|
10.1.2022 |
GA |
Iris Oifigiúil an Aontais Eorpaigh |
C 9/4 |
Réamhfhógra faoi chomhchruinniú
(Cás M.10472 — Deutsche Post DHL Group/JF Hillebrand Group)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 9/04)
1.
An 22 Nollaig 2021 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Deutsche Post AG, a thrádálann mar Deutsche Post DHL Group (“DPDHL”, an Ghearmáin), |
|
— |
JF Hillebrand Group AG agus a fhochuideachtaí díreacha agus indíreacha (“Hillebrand”, an Ghearmáin). |
Faigheann Deutsche Post AG rialú aonair ar Hillebrand ina iomláine, de réir bhrí Airteagal 3(1)(b) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
do Deutsche Post AG: Is é Deutsche Post AG máthairghnóthas Gearmánach DPDHL. Bíonn Deutsche Post AG gníomhach i mbun lóistíochta, lena n-áirítear beartseachadadh náisiúnta agus idirnáisiúnta, mearsheachadadh idirnáisiúnta, an seoladh lasta agus an t-iompar lasta, ríomhthráchtáil agus seirbhísí bainistithe slabhra soláthair. Bíonn sé gníomhach i mbun seirbhísí poist sa Ghearmáin freisin. Liostaítear Deutsche Post AG ar Stocmhalartán Frankfurt (an Ghearmáin). |
|
— |
do Hillebrand: Bíonn Hillebrand gníomhach i mbun an tseolta lasta, lena n-áirítear seirbhísí seolta lasta san aer, san aigéan agus ar thalamh, lena n-áirítear seirbhísí coimhdeacha agus seirbhísí lóistíochta ar conradh le haghaidh leachtanna neamhghuaiseacha. Chomh maith leis sin táirgeann Hillebrand fleiscdhabhcha a úsáidtear chun bulcleachtanna a iompar i gcoimeádáin. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2) ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúil a d’fhéadfadh a bheith acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10472 — Deutsche Post DHL Group/JF Hillebrand Group
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála seo thíos:
Ríomhphost: COMP-MERGER-REGISTRY@ec.europa.eu
Facs +32 22964301
Seoladh poist:
|
An Coimisiún Eorpach |
|
Ard-Stiúrthóireacht na hIomaíochta |
|
Clárlann na gCumasc |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).