|
Il-Ġurnal Uffiċjali |
MT Is-serje L |
|
2025/2461 |
3.12.2025 |
REGOLAMENT TA’ IMPLIMENTAZZJONI TAL-KUMMISSJONI (UE) 2025/2461
tad-29 ta’ Settembru 2025
li jemenda r-Regolament ta’ Implimentazzjoni (UE) 2022/2095 fir-rigward tal-miżuri għall-prevenzjoni tal-introduzzjoni, l-istabbiliment u t-tixrid fit-territorju tal-Unjoni ta’ Anoplophora chinensis (Forster)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (1), u b’mod partikolari l-Artikolu 28(1) u (2) u l-Artikolu 41(2) tiegħu,
Billi:
|
(1) |
Ir-Regolament ta’ Implimentazzjoni tal-Kummissjoni (UE) 2022/2095 (2) jistabbilixxi miżuri għall-prevenzjoni tal-introduzzjoni, l-istabbiliment u t-tixrid fit-territorju tal-Unjoni ta’ Anoplophora chinensis (Forster) (“il-pest speċifikat”). |
|
(2) |
Mill-2022, il-pest speċifikat sar stabbilit f’ċerti żoni tal-Italja, fejn il-qerda tiegħu ma għadhiex possibbli. Għal din ir-raġuni, jenħtieġ li dawk iż-żoni jiġu elenkati bħala żoni demarkati għat-trażżin tal-pest speċifikat, fejn jenħtieġ li jiġu applikati miżuri speċifiċi għal dak l-għan. |
|
(3) |
Għaċ-ċertezza legali, huwa xieraq li mir-Regolament ta’ Implimentazzjoni (UE) 2022/2095 jitneħħew ir-rekwiżiti kollha dwar l-introduzzjoni u l-moviment fl-Unjoni tal-pjanti li jistgħu jospitaw il-pest speċifikat, peress li dawk ir-rekwiżiti ġew inklużi fl-Annessi VII u VIII tar-Regolament ta’ Implimentazzjoni (UE) 2019/2072 (3), skont ir-Regolament ta’ Implimentazzjoni tal-Kummissjoni (UE) 2025/1953 (4). |
|
(4) |
Fir-rigward tal-ġeneru Aesculus, il-lista ta’ pjanti speċifikati, kif definita fir-Regolament ta’ Implimentazzjoni (UE) 2022/2095, tinkludi biss l-ispeċijiet tal-Aesculus hippocastanum bħala pjanta ospitanti li fuqha għandhom jittieħdu miżuri ta’ qerda u trażżin. Madankollu, wara s-sejba tal-pest speċifikat fuq speċijiet oħra ta’ Aesculus fl-Unjoni, jenħtieġ li dik il-lista tiġi estiża għall-ġeneru Aesculus kollu. |
|
(5) |
L-Artikolu 6(2) tar-Regolament ta’ Implimentazzjoni (UE) 2022/2095 jippermetti deroga mill-istabbiliment ta’ żoni demarkati taħt ċerti kundizzjonijiet. Meta l-awtorità kompetenti tuża dik id-deroga, hija għandha tistabbilixxi għadd ta’ miżuri, inkluża sorveljanza intensiva f’raġġ ta’ mill-inqas 1 km madwar is-sejba. Madankollu, f’każijiet speċifiċi ħafna, fejn il-feġġ u l-preżenza tal-pest speċifikat jistgħu jiġu esklużi b’mod inekwivoku wara l-valutazzjoni mill-awtorità kompetenti u r-riskju rispettiv jitqies negliġibbli, tali sorveljanza mhijiex ġustifikata u għalhekk jenħtieġ li ma tkunx meħtieġa. |
|
(6) |
F’konformità mal-Artikolu 8(1), ir-raba’ subparagrafu, u l-Artikolu 9(1), il-ħames subparagrafu, tar-Regolament ta’ Implimentazzjoni (UE) 2022/2095, l-istħarriġiet fiż-żona ta’ lqugħ għandhom ikunu bbażati fuq il-Linji Gwida Ġenerali tal-Awtorità għal stħarriġiet statistikament sodi u bbażati fuq ir-riskju għall-pesti tal-pjanti, filwaqt li d-disinn tal-istħarriġ u l-iskema ta’ kampjunar użati fiha għandhom ikunu jistgħu jidentifikaw b’mill-inqas 95 % ta’ fiduċja, livell ta’ preżenza ta’ pjanti infestati ta’ 1 %. |
|
(7) |
Mill-2022, l-esperjenza bl-applikazzjoni ta’ dak ir-Regolament ta’ Implimentazzjoni wriet il-ħtieġa li jissaħħaħ il-livell ta’ fiduċja tad-disinn tal-istħarriġ u tal-iskema tal-kampjunar qrib il-postijiet tal-produzzjoni li jinsabu fiż-żoni demarkati. Għalhekk, jenħtieġ li jiġi previst li, fil-wisa’ ta’ mill-inqas 1 km madwar il-postijiet tal-produzzjoni tal-pjanti ospitanti, jenħtieġ li d-disinn tal-istħarriġiet u l-iskemi ta’ kampjunar ikunu jistgħu jidentifikaw b’livell ta’ fiduċja ta’ mill-inqas 99 %, livell ta’ preżenza ta’ pjanti infestati ta’ 1 %. Dan huwa meħtieġ sabiex tiġi ggarantita d-detezzjoni bikrija tal-pest speċifikat u jiġi evitat il-moviment potenzjali ta’ materjal infestat fit-territorju tal-Unjoni. |
