L_2010125MT.01000201.xml

ANNESS

OĠĠETTI SPEĊIFIĊI LI GĦANDHOM JIĠU VVERIFIKATI MATUL SPEZZJONI ESTIŻA

(kif imsemmi fl-Artikolu 14(4) tad-Direttiva 2009/16/KE)

A. It-tipi kollha ta’ bastimenti

(a) Il-kondizzjoni strutturali

—	Il-kondizzjoni tal-buq u l-gverta

(b) Il-kondizzjoni tar-reżistenza għall-ilma jew tar-reżistenza għall-maltemp

—	il-bibien reżistenti għall-ilma/għall-maltemp

—	il-ventilaturi, il-pajpijiet tal-arja u l-kisja

—	il-bokkaporti

—	Il-qtugħ tad-dawl f’ambjent simulat jew it-tħaddim tal-ġeneratur tal-emerġenza

—	Id-dawl tal-emerġenza

—	Eżami tal-arranġamenti tal-ippumpjar tal-ilma mill-qiegħ tal-bastiment

—	Eżami tat-tagħmir li jingħalaq jew tal-bibien reżistenti għall-ilma

—	Eżami tat-tagħmir tat-tmun inkluż it-tagħmir tat-tmun tal-emerġenza

(d) Il-komunikazzjoni bir-radju

—	Sors ta’ enerġija ta’ riżerva għar-radju

—	Eżami tal-istallazzjoni primarja inkluż il-faċilitajiet li jirċievu informazzjoni dwar is-sikurezza marittima

—	Test tas-settijiet tal-VHF li jistgħu jinġarru tas-Sistema Globali Martittima għall-Periklu u s-Sigurtà (GMDSS)

(e) Sikurezza kontra n-nar

—	Taħriġ fit-tifi tan-nar inkluż wirja ta’ kemm wieħed għandu l-ħila juża l-ħwejjeġ li jużaw il-pompiera u t-tagħmir u l-apparat għat-tifi tan-nar

—	Eżami tal-pompa tal-emerġenza għat-tifi tan-nar (b’żewġ (2) pajpijiet)

—	Eżami tat-twaqqif ta’ emerġenza mill-bogħod tal-ventilazzjoni u tad-dampers konnessi ma’ dan

—	Eżami tat-twaqqif ta’ emerġenza mill-bogħod tal-pompi tal-fjuwil

—	Eżami tal-valvoli li jagħlqu malajr mill-bogħod

—	Bibien kontra n-nar

—	Stallazzjonijiet mwaħħla tat-tifi tan-nar u alarms konnessi magħhom

(f) Alarms

—	Eżami tal-alarm kontra n-nar

(g) Kondizzjonijiet tal-għajxien u tax-xogħol

—	Kondizzjoni tat-tagħmir tal-irmiġġ inkluż is-sisien tal-makkinarju

(h) Attrezzaturi għas-salvataġġ tal-ħajja

—	Arranġamenti għall-varar tal-inġenji tal-baħar għas-salvataġġ (fil-każ li jkun hemm evidenza tal-użu ħażin, l-inġenji tal-baħar għandhom jitniżżlu fl-ilma)

(i) Prevenzjoni tat-tniġġis

—	Eżami tat-tagħmir li jiffiltra ż-żejt

B. Bastiment tal-ġarr bil-massa/OBO (f’każ li tkun qiegħda tinġarr tagħbija bil-massa)

Flimkien mal-oġġetti elenkati taħt it-taqsima A, l-oġġetti li ġejjin għandhom jitqiesu bħala parti mill-ispezzjoni estiża fil-każ tal-bastimenti tal-ġarr bil-massa:

(a) Dokumentazzjoni

Verifika li d-dokumenti li ġejjin jinsabu abbord, kompluti u approvati mill-Istat tal-bandiera jew minn organizzazzjoni rikonoxxuta:

—

Il-programm mtejjeb ta’ stħarriġ (ESP) jinkludi:

(i)	Rapporti ta’ stħarriġ strutturali

(ii)	Rapporti tal-kejl tal-ħxuna

(iii)

Rapporti ta’ evalwazzjoni tal-kondizzjoni

—	Eżamina jekk it-tagħbija tistax tinġarr mid-DoC għall-Oġġetti Perikolużi

—	Approvazzjoni tal-istrumenti tal-merkanzija

(b) Il-kondizzjoni strutturali

—	Kondizzjoni tal-paratiji (bulkeads) u tal-muxxillara (coamings)

—	Tankijiet tas-saborra Għall-anqas wieħed mit-tankijiet tas-saborra fiż-żona tat-tagħbija irid ikun eżaminat minn fetħa fit-tank/aċċess mill-gverta u minn ġewwa jekk l-ispettur jistabbilixxi raġuni ċara msejsa fuq osservazzjoni u r-reġistri tal-ESP.

