(1)

Le blianta beaga anuas, tá a lorg fágtha ag an éiginnteacht mhór sa dinimic gheopholaitiúil, rud a éilíodh athmheastóireacht bhunúsach ar uathriail straitéiseach agus athléimneacht an Aontais agus coimirciú na bprionsabal daonlathach agus an smachta reachta, in éineacht leis na dúshláin a eascraíonn as an aistriú glas, as an aistriú sóisialta agus as an aistriú teicneolaíochta. Leis na haistrithe comhuaineacha sin, léirítear an géarghá leis an mbearna nuálaíochta a dhúnadh, dlús a chur le hiarrachtaí dícharbónaithe chun iomaíochas eacnamaíoch a dhaingniú agus chun spleáchais sheachtracha a laghdú, trí shlabhraí soláthair a éagsúlú, trí uas-scálú a dhéanamh ar fhuinneamh glas a tháirgtear ar bhonn intíre, agus trí infheistíocht a dhéanamh in earnálacha criticiúla.

(2)

Mar phríomhionstraim infheistíochta an Aontais laistigh den chreat airgeadais ilbhliantúil, spreagtar leis an mbeartas comhtháthaithe infheistíochtaí spriocdhírithe a rannchuidíonn le comhtháthú eacnamaíoch, sóisialta agus críochach, mar a leagtar amach in Airteagal 3(3) den Chonradh ar an Aontas Eorpach (CAE) agus in Airteagal 174 den Chonradh ar Fheidhmiú an Aontais Eorpaigh (CFAE), agus an tráth céanna tugtar aghaidh ar dhúshláin atá ag teacht chun cinn leis. Thairis sin, tá an t-athbhreithniú meántéarma bunaithe ar phrionsabal na comhpháirtíochta agus ar phrionsabal an rialachais il-leibhéil chun cur chuige éifeachtach, réigiúnach agus dírithe ar an saoránach a áirithiú i leith chur chun feidhme beartais comhtháthaithe. Dá bhrí sin, ba cheart aon ath-leithdháileadh faoin athbhreithniú meántéarma a dhéanamh i gcomhréir leis an gcód iompair Eorpach maidir le comhpháirtíocht (4).

(3)

Leis an gcreat dlíthiúil do na cláir beartais comhtháthaithe, foráiltear maidir le hathbhreithniú meántéarma in 2025, rud a chuireann deis thráthúil agus uathúil ar fáil chun cláir a athdhíriú ar aghaidh a thabhairt ar dhúshláin nua agus ar dheiseanna nua, chun dlús a chur lena gcur chun feidhme agus chun a n-éifeachtacht a mhéadú chun freagairt ar thosaíochtaí nua agus seantosaíochtaí an Aontais araon, gan dochar do ghníomhartha dlí eile de chuid an Aontais ná don chéad chreat airgeadais ilbhliantúil eile.

(4)

I bhfianaise a thábhachtaí atá coinníollacha cumasúcháin cothrománacha is infheidhme maidir le gach cuspóir sonrach agus na critéir is gá chun measúnú a dhéanamh ar bhaint amach na gcuspóirí sin, de réir bhrí Airteagal 15(1), an dara fomhír, de Rialachán (AE) 2021/1060 ó Pharlaimint na hEorpa agus ón gComhairle (5) agus Iarscríbhinn III a ghabhann leis maidir le húsáid éifeachtach agus éifeachtúil na tacaíochta foriomláine ón Aontas a dheonaítear leis na Cistí sin, agus i bhfianaise an ghá atá le héifeacht phraiticiúil na gCistí sin de chuid an Aontais a áirithiú, níor cheart na méideanna a sháraíonn an méid solúbthachta dá dtagraítear in Airteagal 86(1), an dara fomhír, den Rialachán sin, a chomhfhreagraíonn do na cuspóirí sonracha atá faoi réir measúnú diúltach ón gCoimisiún ar bhonn chur i bhfeidhm na gcoinníollacha cumasúcháin cothrománacha, a bheith faoi réir leasú ar chlár ná aistriú ar bhonn na dtosaíochtaí nua agus na solúbthachta nua dá bhforáiltear sna forálacha leasaitheacha a leagtar amach sa Rialachán seo. Is dreasacht riachtanach é beart comhréireach den sórt sin lena mbeartaítear a áirithiú go leanfaidh dlí agus cleachtais na mBallstát de na coinníollacha cumasúcháin cothrománacha a chomhlíonadh agus go gcomhlíonfaidh an caiteachas a chumhdaítear leis na Cistí de chuid an Aontais cuspóirí an Aontais.

