|
12.6.2020 |
MT |
Il-Ġurnal Uffiċjali tal-Unjoni Ewropea |
L 187/12 |
DEĊIŻJONI TAL-KUNSILL (UE) 2020/769
tal-10 ta’ Ġunju 2020
li tistabbilixxi l-pożizzjoni li għandha tiġi adottata f’isem l-Unjoni Ewropea fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika fir-rigward tal-emendar tal-Ftehim
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 50(2) tiegħu,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (1) (“il-Ftehim dwar il-Ħruġ”) ġie konkluż mill-Unjoni permezz tad-Deċiżjoni tal-Kunsill (UE) 2020/135 (2) u daħal fis-seħħ fl-1 ta’ Frar 2020. |
|
(2) |
Il-punt (d) tal-Artikolu 164(5) tal-Ftehim dwar il-Ħruġ jagħti s-setgħa lill-Kumitat Konġunt li jadotta deċiżjonijiet li jemendaw lil dak il-Ftehim, dment li tali emendi jkunu meħtieġa biex jikkoreġu żbalji, biex jindirizzaw l-ommissjonijiet jew nuqqasijiet oħrajn, jew biex jindirizzaw sitwazzjonijiet li ma kinux previsti meta ġie ffirmat il-Ftehim, u dment li tali deċiżjonijiet ma jemendawx l-elementi essenzjali ta’ dak il-Ftehim. Skont l-Artikolu 166(2) tal-Ftehim dwar il-Ħruġ, id-deċiżjonijiet adottati mill-Kumitat Konġunt huma vinkolanti għall-Unjoni u għar-Renju Unit. L-Unjoni u r-Renju Unit iridu jimplimentaw it-tali deċiżjonijiet, li jkollhom l-istess effett legali tal-Ftehim dwar il-Ħruġ. Skont l-Artikolu 182 tal-Ftehim dwar il-Ħruġ, il-Protokoll dwar l-Irlanda/l-Irlanda ta’ Fuq jifforma parti integrali minn dak il-Ftehim. |
|
(3) |
Ċerti dati msemmija fil-Ftehim dwar il-Ħruġ kienu laħqu għaddew fil-mument li daħal fis-seħħ. Għaldaqstant jenħtieġ li dawk id-dati jiġu emendati u jenħtieġ li jsiru flimkien aġġustamenti korrispondenti, fl-interess taċ-ċertezza legali. |
|
(4) |
L-Artikolu 145 tal-Ftehim dwar il-Ħruġ ma fihx dispożizzjonijiet li jirregolaw l-għotjiet taħt il-Fond tar-Riċerka għall-Faħam u l-Azzar li ngħataw lill-benefiċjarji tar-Renju Unit qabel tmiem il-perijodu ta’ tranżizzjoni. Għaldaqstant jenħtieġ li l-Artikolu 145 tal-Ftehim dwar il-Ħruġ jiġi ssupplementat f’dan ir-rigward, biex jipprovdi ċertezza legali fir-rigward tal-għotjiet li għadhom għaddejjin. |
|
(5) |
Bi żvista, żewġ deċiżjonijiet tal-Kummissjoni Amministrattiva għall-Koordinazzjoni tas-Sistemi tas-Sigurtà Soċjali ma ġewx imniżżla fil-Parti I tal-Anness I tal-Ftehim dwar il-Ħruġ u tmien atti li huma essenzjali għall-applikazzjoni tar-regoli tas-suq intern għall-merkanzija għall-Irlanda ta’ Fuq ma ġewx imniżżla fl-Anness 2 għall-Protokoll dwar l-Irlanda/l-Irlanda ta’ Fuq. Dawk id-deċiżjonijiet u l-atti għaldaqstant jenħtieġ li jiżdiedu ma’ dawk l-annessi. Barra minn hekk, huma meħtieġa wkoll tliet noti biex jiddefinixxu ulterjorment il-kamp ta’ applikazzjoni ta’ ċerti atti speċifiċi mniżżla fl-Anness 2 għall-Protokoll dwar l-Irlanda/l-Irlanda ta’ Fuq. Għaldaqstant jenħtieġ li dawn in-noti jiżdiedu mal-Anness 2 għall-Protokoll dwar l-Irlanda/l-Irlanda ta’ Fuq. |
|
(6) |
Jenħtieġ li l-Kumitat Konġunt jadotta deċiżjoni skont l-Artikolu 164(5)(d) tal-Ftehim dwar il-Ħruġ biex jiġu indirizzati dawn l-ommissjonijiet u nuqqasijiet. |
|
(7) |
Għaldaqstant, huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Kumitat Konġunt, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fil-Kumitat Konġunt stabbilit mill-Ftehim dwar il-Ħruġ fir-rigward tal-emendar tal-Ftehim dwar il-Ħruġ f’konformità mal-Artikolu 164(5)(d) tiegħu għandha tkun li l-Ftehim dwar il-Ħruġ jiġi emendat kif ġej:
