|
12.1.2023 |
GA |
Iris Oifigiúil an Aontais Eorpaigh |
L 11/38 |
CINNEADH Ó CHOMHCHOISTE LEE Uimh. 269/2019
an 25 Deireadh Fómhair 2019
lena leasaítear Prótacal 31 a ghabhann le Comhaontú LEE, maidir le comhar i réimsí ar leith lasmuigh de na ceithre shaoirse [2023/92]
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (“Comhaontú LEE”), agus go háirithe Airteagail 86 agus 98 de,
De bharr an mhéid seo a leanas:
|
(1) |
Tá an tAontas Eorpach, an Íoslainn agus an Iorua tiomanta a n-astaíochtaí gás ceaptha teasa foriomlána a laghdú, i bhfianaise an mhéadaithe ar an meánteocht dhomhanda a choinneáil i bhfad faoi bhun 2°C os cionn na leibhéal réamhthionsclaíoch, agus iarrachtaí a dhéanamh chun an t-ardú teochta a theorannú go 1.5 C os cionn na leibhéal réamhthionsclaíoch. |
|
(2) |
Rialachán (AE) 2018/841 ó Pharlaimint na hEorpa agus ón gComhairle an 30 Bealtaine 2018 maidir le hastaíochtaí agus aistrithe gás ceaptha teasa ó úsáid talún, athrú ar úsáid talún agus foraoiseacht a chur san áireamh i gcreat 2030 don aeráid agus don fhuinneamh, agus lena leasaítear Rialachán (AE) Uimh. 525/2013 agus Cinneadh Uimh. 529/2013/AE (1), is iomchuí comhar na bPáirtithe Conarthacha i gComhaontú LEE a leathnú chun an Rialachán sin a chumhdach. |
|
(3) |
Rialachán (AE) 2018/842 ó Pharlaimint na hEorpa agus ón gComhairle an 30 Bealtaine 2018 maidir le laghduithe bliantúla ceangailteacha ar astaíochtaí gás ceaptha teasa ag na Ballstáit ó 2021 go 2030 lena rannchuidítear leis an ngníomhú ar son na haeráide agus chun gealltanais a tugadh faoi Chomhaontú Pháras a chomhlíonadh, agus lena leasaítear Rialachán (AE) Uimh. 525/2013 (2), is iomchuí comhar na bPáirtithe Conarthacha i gComhaontú LEE a leathnú chun an Rialachán sin a chumhdach. |
|
(4) |
Rialachán (AE) 2018/1999 ó Pharlaimint na hEorpa agus ón gComhairle an 11 Nollaig 2018 maidir le Rialachas an Aontais Fuinnimh agus na Gníomhaíochta Aeráide, lena leasaítear Rialachán (CE) Uimh. 663/2009 agus Rialachán (CE) Uimh. 715/2009 ó Pharlaimint na hEorpa agus ón gComhairle, Treoracha 94/22/CE, 98/70/CE, 2009/31/CE, 2009/73/CE, 2010/31/AE, 2012/27/AE agus 2013/30/AE ó Pharlaimint na hEorpa agus ón gComhairle, Treoir 2009/119/CE agus Treoir (AE) 2015/652 ón gComhairle agus lena n-aisghairtear Rialachán (AE) Uimh. 525/2013 ó Pharlaimint na hEorpa agus ón gComhairle (3), is iomchuí comhar na bPáirtithe Conarthacha i gComhaontú LEE a leathnú chun forálacha áirithe den Rialachán sin a chumhdach, ar forálacha iad atá riachtanach le haghaidh cur chun feidhme Rialacháin (AE) 2018/841 agus (AE) 2018/842. |
|
(5) |
Rialachán (AE) Uimh. 525/2013 ó Pharlaimint na hEorpa agus ón gComhairle an 21 Bealtaine 2013 maidir le sásra chun faireachán agus tuairisciú a dhéanamh ar astaíochtaí gás ceaptha teasa agus chun faisnéis eile atá ábhartha don athrú aeráide a thuairisciú ar an leibhéal náisiúnta agus ar leibhéal an Aontais agus lena n-aisghairtear Cinneadh Uimh. 280/2004/CE (4), is iomchuí comhar na bPáirtithe Conarthacha i gComhaontú LEE a leathnú chun forálacha áirithe den Rialachán sin a chumhdach, ar forálacha iad atá riachtanach le haghaidh cur chun feidhme Rialachán (AE) 2018/842. |
|
(6) |
Rialachán Cur Chun Feidhme (AE) Uimh. 749/2014 ón gCoimisiún an 30 Meitheamh 2014 maidir le struchtúr, formáid, próisis tíolactha agus athbhreithniú ar fhaisnéis a thuairiscíonn na Ballstáit de bhun Rialachán (AE) Uimh. 525/2013 ó Pharlaimint na hEorpa agus ón gComhairle (5), is iomchuí comhar na bPáirtithe Conarthacha i gComhaontú LEE a leathnú chun forálacha áirithe den Rialachán sin a chumhdach, ar forálacha iad atá riachtanach le haghaidh cur chun feidhme Rialachán (AE) 2018/842. |
|
(7) |
Leis an gCinneadh seo, tá an Íoslainn agus an Iorua ag gníomhú chun a spriocanna maidir le laghdú astaíochtaí a chomhlíonadh, is é sin laghdú 40 % ar a laghad a dhéanamh ar astaíochtaí gás ceaptha teasa faoi 2030 i gcomparáid leis na leibhéil a bhí ann in 1990. |
|
(8) |
Tá an Cinneadh seo gan dochar don chaoi a gcuireann an tAontas, an Íoslainn agus an Iorua Comhaontú Pháras chun feidhme. |
|
(9) |
Ní cuid de Chomhaontú LEE iad saincheisteanna buiséadacha. Dá bhrí sin, tá cur i bhfeidhm Airteagal 5(6) de Rialachán (AE) 2018/842 gan dochar do raon feidhme Chomhaontú LEE. |
|
(10) |
Ba cheart d’Údarás Faireacháin CSTE comhordú go dlúth leis an gCoimisiún aon uair a iarrtar air tabhairt faoi chúraimí a bhaineann leis an Íoslainn agus leis an Iorua de bhun an Chinnidh seo. |
|
(11) |
Na hinniúlachtaí atá ag Údarás Faireacháin CSTE agus Cúirt CSTE de bhun an Chinnidh seo, tá siad teoranta do na hoibleagáidí a dtugtar fúthu leis seo. |
|
(12) |
Ba cheart, dá bhrí sin, Prótacal 31 a ghabhann le Comhaontú LEE a leasú chun go mbeidh an comhar leathnaithe sin ann, |
TAR ÉIS AN CINNEADH SEO A GHLACADH:
Airteagal 1
Cuirfear an mhír seo a leanas isteach i ndiaidh mhír 7 d’Airteagal 3 (Comhshaol) de Phrótacal 31 a ghabhann le Comhaontú LEE:
|
“8. |
|
Airteagal 2
Tiocfaidh an Cinneadh seo i bhfeidhm an 26 Deireadh Fómhair 2019 nó ar an lá tar éis an fhógra dheireanaigh chuig Comhchoiste LEE faoi Airteagal 103(1) de Chomhaontú LEE, cibé acu is déanaí (*1).