Ós rud é go bhfuil Rialachán (AE, Euratom) 2020/2092 ó Pharlaimint na hEorpa agus ón gComhairle (6) á chur i bhfeidhm go cothrománach, ba cheart feidhm a bheith ag an gceanglas céanna maidir leis na méideanna a chomhfhreagraíonn do ghealltanais arna gcur ar fionraí le bearta arna nglacadh ar bhonn an Rialacháin sin. Méideanna laistigh den mhéid solúbthachta dá dtagraítear in Airteagal 86(1), an dara fomhír, de Rialachán (AE) 2021/1060 agus a chomhfhreagraíonn do na cuspóirí sonracha atá faoi réir measúnú diúltach ón gCoimisiún ar bhonn chur i bhfeidhm na gcoinníollacha cumasúcháin cothrománacha, is féidir leo a bheith faoi réir leasú ar chlár nó aistriú ar bhonn tosaíochtaí nua, ar choinníoll go gcomhlíonann na tosaíochtaí nua sin na cuspóirí arna saothrú leis na coinníollacha cumasúcháin cothrománacha.

(5)

Sa teachtaireacht uaidh an 29 Eanáir 2025 dar teideal ‘Compás Iomaíochais don Aontas Eorpach’ agus sa teachtaireacht uaidh an 26 Feabhra 2025 dar teideal ‘An Comhaontú maidir le Tionsclaíocht Ghlan: Treochlár comhpháirteach don iomaíochas agus don dícharbónú’ agus sa Phlean Gníomhaíochta um Praghsanna Fuinnimh Inacmhainne a ghabhann léi, chuir an Coimisiún conair nithiúil i láthair chun go mbeidh an Eoraip in ann a hiomaíochas a fháil ar ais agus rathúnas inbhuanaithe a dhaingniú. Le Ciste Forbraíochta Réigiúnaí na hEorpa (CFRE) agus leis an gCiste Comhtháthaithe, a bunaíodh le Rialachán (AE) 2021/1058 ó Pharlaimint na hEorpa agus ón gComhairle (7), tacaítear cheana le hinfheistíochtaí chun cuspóirí aeráide mar a leagtar síos i Rialachán (AE) 2021/1060 a bhaint amach. Mar sin féin, ba cheart do na Ballstáit dlús a chur lena n-iarrachtaí chun a áirithiú gur spreagadh don fhás é an dícharbónú le haghaidh thionscail na hEorpa agus rathúnas mhuintir na hEorpa, inter alia, trí thacaíocht don teicneolaíocht ghlan agus don aistriú chuig fuinneamh glan a uas-scálú, trí infheistíocht a dhéanamh i dtionscadail bonneagair fuinnimh lenar féidir fíor-Aontas Fuinnimh a áirithiú, agus trí thacú le dícharbónú próiseas táirgeachta agus táirgí.

(6)

I bhfianaise na héagobhsaíochta geopholaitiúla nach bhfacthas a leithéid riamh agus an ghá atá leis an Aontas a chosaint féin agus a ullmhacht shibhialta féin a áirithiú, ba cheart cistiú beartais comhtháthaithe a shlógadh go pras chun tacú go díreach le hinfheistíochtaí i gcumais chosanta agus sa tslándáil shibhialta. Is gá, dá bhrí sin, cuspóirí sonracha nua a chruthú le haghaidh tacaíocht ó CFRE agus ón gCiste Comhtháthaithe chun acmhainneachtaí tionsclaíocha in earnáil na cosanta a mhaoiniú agus chun infheistíochtaí i mbonneagar athléimneach cosanta nó dé-úsáide a cheadú, lena n-áirítear d’fhonn soghluaisteacht mhíleata a chothú agus ullmhacht shibhialta a fheabhsú lena n-áirítear an chibearshlándáil agus an tslándáil shibhialta nach gá go bhfuil baint acu leis an tsoghluaisteacht, i gcomhréir le raon feidhme na gcistí sin agus leis an bprionsabal ‘gan dochar suntasach a dhéanamh’ agus i gcomhar leis na húdaráis réigiúnacha agus áitiúla. Ina theannta sin, ba cheart a bheith in ann tacú leis an ullmhacht shibhialta mar chuid de straitéisí forbartha críochaí agus áitiúla. Na hacmhainneachtaí tionsclaíocha chun cumais chosanta a chothú, ba cheart baint a bheith acu le forbairt teicneolaíochta agus le táirgeadh táirgí a bhaineann le cosaint agus táirgeadh táirgí eile chun críoch cosanta, mar a shainmhínítear i Rialachán (AE) 2025/1106 ón gComhairle (8), go háirithe iad siúd dá dtagraítear in Airteagal 1 den Rialachán sin. Moltar do na Ballstáit úsáid a bhaint as an bhféidearthacht dá bhforáiltear sa chreat dlíthiúil atá ann faoi láthair acmhainní a leithdháiltear orthu faoi bhainistíocht chomhroinnte a aistriú go deonach chuig cláir a bhainistítear go díreach agus a bhfuil cuspóirí cosanta agus slándála acu. Sa chomhthéacs sin, le haistrithe chuig an imchlúdach soghluaisteachta míleata faoin tSaoráid um Chónascadh na hEorpa (SCE), d’áiritheofaí idirghabhálacha comhordaithe feadh na gconairí soghluaisteachta míleata dá dtagraítear i bPáipéar Bán Comhpháirteach ón Ardionadaí do Ghnóthaí Eachtracha agus don Bheartas Slándála agus ón gCoimisiún an 19 Márta 2025 maidir le hUllmhacht Cosanta na hEorpa 2030. Agus tacaíocht á tabhairt do na hinfheistíochtaí sin, tá na Ballstáit le breithniú a dhéanamh, i gcás inarb infheidhme, ar na critéir incháilitheachta a leagtar amach in Airteagal 9 de Rialachán (AE) 2021/697 ó Pharlaimint na hEorpa agus ón gComhairle (9), ar na rialacha incháilitheachta a leagtar amach in Airteagal 16 de Rialachán (AE) 2025/1106, nó ar fhorálacha ábhartha na gclár Eorpach um thionscal cosanta. Ba cheart tosaíocht a thabhairt d’infheistíochtaí i mbonneagar dé-úsáide agus in acmhainneachtaí dé-úsáide.

