(1)

L-entitajiet tal-Komunità stabbiliti biex jagħmlu xi attivitajiettal-Komunità għandhom personalita legali u għalhekk il-budget tagħhom stess li jkun irregolat b'regoli finanzjarji speċifiċi.

(2)

Biex tkun żgurata ċertu konsistenza f'dawn ir-regolamenti meta mqabblin mar-Regolament (KE, Euratom) Nru 1605/2002 (“ir-Regolament Finanzjarju Ġenerali” minn hawn ‘il quddiem) u skond l-Artikolu 185(1) ta' dak ir-Regolament, dan ir-Regolament Finanzjarju strutturali jrid jippreskrivi r-regoli li jirregolaw l-istabbiliment, l-implimentazzjoni u l-iskrutinju tal-budget ta' l-entitajiet imsemmijin tal-Komunità li tassew jirċievu konċessjonijiet mill-budget tal-Komunità (“entitajiet tal-Komunità” minn hawn ‘il quddiem). Kull waħda mill-entitajiet tal-Komunità taddotta r-regoli finanzjarji tagħha minn fuq dan ir-Regolament Finanzjarju strutturali, li, kif indikat fl-Artikolu 185 imsemmi hawn fuq, jistgħu jinbidlu mir-Regolament Finanzjarju strutturali skond il-ħtiġiet tat-treġija speċifiċi ta' dawk l-entitajiet, iżda bil-kunsens tal-Kummissjoni biss.

(3)

Dan ir-Regolament Finanzjarju strutturali, bħar-Regolament Finanzjarju ġenerali, jgħid biss il-prinċipji ġenerali u r-regoli bażiċi li jirregolaw il-qasam tal-budget ikkonċernat, filwaqt li dawn l-entitajiet jistgħu sussegwentement jaddottaw disposizzjonijet iddettaljati biex ir-regolamenti finanzjarji tagħhom jinftehmu aħjar.

(4)

L-erba' prinċipji fondamentali tal-liġi tal-budget (unita', universalita', speċifikazzjoni, annwalita') u l-prinċipji ta' l-ekwilibriju, unita' tal-kontijiet, treġija finanzjarja tajba u tat-trasparenza iridu jkunu riaffermati għall-istabbiliment u l-implimentazzjoni tal-budget.

(5)

Hu meħtieġ li l-poteri u r-responsabbiltajiet tal-uffiċċjal tal-kontijiet, l-awditur intern u l-uffiċċjali li jawtorizzaw ikunu ddefiniti. L-imsemmija l-aħħar għandhom responsabbilta sħiħa tal-ħidmiet kollha ta' dħul u infiq li jsiru taħt l-awtorita' tagħhom u għandhom jiżammu responsabbli għall-azzjonijiet tagħhom, ukoll bi proċedimenti dixxiplinari fejn meħtieġ.

(6)

Bħall-istituzzjonijiet, dawn l-entitajiet tal-Komunità ma jistgħux jisilfu flus, skond l-Artikolu 14 tar-Regolament Finanzjarju ġenerali.

(7)

Il-funzjoni tal-verifika interna fl-entitajiet tal-Komunità irid jagħmilha l-awditur intern tal-Kummissjoni, li għalhekk ikun dak li jiggarantixxi l-konsistenza tas-sistema u l-mod kif taħdem skond l-Artikolu 185(3) tar-Regolament Finanzjarju ġenerali.

(8)

L-iskeda biex ikun stabbilit il-budget, biex ikunu ppreżentati l-kontijiet u biex jingħata r-rilaxx iridu jkunu allineati fuq id-dispożizzjonijiet ekwivalenti tar-Regolament Finanzjarju ġenerali, u l-awtorita responsabbli li tagħti r-rilaxx lill-entitajiet tal-Komunità trid tkun l-istess bħal tal-budget ġenerali (l-Artikolu 185(2) tar-Regolament Finanzjarju ġenerali)

(9)

Ir-regoli għaż-żamm tal-kotba applikati għall-entitajiet tal-Komunità iridu jħallu li ssir konsolidazzjoni mal-kontijiet ta' l-istituzzjonijiet, u għal dan il-għan iridu jkunu addottati mill-uffiċċjal tal-kontijiet tal-Kummissjoni skond l-Artikolu 133 tar-Regolament Finanzjarju ġenerali il-ġdid.

