–

an Coimisiún Eorpach, Ł. Habiak, M. Lagrue, L. Nicolae agus P. J. O. Van Nuffel, i gcáil gníomhairí,

1

Baineann na hiarrataí ar réamhrialú le léiriú ar an gcéad abairt d’Airteagal 2(18)(a) de Rialachán (AE) Uimh. 651/2014 ón gCoimisiún an 17 Meitheamh 2014 ina ndearbhaítear go bhfuil catagóirí áirithe cabhrach comhoiriúnach leis an margadh inmheánach i gcur i bhfeidhm Airteagail 107 agus 108 [CFAE] (IO 2014 L 187, lch. 1, ‘RGBD’), ar Airteagal 1(1) de Rialachán (AE) 2021/452 ón gCoimisiún an 15 Márta 2021 lena gceartaítear an leagan Rómáinise de Rialachán (AE) Uimh. 651/2014 ina ndearbhaítear go bhfuil catagóirí áirithe cabhrach comhoiriúnach leis an margadh inmheánach i gcur i bhfeidhm Airteagail 107 agus 108 [CFAE] (IO 2021 L 89, lch. 1, ‘an rialachán ceartúcháin’), agus i ndáil leis na prionsabail maidir le hionchais dhlisteanacha agus deimhneacht dhlíthiúil a chosaint.

2

Rinneadh na hiarrataí sin, a bhfuil an fhoclaíocht chéanna acu, in dhá shraith imeachtaí idir, sa chéad cheann, On Air Media Professionals SRL (‘On Air Media’), cuideachta faoi dhliteanas teoranta faoi dhlí na Rómáine, agus Agenția pentru Întreprinderi Mici și Mijlocii Iaşi (an Ghníomhaireacht um Fhiontair Bheaga agus Mheánmhéide, Iaşi, an Rómáin) agus, sa dara ceann, Different Media SRL, cuideachta faoi dhliteanas teoranta freisin faoi dhlí na Rómáine, agus Ministerul Antreprenoriatului și Turismului – Agenția pentru Întreprinderi Mici și Mijlocii, Atragere de Investiții și Promovare a Exportului Iaşi (an Aireacht Fiontraíochta agus Turasóireachta – an Ghníomhaireacht um Fhiontair Bheaga agus Mheánmhéide atá ag iarraidh infheistíocht a mhealladh agus onnmhairí a chur chun cinn, Iaşi, an Rómáin) maidir le hiarrataí ar aisghabháil deontas a íocadh go míchuí leis an dá chuideachta sin i ndáil le bearta chun tacú le gnóthais atá thíos leis an ngéarchéim eacnamaíoch a tharla mar thoradh ar phaindéim COVID-19.

An dlí lena mbaineann

Dlí an Aontais Eorpaigh

An RGBD

3

Luaitear an méid seo a leanas in Aithris 14 RGBD:

4

Foráiltear don mhéid seo a leanas in Airteagal 1(4) den Rialachán sin, dar teideal ‘Raon feidhme’:

5

De réir an chéad leagain Rómáinise d’Airteagal 2 den Rialachán sin, dar teideal ‘Sainmhínithe’:

An Rialachán ceartúcháin

6

Luaitear an méid seo a leanas in aithrisí 1 agus 2 den Rialachán ceartúcháin.

7

Luaitear an méid seo a leanas in Airteagal 1 den Rialachán ceartúcháin, i mír 1 [in aistriúchán as Gaeilge]

8

Foráiltear an méid seo a leanas in Airteagal 2 den Rialachán ceartúcháin sin:

Cinneadh an 27 Lúnasa 2020

9

D’údaraigh an Coimisiún an scéim Státchabhrach dar teideal ‘Tacaíocht do FBManna agus do ghnóthais mhóra chun an ghéarchéim eacnamaíoch a tharla mar thoradh ar an bpaindéim COVID-19 a shárú’ a raibh fógra tugtha ag an Rómáin ina leith an 20 Lúnasa 2020, le Cinneadh C(2020) 5949 final ón gCoimisiún an 27 Lúnasa 2020 –Státchabhair SA.58166 (2020/N) –an Rómáin – COVID-19: Tacaíocht do FBManna agus do ghnóthais mhóra áirithe chun an ghéarchéim eacnamaíoch a tharla mar thoradh ar an bpaindéim COVID-19 a shárú (IO 2020 C 302, lch. 1, ‘cinneadh an 27 Lúnasa 2020’).