(7)

Ba cheart aird ar leith agus tacaíocht eisceachtúil a dhíriú ar réigiúin teorann thoir an Aontais atá in aice leis an Rúis, leis an mBealarúis agus leis an Úcráin, i bhfianaise na ndúshlán slándála uathúil atá rompu agus a dtábhachta geopholaitiúla. Tá na réigiúin sin neamhchosanta go háirithe ar bhagairtí seachtracha, lena n-áirítear ionsaithe hibrideacha. Tá sé bunriachtanach cumais chosanta áitiúla agus athléimneacht an phobail a neartú sna réigiúin sin, ní hamháin chun ionsaithe a d’fhéadfadh a bheith ann a dhíspreagadh agus slándáil na hEorpa a chosaint, ach freisin chun tacú leis an bhforbairt réigiúnach, comhtháthú sóisialta a chur chun cinn, fostaíocht a chruthú, agus dálaí maireachtála a fheabhsú.

(8)

Agus acmhainní an bheartais chomhtháthaithe atá dírithe ar chuspóirí a bhaineann leis an gcosaint á leithdháileadh agus á gcur chun feidhme, ba cheart do na Ballstáit tosaíocht a thabhairt do thionscadail lena gcuirtear fostaíocht, forbairt scileanna agus éagsúlú tionsclaíoch chun cinn ar an leibhéal réigiúnach. Ba cheart béim ar leith a leagan ar thacaíocht a thabhairt d’fhiontair bheaga agus mheánmhéide (FBManna) agus do bhraislí réigiúnacha atá gníomhach i dteicneolaíochtaí dé-úsáide, sa chibearshlándáil agus san intleacht shaorga, lena n-áiritheofaí go mbeadh infheistíochtaí den sórt sin ag freastal ar leasanna straitéiseacha an Aontais agus ar an gcuspóir maidir le comhtháthú eacnamaíoch, sóisialta agus críochach.

(9)

Má dhéantar hinfheistíochtaí in uasghrádú na ngréasán iompair chun riachtanais mhíleata a chomhlíonadh, soláthraítear tairbhí suntasacha freisin don tsoghluaisteacht shibhialtach, don nascacht eacnamaíoch agus do na hacmhainneachtaí freagartha ar ghéarchéimeanna laistigh den Aontas. Leis na hinfheistíochtaí sin, cuirtear feabhas ar bhonneagar trasteorann, laghdaítear scrogaill tráchta, déantar ullmhacht a fheabhsú agus cuirtear le hathléimneacht na réigiún agus na slabhraí soláthair criticiúla. Ina theannta sin, le moil iompair lenar féidir seirbhísí éigeandála a imscaradh go tapa agus soláthairtí bunriachtanacha a dháileadh go tapa, cuirtear go mór le leanúnachas feidhmeanna ríthábhachtacha agus leis an tslándáil náisiúnta.

(10)

Thairis sin, chun leachtacht a instealladh go tapa chun na riachtanais is práinní a chumhdach, d’infheistíochtaí i gcumais chosanta fheabhsaithe agus i mbonneagar, go háirithe trí thosaíocht a thabhairt do chumais agus do bhonneagar de chineál dé-úsáide, agus don ullmhacht shibhialta, ba cheart féidearthachtaí maoiniúcháin breise a thairiscint. Go háirithe, is gá foráil a dhéanamh maidir le réamh-mhaoiniú aonuaire breise 20 % de na méideanna atá clársceidealaithe faoi na tosaíochtaí tiomnaithe sin faoi chuspóirí beartais ábhartha CFRE agus an Chiste Comhtháthaithe agus maidir leis an bhféidearthacht ráta cómhaoinithe níos airde ón Aontas a chur i bhfeidhm.

