um Shábháilteacht Bia (‘an tÚdarás’) tuairim réasúnaithe isteach maidir leis an athbhreithniú ar na MRLanna atá ann cheana le haghaidh socsaimíde i gcomhréir le hAirteagal 12(1) de Rialachán (CE) Uimh. 396/2005 agus maidir le lamháltas allmhairiúcháin a shocrú le haghaidh oinniún, gairleoige agus seallóidí (2). |
|
(3) |
I gcomhréir le hAirteagal 6(2) agus (4) de Rialachán (CE) Uimh. 396/2005, cuireadh isteach iarratas ar lamháltas allmhairiúcháin le haghaidh socsaimíde in oinniúin, gairleog agus seallóidí. |
|
(4) |
I gcomhréir le hAirteagal 8 de Rialachán (CE) Uimh. 396/2005, rinne an Ballstát lena mbaineann meastóireacht ar an iarratas agus, i gcomhréir le hAirteagal 9 den Rialachán sin, cuireadh an tuarascáil mheastóireachta ar aghaidh chuig an gCoimisiún. |
|
(5) |
Rinne an tÚdarás measúnú ar an iarratas agus ar an tuarascáil mheastóireachta, rinne sé scrúdú faoi leith ar na rioscaí atá ann do thomhaltóirí agus, i gcás inarb ábhartha, d’ainmhithe, agus chuir sé an tuairim réasúnaithe uaidh ar aghaidh chuig an iarratasóir, chuig an gCoimisiún agus chuig na Ballstáit agus chuir sé ar fáil don phobal é. |
|
(6) |
Tháinig an tÚdarás ar an gconclúid gur comhlíonadh na ceanglais sonraí uile agus go raibh an modhnú ar na MRLanna a d’iarr an t-iarratasóir inghlactha ar bhonn measúnú ar nochtadh tomhaltóirí ina léirítear gur dócha nach mbeidh riosca ann do shláinte an tomhaltóra ag baint le hiontógáil ghearrthéarmach agus fhadtéarmach na n-iarmhar a eascraíonn as socsaimíd a úsáid de réir na gcleachtas talmhaíochta ar oinniúin, gairleog agus seallóidí. |
|
(7) |
Mhol an tÚdarás MRLanna a shocrú le haghaidh prátaí, trátaí, cúcamar, gircíní, cúirséad, mealbhacán, puimcíní agus mealbhacáin uisce, ar cuireadh isteach sonraí tacaíochta leordhóthanacha ina leith maidir le dea-chleachtas talmhaíochta, sonraí a ndearna an tÚdarás measúnú orthu. Ós rud é nach bhfuil aon riosca ann do thomhaltóirí, is iomchuí na MRLanna le haghaidh na dtáirgí sin in Iarscríbhinn II a ghabhann le Rialachán (CE) Uimh. 396/2005 a shocrú ag an leibhéal atá sainaitheanta ag an Údarás. |
|
(8) |
Tháinig an tÚdarás ar an gconclúid maidir leis na MRLanna le haghaidh ubhthorthaí go raibh roinnt faisnéise ann nach raibh ar fáil agus gur ghá do bhainisteoirí riosca an cheist a scrúdú a thuilleadh. Ós rud é nach bhfuil aon riosca ann do thomhaltóirí, ba cheart na MRLanna le haghaidh an táirge sin a choinneáil ar bun in Iarscríbhinn II a ghabhann le Rialachán (CE) Uimh. 396/2005 ag an leibhéal atá ann cheana agus atá sainaitheanta ag an Údarás. Déanfar athbhreithniú ar na MRLanna sin; cuirfear san áireamh san athbhreithniú an fhaisnéis a bheidh ar fáil laistigh de 2 bhliain tar éis fhoilsiú an Rialacháin seo. |
|
(9) |
Maidir le gach táirge eile, is iomchuí na MRLanna a shocrú don teorainn chinnidh tháirgeshonrach i gcomhréir le hAirteagal 14(1), pointe (a), de Rialachán (CE) Uimh. 396/2005, i gcomhar le hAirteagal 17 den Rialachán sin. |
|
(10) |
