Ainmneacha (Traslitriú isteach in aibítir na Laidine)

Ainmneacha

Faisnéis aitheantais

Cúiseanna lena liostú

Dáta an liostaithe

‘136.

Daniella WEISS

דניאלה וייס

(Litriú Eabhraise)

Dáta breithe: 30.8.1945

Áit bhreithe: Benee Brak, an Phalaistín Mhandáideach (Iosrael anois)

Náisiúntacht: Iosraelach

Inscne: baineann

Is í Daniella Weiss Stiúrthóir Ghluaiseacht Nachala (“Nachala”). Tá sé d’aidhm ag Nachala lonnaíochtaí Giúdacha agus urphoist mhídhleathacha a chur chun cinn ar an mBruach Thiar. Trína gníomhaíochtaí, tá ról lárnach ag Nachala maidir le gníomhartha comhéigneacha a éascú agus a spreagadh as a n-eascraíonn easáitiú éigeantach na bPalaistíneach agus a sháraíonn a gceart chun maoine, a gceart chun saol príobháideach agus saol teaghlaigh agus a gceart chun féinchinntiúcháin, chomh maith leis an gceart chun na beatha agus chun sláine coirp.

Tá urphoist Nachala, mar shampla Evyatar, Maoz Esther, Oz Zion, Ramat Migron, Nachalat Zvi agus Haeitam Farm, ina bhfoinsí leanúnacha d’fhoréigin na lonnaitheoirí. Tógadh roinnt de na hurphoist Nachala sin, lena n-áirítear Yahish Zion, Maoz Esther, Oz Zion agus Ramat Migron ar thalamh Palaistíneach atá faoi úinéireacht phríobháideach. Cuireann urphoist uile Nachala bac ar rochtain ar thalamh talmhaíochta agus féaraigh Palaistíneach. Ina theannta sin, tar éis an 7 Deireadh Fómhair 2023, tá Nachala ar thús cadhnaíochta sna hiarrachtaí chun Stráice Gaza a athlonnú. Ina cáil mar Stiúrthóir, déanann Daniella Weiss gníomhartha Nachala a phleanáil, a stiúradh agus tacaíonn sí go poiblí leo. Dá bhrí sin, tá sí freagrach as mí-úsáidí ar chearta an duine a éascú agus a spreagadh ar an mBruach Thiar agus i Stráice Gaza, lena n-áirítear sáruithe nó mí-úsáidí ar cheart na bPalaistíneach chun féinchinntiúcháin, a gceart chun maoine, a gceart chun saol príobháideach agus saol teaghlaigh, chomh maith leis an gceart chun na beatha agus chun sláine coirp, ar cúis imní thromchúiseach iad maidir le cuspóirí an chomhbheartais eachtraigh agus slándála a leagtar amach in Airteagal 21 den Chonradh ar an Aontas Eorpach. Ina cáil mar Stiúrthóir, tá baint ag Daniella Weiss le Nachala.

28.5.2026

137.

Meir DEUTSCH

מאיר דויטש

(Litriú Eabhraise)

Náisiúntacht: Iosraelach

Inscne: fireann

Is é Meir Deutsch ardstiúrthóir Regavim, eagraíocht neamhrialtasach Iosraelach ag a bhfuil clár oibre gníomhach ar son lonnaitheoirí Iosraelacha agus ar son an leathnaithe lonnaíochtaí ar an mBruach Thiar. Tionscnaíonn Regavim imeachtaí dlíthiúla agus déanann sé stocaireacht chun maoin Phalaistíneach a scartáil d’fhonn rialú Iosrael a leathnú ar fud an Bhruaigh Thiar ina iomláine.

Trína gníomhaíochtaí, tá ról lárnach ag Regavim maidir le gníomhartha comhéigneacha a éascú agus a spreagadh leis an aidhm maoin Phalaistíneach a scriosadh agus tithe Palaistíneacha a leagan, as a n-eascraíonn easáitiú éigeantach na bPalaistíneach agus a sháraíonn a gceart chun maoine, a gceart chun saol príobháideach agus saol teaghlaigh agus a gceart chun féinchinntiúcháin, chomh maith leis an gceart ag gach uile duine chun an caighdeán is airde sláinte coirp agus meabhairshláinte is féidir a theachtadh. Tá Regavim freagrach as imeachtaí cúirte iomadúla agus rinne sé stocaireacht as bunscoil Phalaistíneach, arna maoiniú ag an Aontas Eorpach, a leagan i sráidbhaile Jabbet al Dhib, in aice le Beithil, ar an mBruach Thiar i mí na Bealtaine 2023.

