<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.10-->
  <head>
    <title>2024-06-202406C106202301660-00-TRA-DOC-MT-ARRET-C-0166-23-202404991-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="14-06-24 12:26:14" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="LbJ73h6HPmXZzBTKhJ+Wn4FqIfdNo35F7Efvlt3vTyKLOA+5WIHqB/R1HexrJA5tSShzp5kNz7aNlwS5ckftmk5+w44bsqUafdoGPOu1OjBPTd0rBieyAPhclyzTEsmEJGs826yZ2u+/4bvjo4iknZPyMwNsbR2spHFit5OHG3U=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="stsc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0166" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="stsc" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 21-05-24 08:33:33" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="f882f1642f7840e38b61a69be25d90b2" name="DocumentIdentifier"/>
    <meta content="0166" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tas‑6.6.2024 – Kawża C‑166/23</div>
      <div id="rId21" style="default">Nouryon Functional Chemicals</div>
    </div>
    <p class="C19Centre" id="para-1" title="page-1">
      SENTENZA TAL‑QORTI TAL‑ĠUSTIZZJA (Id‑Disa’ Awla)
    </p>
    <p class="C19Centre" id="para-2" title="page-1">
      6 ta’ Ġunju 2024  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Ambjent – Direttiva 2003/87/KE – Il-punt 5 tal-Anness I – Tniġġis atmosferiku – Sistema għall-iskambju ta’ kwoti ta’ emissjonijiet ta’ gassijiet serra – Esklużjoni tal-impjanti għall-inċinerazzjoni ta’ skart perikoluż jew muniċipali – Rilevanza tal-għan ta’ inċinerazzjoni”
    </p>
    <p class="C02AlineaAltA" id="para-4" title="page-1">
      Fil-Kawża C‑166/23,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mis-Svea hovrätt, Mark- och miljööverdomstolen (il-Qorti tal-Appell sedenti fi Stokkolma, Sezzjoni Art u Ambjent, l-Isvezja), permezz ta’ deċiżjoni tal‑15 ta’ Marzu 2023, li waslet fil-Qorti tal-Ġustizzja fis‑17 ta’ Marzu 2023, fil-kawża
    </p>
    <p class="C02AlineaAltA" id="para-6" title="page-1">
      Naturvårdsverket
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Nouryon Functional Chemicals AB,
    </p>
    <p class="C19Centre" id="para-9" title="page-1">
      IL‑QORTI TAL‑ĠUSTIZZJA (Id‑Disa’ Awla),
    </p>
    <p class="C02AlineaAltA" id="para-10" title="page-1">
      komposta minn O. Spineanu‑Matei, Presidenta tal-Awla, J.‑C. Bonichot (Relatur) u S. Rodin, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: T. Ćapeta,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Pollakk, minn B. Majczyna, bħala aġent,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn P. Carlin, B. De Meester u G. Wils, bħala aġenti,</p>
</td>
</tr>
</table>
    <p class="C02AlineaAltA" id="para-17" title="page-1">
      wara li rat id-deċiżjoni meħuda, wara li nstemgħet l-Avukata Ġenerali, li l-kawża tinqata’ mingħajr konklużjonijiet,
    </p>
    <p class="C02AlineaAltA" id="para-18" title="page-1">
      tagħti l-preżenti
    </p>
    <p class="C75Debutdesmotifs" id="para-19" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-punt 5 tal-Anness I tad-Direttiva 2003/87/KE tal-Parlament Ewropew u tal-Kunsill tat‑13 ta’ Ottubru 2003 li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni u li temenda d-Direttiva 96/61/KE (ĠU Edizzjoni Speċjali bil-Malti, Kapitolu 15, Vol. 7, p. 631), kif emendata bid-Direttiva 2018/410/KE tal-Parlament Ewropew u tal-Kunsill tal‑14 ta’ Marzu 2018 (ĠU 2018, L 76, p. 3) (iktar ’il quddiem id-“Direttiva 2003/87”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn in-Naturvårdsverket (l-Aġenzija għall-Protezzjoni tal-Ambjent, l-Isvezja) (iktar ’il quddiem l-“Aġenzija”) u Nouryon Functional Chemicals AB (iktar ’il quddiem “Nouryon”), kumpannija Svediża, dwar deċiżjoni ta’ din l-aġenzija li tordna lil Nouryon tikkompleta l-pjan ta’ monitoraġġ tagħha fir-rigward tal-emissjonijiet ta’ gassijiet serra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt tal‑Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑Direttiva 2003/87</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessa 25 tad-Direttiva 2003/87 hija fformulata kif ġej:</p>
</td>
</tr>
</table>
    <p class="C02AlineaAltA" id="para-26" title="page-1">
      “Il-politiki u l-miżuri għandhom jiġu implimentati fil-livell ta’ l-Istati Membri u tal-Unjoni fis-setturi kollha ta’ l-ekonomija ta’ l-Unjoni Ewropea, u mhux biss ġewwa l-industrija u s-setturi ta’ l-eneriġja, sabiex jiġi ġġenerat tnaqqis sostanzjali fl-emissjonijiet. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 1 ta’ din id-direttiva, intitolat “Il-materja tas-suġġett”, jipprovdi:</p>
</td>
</tr>
</table>
    <p class="C02AlineaAltA" id="para-28" title="page-2">
      “Din id-Direttiva tistabbilixxi sistema għall-iskambju ta’ kwoti għall-emissjoniji tal-gassijiet serra ġewwa l-Unjoni (minn issa ‘l quddiem imsjħa l-“EU ETS”) sabiex tippromwovi t-tnaqqis ta’ l-emissjoni tal-gassijiet serra b’manjiera effettiva rigward spejjez u effiċjenza ekonomika.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Skont l-Artikolu 2, intitolat “Kamp ta’ applikazzjoni”, tal-imsemmija direttiva:</p>
</td>
</tr>
</table>
    <p class="C02AlineaAltA" id="para-30" title="page-2">
      “(1) Din id-Direttiva għandha tapplika għall-emissjonijiet mill-attivitajiet elenkati fl-Anness I u għall-gassijiet serra elenkati fl-Annes II.