C. Tanker tal-Gass u tal-Kimika

Flimkien mal-oġġetti elenkati taħt it-taqsima A, l-oġġetti li ġejjin għandhom jitqiesu bħala parti mill-ispezzjoni estiża għat-tankers li jġorru l-gass u l-kimika:

(a) Dokumentazzjoni

—	Eżamina jekk il-prodott li jinġarr jinsabx fuq iċ-Ċertifikat rilevanti ta’ Idoneità

(b) Operazzjonijiet tat-tagħbija

—	Monitoraġġ tat-tank tat-tagħbija u l-mezzi ta’ sikurezza li għandhom x’jaqsmu mat-temperatura, il-pressjoni u l-kwantità li għad fadal sabiex dan jimtela

—	Analiżi tal-ossiġinu u l-mezzi tal-kejl tal-isplussività, inkluż il-kalibrazzjoni tagħhom. Disponibilità ta’ tagħmir li jidentifika l-kimika (minfaħ) b’għadd xieraq ta’ tubi xierqa li jidentifikaw il-gass fit-tagħbija li qiegħda tinġarr

—	Eżami tal-apparat kontra t-tifi tan-nar li jinsab fuq il-gverta

—	Eżami tal-istallazzjonijiet imwaħħla fuq il-gverta f’każ ta’ nirien (kif inhu meħtieġ mill-prodott li jinġarr)

(d) Kondizzjonijiet tal-għajxien u tax-xogħol

—	Settijiet ta’ emerġenza għall-kabini li jkun fihom tagħmir li jipproteġi s-sistema respiratorja u l-għajnejn jekk dan ikun meħtieġ mill-prodotti elenkati fiċ-Ċertifikat rilevanti ta’ Idoneità

D. Tagħbija ġenerali, bastiment tal-merkanzija f’kontejners, bastiment li jġorr tagħbija mkessħa, bastiment fabbrika, bastiment li jġorr merkanzija tqila, bastiment li jipprovdi servizzi offshore, bastiment għall-finijiet speċjali, modu, sistemi li jżommu fil-wiċċ użati għall-ħżin u l-ħatt tal-produzzjoni (FPSO), tipi oħra ta’ bastimenti

Flimkien mal-oġġetti elenkati taħt it-taqsima A, l-oġġetti li ġejjin għandhom jitqiesu bħala parti mill-ispezzjoni estiża fil-każ tat-tipi ta’ bastimenti msemmija f’ din it-Taqsima:

(a) Il-kondizzjoni tat-tqalfit jew tar-reżistenza għall-maltemp

—	Kondizzjoni tal-koperturi tal-bokkaporti

—	Aċċess għall-istivi/tankijiet tat-tagħbija

(b) Operazzjonijiet tat-tagħbija

—	Tagħmir għat-tagħbija tal-merkanzija

—	Arranġamenti għall-irbit tal-merkanzija

E. Tanker taż-żejt/OBO (meta dan ikun iċċertifikat bħala tanker taż-żejt)

Flimkien mal-oġġetti elenkati taħt it-taqsima A, l-oġġetti li ġejjin għandhom jitqiesu bħala parti mill-ispezzjoni estiża fil-każ tat-tankers taż-żejt:

(a) Dokumentazzjoni

Verifika li d-dokumenti li ġejjin jinsabu abbord, kompluti u approvati mill-Istat tal-bandiera jew minn organizzazzjoni rikonoxxuta

—

Il-programm mtejjeb ta’ stħarriġ (ESP) jinkludi:

(i)	Rapporti ta’ stħarriġ strutturali

(ii)	Rapporti tal-kejl tal-ħxuna

(iii)

Rapporti ta’ evalwazzjoni tal-kondizzjoni

—	Ċertifikat tal-fowm għal sistemi tat-tifi tan-nar li jużaw il-fowm ta’ fuq il-gverta

(b) Il-kondizzjoni strutturali

—	Tankijiet tas-saborra Għall-anqas wieħed mit-tankijiet tas-saborra fiż-żona tat-tagħbija irid ikun eżaminat minn fetħa fit-tank/aċċess mill-gverta u minn ġewwa jekk l-ispettur jistabbilixxi raġuni ċara msejsa fuq osservazzjoni u r-reġistri tal-ESP.

