1.   Baileoidh aeriompróirí sonraí API gach paisinéara ar eitiltí isteach san Aontas atá le haistriú chuig an ródaire i gcomhréir le hAirteagal 6. I gcás ina gcomhroinntear cód na heitilte idir aeriompróirí, is ar an aeriompróir a oibríonn an eitilt a bheidh an oibleagáid na sonraí API a aistriú.

2.   Ní bheidh sna sonraí API ach na sonraí seo a leanas a bhaineann le gach paisinéir ar an eitilt:

3.   Ní chuimseofar sna sonraí API freisin ach an fhaisnéis eitilte seo a leanas maidir le heitilt gach paisinéara:

1.   Baileoidh aeriompróirí na sonraí API de bhun Airteagal 4 ar bhealach lena n-áirithítear go bhfuil na sonraí API a aistríonn siad i gcomhréir le hAirteagal 6 cruinn, iomlán agus cothrom le dáta.

2.   Baileoidh aeriompróirí na sonraí API dá dtagraítear in Airteagal 4(2), pointí (a) go (d), trí mhodhanna uathoibrithe a úsáid chun sonraí meaisín-inléite dhoiciméad taistil an phaisinéara lena mbaineann a bhailiú. Déanfaidh siad amhlaidh i gcomhréir leis na ceanglais theicniúla mhionsonraithe agus na rialacha oibríochtúla mionsonraithe dá dtagraítear i mír 7 den Airteagal seo, a luaithe a ghlacfar rialacha den sórt sin agus a thiocfaidh siad chun bheith infheidhme.

I gcás ina soláthraíonn aeriompróirí próiseas seiceála isteach ar líne, cuirfidh siad ar chumas paisinéirí na sonraí API dá dtagraítear in Airteagal 4(2), pointí (a) go (d), a sholáthar trí mhodhanna uathoibrithe le linn an phróisis seiceála isteach ar líne sin. Maidir le paisinéirí nach seiceálann isteach ar líne, cuirfidh aeriompróirí ar chumas na bpaisinéirí sin na sonraí API sin a sholáthar trí mhodhanna uathoibrithe le linn seiceáil isteach ag an aerfort le cúnamh ó bhoth féinseirbhíse nó ó bhall foirne na n-aeriompróirí ag an gcuntar.

I gcás ina bhfuil sé dodhéanta go teicniúil modhanna uathoibrithe a úsáid, ar bhonn eisceachtúil, baileoidh aeriompróirí na sonraí API dá dtagraítear in Airteagal 4(2), pointí (a) go (d), de láimh, mar chuid den tseiceáil isteach ar líne nó mar chuid den tseiceáil isteach ag an aerfort, ar bhealach lena n-áiritheofar go gcomhlíonfar mír 1 den Airteagal seo.

3.   Beidh aon mhodh uathoibrithe a úsáideann aeriompróirí chun sonraí API a bhailiú faoin Rialachán seo iontaofa, slán agus cothrom le dáta. Áiritheoidh aeriompróirí go mbeidh sonraí API criptithe le linn aistriú sonraí den sórt sin ón bpaisinéir chuig an aeriompróir.

4.   Le linn idirthréimhse, agus sa bhreis ar na modhanna uathoibrithe dá dtagraítear i mír 3, fágfaidh aeriompróirí go mbeidh paisinéirí in ann sonraí API a sholáthar de láimh mar chuid den tseiceáil isteach ar líne. I gcásanna den sórt sin, bainfidh aeriompróirí úsáid as teicnící fíoraithe sonraí chun a áirithiú go gcomhlíonfar mír 1.

5.   Ní dhéanfaidh an idirthréimhse dá dtagraítear i mír 4 difear do cheart aeriompróirí sonraí API arna mbailiú mar chuid den tseiceáil isteach ar líne a fhíorú ag an aerfort roimh dhul ar bord an aerárthaigh chun comhlíonadh mhír 1 a áirithiú, i gcomhréir leis an dlí is infheidhme de chuid an Aontais.

6.   Tugtar de chumhacht don Choimisiún gníomh tarmligthe a ghlacadh i gcomhréir le hAirteagal 44, amhail ón dáta 4 bliana tar éis thús oibríochtaí an ródaire dá dtagraítear in Airteagal 34, agus ar bhonn meastóireacht ar infhaighteacht agus inrochtaineacht na modhanna uathoibrithe chun sonraí API a bhailiú, chun an idirthréimhse dá dtagraítear i mír 4 den Airteagal seo a fhoirceannadh.

7.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 44 chun an Rialachán seo a fhorlíonadh trí cheanglais theicniúla mhionsonraithe agus rialacha oibríochtúla mionsonraithe a leagan síos chun na sonraí API dá dtagraítear i mír 2, pointí (a) go (d), a bhailiú, trí mhodhanna uathoibrithe a úsáid i gcomhréir le míreanna 2 agus 3 den Airteagal seo, agus chun na sonraí API a bhailiú de láimh in imthosca eisceachtúla i gcomhréir le mír 2 den Airteagal seo agus le linn na hidirthréimhse dá dtagraítear i mír 4 den Airteagal seo. Leis na ceanglais theicniúla agus na rialacha oibríochtúla sin áireofar ceanglais i ndáil le slándáil sonraí agus chun na modhanna uathoibrithe is iontaofa atá ar fáil a úsáid chun sonraí meaisín-inléite doiciméid taistil a bhailiú.

8.   Aeriompróirí a úsáideann modhanna uathoibrithe chun an fhaisnéis dá dtagraítear in Airteagal 3(1) agus (2) de Threoir 2004/82/CE a bhailiú, beidh siad i dteideal é sin a dhéanamh agus na ceanglais theicniúla a bhaineann leis an úsáid sin dá dtagraítear i mír 7 den Airteagal seo á gcur i bhfeidhm acu, i gcomhréir leis an Treoir sin.

1.   Aistreoidh aeriompróirí na sonraí criptithe API chuig an ródaire trí mheán leictreonach chun iad a tharchur chuig na húdaráis inniúla teorann i gcomhréir le hAirteagal 14. Aistreoidh aeriompróirí na sonraí API i gcomhréir leis na rialacha mionsonraithe dá dtagraítear i mír 3 den Airteagal seo, a luaithe is a ghlacfar rialacha den sórt sin agus a thiocfaidh siad chun bheith infheidhme.

2.   Déanfaidh aeriompróirí na sonraí API a aistriú sna cásanna seo a leanas:

3.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 44 chun an Rialachán seo a fhorlíonadh trí na rialacha mionsonraithe is gá a leagan síos maidir leis na prótacail choiteanna agus na formáidí sonraí tacaithe atá le húsáid le haghaidh aistriú criptithe sonraí API chuig an ródaire dá dtagraítear i mír 1 den Airteagal seo, lena n-áirítear aistriú sonraí API tráth na seiceála isteach agus na ceanglais maidir le slándáil sonraí. Le rialacha mionsonraithe den sórt sin, áiritheofar go n-aistreoidh aeriompróirí sonraí API trí úsáid a bhaint as an struchtúr céanna agus an t-ábhar céanna.

1.   Stórálfaidh aeriompróirí, ar feadh 48 n-uair an chloig ón nóiméad a gheobhaidh an ródaire na sonraí API a aistríodh chuige i gcomhréir le hAirteagal 6(2), pointí (a) agus (b), na sonraí API a bhailigh siad de bhun Airteagal 4. Scriosfaidh siad sonraí API den sórt sin láithreach agus go buan tar éis don tréimhse sin dul in éag, gan dochar don fhéidearthacht atá ag aeriompróirí na sonraí a choinneáil agus a úsáid i gcás inar gá le haghaidh ghnáthchúrsa a ngnó i gcomhréir leis an dlí is infheidhme, agus gan dochar d’Airteagal 16(1) agus (3).

2.   Stórálfaidh na húdaráis inniúla teorann, ar feadh tréimhse 48 n-uair an chloig ón nóiméad a fhaigheann siad na sonraí API arna dtarchur chucu de bhun Airteagal 14 tar éis an aistrithe de bhun Airteagal 6(2), pointí (a) agus (b). Scriosfaidh siad sonraí API den sórt sin láithreach agus go buan nuair a rachaidh an tréimhse ama sin in éag.

I gcásanna eisceachtúla, ní fhéadfaidh na húdaráis inniúla teorann sonraí API a choinneáil ar feadh tréimhse bhreise suas le 48 n-uair an chloig ach amháin sa mhéid go dtagraíonn sonraí API den sórt sin do phaisinéirí nár chuir iad féin i láthair ag pointe trasnaithe teorann le linn na tréimhse ama dá dtagraítear sa chéad fhomhír seo.

