|
13.1.2023 |
GA |
Iris Oifigiúil an Aontais Eorpaigh |
L 12/84 |
CINNEADH CUR CHUN FEIDHME (AE) 2023/106 ÓN gCOIMISIÚN
an 11 Eanáir 2023
lena socraítear leithdháiltí táscacha na cabhrach ón Aontas do na Ballstáit le haghaidh torthaí agus glasraí do scoileanna agus le haghaidh bainne do scoileanna le haghaidh na tréimhse ón 1 Lúnasa 2023 go dtí an 31 Iúil 2029
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 1370/2013 ón gComhairle an 16 Nollaig 2013 lena gcinntear bearta i dtaca le cabhracha agus aisíocaíochtaí áirithe a shocrú a bhaineann le comheagrú na margaí i dtáirgí talmhaíochta (1), agus go háirithe Airteagal 5(4), an tríú fomhír de de,
De bharr an mhéid seo a leanas:
|
(1) |
Le Airteagal 23a de Rialachán (AE) Uimh. 1308/2013 ó Pharlaimint na hEorpa agus ón gComhairle (2), leagtar síos méid foriomlán na cabhrach ón Aontas in aghaidh na bliana scoile faoin scéim scoile le haghaidh an Aontas ina iomláine agus critéir oibiachtúla maidir le leithdháileadh an mhéid fhoriomláin sin i measc na mBallstát. |
|
(2) |
In Iarscríbhinn I a ghabhann le Rialachán (AE) Uimh. 1370/2013 leagtar amach leithdháiltí táscacha bliantúla na cabhrach ón Aontas in aghaidh an Bhallstáit le haghaidh torthaí agus glasraí do scoileanna agus le haghaidh bainne do scoileanna le haghaidh na tréimhse ón 1 Lúnasa 2017 go dtí an 31 Iúil 2023 Tar éis na hidirthréimhse 6 bliana sin, ón 1 Lúnasa 2023, socróidh an Coimisiún leithdháiltí táscacha na cabhrach ón Aontas do gach Ballstát ar bhonn na gcritéar dá dtagraítear in Airteagal 23a(2), an chéad fhomhír de Rialachán (AE) Uimh. 1308/2013. Agus na leithdháiltí táscacha á socrú, ní mór an t-íosmhéid cabhrach ón Aontas a bhfuil na Ballstáit ina teideal a chur san áireamh, ionas gur féidir leis na Ballstáit ina bhfuil méid dhéimeagrafach theoranta scéim chost-éifeachtach a chur chun feidhme. |
|
(3) |
I gcomhréir le hAirteagal 23(8) de Rialachán (AE) Uimh. 1308/2013 agus le hAirteagal 2(3) de Rialachán Tarmligthe (AE) 2017/40 ón gCoimisiún (3), tá na Ballstáit le straitéisí a tharraingt suas lena gcumhdófar an tréimhse 6 bliana ón 1 Lúnasa 2023 go dtí an 31 Iúil 2029 agus tabharfaidh siad fógra ina leith don Choimisiún faoin 30 Aibreán 2023. Chun go mbeidh na Ballstáit in ann pleanáil éifeachtúil a dhéanamh ar chur chun feidhme na scéime le linn na tréimhse a chumhdaítear lena straitéisí, ba cheart an tréimhse ama chéanna a chumhdach, le leithdháiltí táscacha na cabhrach ón Aontas. Tá na leithdháiltí táscacha sin gan dochar do na cinntí a dhéanfar amach anseo a bhaineann le Creat Airgeadais Ilbhliantúil an Aontais le haghaidh na tréimhse tar éis 2027. |
|
(4) |
Tá na bearta dá bhforáiltear sa Chinneadh seo i gcomhréir le tuairim an Choiste um Chomheagrú na Margaí Talmhaíochta, |
TAR ÉIS AN CINNEADH SEO A GHLACADH:
Airteagal 1
Leagtar amach san Iarscríbhinn leithdháiltí táscacha na cabhrach ón Aontas le haghaidh thorthaí agus glasraí do scoileanna agus do bhainne do scoileanna do gach Ballstát in aghaidh na bliana scoile le linn na tréimhse ón 1 Lúnasa 2023 go dtí an 31 Iúil 2029.
Airteagal 2
Dírítear an Cinneadh seo chuig na Ballstáit.
Arna dhéanamh sa Bhruiséil, an 11 Eanáir 2023.
Thar ceann an Choimisiúin
Janusz WOJCIECHOWSKI
Comhalta den Choimisiún
(1) IO L 346, 20.12.2013, lch. 12.
(2) Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagraíocht na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001 agus (CE) Uimh. 1234/2007 ón gComhairle, (IO L 347, 20.12.2013, lch. 671).
(3) Rialachán Tarmligthe (AE) 2017/40 ón gCoimisiún an 3 Samhain 2016 lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle a mhéid a bhaineann le cabhair ón Aontas chun torthaí agus glasraí, bananaí agus bainne a sholáthar i bhforais oideachais agus lena leasaítear Rialachán Tarmligthe (AE) Uimh. 907/2014 ón gCoimisiún (IO L 5, 10.1.2017, lch. 11).
IARSCRÍBHINN
LEITHDHÁILTÍ TÁSCACHA NA CABHRACH ÓN AONTAS IN AGHAIDH NA SCOILBHLIANA LE LINN NA TRÉIMHSE ÓN 1 Lúnasa 2023 GO DTÍ AN 31 Iúil 2029 DÁ DTAGRAÍTEAR IN AIRTEAGAL 1
|
An Ballstát |
Leithdháileadh táscach le haghaidh torthaí agus glasraí do scoileanna in EUR |
Leithdháileadh táscach le haghaidh bainne do scoileanna in EUR |
|
An Bheilg |
3 648 727 |
1 600 475 |
|
An Bhulgáir |
2 110 411 |
1 800 090 |
|
An tSeicia |
3 349 886 |
3 048 057 |
|
An Danmhairg |
1 671 583 |
1 632 431 |
|
An Ghearmáin |
20 373 277 |
8 910 720 |
|
An Eastóin |
396 340 |
754 955 |
|
Éire |
1 889 775 |
826 537 |
|
An Ghréig |
3 149 503 |
1 464 086 |
|
An Spáinn |
13 407 407 |
6 023 462 |
|
An Fhrainc |
22 720 501 |
9 979 209 |
|
An Chróit |
1 278 964 |
610 533 |
|
An Iodáil |
15 293 816 |
6 910 347 |
|
An Chipir |
290 000 |
252 652 |
|
An Laitvia |
649 309 |
868 581 |
|
An Liotuáin |
891 870 |
1 236 781 |
|
Lucsamburg |
290 000 |
193 000 |
|
An Ungáir |
2 894 429 |
2 970 122 |
|
Málta |
290 000 |
193 000 |
|
An Ísiltír |
4 977 290 |
2 176 932 |
|
An Ostair |
2 320 736 |
1 015 027 |
|
An Pholainn |
12 138 186 |
12 791 591 |
|
An Phortaingéil |
2 804 412 |
1 301 261 |
|
An Rómáin |
6 178 236 |
11 303 390 |
|
An tSlóivéin |
665 306 |
305 638 |
|
An tSlóvaic |
1 851 325 |
1 659 402 |
|
An Fhionlainn |
1 672 943 |
2 731 455 |
|
An tSualainn |
3 404 234 |
7 635 935 |
|
Iomlán |
130 608 466 |
90 195 669 |