Laistigh de 2 mhí ó dháta an fhoilsithe seo, féadfaidh údaráis Bhallstáit nó tríú tír, nó duine nádúrtha nó dlítheanach a bhfuil leas dlisteanach aige, agóid a thaisceadh leis an gCoimisiún, i gcomhréir le hAirteagal 22(1) agus Airteagal 27(1) de Rialachán Cur Chun Feidhme(AE) 2019/34 ón gCoimisiún (1).

IARRATAS AR MHODHNÚ A BHAINEANN LEIS AN TÉARMA TRAIDISIÚNTA

‘Federweisser’

Dáta fála: 24.1.2025

An líon leathanach (an leathanach seo san áireamh) 3.

Teanga ina n-iarrtar an modhnú: Gearmáinis

Uimhir an chomhaid: Ares(2025)601034

An téarma traidisiúnta a n-iarrtar an modhnú ina leith: Federweisser

Ainm an duine dhlítheanaigh nó nádúrtha atá ag iarraidh an mhodhnaithe: An Aireacht Chónaidhme Bia agus Talmhaíochta

Seoladh iomlán (uimhir agus ainm sráide, baile/cathair agus cód poist, tír): Rochusstraße 1, 53123 Bonn, an Ghearmáin

Náisiúntacht:

Teileafón, facs, ríomhphost: Teil.: +49 228995293622, +49 228995294262 Ríomhphost: 414@bmel.bund.de

Tuairisc ar an modhnú

1.

Ba cheart litriú breise a bheith san ainm a éilíonn cosaint mar théarma traidisiúnta: mar atá anois: ‘Téarma traidisiúnta: Federweisser’ mar a bheidh: ‘Téarma traidisiúnta: Federweisser / Federweißer’.

2.

Ba cheart na hainmniúcháin tionscnaimh faoi chosaint nó na tásca geografacha faoi chosaint lena mbaineann a leathnú: mar atá anois: ‘Sonraíocht cháilíochta: — Fíon ag a bhfuil tásc geografach faoi chosaint (TGFC)’ mar a bheidh: ‘Sonraíocht cháilíochta: — Fíon ag a bhfuil ainmniúchán tionscnaimh faoi chosaint (ATFC) — Fíon ag a bhfuil tásc geografach faoi chosaint (TGFC)’.

3.

Ba cheart an chatagóir táirge fíniúna lena mbaineann a athrú: mar atá anois: ‘an chatagóir nó na catagóirí táirge fíniúna lena mbaineann: — fíon’ mar a bheidh: ‘an chatagóir nó na catagóirí táirge fíniúna lena mbaineann: — ‘úrfhíon fíonchaor leathchoipthe’.

4.

Ba cheart an achoimre ar an sainmhíniú agus ar na coinníollacha úsáide a athrú: mar atá anois: ‘Achoimre ar shainmhíniú/coinníoll úsáide:   Úrfhíon fíonchaor leathchoipthe ag a bhfuil tásc geografach ón nGearmáin nó úrfhíon fíonchaor leathchoipthe ó Stáit eile de chuid an Aontais; tásca geografacha a thógtar ón gcrios fíonsaothrúcháin “vin de pays”; “Federweißer”: san ainmniúchán is coitianta d’úrfhíon fíonchaor leathchoipthe i bhfianaise éagsúlacht réigiúnach na n-ainmniúchán.’ mar a bheidh: ‘Úrfhíon fíonchaor leathchoipthe ó úrfhíon fíonchaor úr ag a bhfuil tásc geografach faoi chosaint nó ainmniúchán tionscnaimh faoi chosaint ó Bhallstát, ar úrfhíon é atá beartaithe lena thomhailt go díreach.’

Míniú ar fhoras an mhodhnaithe

Maidir le: 1: Fágfaidh an t-athrú sin go gcuirfear an dá litriú a fhaightear go coitianta sa Ghearmáin san áireamh.

Maidir le: 2: Faoin dlí náisiúnta, níl úsáid an téarma teoranta d’fhíon ag a bhfuil tásc geografach faoi chosaint. Níor léiríodh é sin roimhe seo i ndlí an Aontais agus ba cheart, dá bhrí sin, é a shoiléiriú.

Maidir le: 3: Faoin dlí náisiúnta, ní fhéadfar an téarma ‘Federweisser/Federweißer’ a úsáid ach amháin le haghaidh táirge faoin gcatagóir táirge fíniúna ‘úrfhíon fíonchaor leathchoipthe’ dá bhforáiltear faoi phointe 11 de Chuid II d’Iarscríbhinn VII a ghabhann le Rialachán (AE) Uimh. 1308/2013. Ar an gcúis sin, ba cheart dá bhrí sin an chatagóir táirge fíniúna ‘fíon’ atá ann faoi láthair dá bhforáiltear faoi phointe 1 de Chuid II d’Iarscríbhinn VII a ghabhann le Rialachán (AE) Uimh. 1308/2013 a ionadú.

Maidir le: 4: Cuirtear san áireamh san athrú sin leasuithe a rinneadh ar an dlí náisiúnta agus na coinníollacha is infheidhme anois maidir le húsáid an téarma.

Ainm an duine a bhfuil a ainm anseo thíos:

Síniú:

---

(1)  Rialachán Cur Chun Feidhme (AE) 2019/34 ón gCoimisiún an 17 Deireadh Fómhair 2018 lena leagtar síos rialacha maidir le cur i bhfeidhm Rialachán (AE) Uimh. 1308/2013 ó Pharlaimint na hEorpa agus ón gComhairle a mhéid a bhaineann le hiarratais ar chosaint ainmniúchán tionscnaimh, tásc geografach agus téarmaí traidisiúnta in earnáil an fhíona, an nós imeachta agóide, leasuithe ar shonraíochtaí táirge, clár na n-ainmneacha faoi chosaint, cealú cosanta agus úsáid siombailí, agus Rialachán (AE) Uimh. 1306/2013 ó Pharlaimint na hEorpa agus ón gComhairle a mhéid a bhaineann le córas iomchuí seiceálacha (IO L 9, 11.1.2019, lch. 46, ELI: http://data.europa.eu/eli/reg_impl/2019/34/oj).