1.   I gcás ina bhfaigheann aeriompróir amach gur próiseáladh go neamhdhleathach sonraí a stórálann sé faoin Rialachán seo, nó nach sonraí API iad na sonraí sin, déanfaidh sé na sonraí sin a scriosadh láithreach agus go buan. Más rud é gur aistríodh na sonraí sin chuig an ródaire, cuirfidh an t-aeriompróir Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA) ar an eolas láithreach. Ar fhaisnéis den sórt sin a fháil, déanfaidh eu-LISA an t-údarás inniúil teorann a fuair na sonraí arna dtarchur tríd an ródaire a chur ar an eolas láithreach. Déanfaidh an t-údarás inniúil teorann sin na sonraí sin a scriosadh láithreach agus go buan.

2.   I gcás ina bhfaigheann aeriompróir amach go bhfuil na sonraí a stórálann sé faoin Rialachán seo míchruinn nó neamhiomlán nó nach bhfuil siad cothrom le dáta a thuilleadh, déanfaidh sé na sonraí sin a cheartú, a chomhlánú nó a nuashonrú láithreach. Ní dochar an méid sin don fhéidearthacht atá ag aeriompróirí na sonraí a choinneáil agus a úsáid i gcás inar gá le haghaidh ghnáthchúrsa a ngnó i gcomhréir leis an dlí is infheidhme.

3.   I gcás ina bhfaigheann aeriompróir amach, tar éis aistriú na sonraí API faoi Airteagal 6(2), pointe (a), ach sula ndéanfar an t-aistriú faoi Airteagal 6(2), pointe (b), go bhfuil na sonraí a d’aistrigh sé míchruinn, aistreoidh an t-aeriompróir na sonraí API ceartaithe láithreach chuig an ródaire.

4.   I gcás ina bhfaigheann aeriompróir amach, tar éis aistriú na sonraí API faoi Airteagal 6(2), pointe (a) nó (b), go bhfuil na sonraí a d’aistrigh sé míchruinn nó neamhiomlán nó nach bhfuil siad cothrom le dáta a thuilleadh, aistreoidh an t-aeriompróir na sonraí API ceartaithe, comhlánaithe nó nuashonraithe láithreach chuig an ródaire.

5.   I gcás ina bhfaigheann údarás inniúil teorann amach, tar éis tharchur na sonraí API faoi Airteagal 14, go bhfuil na sonraí míchruinn nó neamhiomlán nó nach bhfuil siad cothrom le dáta a thuilleadh, scriosfaidh sé na sonraí sin láithreach, ach amháin má tá gá leis na sonraí sin chun a áirithiú go gcomhlíonfar na hoibleagáidí a leagtar síos sa Rialachán seo.

6.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 44 chun an Rialachán seo a fhorlíonadh trí na rialacha mionsonraithe is gá a leagan síos maidir le sonraí API a cheartú, a chomhlánú agus a nuashonrú de réir bhrí an Airteagail seo.

1.   Maidir le bailiú agus próiseáil sonraí pearsanta i gcomhréir leis an Rialachán seo agus le Rialachán (AE) 2025/13 ag aeriompróirí agus údaráis inniúla, ní bheidh de thoradh air sin go ndéanfar idirdhealú in aghaidh daoine ar na forais a liostaítear in Airteagal 21 de Chairt um Chearta Bunúsacha an Aontais Eorpaigh (‘an Chairt’).

2.   Déanfar dínit an duine agus na cearta bunúsacha agus na prionsabail a aithnítear sa Chairt a urramú go hiomlán leis an Rialachán seo, lena n-áirítear an ceart go ndéanfar saol príobháideach an duine a urramú, an ceart chun tearmainn, an ceart go ndéanfar sonraí pearsanta a chosaint, an ceart chun saorghluaiseachta agus an ceart chun leigheasanna éifeachtacha dlí a fháil.

3.   Tabharfar aird ar leith ar leanaí, daoine scothaosta, daoine faoi mhíchumas agus daoine leochaileacha. Tabharfar tús áite do leas an linbh agus an Rialachán seo á chur chun feidhme.

1.   Déanfaidh eu-LISA ródaire a dhearadh, a fhorbairt, a óstáil agus a bhainistiú go teicniúil, i gcomhréir le hAirteagail 25 agus 26, chun aistriú na sonraí API criptithe ag aeriompróirí chuig na húdaráis inniúla teorann a éascú i gcomhréir leis an Rialachán seo.

2.   Is é a bheidh sa ródaire:

3.   Gan dochar d’Airteagal 12 den Rialachán seo, déanfaidh an ródaire, i gcás inarb iomchuí agus a mhéid is féidir go teicniúil, na comhpháirteanna teicniúla, lena n-áirítear comhpháirteanna crua-earraí agus bogearraí na seirbhíse gréasáin dá dtagraítear in Airteagal 13 de Rialachán (AE) 2017/2226, an geata iompróra dá dtagraítear in Airteagal 6(2), pointe (k), de Rialachán (AE) 2018/1240, agus an geata iompróra dá dtagraítear in Airteagal 45c de Rialachán (CE) Uimh. 767/2008, a chomhroinnt agus a athúsáid.

Déanfaidh eu-LISA an ródaire a dhearadh, a mhéid is féidir go teicniúil agus go hoibríochtúil, ar bhealach atá comhleanúnach agus comhsheasmhach leis na hoibleagáidí ar aeriompróirí a leagtar amach i Rialacháin (CE) Uimh. 767/2008, (AE) 2017/2226 agus (AE) 2018/1240.

4.   Déanfaidh an ródaire na sonraí a asbhaint agus a chur ar fáil go huathoibríoch, i gcomhréir le hAirteagal 38 den Rialachán seo, don lárstóras um thuairisciú agus staidreamh (CRRS) arna bhunú le hAirteagal 39 de Rialachán (AE) 2019/817.

5.   Déanfaidh eu-LISA an ródaire a dhearadh agus a fhorbairt ar bhealach ina bhfágtar go ndéanfar sonraí API a aistriú ó aeriompróirí chuig an ródaire i gcomhréir le hAirteagal 6, agus i gcás aon tarchur sonraí API ón ródaire chuig na húdaráis inniúla teorann i gcomhréir le hAirteagal 14 agus chuig CRRS i gcomhréir le hAirteagal 38(2), déanfar na sonraí API a chriptiú inn ar inn agus iad faoi bhealach.

1.   Fíoróidh an ródaire, ar bhealach uathoibrithe agus ar bhonn na sonraí tráchta eitilte fíor-ama, ar aistrigh an t-aeriompróir na sonraí API i gcomhréir le hAirteagal 6(1).

2.   Fíoróidh an ródaire láithreach agus ar bhealach uathoibrithe, an gcomhlíonann na sonraí API a aistríodh chuige i gcomhréir le hAirteagal 6(1) na rialacha mionsonraithe maidir leis na formáidí sonraí tacaithe dá dtagraítear in Airteagal 6(3).

3.   I gcás ina gcinntear leis an bhfíorú dá dtagraítear i mír 1 den Airteagal seo nár aistrigh an t-aeriompróir na sonraí nó i gcás ina gcinntear leis an bhfíorú dá dtagraítear i mír 2 den Airteagal seo nach gcomhlíonann na sonraí na rialacha mionsonraithe maidir leis na formáidí sonraí tacaithe, tabharfaidh an ródaire fógra láithreach agus ar bhealach uathoibrithe don aeriompróir lena mbaineann agus d’údaráis inniúla teorann na mBallstát a raibh na sonraí le tarchur chucu de bhun Airteagal 14(1). I gcásanna den sórt sin, aistreoidh an t-aeriompróir na sonraí API láithreach i gcomhréir le hAirteagal 6.

4.   Glacfaidh an Coimisiún gníomhartha cur chun feidhme lena sonrófar na rialacha mionsonraithe teicniúla agus nós imeachta is gá maidir leis na fíoruithe agus na fógraí dá dtagraítear i míreanna 1, 2 agus 3 den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(2).

1.   Le linn na bhfíoruithe ar an bhformáid sonraí agus ar an aistriú dá dtagraítear in Airteagal 13, tarchuirfidh an ródaire na sonraí API criptithe arna n-aistriú chuige de bhun Airteagal 6 nó Airteagal 9(3) agus (4) chuig údaráis inniúla teorann an Bhallstáit nó, i gcás ina bhfuil sé beartaithe go dtuirlingeoidh an eitilt ag aerfort amháin nó níos mó i gcríocha Ballstáit amháin nó níos mó a bhfuil feidhm ag an Rialachán seo maidir leo, chuig údaráis inniúla teorann na mBallstát dá dtagraítear in Airteagal 4(3), pointe (c). Tarchuirfidh sé na sonraí sin láithreach agus ar bhealach uathoibrithe, agus gan a n-inneachar a athrú ar aon bhealach, agus i gcomhréir leis na rialacha mionsonraithe dá dtagraítear i mír 5 den Airteagal seo, a luaithe a ghlacfar na rialacha sin agus a bheidh siad infheidhme.