10

Leagtar an méid seo a leanas amach in aithrisí 16 agus 47 den Chinneadh sin:

–

Ní fhéadfar cabhair a dheonú faoin mbeart do ghnóthais a bhí i gcruachás cheana féin ar an 31 Nollaig 2019 (féach aithris (16)) Dá bhrí sin comhlíonann an Beart pointe 22(c) den Chreat Sealadach.’ [Aistriúchán neamhoifigiúil]

Dlí na Rómáine

OUG Uimh. 130/2020

11

Foráiltear le hAirteagal 4(1) den Ordonanța de urgență a Guvernului nr. 130/2020 privind unele măsuri pentru acordarea de sprijin financiar din fonduri externe nerambursabile, aferente Programului operațional Competitivitate 2014-2020, în contextul crizei provocate de COVID-19, precum și alte măsuri în domeniul fondurilor europene (Ordú Éigeandála an Rialtais Uimh. 130/2020 maidir le bearta áirithe chun tacaíocht airgeadais a dheonú ó chistí seachtracha neamh-inaisíoctha, a bhaineann leis an gClár Oibríochtúil Iomaíochais 2014-2020, i gcomhthéacs na géarchéime a d’eascair as COVID-19, chomh maith le bearta eile i réimse na gcistí Eorpacha) an 31 Iúil 2020 (Monitorul Oficial al României, Cuid I, Uimh. 705 an 6 Lúnasa2020) (‘OUG Uimh. 130/2020’):

12

De réir Airteagal 6 de OUG Uimh. 130/2020:

13

Foráiltear le hAirteagal 32 de OUG Uimh. 130/2020:

Ordú Uimh. 1060/2857/2020

14

Tá an tsainmhíniú seo a leanas ag pointe 3.6 den iarscríbhinn a ghabhann le Ordinul nr. 1060/2857/2020 pentru aprobarea Schemei de ajutor de stat – Sprijin pentru IMM-uri în vederea depășirii crizei economice generate de pandemia de COVID-19 (Ordú Uimh. 1060/2857/2020 lena bhformheastar an Scéim Státchabhrach – Tacaíocht do FBManna chun an ghéarchéim eacnamaíoch a d’eascair as paindéim COVID-19 a shárú) an 8 Meán Fómhair 2020 (Monitorul Oficial al României, Cuid I, Uimh. 835 an 11 Meán Fómhir2020) (‘Ordú Uimh. 1060/2857/2020’), a d’eisigh an Ministerul Economiei, Energiei și Mediului de Afaceri (an Aireacht Geilleagair, Fuinnimh agus Thimpeallacht an Ghnó) agus an Ministerul Fondurilor Europene (an Aireacht Cistí Eorpacha):

15

De réir phointe 6.19 den Iarscríbhinn a ghabhann leis an ordú sin:

Ordú Uimh. 2989/2020

16

Foráiltear le Pointe 8.11 den iarscríbhinn a ghabhann Ordinul nr. 2989/2020 privind aprobarea Procedurii de implementare a măsurii « Microgranturi acordate din fonduri externe nerambursabile » din cadrul schemei de ajutor de stat instituite prin Ordonanța de urgență a Guvernului nr. 130/2020 privind unele măsuri pentru acordarea de sprijin financiar din fonduri externe nerambursabile, aferente Programului operațional Competitivitate 2014-2020, în contextul crizei provocate de COVID-19, precum și alte măsuri în domeniul fondurilor europene (Ordú Uimh. 2989/2020 lena bhformheastar an nós imeachta chun an beart ‘micreadeontais ó chistí seachtracha neamh-inaisíoctha’ a chur chun feidhme faoin scéim státchabhrach a bunaíodh le Reacht Éigeandála Rialtais Uimh. 130/2020 maidir le bearta áirithe chun tacaíocht airgeadais a dheonú ó chistí seachtracha neamh-inaisíoctha, a bhaineann leis an gClár Oibríochtúil Iomaíochais 2014-2020, i gcomhthéacs na géarchéime arb é COVID-19 ba chúis léi, chomh maith le bearta eile i réimse na gcistí Eorpacha), an 30 Meán Fómhair 2020 (Monitorul Oficial al României, Cuid I, Uimh. 902 an 5 Deireadh Fómhair 2020), go bunúsach, go ndéanfar Státchabhair a aisghabháil ina iomláine má fhaightear amach, tar éis seiceálacha a dhéantar tar éis na conarthaí maoinithe a shíniú, nach dtagann an tairbhí faoin gcatagóir tairbhithe incháilithe dá bhforáiltear in OUG Uimh. 130/2020

Na díospóidí sna príomhimeachtaí agus na ceisteanna a tharchuirtear le haghaidh réamhrialú

17

An 20 Lúnasa 2020, thug an Rómáin fógra don Choimisiún faoi scéim cabhrach dar teideal ‘Tacaíocht do FBManna agus do ghnóthais mhóra áirithe chun an ghéarchéim eacnamaíoch a tharla mar thoradh ar an bpaindéim COVID-19 a shárú’. D’údaraigh an Coimisiún an scéim Státchabhrach sin le cinneadh an 27 Lúnasa 2020.