Dá bhrí sin, ina ról mar ardstiúrthóir Regavim, tá Meir Deutsch freagrach as mí-úsáidí ar chearta an duine ar an mBruach Thiar a éascú nó a mholadh, lena n-áirítear mí-úsáidí ar an gceart chun maoine, ar an gceart chun saol príobháideach agus saol teaghlaigh agus an ceart chun oideachais atá ag Palaistínigh, chomh maith leis an gceart atá ag gach duine an caighdeán is airde sláinte coirp agus meabhairshláinte is féidir a theachtadh, ar cúis imní thromchúiseach iad maidir le cuspóirí an chomhbheartais eachtraigh agus slándála a leagtar amach in Airteagal 21 den Chonradh ar an Aontas Eorpach.

28.5.2026

138.

Avichai SUISSA

אביחי סויסה

(Litriú Eabhraise)

Dáta breithe: 1.7.1986

Náisiúntacht: Iosraelach

Inscne: fireann

Uimhir aitheantais: 038172441

Is é Avichai Suissa príomhoifigeach feidhmiúcháin Hashomer Yosh, eagraíocht neamhrialtasach Iosraelach a chuireann tacaíocht ábhartha ar fáil agus a chomhordaíonn oibrithe deonacha d’obair feirme ar fheirmeacha tréadaíochta, a thacaíonn le 28 n-urphost foréigneach ar a laghad agus le lonnaíochtaí ar an mBruach Thiar, trí shaorálaithe armtha a earcú agus gardaí a bhfuil baint acu le hionsaithe foréigneacha a chur ar fáil.

Go háirithe, tá Hashomer Yosh ag tacú le hurphoist arna mbunú ag daoine aonair atá liostaithe ag an Aontas Eorpach: Neriya Ben Pazi, bunaitheoir Rimonim Farm Outpost; Zvi Bar Yosef, bunaitheoir Zvi’s Farm; Yinon Levi, bunaitheoir Mitarim Farm; agus Moshe Sharvit, bunaitheoir Tirza Valley Farm Outpost / Moshe’s Farm.

Dá bhrí sin, tá Avichai Suissa freagrach as mí-úsáidí ar chearta an duine a éascú agus a spreagadh ar an mBruach Thiar, lena n-áirítear sáruithe ar cheart na bPalaistíneach chun maoine agus a gceart chun féinchinntiúcháin, a gceart chun maoine, agus ar an gceart chun iomláine coirp agus meabhraí, ar cúis imní thromchúiseach iad maidir le cuspóirí an chomhbheartais eachtraigh agus slándála a leagtar amach in Airteagal 21 den Chonradh ar an Aontas Eorpach.

28.5.2026’;

Ainmneacha (Traslitriú isteach in aibítir na Laidine)

Ainmneacha

Faisnéis aitheantais

Cúiseanna lena liostú

Dáta an liostaithe

‘38.

Amana

ar a dtugtar freisin Amana – Cooperative Society for Community Settlement

אמנה

(Litriú Eabhraise)