Chun críocha an tarchuir sin, déanfaidh eu-LISA tábla comhfhreagrais idir na haerfoirt tionscnaimh agus cinn scríbe éagsúla agus na tíortha lena mbaineann siad a bhunú agus a choinneáil cothrom le dáta.

2.   Ainmneoidh na Ballstáit údaráis inniúla teorann atá údaraithe chun na sonraí API arna dtarchur chucu ón ródaire a fháil i gcomhréir leis an Rialachán seo. Tabharfaidh siad fógra do eu-LISA agus don Choimisiún, faoi dháta chur i bhfeidhm an Rialacháin seo dá dtagraítear in Airteagal 46, an dara mír, faoi ainm agus faoi shonraí teagmhála na n-údarás inniúil teorann agus, i gcás inar gá, tabharfaidh siad fógra do eu-LISA agus don Choimisiún faoi aon nuashonrú ar an bhfaisnéis sin.

Déanfaidh an Coimisiún, ar bhonn na bhfógraí agus na nuashonruithe sin, liosta de na húdaráis inniúla teorann faoina dtugtar fógra a thiomsú agus a chur ar fáil go poiblí, lena n-áirítear a sonraí teagmhála.

3.   Áiritheoidh na Ballstáit go ndeimhneoidh a n-údaráis inniúla teorann, tar éis dóibh sonraí API a fháil i gcomhréir le mír 1, don ródaire, láithreach agus ar bhealach uathoibrithe, go bhfuarthas na sonraí sin.

4.   Áiritheoidh na Ballstáit nach mbeidh rochtain ach ag foireann chuí-údaraithe agus oilte a n-údarás inniúil teorann, arna n-ainmniú i gcomhréir le mír 2, ar na sonraí API arna dtarchur chucu tríd an ródaire. Leagfaidh siad síos na rialacha is gá chuige sin. Áireofar sna rialacha sin rialacha maidir le liosta de na baill foirne sin agus a bpróifílí a chruthú agus a nuashonrú go tráthrialta.

5.   Glacfaidh an Coimisiún gníomhartha cur chun feidhme lena sonrófar na rialacha mionsonraithe teicniúla agus nós imeachta is gá maidir le tarchur na sonraí API ón ródaire dá dtagraítear i mír 1 den Airteagal seo, lena n-áirítear maidir le ceanglais maidir le slándáil sonraí. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(2).

1.   I gcás ina bhfuil sé dodhéanta ar chúiseanna teicniúla an ródaire a úsáid chun sonraí API a tharchur mar gheall ar chliseadh an ródaire, tabharfaidh eu-LISA fógra láithreach do na haeriompróirí agus do na húdaráis inniúla teorann faoin dodhéantacht theicniúil sin ar bhealach uathoibrithe. Sa chás sin, déanfaidh eu-LISA bearta láithreach chun aghaidh a thabhairt ar an dodhéantacht an ródaire a úsáid ar chúiseanna teicniúla agus tabharfaidh sé fógra láithreach do na haeriompróirí agus do na húdaráis inniúla teorann nuair a bheidh aghaidh tugtha go rathúil air.

Le linn na tréimhse ama idir na fógraí sin, ní bheidh feidhm ag Airteagal 6(1) ná ag Airteagal 8(1), sa mhéid go gcuirtear cosc ar aistriú sonraí API chuig an ródaire mar gheall ar an dodhéantacht theicniúil. Stórálfaidh aeriompróirí na sonraí API go dtí go mbeidh aghaidh tugtha go rathúil ar an dodhéantacht theicniúil. A luaithe a bheidh aghaidh tugtha go rathúil ar an dodhéantacht theicniúil, déanfaidh aeriompróirí na sonraí a aistriú chuig an ródaire i gcomhréir le hAirteagal 6(1).

I gcás ina bhfaightear na sonraí API tráth is déanaí ná 96 uair an chloig tar éis an ama imeachta dá dtagraítear in Airteagal 4(3)(f), ní dhéanfar na sonraí API a tharchur chuig na húdaráis inniúla teorann leis an ródaire, ach scriosfaidh sé na sonraí sin.

I gcás ina bhfuil sé dodhéanta ar chúiseanna teicniúla an ródaire a úsáid, agus i gcásanna eisceachtúla a bhaineann le cuspóirí an Rialacháin seo a fhágann gur gá do na húdaráis inniúla teorann sonraí API a fháil láithreach le linn na tréimhse ina bhfuil sé dodhéanta ar chúiseanna teicniúla an ródaire a úsáid, féadfaidh na húdaráis inniúla teorann iarraidh ar aeriompróirí úsáid a bhaint as aon mhodhanna iomchuí eile lena n-áirithítear an leibhéal slándála sonraí, cáilíochta sonraí agus cosanta sonraí is gá chun na sonraí API a aistriú go díreach chuig na húdaráis inniúla teorann. Déanfaidh na húdaráis inniúla teorann na sonraí API a fhaightear trí aon mhodhanna iomchuí eile a phróiseáil i gcomhréir leis na rialacha agus na coimircí a leagtar amach i Rialachán (AE) 2016/399 agus sa dlí náisiúnta is infheidhme.

Tar éis fógra a fháil ó eu-LISA go bhfuil aghaidh tugtha go rathúil ar an dodhéantacht theicniúil, agus i gcás ina ndeimhneofar i gcomhréir le hAirteagal 14(3), gur cuireadh tarchur na sonraí API chuig an údarás inniúil teorann ábhartha tríd an ródaire i gcrích, scriosfaidh an t-údarás inniúil teorann láithreach na sonraí API a fhaightear trí aon mhodhanna iomchuí eile.

2.   I gcás ina bhfuil sé dodhéanta ar chúiseanna teicniúla an ródaire a úsáid chun sonraí API a tharchur mar gheall ar chliseadh córais nó bonneagair Ballstáit dá dtagraítear in Airteagal 23, tabharfaidh údaráis inniúla teorann an Bhallstáit sin fógra láithreach do na haeriompróirí, d’údaráis inniúla na mBallstát eile, do eu-LISA agus don Choimisiún faoin dodhéantacht theicniúil sin ar bhealach uathoibrithe. Sa chás sin, déanfaidh an Ballstát sin bearta láithreach chun aghaidh a thabhairt ar an dodhéantacht an ródaire a úsáid ar chúiseanna teicniúla agus tabharfaidh sé fógra láithreach do na haeriompróirí, d’údaráis inniúla na mBallstát eile, do eu-LISA agus don Choimisiún nuair a bheidh aghaidh tugtha go rathúil air. Stórálfaidh an ródaire na sonraí API go dtí go mbeidh aghaidh tugtha go rathúil ar an dodhéantacht theicniúil. A luaithe a bheidh aghaidh tugtha go rathúil ar an dodhéantacht theicniúil, déanfar na sonraí a tharchur leis an ródaire i gcomhréir le hAirteagal 14(1).

Le linn na tréimhse ama idir na fógraí sin, ní bheidh feidhm ag Airteagal 6(1) ná ag Airteagal 8(1), sa mhéid go gcuirtear cosc ar aistriú sonraí API chuig an ródaire mar gheall ar an dodhéantacht theicniúil. Stórálfaidh aeriompróirí na sonraí API go dtí go mbeidh aghaidh tugtha go rathúil ar an dodhéantacht theicniúil. A luaithe a bheidh aghaidh tugtha go rathúil ar an dodhéantacht theicniúil, déanfaidh aeriompróirí na sonraí a aistriú chuig an ródaire i gcomhréir le hAirteagal 6(1).

I gcás ina bhfaightear na sonraí API tráth is déanaí ná 96 uair an chloig tar éis an ama imeachta dá dtagraítear in Airteagal 4(3)(f), ní dhéanfar na sonraí API a tharchur chuig na húdaráis inniúla teorann leis an ródaire, ach scriosfaidh sé na sonraí sin.

I gcás ina bhfuil sé dodhéanta ar chúiseanna teicniúla an ródaire a úsáid, agus i gcásanna eisceachtúla a bhaineann le cuspóirí an Rialacháin seo a fhágann gur gá do na húdaráis inniúla teorann sonraí API a fháil láithreach le linn na tréimhse ina bhfuil sé dodhéanta ar chúiseanna teicniúla an ródaire a úsáid, féadfaidh na húdaráis inniúla teorann iarraidh ar aeriompróirí úsáid a bhaint as aon mhodhanna iomchuí eile lena n-áirithítear an leibhéal slándála sonraí, cáilíochta sonraí agus cosanta sonraí is gá chun na sonraí API a aistriú go díreach chuig na húdaráis inniúla teorann. Déanfaidh na húdaráis inniúla teorann na sonraí API a fhaightear trí aon mhodhanna iomchuí eile a phróiseáil i gcomhréir leis na rialacha agus na coimircí a leagtar amach i Rialachán (AE) 2016/399 agus sa dlí náisiúnta is infheidhme.