18

De réir aithris 16 den chinneadh sin, ní fhéadfaí aon Státchabhair a dheonú, ar bhonn na scéime údaraithe, do ghnóthais a bhí i gcruachás de réir bhrí Airteagal 2(18) RGBD an 31 Nollaig 2019. Mar is léir ó aithris 47 den chinneadh sin, bhí an imthoisc sin ar cheann de na coinníollacha a leag an Coimisiún síos chun go mbeadh sé in ann a dhearbhú go bhfuil an scéim cabhrach riachtanach, iomchuí agus comhréireach agus, dá bhrí sin, go raibh sí comhoiriúnach leis an margadh inmheánach.

19

Tar éis fógra a thabhairt faoin gcinneadh an 27 Lúnasa 2020, chuir údaráis na Rómáine an scéim cabhrach chun feidhme trí bhíthin Ordú Uimh. 1060/2857/2020.

20

Rinneadh foráil i bpointe 6.1 den iarscríbhinn a ghabhann leis an ordú sin maidir le cabhair suas le EUR 2 000 a dheonú in aghaidh an tairbhí le haghaidh catagóirí áirithe FBM.

21

I gcomhréir le cinneadh an 27 Lúnasa 2020, ba é ceann de na critéir incháilitheachta ghinearálta a bhí le comhlíonadh ag tairbhithe a rinne iarratas ar chistiú, de réir phointe 6.19 den iarscríbhinn a ghabhann leis an ordú sin, nach raibh siad i gcruachás de réir bhrí Airteagal 2(18) RGBD ar an 31 Nollaig 2019. Rinneadh athdhearbhú ar an sainmhíniú ar ‘gnóthas atá i gcruachás’ a thugtar san fhoráil dheireanach sin i bpointe 3.6(i) den iarscríbhinn a ghabhann leis an ordú sin.

22

I gcomhthéacs na scéime cabhrach dá dtagraítear thuas, an 10 Nollaig 2020, thug On Air Media agus Different Media conarthaí maoinithe i gcrích faoina bhfuair na cuideachtaí sin micreadheontas de RON 9 679 (thart ar EUR 1 945) chun cabhrú leo an ghéarchéim eacnamaíoch a d’eascair as paindéim COVID-19 a shárú.

23

Bhí gach ceann de na micreadheontais sin ina n‑ábhar do chinneadh téarnaimh, an 8 Samhain 2022 do On Air Media agus an 18 Deireadh Fómhair 2022 do Different Media faoi seach. Chinn údaráis na Rómáine nár chomhlíon na cuideachtaí sin ceann de na coinníollacha dlíthiúla chun na deontais atá i gceist a fháil, ós rud é, an 31 Nollaig 2019, go raibh siad ‘gnóthais i gcruachás’ de réir bhrí phointe 3.6(i) den Iarscríbhinn a ghabhann le hOrdú Uimh. 1060/2857/2020, ós rud é go raibh na caillteanais chaipitil a thaifead na cuideachtaí sin ar an dáta sin i bhfad níos mó ná leath a gcaipitil shuibscríofa.

24

Thug On Air Media agus Different Media caingne i gcoinne na gcinntí aisghabhála sin os comhair Tribunalul Neamț (an Chúirt Réigiúnach, Neamț, an Rómáin). Mhaígh siad gur chomhlíon siad na coinníollacha uile a leagadh síos chun go mbronnfaí micreadheontais orthu agus, go háirithe, nach raibh saintréithe gnóthas i gcruachás acu de réir bhrí Airteagal 2(18) RGBD. Leis na forálacha sin, sa leagan Rómáinise den Rialachán sin, eisiadh ‘FBM atá ann le 3 bliana ar a laghad’ ón gcatagóir ‘gnóthais atá i gcruachás’. Maidir le On Air Media agus Different Media, dhearbhaigh siad go raibh siad ann ar feadh 13 bliana agus 18 mbliana faoi seach ar an dáta a thug siad a gconarthaí maoiniúcháin faoi seach i gcrích.

25

Dhíbh Tribunalul Neamț (an Chúirt Réigiúnach, Neamț) do na caingne sin. Bhraith an chúirt sin ar an bhfíoras gur ceartaíodh an leagan Rómáinise RGBD leis an rialachán ceartúcháin, tar éis na deontais a dhámhachtain do On Air Media agus do Different Media agus, dá bhrí sin, go bhforáiltear le RGBD nach dtagann ach FBManna a bhí ann le níos lú ná 3 bliana – agus nach bhfuil, mar atá sa leagan tosaigh den Rialachán sin sa Rómáinis, FBManna atá ann le 3 bliana ar a laghad – lasmuigh de raon feidhme an choincheapa ‘gnóthais atá i gcruachás’ agus dá bhrí sin go bhfuil siad incháilithe don chabhair atá i gceist.