Airteagal 3
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil, an 25 Deireadh Fómhair 2019.
Thar ceann Chomhchoiste LEE
An tUachtarán
Gunnar PÁLSSON
(1) IO L 156, 19.6.2018, lch. 1.
(2) IO L 156, 19.6.2018, lch. 26.
(3) IO L 328, 21.12.2018, lch. 1.
(4) IO L 165, 18.6.2013, lch. 13.
(5) IO L 203, 11.7.2014, lch. 23.
(6) IO L 207, 4.8.2015, lch. 1.
(7) IO L 309, 8.11.2012, lch. 38.
(*1) Ní shonraítear aon cheanglas bunreachtúil.
Dearbhú ón Íoslainn agus ón Iorua maidir le pleananna náisiúnta a bhaineann le Cinneadh Uimh. 269/2019 ó Chomhchoiste LEE an 25 Deireadh Fómhair 2019
Is trí na gníomhartha seo a leanas a áireamh i bPrótacal 31 a ghabhann le Comhaontú LEE a bhforbróidh an Íoslainn agus an Iorua, ar bhonn deonach, pleananna náisiúnta ina ndéanfar cur síos ar an gcaoi a bhfuil sé beartaithe acu na gealltanais a thug siad a chomhlíonadh:
|
— |
Rialachán (AE) 2018/841 ó Pharlaimint na hEorpa agus ón gComhairle an 30 Bealtaine 2018 maidir le hastaíochtaí agus aistrithe gás ceaptha teasa ó úsáid talún, athrú ar úsáid talún agus foraoiseacht a chur san áireamh i gcreat 2030 don aeráid agus don fhuinneamh, agus lena leasaítear Rialachán (AE) Uimh. 525/2013 agus Cinneadh Uimh. 529/2013/AE (Rialachán LULUCF) agus |
|
— |
Rialachán (AE) 2018/842 ó Pharlaimint na hEorpa agus ón gComhairle an 30 Bealtaine 2018 maidir le laghduithe bliantúla ceangailteacha ar astaíochtaí gás ceaptha teasa ag na Ballstáit ó 2021 go 2030 lena rannchuidítear leis an ngníomhú ar son na haeráide agus chun gealltanais a tugadh faoi Chomhaontú Pháras a chomhlíonadh, agus lena leasaítear Rialachán (AE) Uimh. 525/2013 (an Rialachán maidir le Comhroinnt Díchill- ESR). |
Déanfaidh an Íoslainn agus an Iorua a bpleananna náisiúnta féin a fhorbairt agus cuirfidh siad na pleananna sin ar fáil do Bhallstáit an Aontais, don Choimisiún Eorpach, d’Údarás Faireacháin CSTE agus don phobal, faoin 31 Nollaig 2019.
Is iad na príomheilimintí seo a leanas a bheidh sa phlean:
|
— |
Achoimre feidhmiúcháin ar an bplean; |
|
— |
Forléargas ar bheartais aeráide náisiúnta reatha; |
|
— |
Tuairisc ar an sprioc náisiúnta maidir le Comhroinnt Díchill agus ar ghealltanas LULUCF; |
|
— |
Tuairisc ar na príomhbheartais agus na príomhbhearta atá ann cheana agus atá beartaithe chun an sprioc maidir le Comhroinnt Díchill agus gealltanas LULUCF a bhaint amach; |
|
— |
Tuairisc ar na hastaíochtaí agus aistrithe náisiúnta gás ceaptha teasa atá ann faoi láthair chomh maith le réamh-mheastacháin ar an sprioc maidir le Comhroinnt Díchill agus ar ghealltanas LULUCF bunaithe ar bheartais agus ar bhearta atá ann cheana; |
|
— |
Measúnú ar thionchair na mbeartas agus na mbeart náisiúnta atá beartaithe chun an sprioc maidir le Comhroinnt Díchill agus gealltanas LULUCF a bhaint amach, agus comparáid á déanamh leis na réamh-mheastacháin atá bunaithe ar bheartais agus ar bhearta atá ann cheana agus cur síos á dhéanamh ar idirghníomhaíochtaí idir beartais agus bearta atá ann cheana agus iad sin atá beartaithe. |