|
6.7.2021 |
MT |
Il-Ġurnal Uffiċjali tal-Unjoni Ewropea |
C 266/5 |
Avviż minn qabel ta’ konċentrazzjoni
(Il-Każ M.10243 — HanseWerk/EDF/IPP/earh/Hypion JV)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2021/C 266/05)
1.
Fit-23 ta’ Ġunju 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
HanseWerk AG (“HAW”, il-Ġermanja), ikkontrollata minn E.ON SE (il-Ġermanja), |
|
— |
EDF Deutschland GmbH (il-Ġermanja), sussidjarja ta’ EDF S.A. (“EDF”, Franza), |
|
— |
IPP Projects GmbH (“IPP”, il-Ġermanja), sussidjarja ta’ Possel & Koselowske Holding GmbH (il-Ġermanja), parti mill-Grupp IPP (il-Ġermanja), |
|
— |
Entwicklungsagentur Region Heide AöR (“EARH”, il-Ġermanja), |
|
— |
Hypion GmbH (“Hypion”, il-Ġermanja). |
HAW, EDF, IPP u EARH jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll bi sħab ta’ Hypion kollha kemm hi.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
HAW: tħaddem grilji tal-enerġija li jfornu l-elettriċità, il-gass jew is-sħana u toffri soluzzjonijiet tal-enerġija b’enfasi fuq it-tħaddim tal-grilja u l-ġenerazzjoni deċentralizzata tal-enerġija fit-Tramuntana tal-Ġermanja, |
|
— |
EDF: il-produzzjoni, il-bejgħ bl-ingrossa, il-kummerċ u l-provvista tal-elettriċità, kif ukoll li tkun attiva fis-swieq tas-servizzi tal-gass u tal-enerġija, fil-kostruzzjoni, fit-tħaddim u fil-manutenzjoni tal-impjanti tal-elettriku u tan-networks tal-enerġija, u fil-provvista tar-riċiklaġġ tal-iskart u tas-servizzi tal-enerġija, |
|
— |
IPP: parti minn Grupp li huwa attiv fl-oqsma tal-ippjanar, il-konsultazzjoni, it-tfassil, il-valutazzjoni, il-ġestjoni tal-kostruzzjoni u l-koordinazzjoni tal-proġetti għall-oqsma kollha tal-protezzjoni ambjentali fl-inġinerija tal-kostruzzjoni u tal-proċess, |
|
— |
EARH: istituzzjoni taħt il-liġi pubblika Ġermaniża mwaqqfa mill-belt ta’ Heide u 11-il muniċipalità oħra qrib Heide, il-Ġermanja ta’ Fuq li tiżviluppa u timplimenta kunċetti mmirati lejn l-iżvilupp tad-djar, l-ekonomija u l-kummerċ (inkluż il-ħolqien ta’ impjiegi fis-settur tal-enerġija rinnovabbli), il-bejgħ bl-imnut, it-trasport pubbliku, l-edukazzjoni, l-infrastruttura soċjali, il-pajsaġġ u r-rikreazzjoni, |
|
— |
Hypion: l-iżvilupp u l-bejgħ ta’ proġetti fil-qasam tal-idroġenu ekoloġiku u gassijiet industrijali oħra prodotti mill-idroġenu ekoloġiku fit-Tramuntana tal-Ġermanja. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10243 — HanseWerk/EDF/IPP/EARH/Hypion JV
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles / Brussel |
|
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).