(1)

An 10 Samhain 2008, ghlac an Chomhairle Gníomhaíocht Chomhpháirteach 2008/851/CBES, lena ndéantar foráil maidir le hoibríocht mhíleata de chuid an Aontais Eorpaigh chun rannchuidiú leis an tslándáil mhuirí san Aigéan Indiach Thiar agus sa Mhuir Rua (EUNAVFOR ATALANTA).

(2)

De bhun Airteagal 6(1) de Ghníomhaíocht Chomhpháirteach 2008/851/CBES, d’údaraigh an Chomhairle an Coiste Polaitiúil agus Slándála na cinntí a dhéanamh a bhaineann le Ceannasaí Fórsa an Aontais Eorpaigh a cheapadh le haghaidh EUNAVFOR ATALANTA (‘Ceannasaí Fórsa an Aontais Eorpaigh’).

(3)

An 10 Meitheamh 2025, ghlac an Coiste Polaitiúil agus Slándála Cinneadh (CBES) 2025/1173 (2), lena gceaptar an Seachaimiréal Francisco Javier Vázquez Sanz mar Cheannasaí Fórsa an Aontais Eorpaigh.

(4)

An 14 Deireadh Fómhair 2025, mhol údaráis mhíleata na Portaingéile go gceapfaí an Ceannasóir João Pedro MONTEIRO DA SILVA le teacht i gcomharbas ar an Seachaimiréal Francisco Javier Vázquez Sanz mar Cheannasaí Fórsa an Aontais Eorpaigh ón 7 Samhain 2025 (‘an ceapachán beartaithe’).

(5)

An 16 Deireadh Fómhair 2025, thacaigh Ceannasaí Oibríochta an Aontais Eorpaigh le haghaidh EUNAVFOR ATALANTA leis an gceapachán beartaithe.

(6)

An 20 Deireadh Fómhair 2025, thacaigh Coiste Míleata an Aontais Eorpaigh leis an gceapachán beartaithe agus d’aontaigh sé go gceapfaí an Ceannasóir João Pedro MONTEIRO DA SILVA mar Cheannasaí Fórsa an Aontais Eorpaigh.

(7)

Ba cheart cinneadh a dhéanamh maidir leis an gCeannasóir João Pedro MONTEIRO DA SILVA a cheapadh mar Cheannasaí Fórsa an Aontais Eorpaigh.

(8)

Ba cheart, dá bhrí sin, Cinneadh (CBES) 2025/1173 a aisghairm,