26

Chinn an chúirt sin nár leasaíodh RGBD leis an rialachán ceartúcháin ach nach raibh ach a leagan Rómáinise ceartaithe aige, ós rud é gur thagair an leagan bunaidh, i mBéarla, amhail ón tráth a glacadh é, do FBManna ‘atá ann le níos lú ná 3 bliana’. Dá bhrí sin, chuir an chúirt sin Airteagal 2(18) RGBD i bhfeidhm mar a ceartaíodh leis an Rialachán ceartúcháin, agus chinn sí nár chomhlíon On Air Media agus Different Media na critéir incháilitheachta uile ar dháta a n‑iarratas ar dheontais.

27

Thaisc na cuideachtaí sin achomhairc i gcoinne na mbreithiúnas céadchéime os comhair Curtea de Apel Bacău (an Chúirt Achomhairc, Bacău, an Rómáin), arb í an chúirt a rinne an tarchur.

28

Os comhair na cúirte sin, áitíonn siad, ar an gcéad dul síos, gur chuir údaráis na Rómáine an rialachán ceartúcháin i bhfeidhm go cúlghabhálach toisc gur glacadh an Rialachán sin i mí an Mhárta 2021, is é sin le rá, níos mó ná trí mhí tar éis shíniú na gconarthaí maoinithe atá i gceist agus fiú tar éis na deontais a úsáid chun trealamh a cheannach.

29

Ar an dara dul síos, maíonn siad nach bhfuil aon bhunús dlí leis an gcoincheap ‘bunleagan den rialachán’ i mBéarla, ar fhorais na mbreithiúnas céadchéime, ós rud é go bhfuil an Rómáinis ar cheann de 24 theanga oifigiúla an Aontais Eorpaigh, ar an mbonn céanna le haon cheann de na 23 theanga eile.

30

Ar an tríú dul síos, tugann siad dá n‑aire, ar an dáta a síníodh na conarthaí maoinithe atá i gceist, go raibh an leagan Rómáinise RGBD i bhfeidhm gan leasú ar feadh níos mó ná 6 bliana agus go raibh téacs an Rialacháin sin go hiomlán i gcomhréir leis na gníomhartha rialála eile go léir is infheidhme sa chás seo, go háirithe le hOrdú Uimh. 1060/2857/2020, ina raibh foclaíocht chomhionann. Sna himthosca sin, áitíonn siad gur chuir siad a n‑iarratais ar dheontas isteach, gur shínigh siad na conarthaí maoiniúcháin agus gur chomhlíon siad na conarthaí sin de mheon macánta uile.

31

Measann an chúirt a rinne an tarchur nach mór a chinneadh an bhfuil cur i bhfeidhm cúlghabhálach an leagain cheartaithe ó theacht i bhfeidhm an Rialacháin tosaigh sin mar thoradh ar rialachán lena gceartaítear leagan teanga de rialachán tosaigh de chuid an Aontais a ghlacadh nó an bhfuil éifeachtaí aige ach amháin ó theacht i bhfeidhm an rialachán ceartúcháin.

32

Ní léir ach oiread an gcuireann prionsabail na deimhneachta dlíthiúla agus na cosanta ionchais dhlisteanacha cosc ar aisghabháil na Státchabhrach arna deonú i gcomhréir leis na coinníollacha a bhí sa leagan Rómáinise RGBD ar dtús, i gcomhthéacs amhail comhthéacs na gcásanna atá os a comhair.

33

Tugann sí dá haire, ar deireadh, nach bhfuil an cásdlí náisiúnta aonfhoirmeach maidir leis na saincheisteanna sin.

34

Sna himthosca sin, chinn Curtea de Apel Bacău (an Chúirt Achomhairc, Bacău) bac a chur ar na himeachtaí agus na ceisteanna seo a leanas a tharchur chuig an gCúirt Bhreithiúnais le haghaidh réamhrialú:

Breithniú ar na ceisteanna a tharchuirtear le haghaidh réamhrialú

An chéad cheist

35

Lena céad cheist, fiafraíonn an chúirt a rinne an tarchur, go bunúsach, an gá an rialachán ceartúcháin a léiriú mar cheartú cúlghabhálach ar an leagan Rómáinise RGBD, ón dáta a tháinig RGBD i bhfeidhm.

36

Mar réamhphointe, ba cheart a mheabhrú, de réir cásdlí socair, gur léir go bhfuil sé ar mhaithe le dlíchóras an Aontais, d’fhonn difríochtaí léirithe amach anseo a sheachaint, léiriú aonfhoirmeach a thabhairt d’aon fhoráil de dhlí an Aontais, atá ceaptha a áirithiú le dlínse na Cúirte Breithiúnais faoi Airteagal 267 CFAE (féach, chuige sin, breithiúnais an 18 Deireadh Fómhair 1990, Dzodzi, C‑297/88 agus C‑197/89, EU:C:1990:360, míreanna 37 agus 38, agus an 16 Meitheamh 2016, Rodríguez Sánchez, C‑351/14, EU:C:2016:447, mír 61).

