(a)

ciallóidh “Clárlann SCCT” an chlárlann de dhearbhóirí údaraithe SCCT i bhfoirm bunachair sonraí leictreonaigh chaighdeánaithe ina bhfuil na sonraí i ndáil le dearbhuithe SCCT na ndearbhóirí údaraithe SCCT sin, arna bunú de bhun Airteagal 14 de Rialachán (AE) 2023/956;

(b)

ciallóidh “ardán lárnach coiteann” an t-ardán arna bhunú le haghaidh dhíol agus athcheannach deimhnithe SCCT, de bhun Airteagal 20 de Rialachán (AE) 2023/956;

(c)

ciallóidh “CBRC” an córas bainistithe riosca custaim dá dtagraítear in Airteagal 36 de Rialachán Cur Chun Feidhme (AE) 2015/2447 ón gCoimisiún;

(d)

ciallóidh “CCN2” an Líonra Cumarsáide Coiteann 2;

(e)

ciallóidh “CRS” córas na Seirbhísí Tagartha do Chustaiméirí;

(f)

ciallóidh “Datalab” an córas a úsáidtear le haghaidh anailís ar bhainistiú riosca agus comhiomlánú sonraí agus claochlú maidir le sonraí i ndáil le hidirbhearta custaim.

(a)

Déanfaidh an Coimisiún na coigeartuithe sonracha ar chomhpháirteanna SCCT a fhorbairt, a thástáil, a chur in úsáid, a bhainistiú agus a oibriú, lena n-áirítear na ríomhchláir agus seirbhísí, córais chumarsáide agus córais chustaim fholuiteacha, amhail Ardán Aonfhoirmeach Bainistithe na nÚsáideoirí agus an tSínithe Dhigitigh, CCN2, CBRC, CRS agus anailísíocht (Datalab), ar coigeartuithe iad a bhfuil gá leo chun gur féidir le Stáit CSTE SCCT a oibriú, lena n-áirítear aon choigeartú sonrach a bhaineann leis an ardán lárnach coiteann.

(b)

Déanfaidh an Íoslainn agus an Iorua aon chomhpháirt náisiúnta a mheasfar a bheith riachtanach le haghaidh an idirnaisc le Clárlann SCCT agus oibriú phróisis lárnacha choiteanna SCCT a fhorbairt, a thástáil, a chur in úsáid, a bhainistiú agus a oibriú, amhail:

(c)

Toilíonn an Íoslainn agus an Iorua na costais aonuaire a chumhdach a thabhófar de bharr coigeartuithe sonracha i bpointe (a) a bhfuil gá leo chun gur féidir le Stáit CSTE SCCT a oibriú, lena n-áirítear aon choigeartú sonrach a bhaineann leis an ardán lárnach coiteann, de réir na méideanna táscacha atá i gceangal leis an gCinneadh ó Chomhchoiste LEE Uimh. …/… an … 2026 (an Cinneadh seo). Roinnfidh an Íoslainn agus an Iorua an méid sin eatarthu tríd an bhfachtóir comhréireachta caighdeánach a chur i bhfeidhm, ach amháin i gcás chostais seachadta an chórais CCN2, costais arb í an Íoslainn amháin atá le tacú leo.

(d)

Toilíonn an Íoslainn agus an Iorua cion 0,625 % de chostais oibríochtúla na gcóras cumarsáide agus custaim a luaitear i bpointe (a) a chumhdach ó 2027 ar aghaidh, agus innéacsú bliantúil 2 % ann. I gcás Ardán Aonfhoirmeach Bainistithe na nÚsáideoirí agus an tSínithe Dhigitigh agus CRS, cumhdófar na costais oibríochtúla ó 2026 ar aghaidh. Roinnfidh an Íoslainn agus an Iorua an méid sin eatarthu tríd an bhfachtóir comhréireachta caighdeánach a chur i bhfeidhm, ach amháin i gcás chostais oibríochtúla an chórais CCN2, costais arb í an Íoslainn amháin at thacóidh leo. Tá na méideanna táscacha i gceangal leis an gCinneadh ó Chomhchoiste LEE Uimh. …/… an … 2026 (an Cinneadh seo).

