|
Iris Oifigiúil |
GA Sraith L |
|
2024/2414 |
16.9.2024 |
RIALACHÁN CUR CHUN FEIDHME (AE) 2024/2414 ÓN gCOIMISIÚN
an 13 Meán Fómhair 2024
maidir le bláthola aitil agus tintiúr aitil ó Juniperus communis L. a údarú mar bhreiseán beathaithe le haghaidh gach speicis ainmhíoch
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú. Le hAirteagal 10(2) den Rialachán sin foráiltear d’athmheastóireacht a dhéanamh ar bhreiseáin a údaraíodh de bhun Threoir 70/524/CEE ón gComhairle (2). |
|
(2) |
Rinneadh na substaintí bláthola aitil agus tintiúr aitil ó Juniperus communis L. a údarú gan teorainn ama, i gcomhréir le Treoir 70/524/CEE, mar bhreiseáin bheathaithe le haghaidh gach speicis ainmhíoch. Cuireadh na substaintí sin isteach i gClár na mBreiseán Beathaithe ina dhiaidh sin mar tháirgí a bhí ann cheana a bhaineann leis an gcatagóir ‘breiseáin chéadfacha’ agus leis an bhfeidhmghrúpa ‘comhdhúile blaistithe’ i gcomhréir le hAirteagal 10(1), pointe (b), de Rialachán (CE) Uimh. 1831/2003. |
|
(3) |
I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, cuireadh isteach iarratas maidir le bláthola aitil agus tintiúr aitil ó Juniperus communis L. a údarú mar bhreiseáin bheathaithe le haghaidh gach speicis ainmhíoch, agus iarradh ann go n-aicmeofaí na breiseáin sin i gcatagóir na mbreiseán ‘breiseáin chéadfacha’ agus san fheidhmghrúpa ‘comhdhúile blaistithe’. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. |
|
(4) |
D’iarr an t-iarratasóir go n-údarófaí na breiseáin lena n-úsáid in uisce óil freisin. Le Rialachán (CE) Uimh. 1831/2003, áfach, ní cheadaítear ‘comhdhúile blaistithe’ a údarú lena n-úsáid in uisce óil. Dá bhrí sin, níor cheart úsáid na mbreiseán seo in uisce óil a cheadú. |
|
(5) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 22 Márta 2023 (3) go raibh tintiúr aitil ó Juniperus communis L. sábháilte do gach speiceas ainmhíoch, do thomhaltóirí agus don chomhshaol, faoi na coinníollacha úsáide atá beartaithe. Tháinig an tÚdarás ar an gconclúid freisin go raibh bláthola aitil ó Juniperus communis L. sábháilte do gach speiceas ainmhíoch agus do thomhaltóirí ar uastiúchaintí áirithe a shonraítear a thuilleadh le haghaidh gach speicis. Tháinig sé ar an gconclúid freisin nach meastar go mbeidh úsáid bláthola aitil agus tintiúr aitil ó Juniperus communis L. i mbeatha ainmhithe, faoi na coinníollacha atá beartaithe, ina riosca don chomhshaol. Tháinig sé ar an gconclúid freisin gur cheart a mheas go bhfuil bláthola aitil agus tintiúr aitil ó Juniperus communis L. greannach don chraiceann agus do na súile, agus gur íogróir craicinn agus riospráide iad. Tháinig an tÚdarás ar an gconclúid freisin ós rud é go bhfuil caora Juniperus communis L. agus ullmhóidí díobh aitheanta mar bhlastáin bhia agus ós rud é go mbeadh an fheidhm chéanna acu i mbeatha, go bunúsach, is atá acu i mbia, nach raibh gá le haon léiriú éifeachtúlachta breise. D’fhíoraigh an tÚdarás freisin an tuarascáil ar an modh anailíse ar na breiseáin bheathaithe i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003. |
|
(6) |
I bhfianaise an mhéid thuas, measann an Coimisiún go gcomhlíonann bláthola aitil ó Juniperus communis L. na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substaintí sin a údarú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(7) |
Measann an Coimisiún nach gá uaschion a shocrú le haghaidh bláthola aitil ó Juniperus communis L. ar chúiseanna sábháilteachta. Ionas gur féidir rialú níos fearr a dhéanamh, ba cheart uaschion molta a shonrú ar lipéad na mbreiseán beathaithe. I gcás ina sárófar an t-uaschion molta, ba cheart faisnéis áirithe a shonrú ar lipéad na réamh-mheascán lena mbaineann. |
|
(8) |
Ós rud é nach gá, ar chúiseanna sábháilteachta, na modhnuithe ar na coinníollacha maidir le húdarú bláthola aitil ó Juniperus communis L. a chur i bhfeidhm láithreach, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as an údarú a chomhlíonadh. |
|
(9) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
Na substaintí a shonraítear san Iarscríbhinn agus a bhaineann le catagóir na mbreiseán ‘breiseáin chéadfacha’ agus leis an bhfeidhmghrúpa ‘comhdhúile blaistithe’, údaraítear iad mar bhreiseáin bheathaithe i gcothú ainmhithe, faoi réir na gcoinníollacha a leagtar síos san Iarscríbhinn sin.
Airteagal 2
Bearta idirthréimhseacha
1. Na breiseáin bheathaithe bláthola aitil agus tintiúr aitil ó Juniperus communis L. mar a údaraítear iad de bhun Threoir 70/524/CEE agus na réamh-mheascáin ina bhfuil na breiseáin sin, nithe a tháirgtear agus a lipéadaítear roimh an 6 Aibreán 2025 i gcomhréir leis na rialacha is infheidhme roimh an 6 Deireadh Fómhair 2024, féadfar leanúint dá gcur ar an margadh agus dá n-úsáid go dtí go mbeidh na stoic lena mbaineann ídithe.
