|
13.1.2022 |
GA |
Iris Oifigiúil an Aontais Eorpaigh |
L 8/36 |
RIALACHÁN CUR CHUN FEIDHME (AE) 2022/36 ÓN gCOIMISIÚN
an 11 Eanáir 2022
lena leasaítear Iarscríbhinn III a ghabhann le Rialachán Cur Chun Feidhme (AE) 2020/2235 a mhéid a bhaineann le deimhnithe caighdeánacha i dtaca le teacht isteach san Aontas coinsíneachtaí d’ainmhithe uisceacha beo áirithe agus táirgí áirithe de bhunadh ainmhíoch
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint do Rialachán (CE) Uimh. 853/2004 ó Pharlaimint na hEorpa agus ón gComhairle an 29 Aibreán 2004 maidir le rialacha sonracha sláinteachais a leagadh síos i dtaca le bia de bhunadh ainmhíoch (1), agus go háirithe Airteagal 7(2), pointe (a), de,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (‘An Dlí maidir le Sláinte Ainmhithe’) (2), agus go háirithe Airteagail 238(3) agus 239(3) de,
Ag féachaint do Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirfear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialacháin (CE) Uimh. 1/2005 agus (CE) 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle, agus lena n-aisghairtear Rialacháin (CE) Uimh. 854/2004 agus (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE ón gComhairle agus Cinneadh 92/438/CEE ón gComhairle (an Rialachán maidir le Rialuithe Oifigiúla) (3), agus go háirithe Airteagal 90, an chéad mhír, pointí (a) agus (b), agus Airteagal 126(3) de,
De bharr an mhéid seo a leanas:
|
(1) |
Le Rialachán Cur Chun Feidhme (AE) 2020/2235 ón gCoimisiún (4) leagtar síos rialacha maidir le deimhnithe sláinte ainmhithe dá bhforáiltear i Rialachán (AE) 2016/429, deimhnithe oifigiúla dá bhforáiltear i Rialachán (AE) 2017/625, agus deimhnithe sláinte ainmhithe/oifigiúla bunaithe ar na Rialacháin sin, a bhfuil gá leo i dtaca le teacht isteach san Aontas coinsíneachtaí áirithe ainmhithe agus earraí (dá ngairtear le chéile ‘na deimhnithe’ anseo feasta). Go sonrach, le hIarscríbhinn III a ghabhann le Rialachán Cur Chun Feidhme (AE) 2020/2235 leagtar síos, inter alia, deimhnithe caighdeánacha i dtaca le teacht isteach san Aontas coinsíneachtaí d’ainmhithe uisceacha beo áirithe agus táirgí áirithe de bhunadh ainmhíoch. |
|
(2) |
Rud is sonraí ná sin, leagtar amach i gCaibidlí 1 (DEIMHNIÚ CAIGHDEÁNACH BOV), 2 (DEIMHNIÚ CAIGHDEÁNACH OVI), 24 (DEIMHNIÚ CAIGHDEÁNACH MP-PREP), 25 (DEIMHNIÚ CAIGHDEÁNACH MPNT), 26 (DEIMHNIÚ CAIGHDEÁNACH MPST), 27 (DEIMHNIÚ CAIGHDEÁNACH CAS), 41 (DEIMHNIÚ CAIGHDEÁNACH GEL), 42 (DEIMHNIÚ CAIGHDEÁNACH COL), 43 (DEIMHNIÚ CAIGHDEÁNACH RCG), 44 (DEIMHNIÚ CAIGHDEÁNACH TCG) agus 50 (DEIMHNIÚ CAIGHDEÁNACH COMP) d’Iarscríbhinn III a ghabhann le Rialachán Cur Chun Feidhme (AE) 2020/2235 deimhnithe sláinte ainmhithe/oifigiúla caighdeánacha, agus deimhnithe oifigiúla, i dtaca le teacht isteach san Aontas coinsíneachtaí de tháirgí de bhunadh bó-ainmhithe, caorach agus gabhar. Rinneadh leasú le déanaí ar Rialachán (CE) Uimh. 999/2001 ó Pharlaimint na hEorpa agus ón gComhairle (5) le Rialachán (AE) 2021/1176 ón gCoimisiún (6) chun nuashonrú a dhéanamh, inter alia, ar na ceanglais maidir le teacht isteach táirgí de