|
12.9.2022 |
GA |
Iris Oifigiúil an Aontais Eorpaigh |
C 349/9 |
Réamhfhógra faoi chomhchruinniú
(Cás M.10858 – RAFFLES / APG / CMGO / TSH)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 349/06)
1.
An 2 Meán Fómhair 2022, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Raffles Leven Limited (“Raffles”, an Ríocht Aontaithe), ar le GIC Realty (Singeapór) é, |
|
— |
Stichting Depositary APG Strategic Real Estate Pool ar chuntas agus ar riosca APG Strategic Real Estate Pool (“APG”, an Ísiltír) atá faoi rialú Stichting Pensioenfonds ABP (“ABP”, an Ísiltír), |
|
— |
MacGregor TSH 2 B.V. (“CMGO”, an Ísiltír), |
|
— |
TSH Grafton B.V. (“TSH”, an Ísiltír). |
Faigheann Raffles, APG agus CMGO rialú comhpháirteach ar TSH de réir bhrí Airteagal 3(1)(b) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
TSH: cuideachta arb é a príomhréimse gnó oibriú an ghrúpa The Student Hotel, ar gnólacht fáilteachais hibrideach é a bhfuil 15 ionad réadmhaoine á n-oibriú aige san Aontas, |
|
— |
Raffles: fochuideachta indíreach GIC Realty, atá ag díriú ar úinéireacht sócmhainní eastáit réadaigh thar ceann rialtas Shingeapór, |
|
— |
APG: taisclann le haghaidh ciste infheistíochta arb é a úinéir tairbhiúil deiridh ABP, ar eagraíocht riaracháin pinsean de chuid na hÍsiltíre é a dhéanann speisialtóireacht sa réimse comhphinsean san earnáil phoiblí, |
|
— |
CMGO: cuideachta a dhéanann ionadaíocht ar leas bhunaitheoir an ghrúpa The Student Hotel. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10858 – RAFFLES / APG / CMGO / TSH
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Facs +32 22964301
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).