2. Beatha chumaisc agus ábhair bheatha ina bhfuil na breiseáin bheathaithe dá dtagraítear i mír 1, nithe a tháirgtear agus a lipéadaítear roimh an 6 Deireadh Fómhair 2025, i gcomhréir leis na rialacha is infheidhme roimh an 6 Deireadh Fómhair 2024, féadfar leanúint dá gcur ar an margadh agus dá n-úsáid go dtí go mbeidh na stoic atá ann cheana ídithe i gcás ina mbeidh sé beartaithe iad a úsáid le haghaidh bia-ainmhithe.
3. Beatha chumaisc agus ábhair bheatha ina bhfuil na breiseáin bheathaithe dá dtagraítear i mír 1, nithe a tháirgtear agus a lipéadaítear roimh an 6 Deireadh Fómhair 2026 i gcomhréir leis na rialacha is infheidhme roimh an 6 Deireadh Fómhair 2024, féadfar leanúint dá gcur ar an margadh agus dá n-úsáid go dtí go mbeidh na stoic atá ann cheana ídithe i gcás ina mbeidh sé beartaithe iad a úsáid le haghaidh ainmhithe nach bia-ainmhithe iad.
Airteagal 3
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 13 Meán Fómhair 2024.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29, ELI: http://data.europa.eu/eli/reg/2003/1831/oj.
(2) Treoir 70/524/CEE ón gComhairle an 23 Samhain 1970 maidir le breiseáin in ábhair bheatha (IO L 270, 14.12.1970, lch. 1, ELI: http://data.europa.eu/eli/dir/1970/524/oj).
(3) EFSA Journal [Iris EFSA] 2023;21(4):7977.
IARSCRÍBHINN
|
Uimhir aitheantais an bhreiseáin |
Breiseán |
Comhdhéanamh, foirmle cheimiceach, tuairisc, modh anailíse. |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||||||||||||||||||||||||||||||||||||||||||||||||
|
mg de shubstaint ghníomhach/kg d’ábhar beatha iomlán ina bhfuil cion taise 12 % |
||||||||||||||||||||||||||||||||||||||||||||||||||||||||||
|
Catagóir: Breiseáin chéadfacha. Feidhmghrúpa: Comhdhúile blaistithe |
||||||||||||||||||||||||||||||||||||||||||||||||||||||||||
|
2b249-eo |
Bláthola aitil |
Comhdhéanamh an bhreiseáin Bláthola ó chaora Juniperus communis L. Foirm leachtach Tréithriú na substainte gníomhaí Bláthola aitil Bláthola mar atá sainithe ag An Chomhairle Eorpach (1)a fhaightear ó chaora Juniperus communis L. trí ghaldriogadh agus comhdhlúthú breise comhábhar luaineach agus ansin iad a scaradh ón gcéim uiscí trí scinceáil. Uimhir CAS: 8002-68-4 Uimhir FEMA: 2604 Uimhir Chomhairle na hEorpa: 249 Sonraíochtaí α-Pinéin (pin-2(3)-éin): 25,45 % β-Pinéin (pin-2(10)-éin): 1,12 % Saibinéin (4(10)-túighéin): 4,20 % Mircéin: uasmhéid 3,22 % Modh anailíse (2) Maidir leis an marcóir fíticheimiceach pin-2(3)-éin sa bhreiseán beathaithe (bláthola aitil) a chinneadh: crómatagrafaíocht gháis cúpláilte le brath ianúcháin lasrach (GC-FID) (ISO 8897). |
Gach speiceas ainmhíoch |
— |
— |
— |
|
6.10.2034 |
||||||||||||||||||||||||||||||||||||||||||||||||||
|
Uimhir aitheantais an bhreiseáin |
Breiseán |
Comhdhéanamh, foirmle cheimiceach, tuairisc, modh anailíse. |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||||||||
|
mg de shubstaint ghníomhach/kg d’ábhar beatha iomlán ina bhfuil cion taise 12 % |
||||||||||||||||||
|
Catagóir: Breiseáin chéadfacha. Feidhmghrúpa: Comhdhúile blaistithe |
||||||||||||||||||
|
2b249-t |
Tintiúr aitil |
Comhdhéanamh an bhreiseáin Tintiúr ó chaora Juniperus communis L. Foirm leachtach Tréithriú na substainte gníomhaí Tintiúr aitil Tintiúr mar atá sainithe ag An Chomhairle Eorpach (3)a fhaightear ó chaora Juniperus communis L. trí eastóscadh le meascán tuaslagóra uisce/eatánóil, fáscadh agus scagadh. Uimhir Chomhairle na hEorpa: 249 Sonraíochtaí Ábhar tirim: uasmhéid 1,5 % Tainniní (mar phireagallól): uasmhéid 0,02 % α-Pinéin: uasmhéid 0,0064 % Modh anailíse (4) Maidir leis an marcóir fíticheimiceach tainniní sa bhreiseán beathaithe (bláthola aitil) a chinneadh: speictreafótaiméadracht (Pharmacopoeia Eorpach 20814). |
Gach speiceas ainmhíoch |
— |
— |
— |
|
6.10.2034 |
||||||||||
(1) Natural sources of flavourings - Report No. 2 [Foinsí nádúrtha blastán - Tuarascáil Uimh. 2] (2007).
(2) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga.
(3) Natural sources of flavourings - Report No. 2 [Foinsí nádúrtha blastán - Tuarascáil Uimh. 2] (2007).
(4) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga.
ELI: http://data.europa.eu/eli/reg_impl/2024/2414/oj
ISSN 1977-0839 (electronic edition)