bhunadh bó-ainmhithe, caorach agus gabhar san Aontas trí choinníollacha sonracha a chur leo i gcás teacht isteach táirgí athchogantach san Aontas ó thír lena mbaineann riosca rialaithe ESB ina ndíorthaíodh iad ó ainmhithe ó thír ina bhfuil riosca neamhchinntithe ESB. Ba cheart na ceanglais nua sin maidir le teacht isteach san Aontas na gcoinsíneachtaí sin a léiriú sna deimhnithe sláinte ainmhithe/oifigiúla caighdeánacha agus sna deimhnithe oifigiúla sin. Dá bhrí sin, is gá na deimhnithe caighdeánacha sin a leasú dá réir sin. |
|
(3) |
Ina theannta sin, na fianuithe sláinte phoiblí agus na fianuithe sláinte ainmhithe atá sna deimhnithe sláinte ainmhithe/oifigiúla caighdeánacha maidir le teacht isteach san Aontas coinsíneachtaí de chatagóirí áirithe táirgí feola a bheartaítear lena gcaitheamh ag an duine a leagtar amach i gCaibidlí 25 (DEIMHNIÚ CAIGHDEÁNACH MPNT) agus 26 (DEIMHNIÚ CAIGHDEÁNACH MPST) d’Iarscríbhinn III a ghabhann le Rialachán Cur Chun Feidhme (AE) 2020/2235, ba cheart iad a leasú le go léireofaí go cruinn iontu, faoi seach, na ceanglais maidir le teacht isteach san Aontas táirgí de bhunadh ainmhíoch ó ainmhithe feirme agus ó ainmhithe fiáine den chineál fia a leagtar síos in Iarscríbhinn IX, Caibidil F, a ghabhann le Rialachán (CE) 999/2001 agus na ceanglais maidir le tionscnamh ainmhithe óna bhfuarthas feoil úr a shuí, ar ceanglais iad a leagtar síos in Airteagal 150 de Rialachán Tarmligthe (AE) 2020/692 ón gCoimisiún (7). Dá bhrí sin, is gá na deimhnithe caighdeánacha sin a leasú dá réir sin. |
|
(4) |
Le Caibidil 27 d’Iarscríbhinn III a ghabhann le Rialachán Cur Chun Feidhme (AE) 2020/2235 leagtar amach deimhniú sláinte ainmhithe/oifigiúil caighdeánach le haghaidh teacht isteach san Aontas cásálacha a bheartaítear lena gcaitheamh ag an duine (DEIMHNIÚ CAIGHDEÁNACH CAS). I gcomhréir le hAirteagal 148 de Rialachán Tarmligthe (AE) 2020/692, foráiltear le pointe II.2.2. den deimhniú sláinte ainmhithe/oifigiúil caighdeánach sin don fhéidearthacht do thríú tíortha nó do chríocha, nó do chriosanna díobh sin, atá údaraithe maidir le teacht isteach san Aontas feola úire, agus a liostaítear, dá bhrí sin, in Iarscríbhinn XIII a ghabhann le Rialachán Cur Chun Feidhme (AE) 2021/404 ón gCoimisiún (8), i dtaobh teacht isteach san Aontas coinsíneachtaí cásálacha gan cur i bhfeidhm na gcóireálacha maolúcháin riosca dá bhforáiltear i bpointe 2 d’Iarscríbhinn XXVI a ghabhann le Rialachán Tarmligthe (AE) 2020/692 a dheimhniú. Mar sin féin, níl téacs an phointe sin atá ann faoi láthair sách soiléir maidir le crios tionscnaimh na gcásálacha nuair is infheidhme an fhéidearthacht sin. Chun soiléiriú nach bhfuil feidhm ag a leithéid d’fhéidearthacht ach maidir leis na criosanna a liostaítear in Iarscríbhinn XIII a ghabhann le Rialachán Cur Chun Feidhme (AE) 2021/404, ba cheart cód chrios tionscnaimh na gcásálacha a bheith luaite sa phointe sin, mar a leagtar síos é in Iarscríbhinn XIII a ghabhann le Rialachán Cur Chun Feidhme (AE) 2021/404. Dá bhrí sin, is gá an deimhniú caighdeánach sin a leasú dá réir sin. |
|
(5) |