37

Mar gheall ar an ngá atá le léiriú aonfhoirmeach ar fhorálacha dhlí an Aontais, ní féidir téacs forála a mheas, i gcás amhrais, ina aonar ach ní mór é a léiriú agus a chur i bhfeidhm i bhfianaise na leaganacha atá sna teangacha oifigiúla eile (breithiúnais an 5 Nollaig 1967, van der Vecht, 19/67, EU:C:1967:49, lch. 456, agus an 10 Aibreán 2025, Tartisai, C‑238/24, EU:C:2025:258, mír 30).

38

Mar sin féin, mar atá dearbhaithe go seasta ag an gCúirt Bhreithiúnais freisin, ní mór a aithint, i bprionsabal, go bhfuil an luach céanna ag na leaganacha teanga uile d’fhoráil de dhlí an Aontais (breithiúnais an 2 Aibreán 1998, EMU Tabac agus páirtithe eile, C‑296/95, EU:C:198:152, mír 36, agus an 4 Deireadh Fómhair 2024, AFAÏA, C‑228/23, EU:C:2024:829, mír 38).

39

I gcás ina bhfuil éagsúlacht idir roinnt leaganacha teanga de théacs dhlí an Aontais, ní mór an fhoráil atá i gceist a léiriú de réir scéim ghinearálta agus chuspóir na reachtaíochta a bhfuil sí ina chuid di (breithiúnais an 27 Deireadh Fómhair 1977, Bouchereau, 30/77, EU:C:1977:172, mír 14, agus an 10 Aibreán 2025, Tartisai, C‑238/24, EU:C:2025:258, mír 30).

40

Is fíor go leanann sé ó chásdlí socair nach bhféadfadh sé a bheith d’éifeacht ag léiriú ar fhoráil de dhlí an Aontais go mbainfí gach éifeacht phraiticiúil d’fhoclaíocht shoiléir bheacht na forála sin (breithiúnais an 8 Nollaig 2005, BCE v an Ghearmáin, C‑220/03, EU:C:2005:748, mír 31, agus an 3 Meán Fómhair 2024, Illumina agus Grail, C‑611/22 P agus C‑625/22 P, EU:C:2024:677, mír 126).

41

Mar gheall ar an neamhréireacht idir an leagan Rómáinise, a raibh a fhoclaíocht soiléir agus gan débhrí, agus na leaganacha teanga eile d’Airteagal 2(18) RGBD, ghlac an Coimisiún an rialachán ceartúcháin ba chúis leis na díospóidí sna príomhimeachtaí.

42

Leis an RGBD, lena ndearbhaítear go bhfuil catagóirí áirithe cabhrach comhoiriúnach leis an margadh inmheánach i gcur i bhfeidhm Airteagail 107 agus 108 CFAE, in Airteagal 1(4)(c), déantar ‘gnóthais atá i gcruachás’, a shainmhínítear in Airteagal 2(18) de, a eisiamh óna raon feidhme.

43

De bhrí, i dtéarmaí atá go hiomlán gan débhrí, sa chéad leagan Rómáinise, a foilsíodh an 26 Meitheamh 2014 in Iris Oifigiúil an Aontais Eorpaigh, go ndearna catagóir na ngnóthas atá i gcruachás, maidir le cuideachtaí faoi dhliteanas teoranta, FBManna a bhí ann ar feadh 3 bliana ar a laghad, sna leaganacha teanga eile den fhoráil sin, a foilsíodh in Iris Oifigiúil an Aontais Eorpaigh an lá céanna, a eisiamh, ar a laghad go soiléir, FBManna atá ann ar feadh níos lú ná 3 bliana.

44

Maidir le cé acu atá nó nach bhfuil éifeacht chúlghabhálach ag an rialachán ceartúcháin, ba cheart a mheabhrú, ar an gcéad dul síos, go dtiocfaidh gníomhartha an Aontais i bhfeidhm, faoi Airteagal 297 CFAE, ar an dáta a shonraítear iontu nó, in éagmais dáta den sórt sin, ar an bhfichiú lá tar éis a bhfoilsithe.

