10.10.2022   

GA

Iris Oifigiúil an Aontais Eorpaigh

C 388/9


Réamhfhógra faoi chomhchruinniú

(Cás M.10893 – QUATTROR / IMTC / MTD)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 388/08)

1.   

An 3 Deireadh Fómhair 2022, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

QuattroR SGR S.p.A. (“QuattroR”, an Iodáil),

—

International Medical Technology Collective S.C.A. (“IMTC”, Lucsamburg), faoi rialú Investindustrial S.A. (“Investindustrial”, Lucsamburg),

—

Medical Technology and Devices SA (“MTD”, an Eilvéis).

Gheobhaidh QuattroR agus IMTC rialú comhpháirteach, de réir bhrí Airteagail 3(1)(b) agus 3(4) den Rialachán um Chumaisc, ar MTD.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas:

—

Bainistíonn QuattroR ciste cothromais phríobháidigh Iodálach agus faoi láthair rialaíonn sé cúig chuideachta punainne i réimse na hinnealtóireachta, na lóistíochta agus na monaraíochta,

—

Tá IMTC ina fhoghnólacht infheistíochta de chuid Investindustrial, grúpa infheistíochta a dhíríonn ar thomhaltóirí agus fóillíocht, cúram sláinte agus seirbhísí, monaraíocht thionsclaíoch agus teicneolaíocht,

—

Is grúpa teicneolaíochta leighis atá lonnaithe san Eilvéis é MTD, grúpa a dhearann, a fhorbraíonn agus a sholáthraíonn feistí leighis ar fud an domhain, go háirithe feistí bainistithe diaibéitis, feistí géara caighdeánacha agus sábháilteachta, feistí leictreomíochaine agus táirgí cúraim créachta.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Forchoimeádtar an cinneadh críochnaitheach maidir leis sin, áfach.

De bhun an Fhógra ón gCoimisiún maidir le nós imeachta simplithe i dtaca le láimhseáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10893 – QUATTROR / IMTC / MTD

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála thíos:

R-phost: COMP-MERGER-REGISTRY@ec.europa.eu

Facs +32 229 64301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.