    </p>
    <p class="C02AlineaAltA" id="para-31" title="page-2">
      (2) Din id-Direttiva għandha tapplika mingħajr preġudizzju għal kull ħtieġa skond id-[Direttiva tal-Kunsill 96/61/KE ta’ l‑24 ta’ Settembru 1996 dwar il-prevenzjoni u l-kontroll integrat tat-tniġġis (ĠU 1996, L 257, p. 26)].
    </p>
    <p class="C02AlineaAltA" id="para-32" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 3(e) tad-Direttiva 2003/87 jiddefinixxi “stallazzjoni” bħala “unità teknika stazzjonarja fejn jitwettqu attività jew iktar elenkati fl-Anness I u kull attività oħra assoċjata direttament li jkollha konnessjoni teknika ma’ l-attivitajiet imwettqa fuq is-sit u li jista’ jkollhom effett fuq l-emissjonijiet u t-tniġġiż”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 4 ta’ din id-direttiva jipprevedi:</p>
</td>
</tr>
</table>
    <p class="C02AlineaAltA" id="para-35" title="page-2">
      “L-Istati Membri għandhom jiżguraw li, mill‑1 ta’ Jannar 2005, l-ebda istallazzjoni ma twettaq xi attività mniżżla fl-Anness I li tirriżulta f’emissjonijiet speċifikati fir-rigward ta’ dik l-attività sakemm l-operaturi tagħha ma jkollhomx permess maħruġ minn awtorità kompetenti konformement mal-Artikoli 5 u 6, jew l-istallazzjoni ma tiġix eskluża mill-EU ETS taħt l-Artikolu 27. Din għandha tapplika wkoll għal istallazzjonijiet magħżula taħt l-Artikolu 24.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 6 tal-imsemmija direttiva jipprovdi:</p>
</td>
</tr>
</table>
    <p class="C02AlineaAltA" id="para-37" title="page-2">
      “1. L-awtorità kompetenti għandha toħroġ permess għall-emissjoni tal-gassijiet serra li jagħti awtorizzazzjoni għall-emissjoni tal-gassijiet serra dinja minn stallazzjoni fl-intier tagħha jew f’parti minnha jew tkun sodisfatta illi l-operatur huwa kapaċi li jimmonitorja u jirrapporta l-emissjonijiet.
    </p>
    <p class="C02AlineaAltA" id="para-38" title="page-2">
      Permess għall-emissjoni tal-gassijiet serra jista’ jkopri stallazzjoni jew iktar fuq l-istess sit imħaddma mill-istess operatur.
    </p>
    <p class="C02AlineaAltA" id="para-39" title="page-2">
      2. Il-permessi għall-emissjoni tal-gassijiet serra għandu jkun fihom dan li ġej:
    </p>
    <p class="C09Marge0avecretrait" id="para-40" title="page-2">
      (a) l-isem u l-indirizz ta’ l-operatur;
    </p>
    <p class="C09Marge0avecretrait" id="para-41" title="page-2">
      (b) deskrizzjoni ta’ l-attivitajiet u l-emissjonijiet mill-istallazzjoni;
    </p>
    <p class="C09Marge0avecretrait" id="para-42" title="page-2">
      (ċ) pjan ta’ mmonitorjar li jissodisfa r-rekwiżiti konformement mal-atti msemmija fl-Artikolu 14. L-Istati Membri jistgħu jippermettu l-operaturi biex jaġġornaw il-pjanijiet ta’ mmonitorjar mingħajr ma jinbidel il-permess. L-operaturi għandhom iressqu kwalunkwe pjan ta’ mmonitorjar aġġornat lill-awtorità kompetenti għall-approvazzjoni.
    </p>
    <p class="C09Marge0avecretrait" id="para-43" title="page-3">
      (d) il-ħtiġiet tar-rappurtaġġ; u
    </p>
    <p class="C09Marge0avecretrait" id="para-44" title="page-3">
      (e) obbligu li ċċedi kwoti ekwivalenti għat-total ta’ emissjonijiet tal-installazzjoni f’kull sena kalendarja, kif ivverifikati f’konformità mal-Artikolu 15, sal-iskadenza stabbilita fl-Artikolu 12(3).”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 14 tal-istess direttiva jipprovdi:</p>
</td>
</tr>
</table>
    <p class="C02AlineaAltA" id="para-46" title="page-3">
      “1. Il-Kummissjoni [Ewropea] għandha tadotta atti ta’ implimentazzjoni rigward l-arranġamenti dettaljati għall-monitoraġġ u r-rapportar tal-emissjonijiet […] li għandhom ikunu bbażati fuq il-prinċipji għall-monitoraġġ u r-rapportar stabbiliti fl-Anness IV ta’ din id-Direttiva u r-rekwiżiti stabbiliti fil-paragrafi 2 u 5 ta’ dan l-Artikolu. […]
    </p>
    <p class="C02AlineaAltA" id="para-47" title="page-3">
      […]
    </p>
    <p class="C02AlineaAltA" id="para-48" title="page-3">
      3. L-Istati Membri għandhom jiżguraw illi kull operatur ta’ istallazzjoni […] jimmonitorja u jirrapporta l-emissjonijiet minn din l-istallazzjoni matul kull sena kalendarja, lill-awtorità kompetenti wara t-tmiem ta’ din is-sena konformement mal-atti msemmija fil-paragrafu 1.