45

Ina dhiaidh sin, is léir ó chásdlí socair na Cúirte Breithiúnais, murab ionann agus na rialacha nós imeachta, a mheastar a bheith i bhfeidhm go ginearálta ón dáta a thagann siad i bhfeidhm, nach mór rialacha substainteacha dhlí an Aontais a léiriú, chun comhlíonadh phrionsabail na deimhneachta dlíthiúla agus cosaint an ionchais dhlisteanaigh a áirithiú, nach bhfuil feidhm acu maidir le cásanna a bhí ann roimh a dteacht i bhfeidhm ach amháin a mhéid a leanann sé go soiléir óna dtéarmaí, óna gcuspóirí nó óna scéim ghinearálta nach mór éifeacht den sórt sin a thabhairt dóibh (féach, chuige sin, breithiúnas an 22 Meitheamh 2022, Volvo agus DAF Trucks, C‑267/20, EU:C:2022:494, mír 31 agus an cásdlí dá dtagraítear).

46

Sa chás seo, foráiltear leis an rialachán ceartúcháin, a bhaineann le riail shubstainteach, in Airteagal 2, go dtiocfaidh sé i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh agus ní fhoráiltear go sainráite ann go dtiocfaidh sé i bhfeidhm ar dháta níos luaithe.

47

Mar sin féin, is léir go leanann éifeacht chúlghabhálach an rialacháin cheartúcháin óna chuspóir.

48

Mar a luaitear in aithrisí 1 agus 2 den Rialachán Ceartúcháin, is é is cuspóir don Rialachán sin an leagan Rómáinise den chéad abairt d’Airteagal 2(18)(a) agus den chéad abairt d’Airteagal 2(18)(b) RGBD, arb é an leagan sin ina bhfuil earráidí a athraíonn brí na bhforálacha sin, a cheartú, ach ní dhéantar difear do na leaganacha teanga eile.

49

Is léir ó ábhar an rialacháin cheartúcháin féin go bhfuil sé beartaithe leis an Rialachán aonfhoirmeacht an léirithe nach mór a thabhairt d’Airteagal 2(18) RGBD i ngach leagan teanga den fhoráil sin a athbhunú, trí ceartúcháin ab initio a dhéanamh go cúlghabhálach, ar an earráid aistriúcháin a rinne difear don leagan Rómáinise de RGBD.

50

Dá mba rud é nár cheartaigh an rialachán ceartúcháin an leagan Rómáinise de RGBD ach amháin don todhchaí, cheadódh sé leaganacha neamh-chomhoiriúnacha den Rialachán sin, agus iad uile bunaithe ar fhoclaíocht shoiléir agus bheacht, a bheith ann ag an am céanna ar feadh na tréimhse idir teacht i bhfeidhm RGBD agus an rialachán ceartúcháin.

51

Ní fhéadfaí léiriú den sórt sin ar an Rialachán Ceartúcháin a ghlacadh gan neamhaird a dhéanamh ar an gceanglas go ndéanfaí dlí an Aontais a léiriú agus a chur i bhfeidhm go haonfhoirmeach dá dtagraítear i míreanna 36 agus 37 den bhreithiúnas seo.

52

Dá bhrí sin, is é an freagra ar an gcéad cheist nach mór léiriú a dhéanamh ar an rialachán ceartúcháin mar cheartúchán cúlghabhálach ar an leagan Rómáinise de RGBD, ón dáta a tháinig RGBD i bhfeidhm.

An dara agus an tríú ceist

53

Leis an dara agus leis an tríú ceist, ar cheart scrúdú a dhéanamh orthu le chéile, fiafraíonn an chúirt a rinne an tarchur, go bunúsach, an gá prionsabail na deimhneachta dlíthiúla agus cosaint an ionchais dhlisteanaigh a léiriú sa chaoi go gcuirtear cosc leo, ar bhonn an rialacháin cheartúcháin, na cabhrach a dheonaigh an Rómáin sular glacadh an Rialachán sin a aisghabháil, faoin scéim cabhrach a údaraíodh le cinneadh an 27 Lúnasa 2020.

54

Mar a cinneadh i mír 52 den bhreithiúnas seo, ceartaítear leis an rialachán ceartúcháin an leagan Rómáinise de RGBD go cúlghabhálach ón dáta a tháinig RGBD i bhfeidhm.

55

I bhfianaise an leagain cheartaithe Rómáinise, níl sé faoi dhíospóid gur ghá On Air Media agus Different Media a mheas mar ghnóthais atá i gcruachás de réir bhrí Airteagal 2(18) RGBD, agus gur cheart, dá bhrí sin, cosc a chur orthu tairbhe a bhaint as na deontais atá i gceist sna cásanna sna príomhimeachtaí.

56

De réir cásdlí socair, ní mór do na húdaráis náisiúnta, i bprionsabal, a bheith mar thoradh ar chinneadh go bhfuil cabhair neamhdhleathach, chun an staid a bhí ann sular deonaíodh an chabhair a athbhunú (féach, chuige sin, breithiúnas an 8 Nollaig 2011, Residex Capital IV, C‑275/10, EU:C:2011:814, mír 33, agus Ordú an 28 Feabhra 2024, an Ghréig v an Coimisiún, C‑797/22 P, EU:C:2024:174, mír 71).