—	Sistema tat-tifi tan-nar li tuża l-fowm imwaħħla fuq il-gverta

—	Kontroll ta’ pressjoni tal-gas minn ġewwa u l-kontenut tal-ossiġinu tiegħu

F. L-unità tal-inġenji b’veloċità għolja (hsc) tal-passiġġieri, bastimenti tal-passiġġieri, bastimenti tal-passiġġieri ro-ro

Flimkien mal-oġġetti elenkati taħt it-taqsima A, l-oġġetti li ġejjin għandhom jitqiesu bħala parti mill-ispezzjoni estiża fil-każ tal-bastimenti tal-passiġġieri:

Jekk ikun jidher xieraq, partijiet mill-ispezzjonijiet li jsiru fuq il-laneċ Ro-Ro u l-inġenji tal-baħar ta’ veloċità kbira għall-passiġġieri li huma msemmijin fid-Direttiva tal-Kunsill 1999/35/KE (1) jistgħu jibqgħu jsiru meta l-bastiment ikun qiegħed isalpa minn port għall-ieħor tal-Istati Membri bil-kunsens tal-kaptan jew tal-operatur sabiex juru li l-lanċa jew l-inġenju tal-baħar għadu jissodisfa r-rekwiżiti neċessarji sabiex jibqgħu joperaw b’mod sikur. L-uffiċjali tal-kontroll tal-Istat tal-port ma għandhomx ixekklu l-operazzjoni tal-bastiment jew joħolqu sitwazzjonjiet, fejn fil-ġudizzju tal-kaptan, tista’ tpoġġi s-sikurezza tal-passiġġieri, l-ekwipaġġ jew il-bastiment fil-periklu.

(a) Dokumentazzjoni

Dokumenti li jagħtu evidenza ta’:

—	Taħriġ dwar il-kontroll ta’ folol

—	Taħriġ ta’ familjarizzazzjoni

—	Taħriġ dwar is-sikurezza għall-persunal li jipprovdi assistenza diretta ta’ sigurtà lill-passiġġieri fi spazji tal-passiġġieri, u b’mod partikolari lill-persuni anzjani jew bi bżonnijiet speċjali f’każ ta’ emerġenza

—	Kontroll ta’ kriżi u taħriġ dwar l-imġiba tal-bniedem

(b) Il-kondizzjoni tar-reżistenza għall-ilma jew tar-reżistenza għall-maltemp

—	Bibien tal-pruwa u tal-poppa kif inhu applikabbli

—	Eżami tal-kontrolli mill-bogħod u lokali tal-bibien tal-paratija reżistenti għall-ilma

—	Il-familjarità tal-ekwipaġġ mal-pjan ta’ kontroll tal-ħsara

(d) Operazzjonijiet tat-tagħbija

—	Arranġamenti għall-irbit tal-merkanzija kif inhu applikabbli

(e) Sikurezza kontra n-nar

—	Eżami tal-kontrolli mill-bogħod u lokali għall-għeluq ta’ dampers għan-nar

(f) Alarms

—	Eżami tas-sistema ta’ indirizz pubbliku

—	Eżami tas-sistema li tidentifika n-nar u tas-sistema ta’ alarm

(g) Attrezzaturi għas-salvataġġ tal-ħajja

—	Taħriġ dwar l-abbandun tal-bastiment (inkluż it-tniżżil ta’ dgħajsa tas-salvataġġ fl-ilma)

G. Bastiment tat-tagħbija Ro-Ro

Flimkien mal-oġġetti elenkati taħt it-taqsima A, l-oġġetti li ġejjin għandhom jitqiesu bħala parti mill-ispezzjoni estiża fil-każ tal-bastimenti tat-tagħbija Ro-Ro:

(a) Kondizzjoni tat-tqalfit jew tar-reżistenza għall-maltemp

—	Bibien tal-pruwa u tal-poppa

(b) Operazzjonijiet tat-tagħbija

—	Arranġamenti għall-irbit tal-merkanzija

(1) ĠU L 138, 1.6.1999, p. 1.