    </p>
    <p class="C02AlineaAltA" id="para-49" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Il-punt 5 tal-Anness I tad-Direttiva 2003/87 jipprovdi:</p>
</td>
</tr>
</table>
    <p class="C02AlineaAltA" id="para-51" title="page-3">
      “Meta l-limitu minimu ta’ kapacita ta’ kull attivita f’dan l-Anness jinstab li jkun inqabeż f’xi istallazzjoni, il-junits kollha li fihom jinħaraq karburanti, ħlief għall-impjanti għall-inċinerazzjoni ta’ skart perikoluż jew muniċipali, għandhom jiddaħħlu fil-permess għall-emissjoni tal-gassijiet serra.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">L-Anness I tad-Direttiva 2003/87 jinkludi wkoll tabella li telenka l-kategoriji ta’ attivitajiet li għalihom tapplika din tal-aħħar. Fosthom hemm, rispettivament, l-ewwel u t-tlieta u għoxrin attività:</p>
</td>
</tr>
</table>
    <p class="C02AlineaAltA" id="para-53" title="page-3">
      “Kombustjoni ta’ fjuwils f’installazzjonijiet b’input termiku nominali totali li jaqbeż l-20 MW (ħlief f’installazzjonijiet għall-inċinerazzjoni ta’ skart perikoluż jew muniċipali) […]
    </p>
    <p class="C02AlineaAltA" id="para-54" title="page-3">
      Il-produzzjoni ta’ sustanzi kimiċi organiċi kbar permezz tal-cracking, l-iffurmar mill-ġdid, l-ossidazzjoni parzjali jew sħiħa jew permezz ta’ proċessi simili b’kapaċità tal-produzzjoni li taqbeż il-100 tunnellata kuljum”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Ir‑Regolament ta’ Implimentazzjoni (UE) 2018/2066</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">L-ewwel paragrafu tal-Artikolu 5 tar-Regolament ta’ Implimentazzjoni tal-Kummissjoni (UE) 2018/2066 tad‑19 ta’ Diċembru 2018 dwar il-monitoraġġ u r-rapportar ta’ emissjonijiet ta’ gassijiet serra skont id-Direttiva 2003/87/KE tal-Parlament Ewropew u tal-Kunsill u li jemenda r-Regolament tal-Kummissjoni (UE) Nru 601/2012 (ĠU 2018, L 334, p. 1), jipprevedi:</p>
</td>
</tr>
</table>
    <p class="C02AlineaAltA" id="para-57" title="page-4">
      “Il-monitoraġġ u r-rapportar għandhom ikunu kompluti u jkopru l-emissjonijiet kollha tal-proċess u l-kombustjoni mis-sorsi ta’ emissjonijiet u l-flussi mis-sorsi kollha li jagħmlu parti mill-attivitajiet elenkati fl-Anness I tad-Direttiva 2003/87/KE u attivitajiet rilevanti oħrajn inklużi skont l-Artikolu 24 ta’ dik id-Direttiva, u tal-gassijiet serra kollha speċifikati b’rabta ma’ dawk l-attivitajiet waqt li jiġi evitat l-għadd doppju.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Skont l-ewwel subparagrafu tal-Artikolu 11(1) ta’ dan ir-regolament:</p>
</td>
</tr>
</table>
    <p class="C02AlineaAltA" id="para-59" title="page-4">
      “Kull operatur jew operatur ta’ inġenji tal-ajru għandu jimmonitorja l-emissjoniijet ta’ gassijiet serra fuq il-bażi ta’ pjan ta’ monitoraġġ approvat mill-awtorità kompetenti skont l-Artikolu 12, b’kunsiderazzjoni tan-natura u l-funzjonament tal-installazzjoni jew tal-attività ta’ avjazzjoni li japplika għalihom.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">L-Artikolu 14(2)(e) tal-imsemmi regolament huwa fformulat kif ġej:</p>
</td>
</tr>
</table>
    <p class="C02AlineaAltA" id="para-61" title="page-4">
      “L-operatur […] għandu jimmodifika l-pjan ta’ monitoraġġ, mill-inqas, fi kwalunkwe sitwazzjoni bħal dawn li gejjin: […]
    </p>
    <p class="C09Marge0avecretrait" id="para-62" title="page-4">
      (e) il-pjan ta’ monitoraġġ ma jkunx konformi mar-rekwiżiti ta’ dan ir-Regolament u l-awtorità kompetenti titlob lill-operatur […] sabiex [jibdlu]”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑Direttiva 96/61</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Il-premessa 8 tad-Direttiva 96/61 tiddikjara:</p>
</td>
</tr>
</table>
    <p class="C02AlineaAltA" id="para-65" title="page-4">
      “Billi l-għan ta’ mod integrat li jwassal għal kontroll ta’ tniġġiż huwa l-prevenzjoni ta’ emissjonijiet fl-arja, fl-ilma u fil-ħamrija kulfejn dan ikun prattiku, waqt li jitqies l-immaniġġar ta’ l-iskart, u, meta dan ma jkunx il-każ, li jitnaqqsu biex jinkiseb livell għoli ta’ protezzjoni għall-ambjent kollu kemm hu”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">L-Artikolu 3 tal-istess direttiva jipprovdi:</p>