Tar éis fógra a fháil ó eu-LISA go bhfuil aghaidh tugtha go rathúil ar an dodhéantacht theicniúil, agus i gcás ina ndeimhneofar, i gcomhréir le hAirteagal 14(3), gur cuireadh tarchur na sonraí API chuig an údarás inniúil teorann ábhartha tríd an ródaire i gcrích, scriosfaidh an t-údarás inniúil teorann láithreach na sonraí API a fhaightear trí aon mhodhanna iomchuí eile.

3.   I gcás ina bhfuil sé dodhéanta ar chúiseanna teicniúla an ródaire a úsáid chun sonraí API a aistriú mar gheall ar chliseadh córas nó bonneagair aeriompróra dá dtagraítear in Airteagal 24, tabharfaidh an t-aeriompróir sin fógra láithreach do na húdaráis inniúla teorann, do eu-LISA agus don Choimisiún faoin dodhéantacht theicniúil sin ar bhealach uathoibrithe. Sa chás sin, déanfaidh an t-aeriompróir sin bearta láithreach chun aghaidh a thabhairt ar an dodhéantacht an ródaire a úsáid ar chúiseanna teicniúla agus tabharfaidh sé fógra láithreach do eu-LISA agus don Choimisiún nuair a bheidh aghaidh tugtha go rathúil air.

Le linn na tréimhse ama idir na fógraí sin, ní bheidh feidhm ag Airteagal 6(1) ná ag Airteagal 8(1), sa mhéid go gcuirtear cosc ar aistriú sonraí API chuig an ródaire mar gheall ar an dodhéantacht theicniúil. Stórálfaidh aeriompróirí na sonraí API go dtí go mbeidh aghaidh tugtha go rathúil ar an dodhéantacht theicniúil. A luaithe a bheidh aghaidh tugtha go rathúil ar an dodhéantacht theicniúil, déanfaidh aeriompróirí na sonraí a aistriú chuig an ródaire i gcomhréir le hAirteagal 6(1). Mar sin féin, ní dhéanfar na sonraí API a tharchur chuig na húdaráis inniúla teorann leis an ródaire, ach scriosfaidh sé na sonraí, má fhaightear iad tráth is déanaí ná 96 uair an chloig tar éis an ama imeachta dá dtagraítear in Airteagal 4(3)(f).

I gcás ina bhfuil sé dodhéanta ar chúiseanna teicniúla an ródaire a úsáid, agus i gcásanna eisceachtúla a bhaineann le cuspóirí an Rialacháin seo a fhágann gur gá do na húdaráis inniúla teorann sonraí API a fháil láithreach le linn na tréimhse ina bhfuil sé dodhéanta ar chúiseanna teicniúla an ródaire a úsáid, féadfaidh na húdaráis inniúla teorann iarraidh ar aeriompróirí úsáid a bhaint as aon mhodhanna iomchuí eile lena n-áirithítear an leibhéal slándála sonraí, cáilíochta sonraí agus cosanta sonraí is gá chun na sonraí API a aistriú go díreach chuig na húdaráis inniúla teorann. Déanfaidh na húdaráis inniúla teorann na sonraí API a fhaightear trí aon mhodhanna iomchuí eile a phróiseáil i gcomhréir leis na rialacha agus na coimircí a leagtar amach i Rialachán (AE) 2016/399 agus sa dlí náisiúnta is infheidhme.

Tar éis fógra a fháil ó eu-LISA go bhfuil aghaidh tugtha go rathúil ar an dodhéantacht theicniúil, agus i gcás ina ndeimhneofar i gcomhréir le hAirteagal 14(3), gur cuireadh tarchur na sonraí API chuig an údarás inniúil teorann ábhartha tríd an ródaire i gcrích, scriosfaidh an t-údarás inniúil teorann láithreach na sonraí API a fhaightear trí aon mhodhanna iomchuí eile.

Nuair a bheidh aghaidh tugtha go rathúil ar an dodhéantacht theicniúil, cuirfidh an t-aeriompróir lena mbaineann, gan mhoill, tuarascáil faoi bhráid an údaráis maoirseachta náisiúnta API dá dtagraítear in Airteagal 36, ina mbeidh na sonraí uile is gá maidir leis an dodhéantacht theicniúil, lena n-áirítear na cúiseanna leis an dodhéantacht theicniúil, méid agus iarmhairtí na dodhéantachta teicniúla, chomh maith leis na bearta a rinneadh chun aghaidh a thabhairt uirthi.

1.   Cruthóidh aeriompróirí logaí de na hoibríochtaí próiseála uile a bhaineann le sonraí API faoin Rialachán seo arna ndéanamh trí úsáid a bhaint as na modhanna uathoibrithe dá dtagraítear in Airteagal 5(2). Cumhdófar sna logaí sin dáta, am agus áit aistrithe na sonraí API. Ní áireofar aon sonraí pearsanta sna logaí sin, seachas an fhaisnéis is gá chun an duine ábhartha d’fhoireann an aeriompróra a shainaithint.

2.   Coinneoidh eu-LISA logaí de na hoibríochtaí próiseála uile a bhaineann le haistriú agus tarchur sonraí API tríd an ródaire faoin Rialachán seo. Leis na logaí sin, cumhdófar an méid seo a leanas:

Ní áireofar sna logaí sin aon sonraí pearsanta, seachas an fhaisnéis is gá chun an duine ábhartha d’fhoireann eu-LISA, dá dtagraítear i bpointe (d) den chéad fhomhír, a shainaithint.

3.   Ní úsáidfear na logaí dá dtagraítear i míreanna 1 agus 2 den Airteagal seo ach chun slándáil agus sláine na sonraí API agus dlíthiúlacht na próiseála a áirithiú, go háirithe a mhéid a bhaineann le comhlíonadh na gceanglas a leagtar amach sa Rialachán seo, lena n-áirítear imeachtaí le haghaidh pionós as sáruithe ar na ceanglais sin i gcomhréir le hAirteagail 36 agus 37.

4.   Déanfaidh aeriompróirí agus eu-LISA bearta iomchuí chun na logaí a chruthaigh siad de bhun mhíreanna 1 agus 2, faoi seach, a chosaint ar rochtain neamhúdaraithe agus ar rioscaí slándála eile.

5.   Beidh rochtain ag an údarás maoirseachta náisiúnta API dá dtagraítear in Airteagal 36 agus ag údaráis inniúla teorann ar na logaí ábhartha dá dtagraítear i mír 1 den Airteagal seo i gcás inar gá chun na gcríoch dá dtagraítear i mír 3 den Airteagal seo.

6.   Coinneoidh aeriompróirí agus eu-LISA na logaí a chruthaigh siad de bhun mhíreanna 1 agus 2, faoi seach, ar feadh tréimhse bliana ón tráth a cruthaíodh na logaí sin. Nuair a rachaidh an tréimhse ama sin in éag, scriosfaidh siad na logaí sin láithreach agus go buan.

Mar sin féin, má tá gá leis na logaí sin le haghaidh nósanna imeachta chun faireachán a dhéanamh ar shlándáil agus ar shláine na sonraí API nó ar dhlíthiúlacht na n-oibríochtaí próiseála, nó chun an méid sin a áirithiú, amhail dá dtagraítear i mír 3, agus má tá na nósanna imeachta sin tosaithe cheana tráth a théann an tréimhse dá dtagraítear sa chéad fhomhír den mhír seo in éag, déanfaidh eu-LISA agus aeriompróirí na logaí sin a choinneáil chomh fada agus is gá le haghaidh na nósanna imeachta sin. Sa chás sin, scriosfaidh siad láithreach na logaí sin nuair nach bhfuil gá leo a thuilleadh le haghaidh na nósanna imeachta sin.

1.   Beidh aeriompróirí ina rialaitheoirí, de réir bhrí Airteagal 4, pointe (7), de Rialachán (AE) 2016/679, i dtaobh próiseáil sonraí API arb ionann iad agus sonraí pearsanta i ndáil le bailiú sonraí den sórt sin agus aistriú na sonraí sin chuig an ródaire faoin Rialachán seo.

2.   Ainmneoidh gach Ballstát údarás inniúil mar rialaitheoir i gcomhréir leis an Airteagal seo. Tabharfaidh na Ballstáit fógra faoi na húdaráis sin don Choimisiún, do eu-LISA agus do na Ballstáit eile.

Beidh na húdaráis inniúla uile arna n-ainmniú ag na Ballstáit ina rialaitheoirí comhpháirteacha i gcomhréir le hAirteagal 26 de Rialachán (AE) 2016/679 chun sonraí pearsanta a phróiseáil sa ródaire.