(11)

Is féidir le CFRE agus leis an gCiste Comhtháthaithe, laistigh dá raon feidhme tacaíochta faoi seach, foráil a dhéanamh cheana maidir le hinfheistíochtaí lena rannchuidítear le cuspóirí an Ardáin um Theicneolaíochtaí Straitéiseacha don Eoraip (STEP) a bunaíodh le Rialachán (AE) 2024/795 ó Pharlaimint na hEorpa agus ón gComhairle (10), arb é is aidhm leis ceannaireacht theicneolaíoch na hEorpa a neartú. Chun dreasachtaí breise a sholáthar le haghaidh infheistíochtaí ó CFRE agus ón gCiste Comhtháthaithe sna réimsí criticiúla sin, ba cheart an teorainn le haghaidh ranníocaíocht fhoriomlán CFRE agus an Chiste Comhtháthaithe leis na tosaíochtaí sin a bhaint agus ba cheart an fhéidearthacht atá ag na Ballstáit réamh-mhaoinithe níos airde a fháil le haghaidh leasuithe gaolmhara ar chlár a leathnú. Na tosaíochtaí lena dtacaítear le hinfheistíochtaí lena rannchuidítear le cuspóirí STEP faoi leasú ar chlár a cuireadh faoi bhráid an Choimisiúin faoin 31 Márta 2025, tá siad leis an réamh-mhaoiniú eisceachtúil aonuaire is infheidhme a fháil tráth a thíolactar an leasú ar an gclár.

Thairis sin, na féidearthachtaí maidir le hinfheistíochtaí táirgiúla lena rannchuidítear le cuspóirí STEP i bhfiontair seachas FBManna a mhaoiniú, ba cheart feidhm a bheith acu maidir le gach Ballstát agus gach réigiún ar lú a OTI per capita ná meán AE-27, agus béim á coinneáil ar FBManna ag an am céanna. Ba cheart a bheith in ann na hinfheistíochtaí sin a dhéanamh i réigiúin ina n-éascaíonn siad coigeartú tionsclaíoch atá nasctha leis an aistriú digiteach, lena n-áirítear acmhainneachtaí digiteacha sa néalríomhaireacht, san intleacht shaorga agus sa sár-ríomhaireacht, agus le dícharbónú agus ciorclaíocht próiseas táirgeachta agus táirgí, amhail sa tionscal mótarfheithiclí nó i dtionscail dianfhuinnimh. Ina theannta sin, an fhéidearthacht a chuirtear ar fáil le haghaidh infheistíochtaí lena rannchuidítear le cuspóirí STEP chun infheistíochtaí táirgiúla i bhfiontair seachas FBManna a mhaoiniú ón gCiste um Aistriú Cóir (CUAC) a bunaíodh le Rialachán (AE) 2021/1056 ó Pharlaimint na hEorpa agus ón gComhairle (11), ba cheart í a leathnú chuig na hinfheistíochtaí uile, agus béim á coinneáil ar FMBanna ag an am céanna, i gcás ina bhfuil gá le hinfheistíochtaí den sórt sin chun, inter alia, an plean críochach um aistriú cóir a chur chun feidhme agus chun poist a chruthú.

(12)

Chun an tslándáil fuinnimh a fheabhsú, chun dlús a chur leis an aistriú fuinnimh agus chun an tsoghluaisteacht ghlan a chur chun cinn, ba cheart infheistíochtaí faoi STEP agus faoin tSaoráid um Bonneagar Breoslaí Malartacha dá bhforáiltear le Rialachán (AE) 2023/1804 ó Pharlaimint na hEorpa agus ón gComhairle (12) a chomhlánú trí chuspóir sonrach nua a chruthú do CFRE agus don Chiste Comhtháthaithe faoi chuspóir beartais 2 chun idirnascairí fuinnimh agus bonneagar gaolmhar tarchuir, dáileacháin, stórála agus tacaíochta a chur chun cinn, chomh maith leis an mbonneagar sin a chosaint agus a choimirciú agus imscaradh an bhonneagair luchtaithe a fheabhsú. Tagraíonn ‘bonneagar fuinnimh tacaíochta’ d’aon saoráidí, trealamh agus córais a thacaíonn le hidirnascadh chórais tarchurtha na mBallstát trí ghiniúint, tarchur, dáileadh agus stóráil fuinnimh a chumasú. Chun dlús a chur le hinfheistíochtaí sna réimsí sin, ba cheart do thosaíochtaí atá tiomnaithe don chuspóir sonrach sin tairbhe a bhaint as réamh-mhaoiniú aonuaire breise 20 % de na méideanna atá clársceidealaithe faoi na tosaíochtaí sin agus den fhéidearthacht ráta cómhaoinithe níos airde ón Aontas a chur i bhfeidhm. Táthar ag súil leis go bhféachfaidh údaráis bhainistíochta leis an úsáid is fearr is féidir a bhaint as maoiniú príobháideach, i gcás inarb ábhartha. Leis an iarracht infheistíochta feabhsaithe sin, beidh earnálacha dianfhuinnimh in ann teacht ar fhoinsí fuinnimh níos cobhsaí agus níos éagsúla i margadh inmheánach fuinnimh nach bhfuil chomh hilroinnte céanna, rud a neartófar a n-inbhuanaitheacht agus a n-iomaíochas. Thairis sin, má leathnaítear tacaíocht CFRE do thionscadail dícharbónaithe, is féidir le tionscail dianfhuinnimh tosaíocht a thabhairt do nuálaíochtaí ardtionchair atá ailínithe le cuspóirí aeráide an Aontais.

