IL-KUMMISSJONI EWROPEA
Brussell, 26.6.2020
COM(2020) 267 final
ANNESS
tal-
Proposta għal Deċiżjoni tal-Kunsill
dwar il-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit skont il-Ftehim bejn il-Komunità Ewropea minn naħa waħda, u l-Gvern tad-Danimarka u l-Gvern Lokali tal-Gżejjer Faeroe min-naħa l-oħra, fir-rigward tal-adozzjoni tal-emendi tal-Protokolli 1 u 4 tal-Ftehim
ABBOZZ
TAD-DEĊIŻJONI Nru .../… TAL-KUMITAT KONĠUNT KE/GŻEJJER FAEROE
ta’ … 2020
li temenda l-Protokolli 1 u 4 tal-Ftehim bejn il-Komunità Ewropea, minn naħa waħda, u l-Gvern tad-Danimarka u l-Gvern Lokali tal-Gżejjer Faeroe, min-naħa l-oħra
Il-KUMITAT KONĠUNT,
Wara li kkunsidraw il-Ftehim bejn il-Komunità Ewropea, minn naħa waħda, u l-Gvern tad-Danimarka u l-Gvern Lokali tal-Gżejjer Faeroe, min-naħa l-oħra 1 , u b’mod partikolari l-Artikolu 34(1) tiegħu,
Billi:
(1)Il-Protokoll 1 tal-Ftehim bejn il-Komunità Ewropea, minn naħa waħda, u l-Gvern tad-Danimarka u l-Gvern Lokali tal-Gżejjer Faeroe, min-naħa l-oħra (“il-Ftehim”) jikkonċerna t-trattament tariffarju u l-arranġamenti applikabbli għal ċerti ħut u prodotti tas-sajd rilaxxati għal ċirkolazzjoni libera fl-Unjoni Ewropea jew importati fil-Gżejjer Faeroe. L-Anness tal-Protokoll 1 jindika d-dazji doganali preferenzjali u l-kundizzjonijiet l-oħra li għandhom jiġu applikati fuq l-importazzjonijiet fl-Unjoni Ewropea ta’ prodotti li joriġinaw minn jew li ġejjin mill-Gżejjer Faeroe.
(2)Il-Gżejjer Faeroe ressqu talba abbażi tal-Artikolu 36 tal-Ftehim biex il-kodiċijiet NM 0303 53 90 u 1604 13 90 jiżdiedu mal-Anness tal-Protokoll 1 tal-Ftehim. L-Unjoni Ewropea tikkunsidra, wara l-eżami tas-suq rilevanti, li dawn il-prodotti jistgħu jiġu importati mingħajr dazju fl-Unjoni Ewropea u mingħajr restrizzjonijiet kwantitattivi.
(3)Il-Protokoll 4 tal-Ftehim jikkonċerna d-dispożizzjonijiet speċjali applikabbli għall-importazzjonijiet ta’ ċerti prodotti agrikoli għajr dawk elenkati fil-Protokoll 1.
(4)Skont l-Artikolu 1 tal-Protokoll 4 tal-Ftehim, l-Unjoni Ewropea inizjalment tat konċessjonijiet tariffarji għall-għalf tal-ħut tal-Gżejjer Faeroe, fir-rigward ta’ kwota tariffarja mingħajr dazju annwali ta’ 5 000 tunnellata. Din il-kwota tariffarja bla dazju ġiet emendata bid-Deċiżjoni Nru 2/98 tal-Kumitat Konġunt KE/Danimarka-Gżejjer Faeroe 2 , li żdiedet għal 10 000 tunnellata mill-1 ta’ Jannar 2000 u bid-Deċiżjoni Nru 1/2007 tal-Kumitat Konġunt KE/Danimarka-Gżejjer Faeroe 3 , li żdiedet għal 20 000 tunnellata u bil-kundizzjoni li l-għalf tal-ħut li jibbenefika mir-reġim preferenzjali ta’ importazzjoni ma jkollux glutina miżjuda.
(5)Il-Gżejjer Faeroe talbu li jiġi emendat il-Protokoll 4 tal-Ftehim billi jitneħħew ir-restrizzjonijiet fuq il-glutina miżjuda li tinsab fl-għalf tal-ħut li jibbenefika mit-trattament preferenzjali, peress li l-glutina saret materja prima essenzjali fil-kompożizzjoni tal-għalf tal-ħut.
(6)L-Artikolu 2 tal-Protokoll 4 tal-Ftehim jelenka l-prodotti li joriġinaw mill-Unjoni Ewropea, li jaqgħu taħt il-Kapitoli 1 sa 24 tas-Sistema Armonizzata, li għalihom il-Gżejjer Faeroe ma jagħtux libertà minn tariffi u dazji meta jiġu importati fil-Gżejjer Faeroe.