</td>
</tr>
</table>
    <p class="C02AlineaAltA" id="para-67" title="page-4">
      “L-Istati Membri għandhom jieħdu l-miżuri kollha meħtieġa li jiddisponu li l-awtoritajiet kompetenti jiżguraw li l-istallazzjonijiet jitħaddmu b’mod illi:
    </p>
    <p class="C02AlineaAltA" id="para-68" title="page-4">
      […]
    </p>
    <p class="C09Marge0avecretrait" id="para-69" title="page-4">
      (ċ) tiġi evitata l-produzzjoni ta’ skart skond id-Direttiva 75/442/KEE tal‑15 ta’ Lulju 1975 dwar skart [(ĠU Edizzjoni Speċjali bil-Malti, Kapitolu 15, Vol. 1, p. 23)]; fejn jiġi prodott l-iskart, dan jinġabar lura jew, fejn dan mhux teknikament u ekonomikament possibbli, jintrema waqt li jiġi evitat jew jitnaqqas kull impatt fuq l-ambjent;
    </p>
    <p class="C02AlineaAltA" id="para-70" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt Svediż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">L-Artikolu 1 tal-Kapitolu 3 tal-förordningen (2020: 1180) om vissa utsläpp av växthusgaser (ir-Regolament (2020: 1180) dwar Ċerti Emissjonijiet ta’ Gassijiet Serra, iktar ’il quddiem ir-“Regolament Svediż”) jipprovdi:</p>
</td>
</tr>
</table>
    <p class="C02AlineaAltA" id="para-73" title="page-5">
      “Hija pprojbita l-emissjoni tal-gassijiet serra mingħajr permess minn installazzjonijiet fejn jitwettqu l-attivitajiet elenkati fl-Anness.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">L-Artikolu 5 tal-Kapitolu 3 tar-Regolament Svediż jipprevedi:</p>
</td>
</tr>
</table>
    <p class="C02AlineaAltA" id="para-75" title="page-5">
      “Kull operatur li jkun jixtieq japplika għal permess għall-emissjoni ta’ gassijiet serra għandu jippreżenta l-applikazzjoni tiegħu lill-[Aġenzija].
    </p>
    <p class="C02AlineaAltA" id="para-76" title="page-5">
      L-applikazzjoni għandha tinkludi: […]
    </p>
    <p class="C02AlineaAltA" id="para-77" title="page-5">
      3. pjan ta’ monitoraġġ.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">L-istruzzjoni Nru 4 tal-Anness tar-Regolament Svediż tipprovdi:</p>
</td>
</tr>
</table>
    <p class="C02AlineaAltA" id="para-79" title="page-5">
      “Fejn installazzjoni taqbeż il-limitu minimu ta’ kapacita ta’ xi waħda mill-attivitajiet deskritti fil-punti 1 sa 28 tat-Taqsima “Deskrizzjoni tal-attivitajiet”, l-impjanti kollha li fihom jinħarqu l-karburanti, ħlief l-impjanti għall-inċinerazzjoni ta’ skart perikoluż jew muniċipali, għandhom jiddaħħlu fil-permess għall-emissjoni tal-gassijiet serra.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fl-Artikolu 6 tal-lagen (2020: 1173) om vissa utsläpp av växthusgaser (il-Liġi (2020: 1173) dwar Ċerti Emissjonijiet ta’ Gassijiet Serra, iktar ’il quddiem il-“Liġi Svediża”), pjan ta’ monitoraġġ huwa ddefinit bħala “deskrizzjoni bil-miktub kif imsemmija fl-Artikolu 12 tar-regolament dwar il-monitoraġġ u r-rapportar”. Skont l-istess dispożizzjoni, ir-“regolament dwar il-monitoraġġ u r-rappurtar” ifisser ir-Regolament ta’ Implimentazzjoni 2018/2066.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kawża prinċipali u d‑domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Nouryon, li tinsab fi Stenungsund (l-Isvezja), timmanifattura prodotti kimiċi organiċi fi kwantitajiet kbar. Il-volum ta’ produzzjoni jaqbeż il‑100 tunnellata kuljum.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Din l-attività hija eżerċitata taħt awtorizzazzjoni mogħtija matul l‑2004 skont il-miljöbalken (il-Kodiċi tal-Ambjent). Il-proċess ta’ produzzjoni jiġġenera skart perikoluż fil-forma ta’ ilmijiet mormija mill-proċess industrijali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Skont ordni provviżorja f’din l-awtorizzazzjoni, l-impriża għandha tittratta dawn l-ilmijiet f’inċineratur jew tittrattahom f’installazzjoni oħra awtorizzata għall-iskart perikoluż. Nouryon għażlet li tittratta l-ilmijiet mormija f’inċineratur li jinsab fl-installazzjoni ta’ Stenungsund. Din tal-aħħar hija ddisinjata b’mod li l-ilmijiet imniġġsa jiġu ttrasportati direttament mill-parti tal-installazzjoni fejn issir il-manifattura tal-prodotti kimiċi lejn l-inċineratur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">L-inċineratur