(13)

Maidir le tionscadail thábhachtacha ar mhaithe le leas na hEorpa i gcoitinne (IPCEInna), eadhon tionscadail lena dtacaítear le tionscadail trasteorann ar mórscála agus lena gcuirtear chun cinn iad, ar tionscadail iad a mheastar a bheith fíor-riachtanach d’fhás eacnamaíoch, nuálaíocht agus iomaíochas an Aontais, meastar iad a bheith comhoiriúnach leis an margadh inmheánach i gcás ina n-éascaíonn siad comhar tras-Eorpach le haghaidh teicneolaíochtaí nuálacha nó bonneagair uile-Eorpacha. Chun cabhrú le dlús a chur le dearadh IPCEInna nua agus le cur chun feidhme IPCEInna atá ann cheana, maidir le tacaíocht ó CFRE le haghaidh infheistíochtaí i tionscadail atá rannpháirteach in IPCEI a chinn an Coimisiún a bheith comhoiriúnach leis an margadh inmheánach de bhun Airteagal 107(3), pointe (b), CFAE agus a chomhlíonann teachtaireacht ón gCoimisiún an 25 Samhain 2021 dar teideal Criteria for the analysis of the compatibility with the internal market of State aid to promote the execution of important projects of common European interest [Critéir chun anailís a dhéanamh ar chomhoiriúnacht Státchabhrach leis an margadh inmheánach chun cur i gcrích tionscadal tábhachtach ar mhaithe le leas na hEorpa i gcoitinne a chur chun cinn], ba cheart an tacaíocht sin a cheadú i ngach catagóir réigiún. Thairis sin, ba cheart d’oibríochtaí lena rannchuidítear le IPCEI arna fhormheas ag an gCoimisiún tairbhe a bhaint as nósanna imeachta roghnúcháin simplithe.

(14)

Dúshlán eile is ea tithíocht inacmhainne agus inbhuanaithe, dúshlán a tháinig chun cinn mar thoradh ar an méadú suntasach ar phraghsanna agus ar chíosanna le blianta beaga anuas. Déantar difear mór do ghrúpaí faoi mhíbhuntáiste agus do theaghlaigh ísealioncaim agus meánioncaim, agus bíonn níos mó deacrachtaí acu rochtain a fháil ar thithíocht agus bíonn siad i mbaol méadaitheach easpa dídine. D’fhonn dreasachtaí a sholáthar do na Ballstáit agus do na réigiúin chun infheistíochtaí ó CFRE agus ón gCiste Comhtháthaithe a dhúbailt, laistigh dá raon feidhme tacaíochta faoi seach, maidir le tógáil agus athchóiriú an stoic tithíochta inacmhainne agus inbhuanaithe, lena n-áirítear tithíocht shóisialta, ba cheart cuspóirí sonracha nua a chruthú faoi chuspóirí beartais éagsúla chun solúbthacht a sholáthar le haghaidh clársceidealú idirghabhálacha tithíochta faoi thosaíochtaí tiomnaithe, agus á aithint ag an am céanna gur féidir leis an sainmhíniú ar inacmhainneacht a bheith éagsúil de réir imthosca gach Ballstáit. Ba cheart na tosaíochtaí sin a bheith comhoiriúnach le Treoir (AE) 2024/1275 ó Pharlaimint na hEorpa agus ón gComhairle (13) agus ba cheart an fhéidearthacht a bheith i gceist leo ráta cómhaoinithe níos airde ón Aontas agus réamh-mhaoiniú aonuaire breise 20 % de na méideanna atá clársceidealaithe a chur i bhfeidhm chun an t-ualach ar bhuiséid phoiblí i ngach catagóir réigiún a laghdú. Mar shampla, ba cheart d’infheistíochtaí faoi phrionsabail agus luachanna an tionscnaimh ‘Bauhaus Eorpach Nua’ leas iomlán a bhaint as na féidearthachtaí nua sin. Is féidir le háititheoirí tacaíocht a fháil freisin faoi na tosaíochtaí sin chun íoc as costais a eascraíonn as lóistín malartach a ghlacadh ar cíos go sealadach le linn an athchóirithe. Is iomchuí freisin an tacaíocht ó CUAC a shoiléiriú sa chomhthéacs sin.

