(1)

Le Rialachán (CE) Uimh. 1831/2003 foráiltear d’údarú breiseán lena n-úsáid i gcothú ainmhithe agus don fhoras agus do na nósanna imeachta chun an t-údarú sin a dheonú.

(2)

I gcomhréir le hAirteagal 7(1) de Rialachán (CE) Uimh. 1831/2003 cuireadh isteach iarratas maidir le glútamáit mhonasóidiam a tháirgtear trí choipeadh le Corynebacterium glutamicum KCCM 80187. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le glútamáit mhonasóidiam a údarú mar bhreiseán beathaithe le haghaidh gach speicis ainmhíoch, breiseán atá le haicmiú sa chatagóir “breiseáin chéadfacha” agus san fheidhmghrúpa “comhdhúile blaistithe”.

(4)

D’iarr an t-iarratasóir go ndéanfaí an breiseán a údarú freisin lena úsáid in uisce óil. Le Rialachán (CE) Uimh. 1831/2003, áfach, ní cheadaítear “comhdhúile blaistithe” a údarú lena n-úsáid in uisce óil. Dá bhrí sin níor cheart úsáid glútamáit mhonasóidiam a tháirgtear trí choipeadh le Corynebacterium glutamicum KCCM 80187 a cheadú in uisce óil.

(5)

I dtuairim an 10 Samhain 2021 ón Údarás Eorpach um Shábháilteacht Bia (“an tÚdarás”), is é an chonclúid ar ar thángthas (2) nach bhfuil éifeachtaí díobhálacha ag glútamáit mhonasóidiam a tháirgtear trí choipeadh le Corynebacterium glutamicum KCCM 80187 ar shláinte ainmhithe, ar shábháilteacht tomhaltóirí ná ar an gcomhshaol faoi na coinníollacha úsáide atá beartaithe. Sa tuairim tháinig an tÚdarás ar an gconclúid nach bhfuil an breiseán tocsaineach trí ionanálú, nach greannaitheoir craicinn ná súl é agus nach íogróir deirmeach é. Thairis sin, tháinig an tÚdarás ar an gconclúid go bhfuil glútamáit mhonasóidiam éifeachtúil chun cur le blas an bheatha ainmhithe. D’fhíoraigh an tÚdarás freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe agus é i mbeatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(6)

Léirítear leis an measúnú ar ghlútamáit mhonasóidiam a tháirgtear trí choipeadh le Corynebacterium glutamicum KCCM 80187 go gcomhlíontar na coinníollacha maidir le húdarú, faoi mar a fhoráiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú mar a shonraítear san Iarscríbhinn a ghabhann leis an Rialachán seo.

(7)

Ba cheart foráil a dhéanamh maidir le coinníollacha áirithe chun go mbeifear in ann rialú níos fearr a dhéanamh. Go háirithe, ba cheart cion molta a shonrú ar lipéad na mbreiseán beathaithe. I gcás ina sárófar an cion sin, ba cheart faisnéis áirithe a shonrú ar lipéad na réamh-mheascán.

(8)

Maidir le glútamáit mhonasóidiam a tháirgtear trí choipeadh le Corynebacterium glutamicum KCCM 80187, cé nach n-údaraítear í lena húsáid mar bhlastán in uisce óil, ní chuirtear bac ar a húsáid i mbeatha cumaisc a thugtar trí uisce.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,