(1)

L-Istati Membri ppreżentaw il-lista tal-installazzjonijiet fit-territorju tagħhom skont l-Artikolu 11(1) tad-Direttiva 2003/87/KE lill-Kummissjoni.

(2)

F’konformità mal-Artikolu 2 tad-Deċiżjoni tal-Kummissjoni (UE) 2021/355 (3), il-Kummissjoni ma ressqet l-ebda oġġezzjoni għal-listi tal-installazzjonijiet koperti mid-Direttiva 2003/87/KE kif ippreżentati mill-Belġju, mill-Bulgarija, miċ-Ċekja, mid-Danimarka, mill-Ġermanja, mill-Estonja, mill-Irlanda, mill-Greċja, minn Spanja, minn Franza, mill-Kroazja, mill-Italja, minn Ċipru, mil-Latvja, mil-Litwanja, mil-Lussemburgu, mill-Ungerija, min-Netherlands, mill-Awstrija, mill-Polonja, mill-Portugall, mir-Rumanija, mis-Slovenja, mis-Slovakkja, mill-Finlandja u mill-Iżvezja, għajr kif stabbilit fl-Artikolu 1 u fl-Annessi ta’ dik id-Deċiżjoni.

(3)

L-Istati Membri ddeterminaw u nnotifikaw l-ammonti annwali preliminari ta’ kwoti bla ħlas għal kull installazzjoni bl-użu tal-valuri tal-parametru referenzjarju riveduti ddeterminati fir-Regolament ta’ Implimentazzjoni tal-Kummissjoni (UE) 2021/447 (4), skont l-Artikolu 14(5) tar-Regolament Delegat tal-Kummissjoni (UE) 2019/331 (5).

(4)

Fl-Artikolu 1 tad-Deċiżjoni ta’ Implimentazzjoni tal-Kummissjoni (UE) 2021/927 (6), ġie ddeterminat li ma jeħtieġ li jiġi applikat l-ebda aġġustament lill-ammonti annwali preliminari tal-kwoti bla ħlas skont l-Artikolu 10a(5) tad-Direttiva 2003/87/KE, peress li d-domanda ma qabżitx l-ammont massimu.

(5)

Id-Danimarka nnotifikat xi bidliet fit-tabella tal-allokazzjoni nazzjonali tagħha, permezz ta’ ittra bid-data tal-1 ta’ Lulju 2024. Għall-installazzjoni Dk-342, ġie kkoreġut il-livell ta’ attività storiku tas-subinstallazzjoni tat-tisħin distrettwali.

(6)

Il-Ġermanja nnotifikat xi bidliet fit-tabella tal-allokazzjoni nazzjonali tagħha, permezz ta’ ittra bid-data tal-1 ta’ Lulju 2024. Il-fatturi ta’ skambjabbiltà tal-elettriku tas-subinstallazzjoni EAF tal-azzar bil-karbonju u tas-subinstallazzjoni tal-azzar illigat ħafna EAF ġew ikkoreġuti għall-installazzjoni DE-67. Għall-installazzjoni DE-201900, ġew ikkoreġuti l-livelli ta’ attività storiċi tas-subinstallazzjonijiet tas-sħana u tas-subinstallazzjoni tat-tisħin distrettwali.

(7)

Franza nnotifikat xi bidliet fit-tabella tal-allokazzjoni nazzjonali tagħha, permezz ta’ ittra bid-data tal-4 ta’ Lulju 2024. Fit-tabella tal-allokazzjoni nazzjonali oriġinali, l-installazzjoni FR-217260 ġiet irrappurtata bin-numru tal-kont tar-reġistru żbaljat. In-numru permanenti l-ġdid ġie sostitwit min-numru ta’ identifikazzjoni FR-461. Is-subinstallazzjoni tal-fjuwil tħassret, u l-livell storiku tal-attività tas-subinstallazzjoni tas-sħana ġie kkoreġut għall-installazzjoni FR-90. Għall-installazzjoni FR-205489, ġew ikkoreġuti l-livelli ta’ attività storiċi tas-subinstallazzjoni tas-sħana u tas-subinstallazzjoni tal-fjuwil. Għall-installazzjoni FR-203838, ġew ikkoreġuti l-livelli ta’ attività storiċi tas-subinstallazzjoni tas-sħana u tas-subinstallazzjoni tal-fjuwil.