(15)

Tá ról ríthábhachtach ag an uisce mar acmhainn do shlándáil córas bia, fuinnimh agus eacnamaíoch. Tá a ról mar acmhainn ina phríomhghné freisin chun an athléimneacht in aghaidh an athraithe aeráide a áirithiú. I bhfianaise na ndúshlán a bhaineann le tionchar an athraithe aeráide ar acmhainní uisce, ba cheart infheistíochtaí breise san athléimneacht uisce a spreagadh. Ba cheart cur chun feidhme na reachtaíochta cosanta uisce agus muirí a fheabhsú, ba cheart feabhas a chur ar éifeachtúlacht uisce, ba cheart aghaidh a thabhairt ar ghanntanas uisce, agus ba cheart dul chun cinn a dhéanamh i dtreo Eoraip a bheidh athléimneach ó thaobh uisce de, agus ba cheart an méid sin ar fad a dhéanamh ar bhonn práinneach. Chun an cur chun feidhme sin a dhéanamh, tá gá le hinfheistíochtaí suntasacha, lena n-áirítear in athúsáid uisce chun críoch neamhthalmhaíochta, sa bhiteicneolaíocht ghorm, i mbonneagar chun aghaidh a thabhairt ar strus uisce agus ar thriomach a chosc, in imscaradh réiteach dúlrabhunaithe, in athchóiriú éiceolaíoch éiceachóras fionnuisce, agus i bhfeabhsú cóireála fuíolluisce. I gcás daonraí atá ina gcónaí i réigiúin atá buailte go mór ag ganntanas uisce, is féidir ról lárnach a bheith ag an díshalannú, má dhéantar go hinbhuanaithe é, dá dtagraítear i dteachtaireacht ón gCoimisiún an 4 Meitheamh 2025 dar teideal ‘Straitéis Eorpach maidir le hAthléimneacht i Réimse an Uisce’, chun rochtain shlán ar uisce a áirithiú agus ba cheart, dá bhrí sin, iad a bheith incháilithe do thacaíocht. Dá bhrí sin, is iomchuí tagairt do rochtain shlán ar uisce, bainistiú inbhuanaithe uisce, lena n-áirítear bainistiú comhtháite uisce, agus athléimneacht uisce a áireamh sa chuspóir sonrach faoi chuspóir beartais 2 chun bainistiú réamhghníomhach rioscabhunaithe agus ullmhacht mhéadaithe a éascú. Na tosaíochtaí tiomnaithe nua arna mbunú don chuspóir sonrach sin, ba cheart dóibh tairbhe a bhaint freisin as réamh-mhaoiniú aonuaire breise 20 % de na méideanna atá clársceidealaithe agus as an bhféidearthacht ráta cómhaoinithe níos airde a bheith ann chun dreasachtaí a sholáthar le haghaidh infheistíochtaí ríthábhachtacha sa réimse sin. Ba cheart é a bheith indéanta freisin tacaíocht a sholáthar ó CUAC le haghaidh infheistíochtaí a bhaineann le huisce nuair a thugtar aghaidh leis na hinfheistíochtaí sin ar ghéarstrus uisce, nuair a fheabhsaíonn siad athléimneacht in aghaidh an athraithe aeráide, agus nuair a thacaíonn siad leis an aistriú chuig geilleagar áitiúil inbhuanaithe agus éagsúlaithe, fiú nuair nach bhfuil baint dhíreach acu le tionscadail athchóirithe talún.

(16)

Chun a chur ar a gcumas do na Ballstáit ath-chlársceidealú fiúntach a dhéanamh i gcomhthéacs an athbhreithnithe meántéarma agus acmhainní a dhíriú ar na tosaíochtaí straitéiseacha nua sin de chuid an Aontais, ba cheart deireadh a chur le srianta breise. A mhéid a bhaineann le ceanglais maidir le díriú téamach, is iomchuí cead a thabhairt do na Ballstáit méideanna atá clársceidealaithe do thosaíochtaí straitéiseacha nua, gan beann ar an gcomhlíonann na Ballstáit na ceanglais maidir le díriú téamach ar an leibhéal náisiúnta nó ar leibhéal na catagóire réigiúin, lena n-áirítear na méideanna sin lena rannchuidítear le cuspóirí STEP, a áireamh faoi chomhair na méideanna atá ag teastáil chun comhlíonadh na gceanglas maidir le díriú téamach a áirithiú. Ba cheart a bheith ag gabháil leis an tsolúbthacht i ndáil le ceanglais maidir le díriú téamach roinnt solúbthachta maidir le ríomh an rannchuidithe aeráide le haghaidh CFRE agus an Chiste Chomhtháthaithe de bhun Airteagal 6 de Rialachán (AE) 2021/1060, agus ceanglais fhoriomlána an Airteagail sin á n-urramú ag an am céanna. Ina theannta sin, ba cheart an deis a thabhairt do na Ballstáit freisin acmhainní ó CFRE agus ón gCiste Comhtháthaithe a ranníoc le hurrann an Bhallstáit de Chiste InvestEU a bunaíodh le Rialachán (AE) 2021/523 ó Pharlaimint na hEorpa agus ón gComhairle (14) chun iad a chur in úsáid tríd an ionstraim airgeadais dá bhforáiltear i gClár InvestEU.