(7)L-Unjoni Ewropea talbet li tinfetaħ kwota tariffarja bla dazju għall-kodiċi NM 0204, 0206 80 99, 0206 90 99, 0210 90 11, 0210 90 60, ex 0210 90 90, li huma elenkati fl-Artikolu 2 tal-Protokoll 4. Il-Gżejjer Faeroe jikkunsidraw li tista’ tingħata kwota tariffarja bla dazju ta’ 80 tunnellata ta’ esportazzjonijiet tal-Unjoni Ewropea ta’ dawn il-prodotti, suġġetti għal perjodu ta’ tranżizzjoni ta’ tliet snin bi kwota tariffarja bla dazju ta’ 40 tunnellata.
(8)Għalhekk, jenħtieġ li l-Protokolli 1 u 4 jiġu emendati skont dan,
ADOTTAT DIN ID-DEĊIŻJONI:
Artikolu 1
It-Tabella I fl-Anness tal-Protokoll 1 tal-Ftehim hija emendata kif ġej:
(1)Bejn il-kodiċi NM 0303 50 98 u l-kodiċi NM 0303 60 11, tiddaħħal ir-ringiela li ġejja:
|
“0303 53 90 |
– – – Aringi żgħar jew laċċi koħol (Sprattus sprattus) |
0” |
(2)Bejn il-kodiċi NM 1604 12 99 u l-kodiċi NM 1604 19, jiddaħħlu ir-ringieli li ġejjin:
|
“1604 13 1604 13 90 |
– – Sardin, sardinelli u aringi żgħar jew laċċi koħol – – – Sardin: – – – Oħrajn |
0” |
Artikolu 2
Il-Protokoll 4 tal-Ftehim huwa emendat kif ġej:
(1)L-Artikolu 1 huwa sostitwit b’dan li ġej:
“Artikolu 1
L-Unjoni Ewropea għandha tagħti lill-prodotti li joriġinaw minn u li ġejjin mill-Gżejjer Faeroe l-kwoti tariffarji li ġejjin:
|
Kodiċi NM |
Deskrizzjoni |
Rata ta’ dazju |
Kwota tariffarja (TQ) fit-tunnellata |
|
0204 0206 80 99 0206 90 99 0210 90 11 0210 90 19 0210 90 60 ex 1601 ex 1602 |
Laħam tan-nagħaġ jew tal-mogħoż, frisk, imkessaħ jew iffriżat Ġewwieni li jittiekel tan-nagħaġ u l-mogħoż, frisk jew imkessaħ Ġewwieni li jittiekel tan-nagħaġ u l-mogħoż, iffriżat Laħam tan-nagħaġ jew tal-mogħoż, immellaħ, fis-salmura, imnixxef jew affumikat, bl-għadma Laħam tan-nagħaġ jew tal-mogħoż, immellaħ, fis-salmura, imnixxef jew affumikat, mingħajr għadma Ġewwieni li jittiekel tal-laħam tan-nagħaġ jew tal-mogħoż, immellaħ, fis-salmura, imnixxef jew affumikat Zalzett u prodotti simili, ta’ laħam, ġewwieni tal-laħam jew demm; preparazzjonijiet tal-ikel ibbażati fuq dawn il-prodotti: — Tan-nagħaġ u tal-mogħoż Laħam, ġewwieni tal-laħam jew demm ieħor preparat jew ppreservat: — Tan-nagħaġ u tal-mogħoż |
0 0 0 0 0 0 0 |
20 |
|
ex 2309 90 10 ex 2309 90 31 ex 2309 90 41 |
Għalf tal-ħut |
0 |
20 000 |
”
(2)Jiżdied l-Artikolu 3 li ġej:
“Artikolu 3
Il-Gżejjer Faeroe għandhom jiftħu l-kwoti tariffarji li ġejjin għall-prodotti li joriġinaw minn jew li ġejjin mill-Unjoni Ewropea:
|
Kodiċi NM |
Deskrizzjoni |
Rata ta’ dazju |
Kwota tariffarja (TQ) fit-tunnellata |
|
|
0204 0206 80 99 0206 90 99 0210 90 11 0210 90 60 ex 0210 90 90 |
Laħam tan-nagħaġ jew tal-mogħoż, frisk, imkessaħ jew iffriżat Ġewwieni li jittiekel tan-nagħaġ u l-mogħoż, frisk jew imkessaħ Ġewwieni li jittiekel tan-nagħaġ u l-mogħoż, iffriżat Laħam tan-nagħaġ jew tal-mogħoż, immellaħ, fis-salmura, imnixxef jew affumikat, bl-għadma Ġewwieni li jittiekel tal-laħam tan-nagħaġ jew tal-mogħoż, immellaħ, fis-salmura, imnixxef jew affumikat Dqiq u pasti li jittieklu tal-laħam jew tal-ġewwieni tan-nagħaġ u l-mogħoż |
0 0 0 0 0 0 |
|
40 fl-2020, fl-2021 u fl-2022: 80 mis-sena 2023 |
”
(3)L-Anness I jitħassar.
Artikolu 3
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi …, ….
|
Għall-Kumitat Konġunt Il-President |