3.   Beidh eu-LISA ina phróiseálaí, de réir bhrí Airteagal 3, pointe (12), de Rialachán (AE) 2018/1725, i dtaobh próiseáil sonraí API arb ionann iad agus sonraí pearsanta faoin Rialachán seo tríd an ródaire, lena n-áirítear tarchur na sonraí ón ródaire chuig na húdaráis inniúla teorann agus stóráil na sonraí sin ar an ródaire ar chúiseanna teicniúla. Áiritheoidh eu-LISA go n-úsáidfear an ródaire i gcomhréir leis an Rialachán seo.

4.   Glacfaidh an Coimisiún gníomhartha cur chun feidhme lena mbunófar freagrachtaí na rialaitheoirí comhpháirteacha faoi seach agus na hoibleagáidí faoi seach idir na rialaitheoirí comhpháirteacha agus an próiseálaí. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(2).

1.   Áiritheoidh eu-LISA slándáil agus criptiú na sonraí API, go háirithe sonraí API arb ionann iad agus sonraí pearsanta, a phróiseálann sé de bhun an Rialacháin seo. Áiritheoidh na húdaráis inniúla teorann agus na haeriompróirí slándáil na sonraí API, go háirithe sonraí API arb ionann iad agus sonraí pearsanta, a phróiseálann siad de bhun an Rialacháin seo. Oibreoidh eu-LISA, na húdaráis inniúla teorann agus na haeriompróirí i gcomhar le chéile, i gcomhréir lena bhfreagrachtaí faoi seach agus i gcomhréir le dlí an Aontais, chun slándáil den sórt sin a áirithiú.

2.   Déanfaidh eu-LISA na bearta is gá chun slándáil an ródaire agus na sonraí API, go háirithe sonraí API arb ionann iad agus sonraí pearsanta, arna dtarchur tríd an ródaire, lena n-áirítear trí phlean slándála, plean leanúnachais gnó agus plean athshlánaithe ó thubaiste a bhunú, a chur chun feidhme agus a nuashonrú go tráthrialta, chun an méid seo a leanas a dhéanamh:

Ní dhéanfaidh na bearta dá dtagraítear sa chéad fhomhír den mhír seo difear d’Airteagal 32 de Rialachán (AE) 2016/679 ná d’Airteagal 33 de Rialachán (AE) 2018/1725.

1.   Déanfaidh na húdaráis mhaoirseachta neamhspleácha dá dtagraítear in Airteagal 51 de Rialachán (AE) 2016/679 iniúchadh ar oibríochtaí próiseála ar shonraí API arb ionann iad agus sonraí pearsanta arna ndéanamh ag na húdaráis inniúla teorann chun críocha an Rialacháin seo uair amháin gach 4 bliana ar a laghad. Áiritheoidh na Ballstáit go mbeidh a ndóthain acmhainní agus saineolais ag a n-údaráis mhaoirseachta neamhspleácha chun na cúraimí a chuirtear orthu faoin Rialachán seo a chomhlíonadh.

2.   Déanfaidh an Maoirseoir Eorpach ar Chosaint Sonraí iniúchadh ar oibríochtaí próiseála ar shonraí API arb ionann iad agus sonraí pearsanta arna ndéanamh ag eu-LISA chun críoch an Rialacháin seo, i gcomhréir leis na caighdeáin iniúchóireachta idirnáisiúnta ábhartha uair amháin sa bhliain ar a laghad. Seolfar tuarascáil ar an iniúchadh sin chuig Parlaimint na hEorpa, chuig an gComhairle, chuig an gCoimisiún, chuig na Ballstáit agus chuig eu-LISA. Tabharfar deis do eu-LISA barúlacha a thabhairt sula nglacfar na tuarascálacha.

3.   Maidir leis na hoibríochtaí próiseála dá dtagraítear i mír 2 den Airteagal seo, arna iarraidh sin, soláthróidh eu-LISA faisnéis arna hiarraidh ag an Maoirseoir Eorpach ar Chosaint Sonraí, tabharfaidh sé rochtain don Mhaoirseoir Eorpach ar Chosaint Sonraí ar na doiciméid uile a iarrann an Maoirseoir agus ar na logaí dá dtagraítear in Airteagal 17(2), agus tabharfaidh sé cead don Mhaoirseoir Eorpach ar Chosaint Sonraí rochtain a fháil ar áitribh uile eu-LISA aon tráth.

1.   Áiritheoidh na Ballstáit go mbeidh a n-údaráis inniúla teorann nasctha leis an ródaire. Maidir le córais agus bonneagar na n-údarás inniúil teorann chun sonraí API arna n-aistriú de bhun an Rialacháin seo a fháil agus a phróiseáil tuilleadh, áiritheoidh siad go mbeidh siad comhtháite leis an ródaire.

Leis an nasc leis an ródaire agus leis an gcomhtháthú leis an ródaire, áiritheoidh na Ballstáit go mbeidh a n-údarás inniúil teorann in ann na sonraí API a fháil agus tuilleadh próiseála a dhéanamh orthu, chomh maith le haon chumarsáid a bhaineann leis sin a mhalartú, ar bhealach dleathach, slán, éifeachtach agus tapa.

2.   Glacfaidh an Coimisiún gníomhartha cur chun feidhme lena sonraítear na rialacha mionsonraithe is gá maidir leis na naisc agus an comhtháthú leis an ródaire dá dtagraítear i mír 1 den Airteagal seo, lena n-áirítear maidir leis na ceanglais maidir le slándáil sonraí. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(2).

1.   Áiritheoidh aeriompróirí go mbeidh siad nasctha leis an ródaire. Áiritheoidh siad go mbeidh a gcuid córas agus bonneagair chun sonraí API a aistriú chuig an ródaire de bhun an Rialacháin seo comhtháite leis an ródaire.

Leis an nasc agus an comhtháthú leis an ródaire, áiritheoidh na haeriompróirí go mbeidh siad in ann na sonraí API a aistriú chomh maith le haon chumarsáid a bhaineann leis sin a mhalartú, ar bhealach dleathach, slán, éifeachtach agus tapa. Chuige sin, déanfaidh aeriompróirí tástálacha ar aistriú sonraí API chuig an ródaire i gcomhar le eu-LISA i gcomhréir le hAirteagal 27(3).

2.   Glacfaidh an Coimisiún gníomhartha cur chun feidhme lena sonraítear na rialacha mionsonraithe is gá maidir leis na naisc agus an comhtháthú leis an ródaire dá dtagraítear i mír 1 den Airteagal seo, lena n-áirítear maidir leis na ceanglais maidir le slándáil sonraí. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(2).

1.   Beidh eu-LISA freagrach as ailtireacht fhisiceach an ródaire a dhearadh, lena n-áirítear a chuid sonraíochtaí teicniúla a shainiú.

2.   Beidh eu-LISA freagrach as an ródaire a fhorbairt, lena n-áirítear as aon oiriúnuithe teicniúla is gá d’oibriú an ródaire.

Is é a bheidh i bhforbairt an ródaire forbairt agus cur chun feidhme na sonraíochtaí teicniúla, tástáil agus bainistiú agus comhordú foriomlán an tionscadail ag an gcéim forbartha.

3.   Áiritheoidh eu-LISA go ndéanfar an ródaire a dhearadh agus a fhorbairt sa chaoi go ndéanfaidh an ródaire na feidhmiúlachtaí a shonraítear sa Rialachán seo a sholáthar, agus go gcuirfidh an ródaire tús le hoibríochtaí a luaithe is féidir tar éis don Choimisiún na gníomhartha cur chun feidhme agus na gníomhartha tarmligthe dá bhforáiltear in Airteagal 5(7), Airteagal 6(3), Airteagal 9(6), Airteagal 23(2) agus Airteagal 24(2) den Rialachán seo a ghlacadh agus tar éis measúnú tionchair ar chosaint sonraí a dhéanamh i gcomhréir le hAirteagal 35 de Rialachán (AE) 2016/679.

4.   Déanfaidh eu-LISA tacar tástála comhlíontachta a sholáthar do na húdaráis inniúla teorann, d’údaráis ábhartha eile na mBallstát agus d’aeriompróirí. Áireofar sa tacar tástála comhlíontachta timpeallacht tástála, ionsamhlóir, tacair sonraí tástála agus plean tástála. Leis an tacar tástála comhlíontachta, beifear in ann tástáil chuimsitheach a dhéanamh ar an ródaire dá dtagraítear i mír 5 agus beidh sé fós ar fáil tar éis don tástáil sin a bheith curtha i gcrích.

5.   I gcás ina measfaidh eu-LISA gur cuireadh an chéim forbartha i gcrích, déanfaidh sé, gan moill mhíchuí, tástáil chuimsitheach ar an ródaire, i gcomhar leis na húdaráis inniúla teorann, le húdaráis ábhartha eile na mBallstát agus le haeriompróirí, agus cuirfidh sé toradh na tástála sin in iúl don Choimisiún.

