Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/2579 |
16.12.2025 |
CINNEADH (CBES) 2025/2579 ÓN gCOMHAIRLE
an 15 Nollaig 2025
lena leasaítear Cinneadh (CBES) 2020/1639 ón gComhairle lena mbunaítear na coinníollacha ginearálta faoina bhféadfaí cuireadh eisceachtúil a thabhairt do thríú Stáit a bheith rannpháirteach i dtionscadail aonair PESCO
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 46(6) de,
Ag féachaint do Chinneadh (CBES) 2017/2315 ón gComhairle an 11 Nollaig 2017 lena mbunaítear buanchomhar struchtúrtha (PESCO) agus lena gcinntear liosta na mBallstát rannpháirteach (1), agus go háirithe Airteagal 4(2), pointe (g), de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 5 Samhain 2020, ghlac an Chomhairle Cinneadh (CBES) 2020/1639 lena mbunaítear na coinníollacha ginearálta faoina bhféadfaí cuireadh eisceachtúil a thabhairt do thríú Stáit a bheith rannpháirteach i dtionscadail aonair PESCO (2). |
|
(2) |
Foráiltear le hAirteagail 7(2), pointe (a), den Chinneadh sin nach bhféadfaidh eintitis a bheith rannpháirteach i gcur chun feidhme thionscadail PESCO tar éis an 31 Nollaig 2025 ach ar bhonn conarthaí a tugadh i gcrích nó nósanna imeachta soláthair a seoladh roimh an dáta sin. |
|
(3) |
Ar mhaithe le cur chun feidhme leanúnach thionscadail PESCO, is gá na forálacha sin a leasú ionas go mbeidh eintitis in ann a bheith rannpháirteach i gcur chun feidhme thionscadail PESCO go dtí an 31 Nollaig 2030, |
TAR ÉIS AN CINNEADH SEO A GHLACADH:
Airteagal 1
In Airteagal 7(2) de Chinneadh (CBES) 2020/1639, cuirtear an méid seo a leanas in ionad phointe (a):
|
‘(a) |
ní fhéadfaidh eintitis a bheith rannpháirteach i gcur chun feidhme thionscadail PESCO tar éis an 31 Nollaig 2030 ach ar bhonn conarthaí a tugadh i gcrích nó nósanna imeachta soláthair a seoladh faoin dáta sin.’. |
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 15 Nollaig 2025.
Thar ceann na Comhairle
An tUachtarán
K. KALLAS
(1) IO L 331, 14.12.2017, lch. 57, ELI: http://data.europa.eu/eli/dec/2017/2315/oj.
(2) Cinneadh (CBES) 2020/1639 ón gComhairle an 5 Samhain 2020 lena mbunaítear na coinníollacha ginearálta faoina bhféadfaí cuireadh eisceachtúil a thabhairt do thríú Stáit a bheith rannpháirteach i dtionscadail aonair PESCO (IO L 371, 6.11.2020, lch. 3, ELI: http://data.europa.eu/eli/dec/2020/1639/oj).
ELI: http://data.europa.eu/eli/dec/2025/2579/oj
ISSN 1977-0839 (electronic edition)