Ar deireadh, ionas gur féidir ath-chlársceidealú cuimsitheach a dhéanamh i dtreo na dtosaíochtaí straitéiseacha nua i gcomhthéacs an athbhreithnithe meántéarma, ba cheart do na Ballstáit tairbhiú d’am breise chun chomhlánú a dhéanamh ar an measúnú ar thoradh an athbhreithniú mheántéarma a bheith déanta acu agus ar leasuithe gaolmhara ar chláir a bheith tíolactha acu. Ba cheart feidhm a bheith ag an am breise sin le haghaidh ath-chlársceidealú freisin maidir le hacmhainní CUAC i gcás ina n-áirítear iad i gclár in éineacht le hacmhainní CFRE agus an Chiste Chomhtháthaithe nó acmhainní Chiste Sóisialta na hEorpa Plus (CSE+) a bunaíodh le Rialachán (AE) 2021/1057 ó Pharlaimint na hEorpa agus ón gComhairle (15). Déantar leasuithe ar chláir faoi sprioc an chomhair chríochaigh Eorpaigh (Interreg) a thíolacadh i gcomhréir le hAirteagal 19 de Rialachán (AE) 2021/1059 ó Pharlaimint na hEorpa agus ón gComhairle (16).

(17)

Chun dlús a chur le cur chun feidhme clár beartais comhtháthaithe ar bhonn níos ginearálta agus an leachtacht is gá a instealladh le haghaidh príomhinfheistíochtaí atá le cur chun feidhme, ba cheart réamh-mhaoiniú aonuaire breise le haghaidh CFRE agus an Chiste Comhtháthaithe a íoc i gcás clár faoi sprioc na hInfheistíochta le haghaidh post agus fáis agus faoi sprioc an chomhair chríochaigh Eorpaigh (‘Interreg’) araon nuair a bhaineann an t-ath-chlársceidealú le sciar mór den chlár foriomlán. Ba cheart céatadán an réamh-mhaoinithe a mhéadú tuilleadh le haghaidh cláir áirithe faoi sprioc na hInfheistíochta le haghaidh post agus fáis lena gcumhdaítear réigiún ar leibhéal NUTS 2 amháin nó níos mó a bhfuil teorainn aige leis an Rúis, leis an mBealarúis nó leis an Úcráin, i bhfianaise drochthionchar chogadh foghach na Rúise in aghaidh na hÚcráine ar na réigiúin sin. Chun ath-chlársceidealú i treo príomhthosaíochtaí i gcomhthéacs an athbhreithnithe meántéarma a spreagadh, níor cheart an réamh-mhaoiniú breise a bheith ar fáil ach amháin i gcás ina sroichtear tairseacha áirithe le haghaidh ath-leithdháileadh acmhainní airgeadais ar thosaíochtaí ríthábhachtacha sonracha.

(18)

Chun an t-am is gá a chur san áireamh chun infheistíochtaí a athdhíriú i gcomhthéacs an athbhreithnithe meántéarma agus chun an úsáid is fearr a bhaint as acmhainní atá ar fáil, ba cheart dáta deiridh incháilitheacht an chaiteachais agus na rialacha saortha a choigeartú le haghaidh cláir lena ndéantar acmhainní a ath-leithdháileadh ar thosaíochtaí straitéiseacha i gcomhthéacs an athbhreithnithe mheántéarma. Ba cheart a bheith in ann ráta cómhaoinithe níos airde a chur i bhfeidhm maidir le tosaíochtaí i gcláir faoi sprioc na hInfheistíochta le haghaidh post agus fáis lena gcumhdaítear réigiún ar leibhéal NUTS 2 amháin nó níos mó a bhfuil teorainn aige leis an Rúis, leis an mBealarúis nó leis an Úcráin, agus drochthionchair chogadh foghach na Rúise i gcoinne na hÚcráine ar na réigiúin sin á chur san áireamh, agus aird chuí á tabhairt ar an ngá atá le cláir a dhúnadh go tráthúil, cláir nua a sheoladh go tráthúil agus leas iomlán a bhaint as cistiú clár.

(19)

Ba cheart úsáid a bhaint as an athbhreithniú meántéarma freisin chun ról ríthábhachtach cathracha agus limistéar uirbeach feidhmiúil a dhaingniú maidir le cuspóirí an Aontais a bhaint amach tríd an deis a thabhairt do na Ballstáit, i ndlúthchomhar leis na húdaráis réigiúnacha agus áitiúla, agus ag cuimhneamh ar shainiúlachtaí réigiúnacha agus raon feidhme an bheartais comhtháthaithe, acmhainní airgeadais a ath-leithdháileadh ó CFRE chun an Tionscnamh Uirbeach Eorpach dá dtagraítear in Airteagal 12 de Rialachán (AE) 2021/1058 a dhaingniú. Ina theannta sin, chun glacadh príomhghníomhaíochtaí nuálacha arna sainaithint faoin Tionscnamh Uirbeach Eorpach a éascú, ba cheart do na gníomhaíochtaí sin tairbhe a bhaint as nósanna imeachta roghnúcháin simplithe maidir le tacaíocht faoi chláir beartais comhtháthaithe. Chun solúbthacht maidir le húsáid acmhainní a fheabhsú, ba cheart an deis a sholáthar do na Ballstáit freisin acmhainní CFRE a ath-leithdháileadh óna gcláir faoi sprioc na hInfheistíochta le haghaidh post agus fáis ar an Ionstraim um Infheistíochtaí Nuálaíochta Idir-Réigiúnacha dá dtagraítear in Airteagal 13 de Rialachán (AE) 2021/1058.

