(1)

Tháinig an Comhaontú Comhpháirtíochta Eacnamaíche (CCE) idir an tAontas Eorpach, de pháirt, agus Poblacht na Céinia, Comhalta de Chomhphobal na hAfraice Thoir, den pháirt eile (1) (‘an Comhaontú’) i bhfeidhm an 1 Iúil 2024.

(2)

De bhun Airteagail 104, 106 agus 108 den Chomhaontú, bunaíodh Comhairle CCE, Coiste na nOifigeach Sinsearach agus Coiste Comhairleach CCE (‘na trí institiúid’), faoi seach.

(3)

De bhun Airteagal 108(2) den Chomhaontú, tá Comhairle CEE le cinneadh a dhéanamh maidir leis an rannpháirtíocht i gCoiste Comhairleach CCE, ar mholtaí a fháil ó Choiste na nOifigeach Sinsearach.

(4)

De bhun Airteagal 108(4) den Chomhaontú, is é Coiste Comhairleach CCE a ghlacfaidh a Rialacha Nós Imeachta, i gcomhaontú le Coiste na nOifigeach Sinsearach.

(5)

Is iomchuí an seasamh atá le glacadh thar ceann an Aontais laistigh de na trí institiúid sin a bhunú, ós rud é go mbeidh éifeachtaí dlíthiúla san Aontas ag an Moladh ó Choiste na nOifigeach Sinsearach chuig Comhairle CCE maidir le rannpháirtíocht i gCoiste Comhairleach CEE, an cinneadh ó Chomhairle CCE maidir le rannpháirtíocht i gCoiste Comhairleach CCE, an cinneadh ó Choiste na nOifigeach Sinsearach maidir lena chomhaontú le Rialacha Nós Imeachta Choiste Comhairleach CCE a ghlacadh agus an Cinneadh ó Choiste Comhairleach CCE maidir lena Rialacha Nós Imeachta a ghlacadh.

(6)

Seasamh an Aontais laistigh de na trí institiúid sin a mhéid a bhaineann leis an Moladh ó Choiste na nOifigeach Sinsearach chuig Comhairle CCE maidir le rannpháirtíocht i gCoiste Comhairleach CEE, an Cinneadh ó Chomhairle CCE maidir le rannpháirtíocht i gCoiste Comhairleach CCE, an Cinneadh ó Choiste na nOifigeach Sinsearach maidir lena chomhaontú le Rialacha Nós Imeachta Choiste Comhairleach CCE a ghlacadh agus an Cinneadh ó Choiste Comhairleach CCE maidir lena Rialacha Nós Imeachta a ghlacadh, ba cheart é a bheith bunaithe ar an Dréachtmholadh agus ar na Dréachtchinntí faoi seach ó na trí institiúid atá i gceangal leis an gCinneadh seo,