(8)

Il-Kroazja nnotifikat xi bidliet fit-tabella tal-allokazzjoni nazzjonali tagħha, permezz ta’ ittri bid-dati tas-26 ta’ Frar 2024 u tas-27 ta’ Ġunju 2024. Il-fattur ta’ skambjabbiltà tal-elettriku fis-subinstallazzjoni EAF tal-azzar bil-karbonju.għall-installazzjoni HR-204295, ġie kkoreġut. Għall-installazzjoni HR-203853, ġew ikkoreġuti l-livelli ta’ attività storiċi tas-subinstallazzjoni tal-fjuwil u tas-subinstallazzjoni ta’ emissjonijiet minn proċess. Għall-installazzjoni HR-205104, ġew ikkoreġuti l-livelli ta’ attività storiċi tas-subinstallazzjoni tal-fjuwil u tas-subinstallazzjoni ta’ emissjonijiet minn proċess. Għall-installazzjoni HR-205683, ġie kkoreġut il-livell ta’ attività storiku tas-subinstallazzjoni tad-dolim.

(9)

L-Italja nnotifikat xi bidliet fit-tabella tal-allokazzjoni nazzjonali tagħha, permezz ta’ ittra bid-data tat-28 ta’ Frar 2024. L-istallazzjoni l-IT-219761 ġiet stallata għall-allokazzjoni bla ħlas fil-qafas tas-Sistema għall-Iskambju ta’ Kwoti tal-Emissjonijiet bin-numru ta’ identifikazzjoni tar-reġistru kkoreġut. In-numru permanenti l-ġdid ġie sostitwit bin-numru ta’ identifikazzjoni T-new-2168.

(10)

Il-Litwanja nnotifikat xi bidliet fit-tabella tal-allokazzjoni nazzjonali tagħha, permezz ta’ ittra bid-data tal-20 ta’ Frar 2024. Għall-installazzjoni LT-38, ġie kkoreġut il-livell ta’ attività storiku tas-subinstallazzjoni tat-tisħin distrettwali.

(11)

L-Awstrija nnotifikat xi bidliet fit-tabella tal-allokazzjoni nazzjonali tagħha, permezz ta’ ittri bid-dati tat-8 ta’ April 2024, it-23 ta’ Mejju 2024, u l-11 ta’ Ġunju 2024. Għall-installazzjoni AT-47, ġew ikkoreġuti l-livelli ta’ attività storiċi tas-subinstallazzjonijiet tas-sħana. Għall-installazzjoni AT-142, ġie kkoreġut il-livell ta’ attività storiku tas-subinstallazzjoni tas-sħana. Ġie kkoreġut il-livell ta’ attività storiku tas-subinstallazzjoni tas-sħana għall-installazzjoni AT-27. Għall-installazzjoni AT-28, ġew ikkoreġuti l-livelli ta’ attività storiċi tas-subinstallazzjoni tas-sħana u tas-subinstallazzjoni tal-fjuwil.

(12)

Il-Portugal innotifika xi bidliet fit-tabella tal-allokazzjoni nazzjonali tagħha, permezz ta’ ittra bid-data tal-14 ta’ Ġunju 2024. Għall-installazzjoni PT-59, ġie kkoreġut il-livell ta’ attività storiku tas-subinstallazzjoni tas-sħana.

(13)

It-tabelli tal-allokazzjonijiet nazzjonali huma f’konformità mal-Artikolu 10c tad-Direttiva 2003/87/KE, mar-Regolament Delegat (UE) 2019/331 u mad-Deċiżjoni (UE) 2021/355.

(14)

Għalhekk huwa xieraq li l-amministratur ċentrali jingħata struzzjonijiet biex idaħħal dawk il-korrezzjonijiet fir-Reġistru tal-Unjoni,