Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/189 |
28.1.2025 |
CINNEADH CUR CHUN FEIDHME (CBES) 2025/189 ÓN gCOMHAIRLE
an 27 Eanáir 2025
lena gcuirtear chun feidhme Cinneadh (CBES) 2015/1333 a bhaineann le bearta sriantacha i bhfianaise na staide sa Libia
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 31(2) de,
Ag féachaint do Chinneadh (CBES) 2015/1333 ón gComhairle an 31 Iúil 2015 a bhaineann le bearta sriantacha i bhfianaise na staide sa Libia, agus lena n-aisghairtear Cinneadh 2011/137/CBES (1), agus go háirithe Airteagal 12(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 31 Iúil 2015, ghlac an Chomhairle Cinneadh (CBES) 2015/1333. |
|
(2) |
An 20 Nollaig 2024, bhain an Coiste arna bhunú de bhun Rún 1970 (2011) ó Chomhairle Slándála na Náisiún Aontaithe a bhaineann leis an Libia duine amháin de liosta na ndaoine agus na n-eintiteas atá faoi réir bearta sriantacha. |
|
(3) |
Dá bhrí sin, ba cheart Cinneadh (CBES) 2015/1333 a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Leasaítear Iarscríbhinní I agus III a ghabhann le Cinneadh (CBES) 2015/1333 i gcomhréir leis an Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 27 Eanáir 2025.
Thar ceann na Comhairle
An tUachtarán
K. KALLAS
(1) IO L 206, 1.8.2015, lch. 34, ELI: http://data.europa.eu/eli/dec/2015/1333/oj.
IARSCRÍBHINN
Leasaítear Iarscríbhinní I agus III a ghabhann le Cinneadh (CBES) 2015/1333 mar a leanas:
In Iarscríbhinn I (‘Liosta na ndaoine dá dtagraítear in Airteagal 8(1)’), agus in Iarscríbhinn III (‘Liosta na ndaoine agus na n-eintiteas dá dtagraítear in Airteagal 9(1)’, Cuid A (‘Daoine aonair’)), scriostar an iontráil faoi seach, uimhir 20, a bhaineann le Abdelhafiz ZLITNI.
ELI: http://data.europa.eu/eli/dec_impl/2025/189/oj
ISSN 1977-0839 (electronic edition)