Thairis sin, le Caibidlí 28 (DEIMHNIÚ CAIGHDEÁNACH FISH-CRUST-HC) agus 31 (DEIMHNIÚ CAIGHDEÁNACH MOL-HC) d’Iarscríbhinn III a ghabhann le Rialachán Cur Chun Feidhme (AE) 2020/2235 leagtar amach deimhnithe sláinte ainmhithe/oifigiúla caighdeánacha i dtaca le teacht isteach san Aontas coinsíneachtaí d’éisc bheo, de chrústaigh bheo, agus de tháirgí de bhunadh ainmhíoch ó na hainmhithe sin a beartaíodh lena gcaitheamh ag an duine, agus coinsíneachtaí de mhoilisc dhébhlaoscacha bheo, d’eicínideirmigh bheo, de thúinicigh bheo agus de ghastrapóid mhuirí bheo agus táirgí de bhunadh ainmhíoch ó na hainmhithe sin a bheartaítear lena gcaitheamh ag an duine. Chun na nótaí sna deimhnithe caighdeánacha sin a dhéanamh níos soiléire, ba cheart a shonrú go soiléir gurb ionann na coinsíneachtaí de tháirgí de bhunadh ainmhíoch ó ainmhithe uisceacha ar gá na fianuithe sláinte ainmhithe a leagtar amach i gCuid II.2 a líonadh isteach dóibh agus iad siúd nár eisiadh ó raon feidhme Rialachán Tarmligthe (AE) 2020/692, de bhun Airteagal 1, pointe (6), den Rialachán sin. Go sonrach, ní gá na fianuithe sláinte ainmhithe a leagtar amach i gCuid II.2 a líonadh isteach i gcás coinsíneachtaí de tháirgí de bhunadh ainmhíoch ó ainmhithe uisceacha, seachas ainmhithe uisceacha beo, a thagann isteach san Aontas réidh le caitheamh go díreach ag an duine gan dul faoi phróiseáil bhreise san Aontas. Trí ‘próiseáil bhreise’ a shainmhíniú, déanfar soiléiriú ar an staid maidir leis na coinsíneachtaí sin freisin. Dá bhrí sin, is gá na deimhnithe caighdeánacha sin a leasú dá réir sin. |
|
(6) |
Thairis sin, na leasuithe a rinneadh le déanaí ar Airteagal 167, pointí (a) agus (b), agus ar Airteagal 169(3), pointe (b) de Rialachán Tarmligthe (AE) 2020/692 le Rialachán Tarmligthe (AE) 2021/1705 ón gCoimisiún (9), ba cheart iad sin a léiriú sna fianuithe sláinte ainmhithe atá i gCaibidlí 28 (DEIMHNIÚ CAIGHDEÁNACH FISH-CRUST-HC) agus 31 (DEIMHNIÚ CAIGHDEÁNACH MOL-HC) d’Iarscríbhinn III a ghabhann le Rialachán Cur Chun Feidhme (AE) 2020/2235. Dá bhrí sin, is gá na deimhnithe caighdeánacha sin a leasú dá réir sin. |
|
(7) |
Ina theannta sin, is gá a shoiléiriú nach bhfuil feidhm ag tréimhse bailíochta na ndeimhnithe sláinte ainmhithe/oifigiúla caighdeánacha a leagtar síos i bpointí II.2.8 de Chaibidlí 28 (DEIMHNIÚ CAIGHDEÁNACH FISH-CRUST-HC) agus 31 (DEIMHNIÚ CAIGHDEÁNACH MOL-HC) d’Iarscríbhinn III a ghabhann le Rialachán Cur Chun Feidhme (AE) 2020/2235 ach i gcás na gcoinsíneachtaí d’ainmhithe uisceacha beo a chumhdaítear leis na deimhnithe sláinte ainmhithe/oifigiúla sin. Dá bhrí sin, is gá na deimhnithe caighdeánacha sin a leasú dá réir sin. |
|
(8) |