Chuaigh an Coimisiún i gcomhairle le saotharlanna tagartha AE maidir le hiarmhair shocsaimíde a mhéid a bhaineann leis an ngá teorainneacha cinnidh áirithe a oiriúnú. Mhol na saotharlanna sin teorannacha cinnidh táirgeshonracha is féidir a bhaint amach go hanailíseach i gcás gach táirge. |
|
(11) |
Chuathas i gcomhairle le comhpháirtithe trádála an Aontais maidir leis na MRLanna nua tríd an Eagraíocht Dhomhanda Trádála, agus cuireadh a mbarúlacha san áireamh. |
|
(12) |
Dá bhrí sin, ba cheart Rialachán (CE) Uimh. 396/2005 a leasú dá réir sin. |
|
(13) |
Chun go mbeifear in ann margú, próiseáil agus tomhaltas táirgí a dhéanamh ar an ngnáthshlí, níor cheart feidhm a bheith ag an Rialachán seo maidir le táirgí a táirgeadh nó a cuireadh ar an margadh san Aontas sula mbeidh na MRLanna nua le haghaidh socsaimíde infheidhme agus ar ina leith a choinnítear leibhéal ard cosanta tomhaltóirí ar bun. Is amhlaidh an cás le haghaidh gach táirge. |
|
(14) |
Ba cheart tréimhse réasúnta a bheith ann sula mbeidh feidhm ag na MRLanna nua ionas go mbeidh na Ballstáit, tríú tíortha agus oibreoirí gnólachtaí bia in ann iad féin a oiriúnú do na ceanglais nua a thagann as an modhnú ar na MRLanna. |
|
(15) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní II agus III a ghabhann le Rialachán (CE) Uimh. 396/2005 i gcomhréir leis an Iarscríbhinn a ghabhann leis an Rialachán seo.
Airteagal 2
Rialachán (CE) Uimh. 396/2005 mar a bhí sé sular leasaíodh é leis an Rialachán seo, beidh feidhm aige go fóill maidir le táirgí a cuireadh ar mhargadh an Aontais roimh an 19 Lúnasa 2025.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 19 Lúnasa 2025.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 29 Eanáir 2025.
Thar ceann an Choimisiúin
An tUachtarán
Ursula VON DER LEYEN
(1) IO L 70, 16.3.2005, lch. 1, ELI: http://data.europa.eu/eli/reg/2005/396/oj.
(2) An tÚdarás Eorpach um Shábháilteacht Bia; Athbhreithniú ar na huasleibhéil iarmhar atá ann cheana le haghaidh socsaimíde de réir Airteagal 12 de Rialachán (CE) Uimh. 396/2005 agus lena socraítear lamháltas allmhairiúcháin le haghaidh oinniún, gairleoige agus seallóidí; EFSA Journal [Iris EFSA] 2023; 21(12):e8427. https://doi.org/10.2903/j.efsa.2023.8427.
IARSCRÍBHINN
Leasaítear Iarscríbhinní II agus III a ghabhann le Rialachán (CE) Uimh. 396/2005 mar a leanas:
|
(1) |
in Iarscríbhinn II, cuirtear an méid seo a leanas in ionad an cholúin le haghaidh socsaimíde: ‘ Iarmhair lotnaidicídí agus uasleibhéil iarmhar (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
i gCuid A d’Iarscríbhinn III, scriostar an colún le haghaidh socsaimíde. |
(*1) íosteorainn an chinnidh anailísigh
(1) Chun liosta iomlán na dtáirgí de thionscnamh ainmhíoch agus plandaí a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I
((+)) Comhcheangal táirge-lotnaidicíde a bhfuil fonóta ann ina leith. Tá liosta na bhfonótaí thíos.
ELI: http://data.europa.eu/eli/reg/2025/146/oj
ISSN 1977-0839 (electronic edition)