Seoladh: Clermont-Ganneau St. 13, Iarúsailéim

Suíomh gréasáin: https://amana.co.il/

Dáta clárúcháin: 18.2.1979

Uimhir chlárúcháin: 570025742

Is cuideachta forbartha comhair agus gluaiseacht lonnaíochta de chuid na gluaiseachta Gush Emunim é Amana. Ó cruthaíodh í, tá ról lárnach aici maidir le 30 urphost agus lonnaíocht fhoréigneach ar a laghad a thionscnamh, a mhaoiniú agus a éascú, lena n-áirítear urphoist a bhunaigh daoine aonair atá liostaithe ag an Aontas Eorpach (Yinon Levi, bunaitheoir Mitarim Farm Outpost; Moshe Sharvit, bunaitheoir The Tirza Valley Farm Outpost / Moshe’s Farm; agus Isaschar Manne, bunaitheoir urphost Manne Farm) ar an mBruach Thiar atá faoi fhorghabháil. Mar aon le foréigean na lonnaitheoirí atá iontu, lena n-áirítear foréigean a dhéantar ar chosantóirí chearta an duine, tá easáitiú forleathan na bpobal leochaileach Palaistíneach agus díshealbhú maoine na bPalaistíneach mar thoradh ar na hurphoist sin. Áirítear na gníomhaíochtaí seo a leanas ar rannpháirtíocht mhór Amana sna hurphoist fhoréigneacha neamhdhleathacha sin: éadáil talún a éascú, tógáil agus margaíocht tithe, máistirphleananna do lonnaíochtaí a thionscnamh agus a ullmhú agus bonneagar a chistiú. Ar ócáidí éagsúla, dúirt an eagraíocht agus a lucht bainistíochta go soiléir go bhfuil sé de chuspóir acu pobail Phalaistíneacha a dhiúscairt.

Dá bhrí sin, tá Amana freagrach as mí-úsáidí ar chearta an duine a éascú agus a spreagadh ar an mBruach Thiar, lena n-áirítear sáruithe ar cheart na bPalaistíneach chun maoine agus a gceart chun féinchinntiúcháin, ar cúis imní thromchúiseach iad maidir le cuspóirí an chomhbheartais eachtraigh agus slándála a leagtar amach in Airteagal 21 den Chonradh ar an Aontas Eorpach.

28.5.2026

39.

Nachala Movement

נחלה

(Litriú Eabhraise)

Seoladh: West Bank, occupied Palestinian territories

Suíomh gréasáin: https://www.nachalaisrael.org/

Tá sé d’aidhm ag Nachala Movement (“Nachala”) lonnaíochtaí Giúdacha agus urphoist mhídhleathacha a chur chun cinn ar an mBruach Thiar. Trína gníomhaíochtaí, tá ról lárnach ag an ngluaiseacht maidir le gníomhartha comhéigneacha a éascú agus a spreagadh as a n-eascraíonn easáitiú éigeantach na bPalaistíneach agus a sháraíonn a gceart chun maoine, a gceart chun saol príobháideach agus saol teaghlaigh agus a gceart chun féinchinntiúcháin, chomh maith leis an gceart chun na beatha agus chun sláine coirp. Tá urphoist Nachala, mar shampla Evyatar, Maoz Esther, Oz Zion, Ramat Migron, Nachalat Zvi agus Haeitam Farm, ina bhfoinsí leanúnacha d’fhoréigin na lonnaitheoirí. Tógadh roinnt de na hurphoist Nachala sin, lena n-áirítear Yahish Zion, Maoz Esther, Oz Zion agus Ramat Migron ar thalamh Palaistíneach atá faoi úinéireacht phríobháideach. Cuireann urphoist uile Nachala bac ar rochtain ar thalamh talmhaíochta agus féaraigh Palaistíneach.

Tar éis an 7 Deireadh Fómhair 2023, tá Nachala ar thús cadhnaíochta sna hiarrachtaí chun Stráice Gaza a athlonnú. Dá bhrí sin, tá Nachala freagrach as mí-úsáidí ar chearta an duine a éascú agus a spreagadh ar an mBruach Thiar agus i Stráice Gaza, lena n-áirítear mí-úsáidí ar cheart na bPalaistíneach chun féinchinntiúcháin, a gceart chun maoine, a gceart chun saol príobháideach agus saol teaghlaigh, chomh maith leis an gceart chun na beatha agus chun na sláinte fisiciúil, ar cúis imní thromchúiseach iad maidir le cuspóirí an chomhbheartais eachtraigh agus slándála a leagtar amach in Airteagal 21 den Chonradh ar an Aontas Eorpach iad.

28.5.2026

40.