Thairis sin, le Caibidlí 33, 34 agus 35 d’Iarscríbhinn III a ghabhann le Rialachán Cur Chun Feidhme (AE) 2020/2235 leagtar amach deimhnithe sláinte ainmhithe/oifigiúla caighdeánacha le haghaidh teacht isteach san Aontas bainne amh a bheartaítear lena chaitheamh ag an duine (DEIMHNIÚ CAIGHDEÁNACH MILK-RM); táirgí déiríochta a bheartaítear lena gcaitheamh ag an duine agus a dhíorthaítear ó bhainne amh nó nach gceanglaítear cóireáil maolúcháin riosca shonrach a dhéanamh orthu (DEIMHNIÚ CAIGHDEÁNACH MILK-RMP/NT); agus táirgí déiríochta a bheartaítear lena gcaitheamh ag an duine a gceanglaítear cóireáil phaistéartha a dhéanamh orthu (DEIMHNIÚ CAIGHDEÁNACH DAIRY-PRODUCTS-PT). Mar sin féin, ní léirítear sna deimhnithe caighdeánacha sin na roghanna malartacha ar thréimhse chónaithe na n-ainmhithe óna bhfuarthas an bainne sa tríú tír, sa chríoch nó sa chrios as ar tháinig an bainne nó na táirgí déiríochta a leagtar síos anois in Airteagal 154 de Rialachán Tarmligthe (AE) 2020/692, arna leasú le déanaí ag Rialachán Tarmligthe (AE) 2021/1705. Dá bhrí sin, is gá na deimhnithe caighdeánacha sin a leasú dá réir sin. |
|
(9) |
Le Caibidil 45 d’Iarscríbhinn III a ghabhann le Rialachán Cur Chun Feidhme (AE) 2020/2235 leagtar amach an deimhniú sláinte oifigiúil caighdeánach le haghaidh teacht isteach san Aontas coinsíneachtaí meala nó de tháirgí beachaireachta eile a bheartaítear lena gcaitheamh ag an duine (DEIMHNIÚ CAIGHDEÁNACH HON). Chun barántúlacht na gcoinsíneachtaí sin a áirithiú, ba cheart na ráthaíochtaí le haghaidh coinsíneachtaí dá leithéid a fheabhsú trína n-ailíniú le rialacha áirithe a leagtar síos i dTreoir 2001/110/CE ón gComhairle (10). Dá bhrí sin, is gá an deimhniú caighdeánach sin a leasú dá réir sin. |
|
(10) |
Le Caibidlí 50 agus 52 d’Iarscríbhinn III a ghabhann le Rialachán Cur Chun Feidhme (AE) 2020/2235 leagtar amach an deimhniú sláinte ainmhithe/oifigiúil caighdeánach le haghaidh teacht isteach san Aontas táirgí ilchodacha nach táirgí fadré iad agus táirgí ilchodacha ar táirgí fadré iad, ina bhfuil aon chainníocht feola seachas geilitín, collaigin ná táirgí an-mhínphróiseáilte agus a bheartaítear lena gcaitheamh ag an duine (DEIMHNIÚ CAIGHDEÁNACH COMP), agus an deimhniú sláinte ainmhithe caighdeánach le haghaidh idirthuras tríd an Aontas go dtí tríú tír, tríd an idirthuras a dhéanamh láithreach nó tar éis táirgí ilchodacha a stóráil san Aontas i gcás táirgí ilchodacha nach táirgí fadré iad agus táirgí ilchodacha ar táirgí fadré iad, ina bhfuil aon chainníocht feola agus a bheartaítear lena gcaitheamh ag an duine (DEIMHNIÚ CAIGHDEÁNACH TRANSIT-COMP). I ngach ceann den dá dheimhniú caighdeánach sin tá fianú sláinte ainmhithe sonrach le haghaidh táirgí déiríochta atá mar chuid de tháirgí ilchodacha. Maidir leis an áit táirgthe, ní léirítear san fhianú sláinte ainmhithe an fhéidearthacht a dheimhniú gur i mBallstát a táirgeadh na táirgí déiríochta atá mar chuid de na táirgí ilchodacha. I gcás táirgí déiríochta a tháirgtear i mBallstát, comhlíontar na ráthaíochtaí uile is gá maidir le sláinte ainmhithe, agus dá bhrí sin ba cheart an fhéidearthacht sin a bheith mar chuid de na deimhnithe caighdeánacha sin. Ina theannta sin, ba cheart an fianú sláinte ainmhithe a leasú chun soiléiriú a dhéanamh ar na roghanna éagsúla a thugtar le speiceas tionscnaimh an bhainne as ar táirgeadh na táirgí déiríochta a dheimhniú. Dá bhrí sin, is gá na deimhnithe caighdeánacha sin a leasú dá réir sin. |
|
(11) |