|
(1) |
Fl-Artikolu 135, fit-titolu, il-kliem “baġits tal-Unjoni għas-snin 2019 u 2020” għandhom jiġu sostitwiti bil-kliem “baġit tal-Unjoni għas-sena 2020”, u fil-paragrafu 1, il-kliem “snin 2019 u” għandhom jiġu sostitwiti bil-kelma “sena” u l-kelma “baġit” għandha tiġi sostitwita bil-kelma “baġit”; |
|
(2) |
Fl-Artikolu 137, fit-titlu u fl-ewwel subparagrafu tal-paragrafu 1, il-kliem “fl-2019 u” għandhom jitħassru; |
|
(3) |
L-Artikolu 143(1) għandu jiġi emendat kif ġej:
|
|
(4) |
Fl-Artikolu 144(1), fit-tieni subparagrafu, “31 ta’ Lulju 2019” għandha tiġi sostitwita b’“31 ta’ Lulju 2020”; |
|
(5) |
Fl-Artikolu 145, għandu jiżdied il-paragrafu li ġej: “Fir-rigward tal-proġetti taħt il-Fond ta’ Riċerka dwar il-Faħam u l-Azzar stabbilit mill-Protokoll 37 għat-Trattat dwar l-Unjoni Ewropea u għat-Trattat dwar il-Funzjonament tal-Unjoni Ewropea taħt ftehimiet ta’ għotja ffirmati qabel it-tmiem tal-perjodu ta’ tranżizzjoni, għandu jkompli japplika d-dritt tal-Unjoni applikabbli fir-Renju Unit u għalih wara t-tmiem tal-perjodu ta’ tranżizzjoni, sa ma jingħalqu l-proġetti. Id-dritt applikabbli tal-Unjoni għandu jinkludi b’mod partikolari d-dispożizzjonijiet li ġejjin, u kwalunkwe emenda lil dawk id-dispożizzjonijiet, irrispettivament mid-data tal-adozzjoni, tad-dħul fis-seħħ jew tal-applikazzjoni tal-emenda:
|
|
(6) |
l-Artikolu 150 għandu jiġi emendat kif ġej:
|
|
(7) |
Fl-Anness 2 għall-Protokoll dwar l-Irlanda/l-Irlanda ta’ Fuq, għandhom jiddaħħlu n-noti li ġejjin:
|
|
(8) |
Fl-Anness 2 għall-Protokoll dwar l-Irlanda/l-Irlanda ta’ Fuq, għandhom jinżdiedu l-atti li ġejjin:
|
|
(9) |
Fil-Parti I tal-Anness I għall-Ftehim dwar il-Ħruġ, għandhom jinżdiedu l-atti li ġejjin:
|
Artikolu 2
Kwalunkwe deċiżjoni tal-Kumitat Konġunt li temenda l-Ftehim dwar il-Ħruġ skont il-paragrafu 1 għandha tiġi ppubblikata f’Il-Ġurnal Uffiċjali tal-Unjoni Ewropea.
Artikolu 3
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, l-10 ta’ Ġunju 2020.
Għall-Kunsill
Il-President
A. METELKO-ZGOMBIĆ
(2) Id-Deċiżjoni tal-Kunsill (UE) 2020/135 tat-30 ta’ Jannar 2020 dwar il-konklużjoni tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 1).
(3) Id-Deċiżjoni tal-Kunsill 2003/76/KE tal-1 ta’ Frar 2003 li tistabbilixxi l-miżuri neċessarji għall-implimentazzjoni tal-Protokoll, anness mat-Trattat li tistabbilixxi l-Komunità, fuq il-konsegwenzi finanzjarji tad-data tal-għeluq tat-Trattat tal-KEFA u fuq il-Fond tar-Riċerka tal-Faħam u l-Azzar (ĠU L 29, 5.2.2003, p. 22).
(4) Id-Deċiżjoni tal-Kunsill 2003/77/KE tal-1 ta’ Frar 2003 li tistabbilixxi linji gwida finanzjarji multiannwali għall-amministrazzjoni ta’ l-assi tal-KEFA f’likwidazzjoni u, mat-twettiq tal-likwidazzjoni, l-Assi tal-Fond ta’ Riċerka għall-Faħam u l-Azzar (ĠU L 29, 5.2.2003, p. 25).
(5) Id-Deċiżjoni tal-Kunsill 2008/376/KE tad-29 ta’ April 2008 dwar l-adozzjoni tal-Programm ta’ Riċerka tal-Fond Ewropew għar-Riċerka dwar il-Faħam u l-Azzar u dwar il-linji gwida tekniċi pluriennali għal dan il-programm (ĠU L 130, 20.5.2008, p. 7).
(8) ĠU L 155, 12.6.2019, p. 1.
(9) ĠU L 334, 16.12.2011, p. 1.
(10) ĠU 125, 11.7.1966, p. 2298.
(11) ĠU L 226, 13.8.1998, p. 16.
(12) ĠU L 205, 1.8.2008, p. 28.