|
(8) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda tar-Regolament ta’ Implimentazzjoni (UE) 2022/2095
Ir-Regolament ta’ Implimentazzjoni tal-Kummissjoni (UE) 2022/2095 huwa emendat kif ġej:
|
(1) |
fl-Artikolu 2, il-punt (2) huwa sostitwit b’dan li ġej:
|
|
(2) |
fl-Artikolu 2, il-punt (4) huwa sostitwit b’dan li ġej:
|
|
(3) |
fl-Artikolu 2, jiżdied il-punt li ġej:
|
|
(4) |
fl-Artikolu 6(2), il-punt (b) huwa sostitwit b’dan li ġej:
|
|
(5) |
fl-Artikolu 8(1), ir-raba’ subparagrafu huwa sostitwit b’dan li ġej: “L-istħarriġiet fiż-żona ta’ lqugħ għandhom ikunu bbażati fuq il-Linji Gwida Ġenerali tal-Awtorità għal stħarriġiet statistikament sodi u bbażati fuq ir-riskju għall-pesti tal-pjanti u d-disinn tal-istħarriġ u l-iskema ta’ kampjunar użati fiż-żona ta’ lqugħ għandhom ikunu jistgħu jidentifikaw b’mill-inqas 95 % ta’ fiduċja, livell ta’ preżenza ta’ pjanti infestati ta’ 1 %. Madankollu, fil-wisa’ ta’ mill-inqas 1 km madwar il-postijiet tal-produzzjoni tal-pjanti ospitanti, id-disinn tal-istħarriġ u l-iskema ta’ kampjunar użati għandhom ikunu jistgħu jidentifikaw b’livell ta’ fiduċja ta’ mill-inqas 99 %, livell ta’ preżenza ta’ pjanti infestati ta’ 1 %.”; |
|
(6) |
fl-Artikolu 9(1), il-ħames subparagrafu huwa sostitwit b’dan li ġej: “L-istħarriġiet fiż-żona ta’ lqugħ għandhom ikunu bbażati fuq il-Linji Gwida Ġenerali tal-Awtorità għal stħarriġiet statistikament sodi u bbażati fuq ir-riskju għall-pesti tal-pjanti u d-disinn tal-istħarriġ u l-iskema ta’ kampjunar użati fiż-żona ta’ lqugħ għandhom ikunu jistgħu jidentifikaw b’mill-inqas 95 % ta’ fiduċja, livell ta’ preżenza ta’ pjanti infestati ta’ 1 %. Madankollu, fil-wisa’ ta’ mill-inqas 1 km madwar il-postijiet tal-produzzjoni tal-pjanti ospitanti, għandhom ikunu jistgħu jidentifikaw b’livell ta’ fiduċja ta’ mill-inqas 99 %, livell ta’ preżenza ta’ pjanti infestati ta’ 1 %.”; |
|
(7) |
L-Artikoli 10, 11 u 12 jitħassru; |
|
(8) |
L-Anness II huwa sostitwit bit-test fl-Anness ta’ dan ir-Regolament. |
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta’ Settembru 2025.
Għall-Kummissjoni
Il-President
Ursula VON DER LEYEN
(1) ĠU L 317, 23.11.2016, p. 4; ELI: http://data.europa.eu/eli/reg/2016/2031/oj.
(2) Ir-Regolament ta’ Implimentazzjoni tal-Kummissjoni (UE) 2022/2095 tat-28 ta’ Ottubru 2022 li jistabbilixxi miżuri għall-prevenzjoni tal-introduzzjoni, l-istabbiliment u t-tixrid fit-territorju tal-Unjoni ta’ Anoplophora chinensis (Forster) u li jħassar id-Deċiżjoni 2012/138/UE (ĠU L 281, 31.10.2022, p. 53; ELI: http://data.europa.eu/eli/reg_impl/2022/2095/oj).
(3) Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1, ELI: http://data.europa.eu/eli/reg_impl/2019/2072/oj).
(4) Ir-Regolament ta’ Implimentazzjoni tal-Kummissjoni (UE) 2025/1953 tad-29 ta’ Settembru 2025 li jemenda l-Annessi VII, VIII, XI u XIII tar-Regolament ta’ Implimentazzjoni (UE) 2019/2072 fir-rigward ta’ miżuri kontra d-dħul u l-preżenza fit-territorju tal-Unjoni ta’ Anoplophora glabripennis (Motschulsky) u Anoplophora chinensis (Forster) (ĠU L, 2025/1953, 3.12.2025, ELI: http://data.europa.eu/eli/reg_impl/2025/1953/oj).
ANNESS
“ANNESS II
Żoni demarkati għat-trażżin
L-Italja
|
Numru tat-tifqigħa tal-Europhyt taż-żona demarkata (ŻD) |
Żona taż-ŻD |
Reġjun |
Muniċipalitajiet jew delimitazzjonijiet amministrattivi/ġeografiċi oħrajn |
||||
|
Il-Lombardia Tifqigħa -1246 (Milan) |
Żona infestata |
Il-Lombardia |
|
||||
|
Żona ta’ lqugħ |
Il-Lombardia |
|
ELI: http://data.europa.eu/eli/reg_impl/2025/2461/oj
ISSN 1977-074X (electronic edition)