huwa użat, kważi b’mod esklużiv, sabiex jaħraq l-ilmijiet mormija mill-proċess industrijali, jiġifieri madwar 40 000 tunnellata fis-sena. Billi l-kontenut enerġetiku tal-ilma huwa żgħir ħafna, l-inċinerazzjoni ssir billi jiżdied gass kombustibbli. L-enerġija ġġenerata mill-inċinerazzjoni tiġi rkuprata fil-forma ta’ fwar sabiex tiġi użata fil-proċess ta’ produzzjoni. Madankollu, il-biċċa l-kbira tal-enerġija meħtieġa għall-produzzjoni tiġi minn kaldarun industrijali. Matul l‑2017, 4 289 tunnellata ta’ gass kombustibbli, jiġifieri l-ekwivalenti ta’ 245 terajoule, ġew ipprovduti lill-inċineratur, filwaqt li 182 terajoule ġew irkuprati. Fl-istess sena, il-kombustjoni ta’ gass kombustibbli fil-kaldarun industrijali kkorrispondiet għal madwar 726 terajoule (madwar 14 069 tunnellata). L-inċineratur jarmi fl-atmosfera madwar 11 500 tunnellata ta’ dijossidu tal-karbonju fis-sena, skont Nouryon, u 17 000 tunnellata, skont l-Aġenzija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Barra minn hekk, l-installazzjoni hija awtorizzata speċifikament tarmi gassijiet serra fil-qafas tal-ETS.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">L-Aġenzija kkonstatat li l-inċineratur ta’ skart perikoluż ma kienx imsemmi fil-pjan ta’ monitoraġġ tal-installazzjoni ta’ Stenungsund u li, għalhekk, l-emissjonijiet ta’ gassijiet serra minn dan l-inċineratur ma kinux inklużi fl-emissjonijiet totali ta’ din l-installazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Konsegwentement, l-Aġenzija ordnat lil Nouryon tipprovdi pjan ta’ monitoraġġ supplimentari li jinkludi l-inċineratur. Hija sostniet li l-installazzjoni għandha tiġi awtorizzata għal kull impjant li jagħmel parti integrali minnha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Nouryon ippreżentat rikors kontra l-ordni tal-Aġenzija quddiem in-Nacka tingsrätt – Mark- och miljödomstolen (il-Qorti tal-Ewwel Istanza sedenti f’Nacka, Sezzjoni Art u Ambjent, l-Isvezja) u sostniet li, skont il-punt 5 tal-Anness I tad-Direttiva 2003/87, impjant għall-inċinerazzjoni ta’ skart perikoluż ma għandux jiġi inkluż fl-ETS, kemm jekk jagħmel parti integrali minn installazzjoni koperta minn din is-sistema kif ukoll jekk le. Dik il-qorti laqgħet dan l-argument u annullat l-ordni tal-Aġenzija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Din tal-aħħar appellat mis-sentenza tal-imsemmija qorti quddiem is-Svea hovrätt, Mark- och miljööverdomstolen (il-Qorti tal-Appell sedenti fi Stokkolma, Sezzjoni Art u Ambjent, l-Isvezja). Din il-qorti tal-aħħar qiegħda tistaqsi jekk l-inċineratur inkwistjoni jaqax taħt l-eċċezzjoni prevista fil-punt 5 tal-Anness I tad-Direttiva 2003/87.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">F’dawn iċ-ċirkustanzi, is-Svea hovrätt Mark- och miljööverdomstolen (il-Qorti tal-Appell sedenti fi Stokkolma, Sezzjoni Art u Ambjent) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-92" title="page-7">
      “(1) L-esklużjoni ta’ impjanti għall-inċinerazzjoni ta’ skart perikoluż prevista fil-punt 5 tal-Anness I tad-Direttiva 2003/87/KE […] – li tipprovdi li l-impjanti kollha tal-kombustjoni tal-karburanti għandhom jiddaħħlu fil-permess għall-emissjoni tal-gassijiet serra, bl-eċċezzjoni tal-impjanti għall-inċinerazzjoni ta’ skart perikoluż – tapplika għall-impjanti kollha għall-inċinerazzjoni ta’ skart perikoluż, jew għandu jkun hemm xi fattur għall-kwalifika sabiex din l-esklużjoni tapplika? Jekk tali fattur huwa meħtieġ, l-għan tal-impjant huwa determinanti għall-finijiet tal-applikazzjoni tal-esklużjoni, jew fatturi oħra jistgħu wkoll ikunu rilevanti?
    </p>
    <p class="C09Marge0avecretrait" id="para-93" title="page-7">
      (2) Jekk l-għan tal-impjant huwa determinanti għall-finijiet tal-evalwazzjoni, l-esklużjoni tapplika xorta għal impjant li jinċenera skart perikoluż iżda li l-għan prinċipali tiegħu huwa differenti minn tali inċinerazzjoni?
    </p>
    <p class="C09Marge0avecretrait" id="para-94" title="page-7">
      (3) Jekk l-esklużjoni tapplika biss għal impjant li l-għan prinċipali tiegħu huwa l-inċinerazzjoni ta’ skart perikoluż, skont liema kriterji għandu jiġi evalwat tali għan?