1.   Óstálfaidh eu-LISA an ródaire ar a shuíomhanna teicniúla.

2.   Beidh eu-LISA freagrach as bainistiú teicniúil an ródaire, lena n-áirítear a chothabháil agus a fhorbairtí teicniúla, ar bhealach lena n-áiritheofar go ndéanfar na sonraí API a tharchur go slán, go héifeachtach agus go tapa tríd an ródaire, i gcomhréir leis an Rialachán seo.

Is é a bheidh i gceist le bainistiú teicniúil an ródaire na cúraimí uile agus na réitigh theicniúla uile is gá maidir le feidhmiú cuí an ródaire i gcomhréir leis an Rialachán seo a dhéanamh, gan bhriseadh, 24 uair an chloig sa lá, 7 lá sa tseachtain. Cuimseofar ann an obair chothabhála agus na forbairtí teicniúla is gá chun a áirithiú go bhfeidhmeoidh an ródaire ar leibhéal sásúil cáilíochta teicniúla, go háirithe maidir le hinfhaighteacht, cruinneas agus iontaofacht tharchur na sonraí API, i gcomhréir leis na sonraíochtaí teicniúla agus, a mhéid is féidir, i gcomhréir le riachtanais oibríochtúla na n-údarás inniúil teorann agus na n-aeriompróirí.

3.   Ní bheidh rochtain ag foireann eu-LISA ar aon sonraí API arna dtarchur tríd an ródaire. Mar sin féin, ní chuirfidh an toirmeasc sin bac ar fhoireann eu-LISA rochtain den sórt sin a bheith acu a mhéid a bhfuil fíorghá leis chun an ródaire a chothabháil agus a bhainistiú go teicniúil.

4.   Gan dochar do mhír 3 den Airteagal seo ná d’Airteagal 17 de Rialacháin Foirne Oifigigh an Aontais Eorpaigh, a leagtar síos i Rialachán (CEE, Euratom, CEGC) Uimh. 259/68 ón gComhairle (28), cuirfidh eu-LISA rialacha iomchuí rúndachta gairmiúla nó dualgais choibhéiseacha eile rúndachta i bhfeidhm maidir lena chuid ball foirne ar gá dóibh oibriú le sonraí API arna dtarchur tríd an ródaire. Beidh feidhm ag an oibleagáid sin chomh maith tar éis do bhaill foirne den sórt sin imeacht as oifig nó scor den fhostaíocht nó tar éis fhoirceannadh a ngníomhaíochtaí.

1.   Arna iarraidh sin do na húdaráis inniúla teorann, d’údaráis ábhartha eile de chuid na mBallstát nó d’aeriompróirí, soláthróidh eu-LISA oiliúint dóibh maidir le húsáid theicniúil an ródaire agus maidir lena nasc agus lena gcomhtháthú leis an ródaire.

2.   Tabharfaidh eu-LISA tacaíocht do na húdaráis inniúla teorann maidir le sonraí API a fháil tríd an ródaire de bhun an Rialacháin seo, go háirithe maidir le cur i bhfeidhm Airteagail 14 agus 23.

3.   I gcomhréir le hAirteagal 24(1) agus trí úsáid a bhaint as an tacar tástála comhlíontachta dá dtagraítear in Airteagal 25(4), déanfaidh eu-LISA tástálacha, i gcomhar le haeriompróirí, ar aistriú sonraí API chuig an ródaire.

1.   Faoin 28 Eanáir 2025, bunóidh Bord Bainistíochta eu-LISA Bord Bainistíochta Cláir. Beidh sé comhdhéanta de dheichniúr comhaltaí agus is é a n méid seo a leanas a bheidh ann:

Maidir le pointe (a), ní thoghfar na comhaltaí arna gceapadh ag Bord Bainistíochta eu-LISA ach as measc a chomhaltaí nó a chomhaltaí malartacha as na Ballstáit sin a bhfuil feidhm ag an Rialachán seo maidir leo.

2.   Dréachtóidh Bord Bainistíochta an Chláir a rialacha nós imeachta atá le glacadh ag Bord Bainistíochta eu-LISA.

Beidh an chathaoirleacht ag Ballstát atá ina chomhalta de Bhord Bainistíochta an Chláir.

3.   Déanfaidh Bord Bainistíochta an Chláir maoirseacht ar chomhlíonadh éifeachtach chúraimí eu-LISA a bhaineann le dearadh agus forbairt an ródaire i gcomhréir le hAirteagal 25.

Arna iarraidh sin do Bhord Bainistíochta an Chláir, soláthróidh eu-LISA faisnéis atá mionsonraithe agus nuashonraithe faoi dhearadh agus forbairt an ródaire, lena n-áirítear faisnéis faoi na hacmhainní a leithdháileann eu-LISA.

4.   Déanfaidh Bord Bainistíochta an Chláir tuarascálacha i scríbhinn maidir leis an dul chun cinn atá déanta i ndearadh agus forbairt an ródaire a chur faoi bhráid Bhord Bainistíochta eu-LISA go tráthrialta, agus trí huaire in aghaidh na ráithe ar a laghad.

5.   Ní bheidh aon chumhacht chinnteoireachta ag Bord Bainistíochta an Chláir, ná ní bheidh aon sainordú aige chun ionadaíocht a dhéanamh thar ceann Bhord Bainistíochta eu-LISA ná a chomhaltaí.

6.   Scoirfidh Bord Bainistíochta an Chláir de bheith ann faoi dháta chur i bhfeidhm an Rialacháin seo dá dtagraítear in Airteagal 46, an dara mír.

1.   Amhail ón 28 Eanáir 2025, soláthróidh an Grúpa Comhairleach API-PNR, a bunaíodh de bhun Airteagal 27(1), pointe (de), de Rialachán (AE) 2018/1726, an saineolas is gá a bhaineann le API-PNR do Bhord Bainistíochta eu-LISA go háirithe i gcomhthéacs ullmhú a chláir oibre bhliantúil agus a thuarascála bliantúla ar ghníomhaíochtaí.

2.   Aon uair a bheidh siad ar fáil, déanfaidh eu-LISA leaganacha de na sonraíochtaí teicniúla agus de na tacair tástála comhlíontachta dá dtagraítear in Airteagal 25(1), (2) agus (4), fiú leaganacha idirmheánacha, a sholáthar don Ghrúpa Comhairleach API-PNR.

3.   Feidhmeoidh an Grúpa Comhairleach API-PNR na feidhmeanna seo a leanas:

4.   Ní bheidh aon chumhacht chinnteoireachta ag an nGrúpa Comhairleach API-PNR, ná ní bheidh aon sainordú aige ionadaíocht a dhéanamh thar ceann Bhord Bainistíochta eu-LISA ná a chomhaltaí.

1.   Faoi dháta chur i bhfeidhm an Rialacháin seo dá dtagraítear in Airteagal 46, an dara mír, bunóidh Bord Bainistíochta eu-LISA Grúpa Teagmhála API-PNR.

2.   Cumasóidh an Grúpa Teagmhála API-PNR cumarsáid idir údaráis ábhartha na mBallstát agus aeriompróirí faoi ábhair theicniúla a bhaineann lena gcúraimí agus lena n-oibleagáidí faoi seach faoin Rialachán seo.

3.   Beidh an Grúpa Teagmhála API-PNR comhdhéanta d’ionadaithe ó údaráis ábhartha de chuid na mBallstát agus ó aeriompróirí, de chathaoirleach an Ghrúpa Chomhairligh API-PNR agus de shaineolaithe eu-LISA.

4.   Bunóidh Bord Bainistíochta eu-LISA rialacha nós imeachta an Ghrúpa Teagmhála API-PNR, tar éis tuairim a fháil ón nGrúpa Comhairleach API-PNR.

5.   I gcás ina meastar gá a bheith leis, féadfaidh Bord Bainistíochta eu-LISA foghrúpaí den Ghrúpa Teagmhála API-PNR a bhunú freisin chun ábhair theicniúla shonracha a phlé a bhaineann le cúraimí agus oibleagáidí faoi seach údarás ábhartha de chuid na mBallstát agus aeriompróirí faoin Rialachán seo.

6.   Ní bheidh aon chumhacht chinnteoireachta ag an nGrúpa Teagmhála API-PNR, lena n-áirítear a fhoghrúpaí, ná ní bheidh aon sainordú aige ionadaíocht a dhéanamh thar ceann Bhord Bainistíochta eu-LISA ná a chomhaltaí.

1.   Faoi dháta chur i bhfeidhm an Rialacháin seo dá dtagraítear in Airteagal 46, an dara mír, bunóidh an Coimisiún Grúpa Saineolaithe API i gcomhréir leis na rialacha cothrománacha maidir le cruthú agus oibriú ghrúpaí saineolaithe an Choimisiúin.