Ina theannta sin, ba cheart Caibidlí 50 (DEIMHNIÚ CAIGHDEÁNACH COMP) agus 52 (DEIMHNIÚ CAIGHDEÁNACH TRANSIT-COMP) d’Iarscríbhinn III a ghabhann le Rialachán Cur Chun Feidhme (AE) 2020/2235 a leasú le go bhféadfaidh tríú tíortha, críocha nó criosanna díobh deimhniú a dhéanamh ar thionscnaimh éagsúla táirgí próiseáilte atá mar chuid de na táirgí ilchodacha, más rud é go gcomhlíonann na táirgí sin na ceanglais ábhartha maidir le sláinte phoiblí agus sláinte ainmhithe. Dá bhrí sin, is gá na deimhnithe caighdeánacha sin a leasú dá réir sin. |
|
(12) |
Dá bhrí sin, ba cheart Iarscríbhinn III a ghabhann le Rialachán Cur Chun Feidhme (AE) 2020/2235 a leasú dá réir. |
|
(13) |
Chun aon chur isteach ar thrádáil a sheachaint i dtaca le teacht isteach san Aontas coinsíneachtaí d’ainmhithe uisceacha beo áirithe agus táirgí de bhunadh ainmhíoch, ba cheart leanúint le húsáid deimhnithe a eisítear i gcomhréir le Rialachán Cur Chun Feidhme (AE) 2020/2235, mar ab infheidhme roimh na leasuithe a dhéantar sa Rialachán Cur Chun Feidhme seo, ba cheart leanúint leis an úsáid sin a údarú ar feadh idirthréimhse faoi réir coinníollacha áirithe. |
|
(14) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn III a ghabhann le Rialachán (AE) 2020/2235 i gcomhréir leis an Iarscríbhinn a ghabhann leis an Rialachán seo.
Airteagal 2
Ar feadh idirthréimhse go dtí an 15 Meán Fómhair 2022, maidir le coinsíneachtaí d’ainmhithe uisceacha beo áirithe agus táirgí de bhunadh ainmhíoch, a bhfuil na deimhnithe sláinte ainmhithe/oifigiúla, na deimhnithe oifigiúla nó na deimhnithe sláinte ainmhithe cuí ag gabháil leo, arna n-eisiúint i gcomhréir leis na deimhnithe caighdeánacha a leagtar amach i gCaibidlí 1, 2, 24 go 28, 31, 33 go 35, 41 go 45, 50 agus 52 d’Iarscríbhinn III a ghabhann le Rialachán Cur Chun Feidhme (AE) 2020/2235 mar ab infheidhme roimh na leasuithe a rinneadh ar an Rialachán Cur Chun Feidhme sin leis an Rialachán Cur Chun Feidhme seo, leanfaidh siad d’údarú a bheith acu i dtaca le teacht isteach san Aontas ar choinníoll gur eisíodh an deimhniú an 15 Meitheamh 2022 ar a dhéanaí.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 11 Eanáir 2022.
Thar ceann an Choimisiúin
An tUachtarán
Ursula VON DER LEYEN
(1) IO L 139, 30.4.2004, lch. 55.
(2) IO L 84, 31.3.2016, lch. 1.
(3) IO L 95, 7.4.2017, lch. 1.
(4) Rialachán Cur Chun Feidhme (AE) 2020/2235 an 16 Nollaig 2020 ón gCoimisiún lena leagtar síos rialacha maidir le Rialacháin (AE) 2016/429 agus (AE) 2017/625 ó Pharlaimint na hEorpa agus ón gComhairle a chur i bhfeidhm a mhéid a bhaineann le deimhnithe sláinte ainmhithe caighdeánacha, deimhnithe oifigiúla caighdeánacha agus deimhnithe sláinte ainmhithe/oifigiúla caighdeánacha, i dtaca le teacht isteach coinsíneachtaí de chatagóirí áirithe ainmhithe agus earraí san Aontas agus lena ngluaiseacht laistigh den Aontas, deimhniúchán oifigiúil maidir leis na deimhnithe sin agus lena n-aisghairtear Rialachán (CE) Uimh. 599/2004, Rialacháin Chur Chun Feidhme (AE) Uimh. 636/2014 agus (AE) 2019/628, Treoir 98/68/CE agus Cinntí 2000/572/CE, 2003/779/CE agus 2007/240/CE (IO L 442, 30.12.2020, lch. 1).