57

Mar sin féin, agus dlí an Aontais á chur chun feidhme acu, ní mór do na húdaráis sin bunphrionsabail an dlí sin a urramú, lena n‑áirítear prionsabail na deimhneachta dlíthiúla agus na n‑ionchas dlisteanach a chosaint (breithiúnais an 1 Aibreán 1993, Lageder agus páirtithe eile, C‑31/91 agus C‑44/91, EU:C:1993:132, mír 33, agus an 5 Meán Fómhair 2024, Novo Banco agus páirtithe eile, C‑498/22 go C‑500/22, EU:C:2024:686, mír 100).

58

Ciallaíonn prionsabal na deimhneachta dlíthiúla nach mór a chur ar chumas na ndaoine lena mbaineann eolas beacht a bheith acu ar mhéid na n‑oibleagáidí a fhorchuireann siad orthu (breithiúnais an 1 Deireadh Fómhair 1998, an Ríocht Aontaithe v an Coimisiún, C‑209/96, EU:C:1998:448, mír 35, agus an 22 Feabhra 2022, Stichting Rookpreventie Jeugd agus páirtithe eile, C‑160/20, EU:C:2022:101, mír 41).

59

Cé go gcuirtear cosc, go ginearálta, le prionsabal na deimhneachta dlíthiúla ar bheart de chuid an Aontais a theacht i bhfeidhm ó phointe ama sula bhfoilseofar nó sula dtabharfar fógra ina leith, féadfaidh sé a bheith ar bhonn eisceachtúil i gcás ina n‑éilítear amhlaidh le cuspóir ar mhaithe leis an leas ginearálta agus i gcás ina n‑urramaítear ionchais dhlisteanacha na ndaoine lena mbaineann go cuí (breithiúnais an 25 Eanáir 1979, Racke, 98/78, EU:C:1979:14, mír 20, agus an 12 Samhain 1981, Meridionale Industria Salumi agus páirtithe eile, 212/80 go 217/80, EU:C:1981:270, mír 10), agus a mhéid is léir ó théarmaí, cuspóirí nó scéim ghinearálta rialacha an dlí lena mbaineann nach mór éifeacht den sórt sin a thabhairt dóibh (breithiúnais an 24 Meán Fómhair 2002, Falck agus Acciaierie di Bolzano, C‑74/00 P agus C‑75/00 P, EU:C:2002:524, mír 119, agus an 30 Aibreán 2019, an Iodáil v an Chomhairle (Cuóta iascaireachta do cholgáin Mheánmhuirí), C‑611/17, EU:C:2019:332, mír 106 agus an cásdlí dá dtagraítear).

60

Maidir leis an gcoinníoll nach mór an prionsabal maidir le hionchais dhlisteanacha a chosaint a urramú, ba cheart a thabhairt faoi deara, de réir cásdlí socair, go nglactar leis an gceart chun brath ar an bprionsabal sin gur thug údaráis inniúla an Aontais dearbhuithe beachta, neamhchoinníollacha agus comhsheasmhacha a eascraíonn as foinsí údaraithe iontaofa don duine lena mbaineann (breithiúnas an 5 Márta 2019, Eesti Pagar, C‑349/17, EU:C:2019:172, mír 97 agus an cásdlí dá dtagraítear).

61

Ní féidir le cleachtas Ballstáit nach gcomhlíonann reachtaíocht an Aontais a bheith ina chúis le hionchas dlisteanach ó thaobh tairbhí aonair den chás a chruthaítear ar an gcaoi sin (féach, chuige sin, breithiúnais an 15 Nollaig 1982, Maizena, 5/82, EU:C:1982:439, mír 22, agus an 19 Nollaig 2024, Kaduna, C‑244/24 agus C‑290/24, EU:C:2024:1038, mír 131).

62

Thairis sin, i réimse na Státchabhrach, leanann sé ó chásdlí socair na Cúirte Breithiúnais, i bhfianaise chineál éigeantach an athbhreithnithe ar Státchabhair arna dhéanamh ag an gCoimisiún faoi Airteagal 108 CFAE, ar dtús, gur féidir le gnóthais a fhaigheann cabhair, i bprionsabal, a bheith ag súil go dlisteanach nach bhfuil an chabhair dleathach ach amháin má deonaíodh í i gcomhréir leis an nós imeachta a leagtar síos san Airteagal sin agus, anuas ar sin, nach mór d’oibreoir gnólachta dícheallach a bheith in ann a dheimhniú dóibh féin de ghnáth gur leanadh an nós imeachta sin (féach, breithiúnas an 5 Márta 2019, Eesti Pagar, C‑349/17, EU:C:2019:172, mír 98 agus an cásdlí dá dtagraítear).