    </p>
    <p class="C09Marge0avecretrait" id="para-95" title="page-7">
      (4) Jekk, fil-kuntest ta’ evalwazzjoni, huwa determinanti li jkun magħruf jekk l-impjant għandux jitqies li jagħmel parti integrali minn attività tal-impjant li teħtieġ permess b’applikazzjoni tad-Direttiva 2003/87 – pereżempju bil-mod kif deskritt fit-Taqsima 3.3.3 tad-Dokument ta’ Gwida tal-Kummissjoni –, liema rekwiżiti għandhom jiġu stabbiliti sabiex l-impjant jitqies bħala parti integrali? Jista’ jintalab, pereżempju, li l-produzzjoni tkun impossibbli jew mhux awtorizzata mingħajr dan l-impjant (ara d-Dokument ta’ Gwida tal-Kummissjoni Ewropea, paġna 14, nota ta’ qiegħ il-paġna 14), jew huwa biżżejjed li l-impjant ikun teknikament konness mal-impjant u jirċievi skart perikoluż li joriġina minnu biss?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id‑domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Permezz tad-domandi tagħha, li għandhom jiġu eżaminati flimkien, il-qorti tar-rinviju qiegħda essenzjalment tistaqsi jekk il-punt 5 tal-Anness I tad-Direttiva 2003/87 għandux jiġi interpretat fis-sens li l-impjanti kollha għall-inċinerazzjoni ta’ skart perikoluż jew muniċipali huma esklużi mill-kamp ta’ applikazzjoni ta’ din id-direttiva, inkluż dawk integrati f’installazzjoni li taqa’ taħt dan il-kamp u li ma jkollhomx bħala l-għan uniku tagħhom l-inċinerazzjoni ta’ dan l-iskart.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Preliminarjament, għandu jitfakkar li d-Direttiva 2003/87 għandha l-għan li tistabbilixxi sistema għall-iskambju ta’ kwoti ta’ emissjoni maħsuba sabiex tnaqqas l-emissjonijiet ta’ gassijiet serra fl-atmosfera għal livell li jipprevjeni kull interferenza antropoġenika perikoluża tal-klima u li l-għan finali tagħha huwa l-protezzjoni tal-ambjent (sentenza tas‑16 ta’ Diċembru 2021, Apollo Tyres (Hungary), C‑575/20, EU:C:2021:1024, punt 24 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">L-Artikolu 2(1) tad-Direttiva 2003/87 jipprevedi li l-kamp ta’ applikazzjoni ta’ din tal-aħħar japplika għall-emissjonijiet li jirriżultaw mill-attivitajiet elenkati fl-Anness I tagħha u għall-gassijiet serra elenkati fl-Anness II tagħha, liema anness jinkludi, b’mod partikolari, id-dijossidu tal-karbonju (sentenza tas‑16 ta’ Diċembru 2021, Apollo Tyres (Hungary), C‑575/20, EU:C:2021:1024, punt 25 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Skont l-Artikolu 4 tad-Direttiva 2003/87, “[l]-Istati Membri għandhom jiżguraw li, mill‑1 ta’ Jannar 2005, l-ebda istallazzjoni ma twettaq xi attività mniżżla fl-Anness I li tirriżulta f’emissjonijiet speċifikati fir-rigward ta’ dik l-attività sakemm l-operaturi tagħha ma jkollhomx permess maħruġ minn awtorità kompetenti konformement mal-Artikoli 5 u 6, jew l-istallazzjoni ma tiġix eskluża mill-EU ETS taħt l-Artikolu 27. […]”</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">L-Artikolu 3(e) ta’ din id-direttiva jiddefinixxi “stallazzjoni” bħala “unità teknika stazzjonarja fejn jitwettqu attività jew iktar elenkati fl-Anness I u kull attività oħra assoċjata direttament li jkollha konnessjoni teknika ma’ l-attivitajiet imwettqa fuq is-sit u li jista’ jkollhom effett fuq l-emissjonijiet u t-tniġġiż.”</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Fost l-attivitajiet elenkati f’dan l-Anness I, tissemma il-“produzzjoni ta’ sustanzi kimiċi organiċi kbar permezz tal-cracking, l-iffurmar mill-ġdid, l-ossidazzjoni parzjali jew sħiħa jew permezz ta’ proċessi simili b’kapaċità tal-produzzjoni li taqbeż il‑100 tunnellata kuljum”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">L-installazzjoni ta’ Nouryon, li timmanifattura prodotti kimiċi organiċi fi kwantitajiet kbar, teħtieġ awtorizzazzjoni f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Din l-installazzjoni tinkludi inċineratur maħsub sabiex jinħarqu l-ilmijiet mormija mill-proċess industrijali. Minħabba f’hekk, it-tagħmir jarmi d-dijossidu tal-karbonju. L-enerġija ġġenerata mill-inċinerazzjoni tiġi rkuprata fil-forma ta’ fwar sabiex tiġi użata fil-proċess ta’ produzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Peress li huwa marbut teknikament mal-attivitajiet imwettqa fis-sit ta’ Stenungsund u li jista’ jkollu effett fuq l-emissjonijiet, dan l-inċineratur huwa għalhekk parti mill-installazzjoni, fis-sens tal-Artikolu 3(e) tad-Direttiva 2003/87.