(5) Rialachán (CE) Uimh. 999/2001 ó Pharlaimint na hEorpa agus ón gComhairle an 22 Bealtaine 2001 lena leagtar síos rialacha maidir le heinceifileapaití spúinseacha in-tarchurtha áirithe a chosc, a rialú agus a dhíothú (IO L 147, 31.5.2001, lch. 1).
(6) Rialachán (AE) 2021/1176 ón gCoimisiún an 16 Iúil 2021 lena leasaítear Iarscríbhinní III, V, VII agus IX a ghabhann le Rialachán (CE) Uimh. 999/2001 ó Pharlaimint na hEorpa agus ón gComhairle a mhéid a bhaineann le géinitíopáil cásanna dearfacha de TSE i ngabhair, aois ainmhithe caorach agus gabhar a chinneadh, na bearta is infheidhme i dtréad le scráibeach aitíopúil agus na coinníollacha d’allmhairí táirgí de bhunadh bó-ainmhithe, caorach agus gabhar (IO L 256, 19.7.2021, lch. 56).
(7) Rialachán Tarmligthe (AE) 2020/692 ón gCoimisiún an 30 Eanáir 2020 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le teacht isteach san Aontas coinsíneachtaí d’ainmhithe áirithe, táirgí geirmeacha agus táirgí de bhunadh ainmhíoch, agus maidir lena ngluaiseacht agus lena láimhseáil tar éis a dteacht isteach (IO L 174, 3.6.2020, lch. 379).
(8) Rialachán Cur Chun Feidhme (AE) 2021/404 ón gCoimisiún an 24 Márta 2021 lena leagtar síos na liostaí de thríú tíortha, de thríú críocha nó de chriosanna díobh óna gceadaítear teacht isteach ainmhithe, táirgí geirmeacha agus táirgí de bhunadh ainmhíoch san Aontas i gcomhréir le Rialachán (AE) 2016/429 ó Pharlaimint na hEorpa agus ón gComhairle (IO L 114, 31.3.2021, lch. 1).
(9) Rialachán Tarmligthe (AE) 2021/1705 ón gCoimisiún an 14 Iúil 2021 lena leasaítear Rialachán Tarmligthe (AE) 2020/692 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le teacht isteach san Aontas coinsíneachtaí d’ainmhithe áirithe, táirgí geirmeacha agus táirgí de bhunadh ainmhíoch, agus maidir lena ngluaiseacht agus lena láimhseáil tar éis a dteacht isteach (IO L 339, 24.9.2021, lch. 40).
(10) Treoir 2001/110/CE ón gComhairle an 20 Nollaig 2001 maidir le mil (IO L 10, 12.1.2002, lch. 47).
IARSCRÍBHINN
Leasaítear Iarscríbhinn III a ghabhann le Rialachán Cur Chun Feidhme (AE) 2020/2235 mar a leanas:
|
(1) |
I gCaibidil IV, cuirtear an méid seo a leanas in ionad phointe II.1.10 den fhianú sláinte poiblí:
(A) Cinneadh 2007/453/CE ón gCoimisiún an 29 Meitheamh 2007 lenar bunaíodh stádas ESB Ballstát nó tríú tíortha nó réigiún díobh siúd de réir a riosca ESB (IO L 172, 30.6.2007, lch. 84)." (B) Rialachán (CE) Uimh. 1760/2000 ó Pharlaimint na hEorpa agus ón gComhairle an 17 Iúil 2000 lena mbunaítear córaischun bó-ainmhithe a shainaithint agus a chlárú agus maidir le mairteoil agus táirgí mairteola a lipéadú agus lena n-aisghairtear Rialachán (CE) Uimh. 820/97 (IO L 204, 11.8.2000, lch. 1)." (C) https://www.oie.int/en/standard setting/terrestrial-code/access online/'" |
|
(2) |
I gCaibidil 2, cuirtear an méid seo a leanas in ionad phointe II.1.10 den fhianú sláinte poiblí:
(D) Cinneadh 2007/453/CE ón gCoimisiún an 29 Meitheamh 2007 lenar bunaíodh stádas ESB Ballstát nó tríú tíortha nó réigiún díobh siúd de réir a riosca ESB (IO L 172, 30.6.2007, lch. 84)." (E) https://www.oie.int/en/standard-setting/terrestrial-code/access-online/'" |