(e)

Ríomhfaidh an Coimisiún na costais i gcomhréir lena chonarthaí le conraitheoirí arna mbunú faoi na nósanna imeachta reatha maidir le deonú conarthaí.

(f)

D’fhéadfaí go mbeidh na costais dá dtagraítear i bpointe (d) faoi réir athbhreithniú in 2028, ar thionscnamh an Choimisiúin, gan dochar do Chreat Airgeadais Ilbhliantúil an Aontais Eorpaigh.

(g)

Íocfaidh an Íoslainn agus an Iorua iomlán chostais forbartha agus oibríochtúla na gcomhpháirteanna náisiúnta.

(h)

Faoin 30 Meitheamh gach bliain, ón 30 Meitheamh 2026 ar aghaidh, nó tar éis theacht i bhfeidhm Chinneadh Uimh. …/… ó Chomhchoiste LEE an … 2026 (an Cinneadh seo), cibé acu is déanaí, iarrfaidh an Coimisiún ar an Íoslainn agus ar an Iorua na costais aonuaire a íoc a tabhaíodh de bharr fhorbairt na gcoigeartuithe, lena n-áirítear na ríomhchláir agus seirbhísí, ar chomhpháirteanna Chlárlann SCCT is gá le haghaidh Stáit CSTE, agus córais chumarsáide agus córais chustaim fholuiteacha, dá dtagraítear i bpointe (a), is gá chun gur féidir le Stáit CSTE SCCT a oibriú, ar bhonn nóta dochair a bheidh doiciméadaithe mar is iomchuí arna eisiúint ag an gCoimisiún.

(i)

Toilíonn an Íoslainn agus an Iorua páirt a ghlacadh i gcostais oibríochtúla na ríomhchlár agus seirbhísí agus na gcóras custaim foluiteach atá idirnasctha le hoibriú Chlárlann SCCT, dá dtagraítear i bpointe (a). Chun pointe (d) a chomhlíonadh, tá feidhm leis an méid seo a leanas:

(j)

Déanfar an íocaíocht ón Íoslainn agus ón Iorua tar éis dháta eisiúna an nóta dochair. Déanfar gach íocaíocht le cuntas bainc an Choimisiún arna sonrú ar an nóta dochair laistigh de 60 lá. San Aontas, bainfear úsáid as na leithreasuithe a thiocfaidh as rannpháirtíocht Stáit CSTE i gcomhréir le forálacha an Rialacháin Airgeadais.

(k)

Má íocann an Íoslainn agus an Iorua na méideanna dá bhforáiltear i bpointí (c) agus (d) níos déanaí ná na dátaí a shonraítear i bpointe (j), féadfaidh an Coimisiún ús a ghearradh ar na riaráistí (ar an ráta a chuireann an Banc Ceannais Eorpach i bhfeidhm ar a oibríochtaí in euro, arna fhoilsiú i sraith “C” d’Iris Oifigiúil an Aontais Eorpaigh, an lá ar a mbeidh an sprioc-am le haisíocaíocht, móide pointe go leith).

(l)

Má iarrann an Íoslainn nó an Iorua coigeartuithe sonracha ar chomhpháirteanna, ríomhchláir nó seirbhísí ar Chlárlann SCCT nó táirgí nua TF lena haghaidh, beidh tionscnamh agus cur i gcrích na bhforbairtí sin faoi réir comhaontú frithpháirteach ar leithligh maidir le riachtanais acmhainní agus costais forbartha.

(m)

Toilíonn na Páirtithe Conarthacha a bhfreagrachtaí féin a aithint agus a chomhlíonadh maidir le húsáid na gcóras TF de réir na tuairisce atá san Iarscríbhinn seo.