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Il-kawża prinċipali tirrigwarda l-kwistjoni dwar jekk dan l-inċineratur għandux jiġi awtorizzat bħall-bqija tal-installazzjoni skont id-Direttiva 2003/87 jew jekk ma għandux jiġi hekk awtorizzat skont l-eċċezzjoni msemmija fil-punt 5 tal-Anness I ta’ din id-direttiva. Din hija r-raġuni għaliex il-qorti tar-rinviju tqis li s-soluzzjoni ta’ din it-tilwima tiddependi mill-interpretazzjoni li għandha tingħata lil din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Skont il-kliem tal-punt 5 tal-Anness I tad-Direttiva 2003/87, “[m]eta l-limitu minimu ta’ kapacita ta’ kull attivita f’dan l-Anness jinstab li jkun inqabeż f’xi istallazzjoni, il-junits kollha li fihom jinħaraq karburanti, ħlief għall-impjanti għall-inċinerazzjoni ta’ skart perikoluż jew muniċipali, għandhom jiddaħħlu fil-permess għall-emissjoni tal-gassijiet serra”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Skont l-interpretazzjoni tal-Kummissjoni fid-dokument tagħha “Linji gwida dwar l-interpretazzjoni tal-Anness I tad-Direttiva dwar l-EU ETS” tat‑18 ta’ Marzu 2010, il-fatt li l-impjant jinċenera skart perikoluż jew muniċipali ma huwiex biżżejjed sabiex jeskludih mill-kamp ta’ applikazzjoni tad-Direttiva 2003/87. Il-Kummissjoni tqis li, barra minn hekk, huwa meħtieġ li, minn naħa, l-impjant għall-inċinerazzjoni ta’ skart perikoluż jew muniċipali ma jkunx jagħmel parti minn installazzjoni li l-attività tagħha tissemma fl-Anness I ta’ din id-direttiva u li, min-naħa l-oħra, l-inċinerazzjoni ta’ tali skart tkun l-għan essenzjali tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Din hija r-raġuni għaliex, fil-fehma tal-Kummissjoni, impjant għall-inċinerazzjoni ta’ skart perikoluż li s-sħana ġġenerata minnu tiġi rkuprata u tintuża għall-funzjonament ta’ installazzjoni li taqa’ fil-kamp ta’ applikazzjoni tal-punt 5 tal-Anness I tad-Direttiva 2003/87 ma huwiex eskluż minn dan il-kamp ta’ applikazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Madankollu, tali interpretazzjoni ma hijiex ikkorroborata mill-metodi ta’ interpretazzjoni letterali, sistematiċi u teleoloġiċi li l-Qorti tal-Ġustizzja normalment tuża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Fir-rigward, fl-ewwel lok, tal-interpretazzjoni letterali tal-punt 5 tal-Anness I tad-Direttiva 2003/87, għandu jiġi rrilevat li dan tal-aħħar jipprevedi espressament il-każ fejn installazzjoni li teħtieġ permess ta’ emissjoni ta’ gassijiet serra tkun tinkludi diversi impjanti għall-kombustjoni ta’ karburanti u jipprovdi li, f’każ bħal dan, dawn l-impjanti għandhom jiġu inklużi f’dan il-permess, bl-eċċezzjoni tal-impjanti għall-inċinerazzjoni ta’ skart perikoluż jew muniċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Konsegwentement, il-kliem ta’ dan il-punt 5 jidher li jeskludi li l-impjant għall-inċinerazzjoni ta’ skart perikoluż għandu jiġi inkluż fil-pjan ta’ monitoraġġ tal-installazzjoni minħabba li dan jagħmel parti integrali minn din l-installazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Barra minn hekk, peress li l-eċċezzjonijiet għandhom jiġu interpretati b’mod strett, l-eċċezzjoni msemmija fil-punt 5 għandha tkun limitata għall-impjanti verament iddedikati għall-inċinerazzjoni ta’ skart perikoluż jew muniċipali u li, konsegwentement, jinċineraw skart ieħor b’mod marġinali biss.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Mill-banda l-oħra, mill-kliem tal-punt 5 tal-Anness I tad-Direttiva 2003/87 ma jirriżultax li l-esklużjoni tal-impjanti għall-inċinerazzjoni ta’ skart perikoluż jew muniċipali mill-permess ta’ emissjoni ta’ gassijiet serra tiddependi mill-għan li għalih dan l-iskart huwa inċinerat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Fir-rigward, fit-tieni lok, tal-interpretazzjonijiet sistematiċi u teleoloġiċi tal-punt 5 tal-Anness I tad-Direttiva 2003/87, dawn għandhom, f’dan il-każ, jiġu eżaminati flimkien.