|
(3) |
leasaítear Caibidil 24 mar a leanas:
|
|
(4) |
leasaítear Caibidil 25 mar a leanas:
|
|
(5) |
leasaítear Caibidil 26 mar a leanas:
|
|
(6) |
leasaítear Caibidil 27 mar a leanas:
|
|
(7) |
leasaítear Caibidil 28 mar a leanas:
|
|
(8) |
leasaítear Caibidil 31 mar a leanas:
|
|
(9) |
i gCaibidil 33, cuirtear an méid seo a leanas in ionad phointe II.2.2. den fhianú sláinte ainmhithe:
|
|
(10) |
i gCaibidil 34, cuirtear an méid seo a leanas in ionad phointe II.2.3. den fhianú sláinte ainmhithe:
|
|
(11) |
i gCaibidil 35, cuirtear an méid seo a leanas in ionad phointe II.2.3 den fhianú sláinte poiblí:
|
|
(12) |
i gCaibidil 41, cuirtear an méid seo a leanas in ionad phointe II.1.6 den fhianú sláinte poiblí:
(U) Cinneadh 2007/453/CE ón gCoimisiún an 29 Meitheamh 2007 lenar bunaíodh stádas ESB Ballstát nó tríú tíortha nó réigiún díobh siúd de réir a riosca ESB (IO L 172, 30.6.2007, lch. 84)." (V) Rialachán (CE) Uimh. 999/2001 ó Pharlaimint na hEorpa agus ón gComhairle an 22 Bealtaine 2001 lena leagtar síos rialacha maidir le heinceifileapaití spúinseacha in-tarchurtha áirithe a chosc, a rialú agus a dhíothú (IO L 147, 31.5.2001, lch. 1)." (W) https://www.oie.int/en/standard-setting/terrestrial-code/access-online/'" |
|
(13) |
i gCaibidil 42, cuirtear an méid seo a leanas in ionad phointe II.1.6 den fhianú sláinte poiblí:
(X) Cinneadh 2007/453/CE ón gCoimisiún an 29 Meitheamh 2007 lenar bunaíodh stádas ESB Ballstát nó tríú tíortha nó réigiún díobh siúd de réir a riosca ESB (IO L 172, 30.6.2007, lch. 84)." (Y) Rialachán (CE) Uimh. 999/2001 ó Pharlaimint na hEorpa agus ón gComhairle an 22 Bealtaine 2001 lena leagtar síos rialacha maidir le heinceifileapaití spúinseacha in-tarchurtha áirithe a chosc, a rialú agus a dhíothú (IO L 147, 31.5.2001, lch. 1)." (Z) https://www.oie.int/en/standard'" |
|
(14) |
i gCaibidil 43, cuirtear an méid seo a leanas in ionad phointe II.1.4 den fhianú sláinte poiblí:
(AA) Cinneadh 2007/453/CE ón gCoimisiún an 29 Meitheamh 2007 lenar bunaíodh stádas ESB Ballstát nó tríú tíortha nó réigiún díobh siúd de réir a riosca ESB (IO L 172, 30.6.2007, lch. 84)." (BB) https://www.oie.int/en/standard-setting/terrestrial-code/access-online/'" |
|
(15) |
i gCaibidil 44, cuirtear an méid seo a leanas in ionad phointe II.1.7 den fhianú sláinte poiblí:
(CC) Cinneadh 2007/453/CE ón gCoimisiún an 29 Meitheamh 2007 lenar bunaíodh stádas ESB Ballstát nó tríú tíortha nó réigiún díobh siúd de réir a riosca ESB (IO L 172, 30.6.2007, lch. 84)." (DD) Rialachán (CE) Uimh. 999/2001 ó Pharlaimint na hEorpa agus ón gComhairle an 22 Bealtaine 2001 lena leagtar síos rialacha maidir le heinceifileapaití spúinseacha in-tarchurtha áirithe a chosc, a rialú agus a dhíothú (IO L 147, 31.5.2001, lch. 1)." (EE) https://www.oie.int/en/standard-setting/terrestrial-code/access-online'" |
|
(16) |
Cuirtear an méid seo a leanas in ionad Chaibidil 45: ‘
|
|
(17) |
Cuirtear an méid seo a leanas in ionad Chaibidil 50: ‘
|
|
(18) |
Cuirtear an méid seo a leanas in ionad Chaibidil 52: ‘
|