|
28.9.2012 |
MT |
Il-Ġurnal Uffiċjali tal-Unjoni Ewropea |
L 263/44 |
DEĊIŻJONI TAL-KUNSILL 2012/527/PESK
tas-27 ta’ Settembru 2012
li temenda d-Deċiżjoni 2010/573/PESK li tikkonċerna miżuri restrittivi kontra t-tmexxija tar-reġjun Transnistrijan tar-Repubblika tal-Moldova
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Billi:
|
(1) |
Fis-27 ta’ Settembru 2010, il-Kunsill adotta d-Deċiżjoni 2010/573/PESK li tikkonċerna miżuri restrittivi kontra t-tmexxija tar-reġjun Transnistrijan tar-Repubblika tal-Moldova (1). |
|
(2) |
Fid-dawl tal-progress fil-kisba ta’ ftehim politiku għall-konflitt Transnistrijan u fir-restawr tal-moviment liberu tal-persuni matul il-fruntiera amministrattiva tar-reġjun Transnistrijan, għandhom jitneħħew il-miżuri restrittivi li japplikaw fir-rigward tal-Anness I għad-Deċiżjoni 2010/573/PESK. |
|
(3) |
Il-miżuri restrittivi li japplikaw fir-rigward tal-Anness II għad-Deċiżjoni 2010/573/PESK għandhom jiġu estiżi sat-30 ta’ Settembru 2013. Madankollu, sabiex jiġi mħeġġeġ progress fl-indirizzar tal-problemi pendenti fir-rigward tal-iskejjel li jgħallmu bl-alfabett Latin, il-persuni inklużi fil-lista li tinsab fl-Anness II għad-Deċiżjoni 2010/573/PESK għandhom jitneħħew mil-lista. |
|
(4) |
Id-Deċiżjoni 2010/573/PESK għandha għalhekk tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
Id-Deċiżjoni 2010/573/PESK hi b’dan emendata kif ġej:
|
(1) |
L-Artikolu 1(1) huwa emendat kif ġej:
|
|
(2) |
L-Artikolu 2 huwa sostitwit b’dan li ġej: “Artikolu 2 Il-Kunsill, filwaqt li jaġixxi fuq proposta minn Stat Membru jew mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà, għandu jadotta emendi għal-listi li jinsabu fl-Anness kif meħtieġ minn żviluppi rilevanti fir-Repubblika tal-Moldova.”. |
|
(3) |
L-Artikolu 4 huwa sostitwit b’dan li ġej: “Artikolu 4 1. Din id-Deċiżjoni għandha tidħol fis-seħħ fid-data tal-adozzjoni tagħha. 2. Din id-Deċiżjoni għandha tapplika sat-30 ta’ Settembru 2013. Hija għandha tkun riveduta b’mod kontinwu. Hija tista tiġi mġedda jew emendata, kif adegwat, jekk il-Kunsill iqis li l-objettivi tagħha ma jkunux intlaħqu.”. |
|
(4) |
L-Anness I huwa mħassar. |
|
(5) |
L-Anness II huwa sostitwit bit-test li jidher fl-Anness għal din id-Deċiżjoni. |
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-27 ta’ Settembru 2012.
Għall-Kunsill
Il-President
A. D. MAVROYIANNIS
ANNESS
“ANNESS
Persuni msemmija fl-Artikolu 1(1)
…”