|
28.1.2021 |
GA |
Iris Oifigiúil an Aontais Eorpaigh |
L 29/8 |
RIALACHÁN CUR CHUN FEIDHME (AE) 2021/79 ÓN gCOIMISIÚN
an 27 Eanáir 2021
maidir le neamh-fhormheas na substainte gníomhaí tópramasón, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoir 79/117/CEE agus Treoir 91/414/CEE ón gComhairle (1), agus go háirithe Airteagal 13(2) de,
De bharr an mhéid seo a leanas:
|
(1) |
De réir Airteagal 80(1)(a) de Rialachán (CE) Uimh. 1107/2009, tá feidhm ag Treoir 91/414/CEE ón gComhairle (2) maidir leis an nós imeachta agus na coinníollacha le haghaidh formheas substaintí gníomhacha a bhfuil cinneadh glactha ina leith i gcomhréir le hAirteagal 6(3) den Treoir sin, roimh an 14 Meitheamh 2011. An 9 Nollaig 2003, ghlac an Coimisiún Cinneadh 2003/850/CE (3) maidir leis an tsubstaint ghníomhach tópramasón (ar a dtugtaí BAS 670H roimhe seo) i gcomhréir le hAirteagal 6(3) de Threoir 91/414/CEE. |
|
(2) |
An 12 Bealtaine 2003, rinne BASF Aktiengesellschaft (BASF SE a thugtar anois air) iarratas maidir le tópramasón a áireamh in Iarscríbhinn I a ghabhann le Treoir 91/414/CEE a chur faoi bhráid na Fraince i gcomhréir le hAirteagal 6(2) den Treoir sin. Deimhníodh i gCinneadh 2003/850/CE gur chomhlíon an sainchomhad, i bprionsabal, na ceanglais sonraí agus faisnéise atá in Iarscríbhinní II agus III a ghabhann le Treoir 91/414/CEE. |
|
(3) |
Rinneadh an measúnú ar éifeachtaí tópramasóin ar shláinte daoine agus ainmhithe agus ar an gcomhshaol i dtaca leis na húsáidí a bheartaigh an t-iarratasóir a chur i gcrích i gcomhréir leis an nós imeachta dá bhforáiltear in Airteagal 6(2) agus (4) de Threoir 91/414/CEE. Chuir an Fhrainc dréacht-tuarascáil mheasúnachta faoi bhráid an Choimisiúin agus an Údaráis Eorpaigh um Shábháilteacht Bia (“an tÚdarás”) an 21 Iúil 2006. |
|
(4) |
D’athbhreithnigh na Ballstáit agus an tÚdarás an dréacht-tuarascáil mheasúnachta. Chuir an tÚdarás a chonclúid (4) maidir leis an measúnú riosca le haghaidh lotnaidicídí ar an tsubstaint ghníomhach tópramasón faoi bhráid an Choimisiúin an 13 Eanáir 2014. |
|
(5) |
Trí bhíthin litir dar dáta an 29 Meitheamh 2020, tharraing BASF SE a iarratas ar fhormheas tópramasóin siar. |
|
(6) |
Mar gur tarraingíodh siar an t-iarratas, níor cheart tópramasón a fhormheas. |
|
(7) |
Leis an Rialachán seo, ní chuirtear cosc ar iarratas eile a chur isteach maidir leis an tsubstaint ghníomhach tópramasón de bhun Airteagal 7 de Rialachán (CE) Uimh. 1107/2009. |
|
(8) |
Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Neamh-fhormheas na substainte gníomhaí
Ní fhormheastar an tsubstaint ghníomhach tópramasón.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 27 Eanáir 2021.
Thar ceann an Choimisiúin
An tUachtarán
Ursula VON DER LEYEN
(1) IO L 309, 24.11.2009, lch. 1.
(2) Treoir 91/414/CEE ón gComhairle an 15 Iúil 1991 maidir le táirgí cosanta plandaí a chur ar an margadh (IO L 230, 19.8.1991, lch. 1).
(3) Cinneadh 2003/850/CE ón gCoimisiún an 4 Nollaig 2003 lena n-aithnítear i bprionsabal iomláine na sainchomhad a cuireadh isteach le haghaidh mionscrúdú i dtaca leis an bhféidearthacht BAS 670H agus airgead tiasulfáite a áireamh in Iarscríbhinn I a ghabhann le Treoir 91/414/CEE ón gComhairle maidir le táirgí cosanta plandaí a chur ar an margadh (IO L 322, 9.12.2003, lch. 28).
(4) an tÚdarás Eorpach um Shábháilteacht Bia, 2014. Conclúid maidir le hathbhreithniú piaraí an mheasúnaithe riosca le haghaidh lotnaidicídí ar an tsubstaint ghníomhach tópramasón. Irisleabhar EFSA 2014;12(2):3540, 82 pp. doi:10.2903/j.efsa.2014.3540.