Regavim

ar a dtugtar freisin Regavim Movement

רגבים

(Litriú Eabhraise)

Seoladh: Rehovot, Mo’din, Iarúsailéim, Haifa, Maale Adumin, Ariel, Tel Aviv District, Efrat, Bersheeba

Suíomh gréasáin: https://www.regavim.org/

Áit chlárúcháin: Sha’ar Binyamin

PO BOX 44439, Iarúsailéim, Iosrael, 9144302

Is eagraíocht neamhrialtasach Iosraelach í Regavim ag a bhfuil clár oibre gníomhach ar son lonnaitheoirí Iosraelacha agus ar son méadú na lonnaíochtaí ar an mBruach Thiar. Tionscnaíonn Regavim imeachtaí dlíthiúla agus déanann sí stocaireacht chun maoin Phalaistíneach a scartáil d’fhonn rialú Iosrael a leathnú ar fud an Bhruaigh Thiar ina iomláine. Trína gníomhaíochtaí, tá ról lárnach ag Regavim maidir le gníomhartha comhéigneacha a éascú agus a spreagadh arb é is aidhm dóibh maoin Phalaistíneach a scriosadh agus tithe Palaistíneacha a leagan, as a n-eascraíonn easáitiú éigeantach na bPalaistíneach.

Tá Regavim freagrach as imeachtaí cúirte iomadúla agus rinne sí stocaireacht as bunscoil Phalaistíneach, arna maoiniú ag an Aontas Eorpach, a leagan i sráidbhaile Jabbet al Dhib, in aice le Beithil, ar an mBruach Thiar i mí na Bealtaine 2023.

Dá bhrí sin, tá Regavim freagrach as mí-úsáidí ar chearta an duine ar an mBruach Thiar a éascú nó a mholadh, lena n-áirítear mí-úsáidí ar an gceart chun maoine, ar an gceart chun saol príobháideach agus saol teaghlaigh agus a gceart chun féinchinntiúcháin, agus an ceart chun oideachais atá ag Palaistínigh, chomh maith leis an gceart atá ag gach duine an caighdeán sláine coirp agus meabhraí is airde is féidir a theachtadh, ar cúis imní thromchúiseach iad maidir le cuspóirí an chomhbheartais eachtraigh agus slándála a leagtar amach in Airteagal 21 den Chonradh ar an Aontas Eorpach.

28.5.2026

41.

Hashomer Yosh

ar a dtugtar freisin Guardians of Judea and Samaria, Guardians of Yehuda and the Shomron, Hashomer Judea and Samaria, Hashomer Yehudah V’Shomron

השומר יו״ש

(Litriú Eabhraise)

Seoladh: Esh Kodesh 2, Shilo, 4483000

West Bank, occupied Palestinian territories

Suíomh gréasáin: https://hashomeryosh.org/home-en/

Dáta clárúcháin: 18.6.2013

Uimhir chlárúcháin: 580575629

Is eagraíocht neamhrialtasach Iosraelach í Hashomer Yosh, a chuireann tacaíocht ábhartha ar fáil agus a chomhordaíonn oibrithe deonacha d’obair feirme ar fheirmeacha tréadaíochta, a thacaíonn le 28 n-urphost foréigneach ar a laghad agus le lonnaíochtaí ar an mBruach Thiar, trí shaorálaithe armtha a earcú agus gardaí a bhfuil baint acu le hionsaithe foréigneacha a chur ar fáil. Go háirithe, tá Hashomer Yosh ag tacú le hurphoist arna mbunú ag daoine aonair atá liostaithe ag an Aontas Eorpach: Neriya Ben Pazi, bunaitheoir Rimonim Farm Outpost; Zvi Bar Yosef, bunaitheoir Zvi’s Farm; Yinon Levi, bunaitheoir Mitarim Farm; agus Moshe Sharvit, bunaitheoir Tirza Valley Farm Outpost / Moshe’s Farm (.

Dá bhrí sin, tá Hashomer Yosh freagrach as mí-úsáidí ar chearta an duine a éascú agus a spreagadh ar an mBruach Thiar, lena n-áirítear sáruithe ar cheart na bPalaistíneach chun maoine agus a gceart chun féinchinntiúcháin, agus ar an gceart chun sláine coirp agus meabhraí, ar cúis imní thromchúiseach iad maidir le cuspóirí an chomhbheartais eachtraigh agus slándála a leagtar amach in Airteagal 21 den Chonradh ar an Aontas Eorpach.

28.5.2026’.