(1)

An 12 Meitheamh 2002, d’údaraigh an Chomhairle an Coimisiún tús a chur leis an gcaibidlíocht, thar ceann an Aontais, i leith Comhaontú Comhpháirtíochta Eacnamaíche) le Grúpa Stát na hAfraice, Mhuir Chairib agus an Aigéin Chiúin.

(2)

Tugadh an chaibidlíocht idir an tAontas agus Stáit Comhpháirtíochta Chomhphobal na hAfraice Thoir (Poblacht na Burúine, Poblacht na Céinia, Poblacht Ruanda, Poblacht Aontaithe na Tansáine, agus Poblacht Uganda) maidir le Comhaontú Comhpháirtíochta Eacnamaíche idir an tAontas Eorpach agus Stáit Comhpháirtíochta Chomhphobal na hAfraice Thoir i gcrích an 14 Deireadh Fómhair 2014 agus cuireadh inisealacha leis an 16 Deireadh Fómhair 2014.

(3)

Shínigh agus dhaingnigh Poblacht na Céinia (‘an Chéinia’) Comhaontú Comhpháirtíochta Eacnamaíche idir an tAontas Eorpach agus Stáit Comhpháirtíochta Chomhphobal na hAfraice Thoir an 1 Meán Fómhair agus an 28 Meán Fómhair 2016, faoi seach ionas go dtiocfaidh an Comhaontú Comhpháirtíochta Eacnamaíche idir an tAontas Eorpach agus Stáit Comhpháirtíochta Chomhphobal na hAfraice Thoir i bhfeidhm, ní mór do gach comhalta de Chomhphobal na hAfraice Thoir é a shíniú agus a dhaingniú. Go dtí seo, tá síniú agus daingniú an chomhaontuithe ag na comhaltaí eile de Chomhphobal na hAfraice Thoir fós ar feitheamh, rud a chuireann cosc ar an gComhaontú Comhpháirtíochta Eacnamaíche idir an tAontas Eorpach agus Stáit Comhpháirtíochta Chomhphobal na hAfraice Thoir teacht i bhfeidhm.

(4)

An 19 Nollaig 2019, thug an Chomhairle treoracha caibidlíochta 2002 ón gCoimisiún cothrom le dáta trí chaibidil maidir le trádáil agus forbairt inbhuanaithe a thabhairt i gcrích a áireamh i gcomhaontaithe comhpháirtíochta eacnamaíche.

(5)

An 27 Feabhra 2021, i gCruinniú Mullaigh Chomhphobal na hAfraice Thoir tugadh cead do comhaltaí aonair de Chomhphobal na hAfraice Thoir dul ar aghaidh le cur chun feidhme déthaobhach an Chomhaontuithe Comhpháirtíochta Eacnamaíche idir an tAontas Eorpach agus Stáit Comhpháirtíochta Chomhphobal na hAfraice Thoir faoi phrionsabal na ‘geoiméadrachta athraitheacha’. An 4 Bealtaine 2021, thug an Chéinia fógra don Choimisiún maidir lena hiarraidh dul chun cinn a dhéanamh sa chiall sin.

(6)

An 17 Feabhra 2022, shínigh an tAontas agus an Chéinia Ráiteas Comhpháirteach ar imeall an Chruinnithe Mullaigh idir an tAontas Eorpach agus an tAontas Afracach inar comhaontaíodh an chaibidlíocht a chur chun cinn maidir le Comhaontú Comhpháirtíochta Eacnamaíche idir an tAontas agus an Chéinia (‘an Comhaontú’), atá le bheith fós ar oscailt le go n-aontóidh Stáit Comhpháirtithe eile de Chomhphobal na hAfraice Thoir dó.

(7)

An 24 Bealtaine 2023, tugadh an chaibidlíocht maidir leis an gComhaontú i gcrích.

(8)

I gcomhréir le Cinneadh (AE) 2023/2853 ón gComhairle (3), síníodh an Comhaontú an 18 Nollaig 2023, faoi réir a thabhairt i gcrích tráth níos déanaí.

(9)

Ba cheart an Comhaontú a a fhormheas thar ceann an Aontais Eorpaigh,