2.   Cumasóidh an Grúpa Saineolaithe API cumarsáid i measc údaráis ábhartha de chuid na mBallstát, agus idir údaráis ábhartha de chuid na mBallstát agus aeriompróirí, faoi ábhair bheartais a bhaineann lena gcúraimí agus lena n-oibleagáidí faoi seach faoin Rialachán seo, lena n-áirítear maidir leis na pionóis dá dtagraítear in Airteagal 37.

3.   Is é an Coimisiún a dhéanfaidh cathaoirleacht ar an nGrúpa Saineolaithe API agus bunófar é i gcomhréir leis na rialacha cothrománacha maidir le cruthú agus oibriú ghrúpaí saineolaithe an Choimisiúin. Beidh sé comhdhéanta d’ionadaithe ó údaráis ábhartha de chuid na mBallstát, d’ionadaithe ó aeriompróirí agus de shaineolaithe eu-LISA. I gcás inarb ábhartha chun a chúraimí a dhéanamh, féadfaidh an Grúpa Saineolaithe API cuireadh a thabhairt do gheallsealbhóirí ábhartha, go háirithe ionadaithe ó Pharlaimint na hEorpa, ón Maoirseoir Eorpach ar Chosaint Sonraí agus ó na húdaráis mhaoirseachta náisiúnta neamhspleácha, páirt a ghlacadh ina chuid oibre.

4.   Déanfaidh an Grúpa Saineolaithe API a chuid cúraimí a dhéanamh i gcomhréir le prionsabal na trédhearcachta. Foilseoidh an Coimisiún miontuairiscí chruinnithe an Ghrúpa Saineolaithe API agus doiciméid ábhartha eile ar shuíomh gréasáin an Choimisiúin.

1.   Is ar bhuiséad ginearálta an Aontais a thitfidh na costais arna dtabhú ag eu-LISA i ndáil le bunú agus oibriú an ródaire faoin Rialachán seo.

2.   Tacófar leis na costais arna dtabhú ag na Ballstáit i ndáil le cur chun feidhme an Rialacháin seo, go háirithe i ndáil leis an nasc agus leis an gcomhtháthú leis an ródaire dá dtagraítear in Airteagal 23, ó bhuiséad ginearálta an Aontais, i gcomhréir leis na rialacha incháilitheachta agus na rátaí cómhaoinithe a leagtar síos i ngníomhartha dlí an Aontais is infheidhme.

3.   Is ar bhuiséad ginearálta an Aontais a thitfidh na costais arna dtabhú ag an Maoirseoir Eorpach ar Chosaint Sonraí i ndáil leis na cúraimí a chuirtear air faoin Rialachán seo.

4.   Is ar na Ballstáit a thitfidh na costais arna dtabhú ag na húdaráis mhaoirseachta náisiúnta neamhspleácha i ndáil leis na cúraimí a chuirtear orthu faoin Rialachán seo.

1.   Beidh aeriompróirí i dteideal an ródaire a úsáid chun an fhaisnéis dá dtagraítear in Airteagal 3(1) agus (2) de Threoir 2004/82/CE a tharchur chuig ceann amháin nó níos mó de na húdaráis fhreagracha dá dtagraítear inti, i gcomhréir leis an Treoir sin, ar choinníoll gur chomhaontaigh an Ballstát lena mbaineann le húsáid den sórt sin, ó dháta iomchuí arna shocrú ag an mBallstát sin. Ní chomhaontóidh an Ballstát sin leis sin ach amháin tar éis dó a shuí, go háirithe maidir le nasc a údarás freagrach féin leis an ródaire agus le nasc an aeriompróra lena mbaineann, gur féidir an fhaisnéis a tharchur ar bhealach dleathach, slán, éifeachtach agus tapa.

2.   I gcás ina dtosaíonn aeriompróir ag úsáid an ródaire i gcomhréir le mír 1 den Airteagal seo, leanfaidh sé d’úsáid a bhaint as an ródaire chun faisnéis den sórt sin a tharchur chuig údaráis fhreagracha an Bhallstáit lena mbaineann go dtí dáta chur i bhfeidhm an Rialacháin seo dá dtagraítear in Airteagal 46, an dara mír. Scoirfear den úsáid sin, áfach, ó dháta iomchuí arna shocrú ag an mBallstát sin, i gcás ina measann an Ballstát sin go bhfuil cúiseanna oibiachtúla ann lena n-éilítear scor den sórt sin agus inar chuir sé an t-aeriompróir ar an eolas dá réir sin.

3.   Maidir leis an mBallstát lena mbaineann:

1.   Ainmneoidh na Ballstáit údarás maoirseachta náisiúnta API amháin nó níos mó a bheidh freagrach as faireachán a dhéanamh ar chur i bhfeidhm fhorálacha an Rialacháin seo ag aeriompróirí laistigh dá gcríoch agus as comhlíonadh na bhforálacha sin a áirithiú.

2.   Áiritheoidh na Ballstáit go mbeidh ag na húdaráis mhaoirseachta náisiúnta API na hacmhainní uile agus na cumhachtaí imscrúdaithe agus forfheidhmiúcháin uile is gá chun a gcuid cúraimí a dhéanamh faoin Rialachán seo, lena n-áirítear trí na pionóis dá dtagraítear in Airteagal 37 a fhorchur i gcás inarb iomchuí. Áiritheoidh na Ballstáit go mbeidh feidhmiú na gcumhachtaí a thugtar don údarás maoirseachta náisiúnta API faoi réir coimircí iomchuí i gcomhréir leis na cearta bunúsacha a ráthaítear faoi dhlí an Aontais.

3.   Tabharfaidh na Ballstáit, faoi dháta chur i bhfeidhm an Rialacháin seo dá dtagraítear in Airteagal 46, an dara mír, fógra don Choimisiún faoi ainm agus faoi shonraí teagmhála na n-údarás arna n-ainmniú acu faoi mhír 1 den Airteagal seo. Tabharfaidh siad fógra don Choimisiún gan mhoill faoi aon athrú nó leasú a dhéanfar orthu ina dhiaidh sin.

4.   Ní dochar an tAirteagal seo do chumhachtaí na n-údarás maoirseachta dá dtagraítear in Airteagal 51 de Rialachán (AE) 2016/679.

1.   Déanfaidh na Ballstáit na rialacha a bhaineann leis na pionóis is infheidhme maidir le sáruithe ar an Rialachán seo a leagan síos agus glacfaidh siad gach beart is gá lena áirithiú go gcuirfear chun feidhme iad. Beidh na pionóis dá bhforáiltear éifeachtach, comhréireach agus athchomhairleach.

2.   Tabharfaidh na Ballstáit, faoi dháta chur i bhfeidhm an Rialacháin seo dá dtagraítear in Airteagal 46, an dara mír, fógra don Choimisiún faoi na rialacha sin agus na bearta sin agus tabharfaidh siad fógra dó, gan mhoill, faoi aon leasú ina dhiaidh sin lena ndéantar difear dóibh.

3.   Áiritheoidh na Ballstáit go ndéanfaidh na húdaráis mhaoirseachta náisiúnta API, agus cinneadh á dhéanamh acu i dtaobh ar cheart pionós a fhorchur, agus cineál agus leibhéal an phionóis á chinneadh acu, imthosca ábhartha a chur san áireamh, lena bhféadfar an méid seo a leanas a áireamh:

4.   Áiritheoidh na Ballstáit go mbeidh mainneachtain leanúnach sonraí API a aistriú i gcomhréir le hAirteagal 6(1) faoi réir pionóis airgeadais chomhréireacha suas le 2 % de láimhdeachas iomlán an aeriompróra an bhliain ghnó roimhe sin. Áiritheoidh na Ballstáit go mbeidh mainneachtain oibleagáidí eile a leagtar amach sa Rialachán seo a chomhlíonadh faoi réir pionóis chomhréireacha, lena n-áirítear pionóis airgeadais.

1.   Chun tacú le cur chun feidhme an Rialacháin seo agus le faireachán a dhéanamh ar a chur i bhfeidhm, agus ar bhonn na faisnéise staidrimh dá dtagraítear i mír 5, foilseoidh eu-LISA staidreamh gach ráithe maidir le feidhmiú an ródaire agus maidir le comhlíonadh na n-oibleagáidí a leagtar amach sa Rialachán seo ag aeriompróirí. Ní bheifear in ann daoine aonair a shainaithint leis an staidreamh sin.

2.   Chun na gcríoch a leagtar amach i mír 1, déanfaidh an ródaire na sonraí a liostaítear i mír 5 a tharchur go huathoibríoch chuig CRRS.

3.   Chun tacú le cur chun feidhme an Rialacháin seo agus le faireachán a dhéanamh ar a chur i bhfeidhm, gach bliain, tiomsóidh eu-LISA sonraí staidrimh i dtuarascáil bhliantúil don bhliain roimhe sin. Foilseoidh sé an tuarascáil bhliantúil sin agus tarchuirfidh sé í chuig Parlaimint na hEorpa, chuig an gComhairle, chuig an gCoimisiún, chuig an Maoirseoir Eorpach ar Chosaint Sonraí, chuig an nGníomhaireacht Eorpach um an nGarda Teorann agus Cósta agus chuig na húdaráis mhaoirseachta náisiúnta API dá dtagraítear in Airteagal 36. Ní nochtfar sa tuarascáil bhliantúil modhanna oibre rúnda ná ní chuirfear imscrúduithe leanúnacha údaráis inniúla na mBallstát i mbaol léi.

4.   Arna iarraidh sin don Choimisiún, soláthróidh eu-LISA staidreamh dó maidir le gnéithe áirithe a bhaineann le cur chun feidhme an Rialacháin seo chomh maith le staidreamh de bhun mhír 3.

5.   Soláthróidh CRRS do eu-LISA an fhaisnéis staidrimh seo a leanas is gá don tuairisciú dá dtagraítear in Airteagal 45 agus chun staidreamh a ghiniúint i gcomhréir leis an Airteagal seo, ach gan bheith in ann na paisinéirí lena mbaineann a shainaithint leis an staidreamh sin maidir le sonraí API:

6.   Chun críocha an tuairiscithe dá dtagraítear in Airteagal 45 agus chun staidreamh a ghiniúint i gcomhréir leis an Airteagal seo, déanfaidh eu-LISA na sonraí dá dtagraítear i mír 5 den Airteagal seo a stóráil in CRRS. Déanfaidh sé sonraí den sórt sin a stóráil ar feadh tréimhse 5 bliana i gcomhréir le mír 2, á áirithiú ag an am céanna nach mbeifear in ann na paisinéirí lena mbaineann a shainaithint leis na sonraí. Soláthróidh CRRS d’fhoireann chuí-údaraithe na n-údarás inniúil teorann agus d’údaráis ábhartha eile de chuid na mBallstát tuarascálacha agus staidreamh inoiriúnaithe maidir le sonraí API dá dtagraítear i mír 5 den Airteagal seo chun an Rialachán seo a chur chun feidhme agus faireachán a dhéanamh ar a chur i bhfeidhm.

7.   Ní bheidh de thoradh ar úsáid na sonraí dá dtagraítear i mír 5 den Airteagal seo próifíliú daoine aonair dá dtagraítear in Airteagal 22 de Rialachán (AE) 2016/679 nó idirdhealú in aghaidh daoine ar na forais a liostaítear in Airteagal 21 den Chairt. Ní úsáidfear na sonraí dá dtagraítear i mír 5 den Airteagal seo chun iad a chur i gcomparáid ná chun iad a mheaitseáil le sonraí pearsanta ná chun iad a chomhcheangal le sonraí pearsanta.

8.   Áireofar leis na nósanna imeachta arna gcur ar bun ag eu-LISA chun faireachán a dhéanamh ar fhorbairt agus feidhmiú an ródaire dá dtagraítear in Airteagal 39(2) de Rialachán (AE) 2019/817 an fhéidearthacht staidreamh tráthrialta a sholáthar chun an faireachán sin a áirithiú.

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011. I gcás nach dtugann an coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 5(6) agus (7), Airteagal 6(3) agus Airteagal 9(6) a thabhairt don Choimisiún go ceann tréimhse 5 bliana ón 28 Eanáir 2025. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

Maidir le gníomh tarmligthe arna ghlacadh de bhun Airteagal 5(6), má chuireann Parlaimint na hEorpa nó an Chomhairle agóid faoi mhír 6 den Airteagal seo in iúl, ní fhéadfaidh Parlaimint na hEorpa ná an Chomhairle cur i gcoinne an fhadaithe intuigthe dá dtagraítear sa chéad fhomhír den mhír seo.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 5(7), Airteagal 6(3) agus Airteagal 9(6) a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 5(6) nó (7), Airteagal 6(3) nó Airteagal 9(6) i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.   Áiritheoidh eu-LISA go mbeidh nósanna imeachta i bhfeidhm chun faireachán a dhéanamh ar fhorbairt an ródaire i bhfianaise cuspóirí a bhaineann le pleanáil agus costais agus chun faireachán a dhéanamh ar fheidhmiú an ródaire i bhfianaise cuspóirí a bhaineann le haschur teicniúil, cost-éifeachtacht, slándáil agus cáilíocht seirbhíse.

2.   Faoin 29 Eanáir 2026 agus gach bliain ina dhiaidh sin le linn chéim forbartha an ródaire, cuirfidh eu-LISA tuarascáil ar fáil maidir le staid na himeartha i ndáil le forbairt an ródaire, agus cuirfidh sé an tuarascáil sin faoi bhráid Pharlaimint na hEorpa agus na Comhairle. Beidh faisnéis mhionsonraithe sa tuarascáil faoi na costais a tabhaíodh agus faoi aon rioscaí a d’fhéadfadh tionchar a imirt ar na costais fhoriomlána a atá le titim ar bhuiséad ginearálta an Aontais i gcomhréir le hAirteagal 32.

3.   A luaithe a chuirfidh an ródaire tús le hoibríochtaí, cuirfidh eu-LISA tuarascáil ar fáil ina mínítear go mionsonrach conas a gnóthaíodh na cuspóirí, go háirithe na cuspóirí a bhaineann le pleanáil agus costais, agus ina dtugtar cúiseanna le haon éagsúlachtaí, agus cuirfidh sé faoi bhráid Pharlaimint na hEorpa agus na Comhairle í.

4.   Faoin 29 Eanáir 2029, agus gach 4 bliana ina dhiaidh sin, cuirfidh an Coimisiún tuarascáil ar fáil ina bhfuil meastóireacht fhoriomlán ar an Rialachán seo, lena n-áirítear maidir leis an riachtanas atá le bailiú sonraí API agus an breisluach a bhaineann leis sin, lena n-áirítear measúnú ar an méid seo a leanas:

Chun críocha phointe (e) den chéad fhomhír, tabharfar aghaidh freisin sa tuarascáil ón gCoimisiún ar idirghníomhaíocht an Rialacháin seo le gníomhartha reachtacha ábhartha eile de chuid an Aontais, go háirithe Rialacháin (CE) Uimh. 767/2008, (AE) 2017/2226 agus (AE) 2018/1240, chun measúnú a dhéanamh ar thionchar foriomlán na n-oibleagáidí tuairiscithe gaolmhara ar aeriompróirí, sainaithneofar forálacha a d’fhéadfaí a nuashonrú agus a shimpliú, i gcás inarb iomchuí, chun an t-ualach ar aeriompróirí a mhaolú, agus breithniú a dhéanamh ar ghníomhaíochtaí agus bearta a d’fhéadfaí a dhéanamh chun an brú costais iomlán ar aeriompróirí a laghdú.

5.   Cuirfidh an Coimisiún an tuarascáil mheastóireachta faoi bhráid Pharlaimint na hEorpa, na Comhairle, an Mhaoirseora Eorpaigh ar Chosaint Sonraí agus Ghníomhaireacht an Aontais Eorpaigh um Chearta Bunúsacha. Más iomchuí, i bhfianaise na meastóireachta atá déanta, déanfaidh an Coimisiún togra reachtach a thíolacadh do Pharlaimint na hEorpa agus don Chomhairle d’fhonn an Rialachán seo a leasú.

6.   Tabharfaidh na Ballstáit agus na haeriompróirí do eu-LISA agus don Choimisiún, arna iarraidh sin dóibh, an fhaisnéis is gá chun na tuarascálacha dá dtagraítear i míreanna 2, 3 agus 4 a dhréachtú, amhail sonraí a bhaineann le torthaí na réamhsheiceálacha arna ndéanamh i gcórais faisnéise an Aontais agus i mbunachair sonraí náisiúnta ag na teorainneacha seachtracha trí úsáid a bhaint as sonraí API. Go háirithe, soláthróidh na Ballstáit faisnéis chainníochtúil agus cháilíochtúil faoi shonraí API a bhailiú ó thaobh na hoibríochta de. Ní áireofar sonraí pearsanta san fhaisnéis arna soláthar. Féadfaidh Ballstáit staonadh ó fhaisnéis den sórt sin a sholáthar, más amhlaidh gur gá, agus a mhéid is gá, chun nach ndéanfar modhanna oibre rúnda a nochtadh nó imscrúduithe atá fós ar siúl ag na húdaráis inniúla teorann i mbaol. Áiritheoidh an Coimisiún go gcosnófar go hiomchuí aon fhaisnéis rúnda a sholáthraítear.