Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2024/2697 |
14.10.2024 |
RIALACHÁN CUR CHUN FEIDHME (AE) 2024/2697 ÓN gCOMHAIRLE
an 14 Deireadh Fómhair 2024
lena gcuirtear chun feidhme Rialachán (AE) 2023/1529 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine agus do ghrúpaí armtha agus eintitis sa Mheánoirthear agus i réigiún na Mara Rua
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2023/1529 ón gComhairle an 20 Iúil 2023 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine agus do ghrúpaí armtha agus eintitis sa Mheánoirthear agus i réigiún na Mara Rua (1), agus go háirithe Airteagal 7(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 20 Iúil 2023, ghlac an Chomhairle Rialachán (AE) 2023/1529. |
|
(2) |
Sna conclúidí uaithi an 21 agus an 22 Márta 2024, chuir an Chomhairle Eorpach in iúl dá ndéanfadh an Iaráin diúracáin bhalaistíocha agus teicneolaíocht ghaolmhar a aistriú chun na Rúise lena n-úsáid i gcoinne na hÚcráine, tar éis di aerárthaigh gan foireann a sholáthar don Rúis, atá in úsáid gan stad i gcoinne an phobail shibhialta san Úcráin, go mbeadh an tAontasfaoi réir chun freagairt go tapa agus i gcomhar le comhpháirtithe idirnáisiúnta, lena n-áirítear le bearta sriantacha suntasacha nua i gcoinne na hIaráine. Thairis sin, chuir an Chomhairle Eorpach in iúl nach mór an rochtain atá ag an Rúis ar ábhair agus teicneolaíochtaí íogaire atá ábhartha don láthair chatha a shrianadh a mhéid is féidir, lena n-áirítear trí dhíriú ar eintitis i dtríú tíortha lena gcumasaítear teacht timpeall ar smachtbhannaí. D’iarr an Chomhairle Eorpach ar an Ardionadaí agus ar an gCoimisiún smachtbhannaí breise a ullmhú i gcoinne na Bealarúise, na Cóiré Thuaidh agus na hIaráine. |
|
(3) |
An 13 Meán Fómhair 2024, sa ráiteas ón Ardionadaí thar ceann an Aontais, cháin an tAontas go láidir aistriú na ndiúracán balaistíoch de dhéantús na hIaráine chuig an Rúis le déanaí. Dúirt an tArdionadí gur bagairt dhíreach é an t-aistriú sin ar shlándáil na hEorpa agus gur géarú ábhartha substainteach é ar sholáthar aerárthaigh gan foireann agus armlóin ón Iaráin, a d’úsáid an Rúis ina cogadh foghach neamhdhleathach i gcoinne na hÚcráine. Dúirt an tArdionadaí freisin go bhfreagródh an tAontas Eorpach go pras agus i gcomhar le comhpháirtithe idirnáisiúnta, lena n-áirítear le bearta sriantacha suntasacha nua i gcoinne na hIaráine, lena n-áirítear daoine aonair agus eintitis a ainmniú a bhfuil baint acu le cláir diúracán balaistíoch agus ladrann na hIaráine, agus i ndáil leis an méid sin, go raibh bearta sriantacha in earnáil eitlíochta na hIaráine á mbreithniú aige freisin. |
|
(4) |
Tá aerárthaí gan foireann de dhéantús na hIaráine á n-úsáid ag an Rúis chun tacú lena cogadh foghach i coinne na hÚcráine, rud a sháraíonn ceannasacht, neamhspleáchas agus iomláine chríochach na hÚcráine, lena n-áirítear i gcoinne sibhialtach agus in aghaidh an bhonneagair shibhialtaigh. Dá bhrí sin, trí chlár státurraithe na hIaráine chun aerárthaí gan foireann a fhorbairt agus a tháirgeadh, rannchuidítear le sáruithe ar Chairt na Náisiún Aontaithe agus ar bhunphrionsabail an dlí idirnáisiúnta. |
|
(5) |
Tá clár diúracán na hIaráine, atá bunaithe ar chuideachtaí atá faoi úinéireacht stáit chomh maith le cuideachtaí príobháideacha agus a bhaineann tairbhe as cumais taighde intíre, á reáchtáil ag Aireacht Cosanta agus Lóistíocht Fhórsaí Armtha na hIaráine agus ag Cór Gharda na Réabhlóide Ioslamaí, a bhfuil smachtbhannaí curtha orthu araon ag an Aontas. |
|
(6) |
Is ábhar mór imní é aistriú aerárthaí gan foireann agus diúracán agus teicneolaíochtaí gaolmhara, agus comhpháirteanna díobh, de dhéantús na hIaráine, chuig grúpaí armtha neamhstáit sa Mheánoirthear agus níos faide i gcéin. Ina theannta sin, d’aistrigh an Iaráin aerárthaí gan foireann agus diúracáin agus teicneolaíochtaí gaolmhara, agus comhpháirteanna díobh, de dhéantús na hIaráine, chuig an Rúis, lena n-áirítear trí aerlínte a úsáid. |
|
(7) |
Dá bhrí sin, is iomchuí 3 aerlíne de chuid na hIaráine a ainmniú, ar aerlínte iad a d’aistrigh arís agus arís eile aerárthaí gan foireann de dhéantús na hIaráine agus teicneolaíochtaí gaolmhara chuig an Rúis, arna n-úsáid i gcogadh foghach na Rúise i gcoinne na hÚcráine. Tá na hainmniúcháin sin spriocdhírithe agus féachann siad le beartais agus gníomhaíochtaí sonracha de chuid na hIaráine a dhíspreagadh. Níl sé beartaithe ag an Aontas bac a chur ar aerthrácht ná ar theagmhálacha duine le duine idir an tAontas agus an Iaráin i gcoitinne. |
|
(8) |
I bhfianaise a thromchúisí atá an staid, ba cheart seachtar agus seacht n-eintiteas a áireamh ar liosta na ndaoine nádúrtha agus dlítheanacha, na n-eintiteas agus na gcomhlachtaí atá faoi réir na mbeart sriantach a leagtar amach in Iarscríbhinn III a ghabhann le Rialachán (AE) 2023/1529. |
|
(9) |
Dá bhrí sin, ba cheart Rialachán (AE) 2023/1529 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn III a ghabhann le Rialachán (AE) 2023/1529 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm ar dháta a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh i Lucsamburg, an 14 Deireadh Fómhair 2024.
Thar ceann na Comhairle
An tUachtarán
J. BORRELL FONTELLES
IARSCRÍBHINN
Leasaítear Iarscríbhinn III a ghabhann le Rialachán (AE) 2023/1529 mar a leanas:
|
(1) |
cuirtear na hiontrálacha seo a leanas leis faoin gceannteideal ‘A. Daoine nádúrtha’:
|
|
(2) |
cuirtear isteach na hiontrálacha seo a leanas faoin gceannteideal ‘B. Daoine dlítheanacha, eintitis agus comhlachtaí’:
|
ELI: http://data.europa.eu/eli/reg_impl/2024/2697/oj
ISSN 1977-0839 (electronic edition)