(20)

Chun cur chun feidhme a shimpliú agus chun dlús a chur le hinfheistíochtaí, is iomchuí athruithe spriocdhírithe breise a dhéanamh ar an gcreat rialála lena rialaítear úsáid CUAC. Go háirithe, ba cheart an deis nós imeachta roghnúcháin simplithe a bheith ag oibríochtaí ar sannadh Séala Barr Feabhais dóibh a leathnú chuig CUAC. Thairis sin, ba cheart na teorannacha d’athbhreithniú a dhéanamh ar spriocanna a bhaint chun foráil a dhéanamh maidir leis an tsolúbthacht is gá i gcomhthéacs imthosca cur chun feidhme atá ag athrú.

(21)

Chun tacú leis na Ballstáit ath-chlársceidealú pras agus ceart a dhéanamh, ba cheart don Choimisiún soiléirithe teicniúla tráthúla agus soiléire agus tacaíocht a sholáthar d’údaráis bhainistíochta, lena n-áirítear trí chóras struchtúrtha trína dtugtar freagra ar cheisteanna teicniúla, dlíthiúla agus nós imeachta, go háirithe maidir le bearta a thugtar isteach leis an Rialachán seo.

(22)

Ós rud é nach féidir leis na Ballstáit cuspóirí an Rialacháin seo, eadhon infheistíochtaí a athdhíriú ar thosaíochtaí criticiúla i gcomhthéacs an athbhreithnithe meántéarma agus cur chun feidhme beartas a éascú agus dlús a chur leis trí Rialacháin (AE) 2021/1058 agus (AE) 2021/1056 a leasú, a ghnóthú go leordhóthanach agus, de bharr a bhfairsinge agus a n-éifeachtaí, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(23)

Ba cheart, dá bhrí sin, Rialacháin (AE) 2021/1058 agus (AE) 2021/1057 a leasú dá réir sin.

(24)

I bhfianaise a phráinní atá sé infheistíochtaí ríthábhachtacha a éascú, go háirithe i gcumais chosanta i gcomhthéacs dúshlán geopholaitiúil práinneach, ba cheart an Rialachán seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh,

(1)

leasaítear Airteagal 3 mar a leanas:

(2)

in Airteagal 4, cuirtear an méid seo a leanas in ionad mhír 10:

(3)

leasaítear Airteagal 5 mar a leanas:

(4)

cuirtear an t-airteagal seo a leanas isteach:

(*3)  Rialachán (AE) 2021/1056 ó Pharlaimint na hEorpa agus ón gComhairle an 24 Meitheamh 2021 lena mbunaítear an Ciste um Aistriú Cóir (IO L 231, 30.6.2021, lch. 1, ELI: http://data.europa.eu/eli/reg/2021/1056/oj).’;"

(5)

in Airteagal 12, cuirtear an mhír seo a leanas leis:

(6)

in Iarscríbhinn I, leasaítear Tábla 1 mar a leanas:

(1)

leasaítear Airteagal 8(2) mar a leanas:

(2)

in Airteagal 10, cuirtear na míreanna seo a leanas leis:

(*4)  Rialachán (AE) 2025/1914 ó Pharlaimint na hEorpa agus ón gComhairle an 18 Meán Fómhair 2025 lena leasaítear Rialacháin (AE) 2021/1058 agus (AE) 2021/1056 a mhéid a bhaineann le bearta sonracha chun aghaidh a thabhairt ar dhúshláin straitéiseacha i gcomhthéacs an athbhreithnithe meántéarma (IO L, 2025/1914, 19.9.2025, ELI: http://data.europa.eu/eli/reg/2025/1914/oj).’;"

(3)

in Airteagal 11(2), cuirtear an méid seo a leanas in ionad phointí (h) agus (i):

;

(4)

in Airteagal 12, cuirtear an méid seo a leanas in ionad mhír 2:

(5)

in Iarscríbhinn II, cuirtear an méid seo a leanas in ionad an téacs a thagraíonn do phointe (h) d’Airteagal 11(2) i bpointe 2.4:

‘Le líonadh isteach má thugtar tacaíocht d’infheistíochtaí táirgiúla in eagraíochtaí nach FBManna iad, agus sa chás sin amháin:

Nuashonraigh nó líon isteach an roinn seo tríd an athbhreithniú ar phleananna críocha um aistriú cóir, ag brath ar an gcinneadh tacaíocht mar sin a chur ar fáil.’

(6)

in Iarscríbhinn III, cuirtear an ró seo a leanas léi: