|
Iris Oifigiúil |
GA Sraith L |
|
2026/1711 |
14.7.2026 |
CINNEADH (CBES) 2026/1711 ÓN gCOMHAIRLE
an 13 Iúil 2026
lena seoltar Misean Comhpháirtíochta de chuid an Aontais Eorpaigh san Airméin (EUPM Armenia) agus lena leasaítear Cinneadh (CBES) 2026/894
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 42(4) agus Airteagal 43(2) de,
Ag féachaint do Chinneadh (CBES) 2026/894 ón gComhairle an 21 Aibreán 2026 maidir le Misean Comhpháirtíochta de chuid an Aontais Eorpaigh san Airméin (EUPM Armenia) (1),
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 21 Aibreán 2026, ghlac an Chomhairle Cinneadh (CBES) 2026/894. |
|
(2) |
An 17 Meitheamh 2026, d’aontaigh an Coiste Polaitiúil agus Slándála gur cheart an Plean Oibríochta maidir le Misean Comhpháirtíochta an Aontais Eorpaigh san Airméin (EUPM Armenia) a fhormheas. |
|
(3) |
De thoradh ar mholadh ó Cheannasaí Oibríochtaí Sibhialtacha EUPM Armenia agus ar bhaint amach cumais oibriúcháin tosaigh, ba cheart EUPM Armenia a sheoladh an 13 Iúil 2026. |
|
(4) |
Le Cinneadh (CBES) 2026/894 leagtar amach méid tagartha airgeadais chun an caiteachas a bhaineann le EUPM Armenia a chumhdach le haghaidh na chéad cheithre mhí tar éis theacht i bhfeidhm an Chinnidh sin. Ba cheart an méid tagartha sin a athbhreithniú chun fad sainordú EUPM Armenia a chumhdach, i.e. go dtí an 12 Iúil 2028. Dá bhrí sin, ba cheart Cinneadh (CBES) 2026/894 a leasú dá réir sin. |
|
(5) |
Cuirfear EUPM Armenia i gcrích i gcomhthéacs staid a d’fhéadfadh dul in olcas agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach iad in Airteagal 21 den Chonradh ar an Aontas Eorpach, |
TAR ÉIS AN CINNEADH SEO A GHLACADH:
Airteagal 1
Leis seo, déantar an Plean Oibríochta maidir le Misean Comhpháirtíochta an Aontais Eorpaigh san Airméin (EUPM Armenia) a fhormheas.
Airteagal 2
Seolfar EUPM Armenia an 13 Iúil 2026.
Airteagal 3
Leis seo, údaraítear Ceannasaí Oibríochtaí Sibhialtacha EUPM Armenia, le héifeacht láithreach, tús a chur le forghníomhú EUPM Armenia.
Airteagal 4
In Airteagal 13 de Chinneadh (CBES) 2026/894, cuirtear an méid seo a leanas in ionad mhír 1:
‘1. EUR 14 947 077,57 a bheidh sa mhéid tagartha airgeadais a cheaptar chun an caiteachas a bhaineann le EUPM Armenia a chumhdach ar feadh na tréimhse ón 21 Aibreán 2026 go dtí an 12 Iúil 2028. Is í an Chomhairle a chinnfidh an méid tagartha airgeadais d’aon tréimhse ina dhiaidh sin.’.
Airteagal 5
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 13 Iúil 2026.
Thar ceann na Comhairle
An tUachtarán
K. KALLAS
(1) IO L, 2026/894, 22.4.2026, ELI: http://data.europa.eu/eli/dec/2026/894/oj.
ELI: http://data.europa.eu/eli/dec/2026/1711/oj
ISSN 1977-0839 (electronic edition)