|
29.1.2008 |
MT |
Il-Ġurnal Uffiċjali ta’ l-Unjoni Ewropea |
L 24/54 |
POŻIZZJONI KOMUNI TAL-KUNSILL 2008/81/PESK
tat-28 ta’ Jannar 2008
li temenda l-Pożizzjoni Komuni 98/409/PESK dwar is-Sierra Leone
IL-KUNSILL TA’ L-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 15 tiegħu,
Billi:
|
(1) |
Fid-29 ta’ Ġunju 1998, il-Kunsill adotta l-Pożizzjoni Komuni 98/409/PESK dwar is-Sierra Leone (1) sabiex jimplimenta l-miżuri imposti mir-Riżoluzzjoni tal-Kunsill ta’ Sigurtà tan-Nazzjonijiet Uniti (UNSCR) 1171(1998). |
|
(2) |
Fil-21 ta’ Diċembru 2007, il-Kunsill ta’ Sigurtà tan-Nazzjonijiet Uniti adotta r-Riżoluzzjoni 1793(2007) li tipprevedi eżenzjoni mill-miżuri imposti mill-paragrafu 5 ta’ UNSCR 1171(1998). Il-Pożizzjoni Komuni 98/409/PESK għandha għalhekk tiġi emendata kif meħtieġ, |
ADOTTA DIN IL-POŻIZZJONI KOMUNI:
Artikolu 1
Fl-Artikolu 4 tal-Pożizzjoni Komuni 98/409/PESK għandu jiddaħħal it-tielet paragrafu li ġej:
“Il-miżuri previsti fl-ewwel paragrafu m’għandhomx japplikaw għall-vjaġġi ta’ kwalunkwe xhud li l-preżenza tiegħu hija meħtieġa quddiem il-Qorti Speċjali għas-Sierra Leone.”
Artikolu 2
Din il-Pożizzjoni Komuni għandha jkollha effett fid-data ta’ l-adozzjoni tagħha.
Artikolu 3
Din il-Pożizzjoni Komuni għandha tiġi pubblikata fil-Ġurnal Uffiċjali ta’ l-Unjoni Ewropea.
Magħmula fi Brussell, 28 ta’ Jannar 2008.
Għall-Kunsill
Il-President
D. RUPEL