(10)

Skond l-Artikolu 46 tar-Regolament Finanzjarju ġenerali, il-pjan ta' stabbiliment issa jrid jingħata lill-awtorita tal-budget għall-approvazzjoni.

(11)

Kull entità jista' jkollha aċċess għall-panel imsemmi fl-Artikolu 66(4) tar-Regolament Finanzjarju ġenerali stabbilit mill-Kummissjoni biex jeżamina irregolaritajiet ħalli tkun titsta' ssir evalwazzjoni simili ta' każi identiċi.

(12)

Minħabba li jirċievu konċessjoni imħallsa mill-budget tal-Komunità, l-entitajiet tal-Komunità iridu jżommu strettament l-istess ħtiġiet ta' l-istituzzjonijiet għall-għoti ta' appalti u konċessjonijiet pubbliċi, sakemm dawn l-appalti u konċessjonijiet huma awtorizzati mill-Istrumenti li jistabbilixxu dawn l-entitajiet; għaldaqstant tkun biżżejjed referenza għad-disposizzjonijet rilevanti tar-Regolament Finanzjarju ġenerali.

(13)

Bħall-istituzzjonijiet, l-entitajiet tal-Komunità jistgħu, biex jagħmlu l-kompiti li jingħatawlhom, Iħaddmu entitajiet tas-settur privat esterni biss fejn meħtieġ u mhux għal kompiti li jinvolvu xi missjoni tas-servizz pubbliku jew l-użu ta' xi poteri ta' ġudizzji diskrezjonali, biex ikun garantit li kull entità hi marbuta li tagħti rendikont ta' għemilha fl-implimentazzjoni tal-budget tagħha u żżomm ma' l-għanijiet li ngħatat meta ġiet magħmula.

(14)

Bħala appoġġ għat-talbiet biex jitħallsu s-sussidju tal-Komunità, l-entitajiet tal-Komunità iridu jbassru d-dħul u l-infiq, u l-fondi li l-Komunitajiet iħallsu għal dak is-sussidju iridu jagħtu imgħax għal benefiċju tal-Komunitajiet.

(15)

Irid ikun hemm dispożizzjonijiet speċifiċi biex jorganizzaw il-ġbir ta' miżati u spejjeż, li huma waħda mir-riżorsi ta' dawn l-entitajiet.

(16)

Minħabba l-ħtiġiet statutorji ġejjin mill-istrumenti li jistabbilixxu l-entitajiet tal-Komunità, il-proċedura biex ikunu ppreżentati l-kontijiet trid tkun addottata u ssir dispożizzjoni biex il-bord ta' treġija jagħti fehmtu dwar il-kontijiet.

(17)

L-istruttura l-ġdida tal-budget addottata fir-Regolament Finanzjarju ġenerali trid tintuża ukoll mill-entitajiet tal-Komunità sakemm dan hu ġġustifikat bin-natura ta' l-attivitajiet tagħhom.

(18)

Id-dispożizzjonijiet tar-Regolament Finanzjarju ġenerali li għandhom jiddaħħlu f'dan ir-regolament huma biss dawk li jgħoddu għall-entitajiet tal-Komunità.

B'mod partikolari dan ir-Regolament għalhekk m'għandux jinkludi d-dispożizzjonijiet relatati ma' meddiet ta' attivita li m'għandhomx x'jaqsmu ma' l-entitajiet tal-Komunità, il-metodi varji ta' implimentazzjoni li jagħmlu l-kunċett ta' esternalizzazzjoni u t-tagħrif dwar il-budget li għandu jintbagħat lill-Parlament Ewropew u lill-Kunsill. Barra minn hekk, uħud biss mill-kategoriji ta' dħul assenjat fir-Regolament Finanzjarju ġenerali għandhom jitqiesu u, finalment, il-proċedura għat-trasferiment ta' l-appropjazzjonijiet u l-istabbiliment tal-budget iridu jkunu inqas iddettaljati u inqas kumplessi,