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Kif jirriżulta b’mod partikolari mill-premessa 25, kif ukoll mill-Artikolu 1 tad-Direttiva 2003/87, l-għan ġenerali ta’ din tal-aħħar huwa li, bl-introduzzjoni tas-sistema ta’ allokazzjoni ta’ kwoti ta’ gassijiet serra, jitnaqqsu l-emissjonijiet ta’ dawn il-gassijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Madankollu, l-eċċezzjoni prevista fil-punt 5 tal-Anness I tad-Direttiva 2003/87 fir-rigward tal-impjanti għall-inċinerazzjoni ta’ skart perikoluż u muniċipali ma tfittixx dan l-għan bħala prijorità. Mill-banda l-oħra, hija tissodisfa għan sekondarju ta’ din id-direttiva, peress li l-leġiżlatur tal-Unjoni qies li l-implimentazzjoni tas-sistema ta’ allokazzjoni ta’ kwoti ta’ emissjonijiet ma għandhiex ixxekkel l-eliminazzjoni ta’ skart perikoluż u muniċipali permezz tal-inċinerazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">F’dan ir-rigward, għandu jiġi rrilevat li d-Direttiva 2003/87, kif proprju jirriżulta mit-titolu tagħha, temenda d-Direttiva 96/61. L-Artikolu 2(2) tad-Direttiva 2003/87 jippreċiża li “[d]in id-Direttiva għandha tapplika mingħajr preġudizzju għal kull ħtieġa skond id-Direttiva [96/61].” Madankollu, id-Direttiva 96/61, li l-għan tagħha huwa usa’ minn dak tad-Direttiva 2003/87 u jikkonċerna l-prevenzjoni u t-tnaqqis integrat tat-tniġġis, tipprevedi espressament, fl-Artikolu 3(c) tagħha, l-irkupru jew l-eliminazzjoni tal-iskart.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Il-premessa 8 tad-Direttiva 96/61 tiddikjara wkoll li “l-għan ta’ mod integrat li jwassal għal kontroll ta’ tniġġiż huwa l-prevenzjoni ta’ emissjonijiet fl-arja, fl-ilma u fil-ħamrija kulfejn dan ikun prattiku, waqt li jitqies l-immaniġġar ta’ l-iskart, u, meta dan ma jkunx il-każ, li jitnaqqsu biex jinkiseb livell għoli ta’ protezzjoni għall-ambjent kollu kemm hu”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Mill-premess jirriżulta li l-leġiżlatur tal-Unjoni ried li jiffavorixxi l-inċinerazzjoni tal-iskart perikoluż u muniċipali billi jeżentah mill-obbligu ta’ awtorizzazzjoni taħt l-ETS. Madankollu, il-limitazzjoni tal-portata ta’ din l-eċċezzjoni mill-kunċett ta’ “għan essenzjali” ma hijiex konsistenti ma’ dan l-objettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Barra minn hekk, il-portata tal-eċċezzjoni għandha wkoll tiġi interpretata fid-dawl tal-għan ewlieni tad-Direttiva 2003/87. Issa, l-interpretazzjoni sostnuta mill-Kummissjoni, li impjant għall-inċinerazzjoni ta’ skart perikoluż jew muniċipali li jgħin, billi jipprovdi s-sħana, sabiex taħdem installazzjoni li taqa’ taħt l-ETS, għandu, huwa stess, jaqa’ taħt il-kamp ta’ applikazzjoni tal-ETS, tmur kontra dan l-għan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Fil-fatt, tali interpretazzjoni twassal sabiex igawdu mid-deroga biss l-impjanti għall-inċinerazzjoni ta’ skart perikoluż u muniċipali li s-sħana ġġenerata minnhom ma tkunx irkuprata minn installazzjoni li taqa’ taħt id-Direttiva 2003/87, u dan jippromwovi l-ħela ta’ enerġija u ż-żieda fl-emissjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Fid-dawl tal-kunsiderazzjonijiet premessi, ir-risposta għad-domandi magħmula għandha tkun li l-punt 5 tal-Anness I tad-Direttiva 2003/87 għandu jiġi interpretat fis-sens li l-impjanti kollha għall-inċinerazzjoni ta’ skart perikoluż jew muniċipali huma esklużi mill-kamp ta’ applikazzjoni ta’ din id-direttiva, inkluż dawk integrati f’installazzjoni li taqa’ taħt dan il-kamp u li l-għan uniku tagħhom ma jkunx l-inċinerazzjoni ta’ dan l-iskart, kemm‑il darba dawn ikunu jintużaw għall-inċinerazzjoni ta’ skart ieħor b’mod marġinali biss.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-126" title="page-11">
      Għal dawn il-motivi, Il-Qorti tal-Ġustizzja (Id-Disa’ Awla) taqta’ u tiddeċiedi:
    </p>
    <p class="C30Dispositifalinea" id="para-127" title="page-11">
      Il-punt 5 tal-Anness I tad-Direttiva 2003/87/KE tal-Parlament Ewropew u tal-Kunsill tat‑13 ta’ Ottubru 2003 li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni u li temenda d-Direttiva 96/61/KE, kif emendata bid-Direttiva 2018/410/KE tal-Parlament Ewropew u tal-Kunsill tal‑14 ta’ Marzu 2018,
    </p>
    <p class="C30Dispositifalinea" id="para-128" title="page-11">
      għandu jiġi interpretat fis-sens li:
    </p>
    <p class="C30Dispositifalinea" id="para-129" title="page-11">
      l-impjanti kollha għall-inċinerazzjoni ta’ skart perikoluż jew muniċipali huma esklużi mill-kamp ta’ applikazzjoni ta’ din id-direttiva, kif emendata, inkluż dawk integrati f’installazzjoni li taqa’ taħt dan il-kamp u li l-għan uniku tagħhom ma jkunx l-inċinerazzjoni ta’ dan l-iskart, kemm‑il darba dawn ikunu jintużaw għall-inċinerazzjoni ta’ skart ieħor b’mod marġinali biss.
    </p>
    <div class="signatures">
<p class="C77Signatures" id="para-130" title="page-11">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Isvediż.</p>
</body>
</html>