63

Glacann an Chúirt Bhreithiúnais leis freisin, áfach, nach gcuirtear cosc ar fhaighteoir cabhrach a deonaíodh go neamhdhleathach brath ar imthosca eisceachtúla ar ar a mbonn a ghlac sé nó sí go dlisteanach leis an gcabhair a bheith dleathach agus agóid a dhéanamh, dá bhrí sin, i gcoinne aisghabháil na cabhrach sin (féach, chuige sin, breithiúnas an 20 Meán Fómhair 1990, an Coimisiún v an Ghearmáin, C‑5/89, EU:C:1990:320, mír 16).

64

Sa chás seo, mar a luaigh an tAbhcóide Ginearálta i mír 80 dá Thuairim, bunaíodh ionchais On Air Media agus Different Media ní hamháin ar iompar údaráis na Rómáine, go háirithe ar an scéim cabhrach náisiúnta agus ar na cinntí lena ndeonaítear an chabhair sin a rinneadh faoin scéim, ach freisin ar fhoclaíocht shoiléir, cé gur fhoclaíocht mícheart a bhí ann, an leagain Rómáinise de RGBD a foilsíodh in Iris Oifigiúil an Aontais Eorpaigh, dá dtagraíonn an scéim cabhrach sin.

65

I ndáil leis sin, mar a thug an tAbhcóide Ginearálta faoi deara i mír 73 dá Thuairim, ní féidir On Air Media agus Different Media a cháineadh, in imthosca na gcásanna sna príomhimeachtaí, de bharr nár sheiceáil siad na leaganacha teanga eile d’Airteagal 2(18) RGBD, ós rud é nach raibh aon deacracht léirithe ann mar gheall ar aon ní i bhfoclaíocht an chéad leagan Rómáinise den Airteagal sin.

66

Thairis sin, bhí an scéim cabhrach náisiúnta atá i gceist, tar éis fógra cuí a thabhairt don Choimisiún, údaraithe ag an gCoimisiún le cinneadh an 27 Lúnasa 2020, imthoisc a d’fhág go raibh ionchais dhlisteanacha ann go raibh an chabhair a deonaíodh ar bhonn na scéime sin dleathach.

67

I bhfianaise an mhéid sin roimhe seo, is é an freagra ar an dara agus ar an tríú ceist nach mór prionsabail na deimhneachta dlíthiúla agus na cosanta ionchais dhlisteanaigh a léiriú sa chaoi go gcuirtear cosc leo ar aisghabháil, ar bhonn an rialacháin cheartúcháin, na cabhrach arna deonú ag an Rómáin roimh ghlacadh an Rialacháin sin de bhua na scéime cabhrach a údaraíodh le cinneadh an 27 Lúnasa 2020.

Costais

68

Ós rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte a rinne an tarchur, baineann ceist na gcostas leis an gcúirt sin. Níl na costais a tabhaíodh trí bharúlacha a chur faoi bhráid na Cúirte, seachas costais na bpáirtithe sin, inghnóthaithe.

1.

Maidir le Rialachán (AE) 2021/452 ón gCoimisiún an 15 Márta 2021 lena gceartaítear an leagan Rómáinise de Rialachán (AE) Uimh. 651/2014 ina ndearbhaítear go bhfuil catagóirí áirithe cabhrach comhoiriúnach leis an margadh inmheánach i gcur i bhfeidhm Airteagail 107 agus 108 [CFAE] ní mór léiriú a dhéanamh ar an rialachán sin mar cheartú ar an leagan Rómáinise de Rialachán (AE) Uimh. 651/2014 ón gCoimisiún an 17 Meitheamh 2014 ina ndearbhaítear go bhfuil catagóirí áirithe cabhrach comhoiriúnach leis an margadh inmheánach i gcur i bhfeidhm Airteagail 107 agus 108 [CFAE] go cúlghabhálach ón dáta a tháinig an rialachán deireanach sin i bhfeidhm.

2.

Maidir le prionsabail na deimhneachta dlíthiúla agus na cosanta d’ionchais dhlisteanacha ní mór léiriú a dhéanamh sa chaoi go gcuirtear cosc leo ar aisghabháil na cabhrach arna deonú ag an Rómáin, ar bhonn Rialachán 2021/452, sular glacadh an rialachán sin de bhua na scéime cabhrach a údaraítear le Cinneadh C(2020) 5949 final ón gCoimisiún an 27 Lúnasa 2020 — Státchabhair SA.58166 (2020/N) – an Rómáin – COVID-19: Tacaíocht do FBManna agus do ghnóthais mhóra áirithe chun an ghéarchéim eacnamaíoch a tharla mar thoradh ar an bpaindéim COVID-19 a shárú.