1.   Ní dochar an fógra faoi dhifríochtaí a leagtar amach san Airteagal seo d’fhógraí eile arna gcur isteach de bhun Airteagal 38 de Choinbhinsiún Chicago i ndáil leis na forálacha d’Iarscríbhinn 16, Imleabhar IV, a ghabhann le Coinbhinsiún Chicago.

2.   Difríocht i dtaca le pointe 4.3.1 de Chaibidil 4 den Dara hEagrán ‘Aonaid Astaíochtaí’, leis na sonraí difríochta seo a leanas:

‘Tugann [an Ballstát] fógra do ICAO go n-áirithítear comhlíonadh na gceanglas fritháirimh a eascraíonn as astaíochtaí ó eitiltí arna n-oibriú ag oibreoirí atá bunaithe i/sa [an Ballstát], laistigh den Limistéar Eorpach Eacnamaíoch (LEE) nó ó eitiltí a oibrítear ó LEE chuig an Eilvéis nó an Ríocht Aontaithe agus ó eitiltí amach, i gcomhréir le Treoir 2003/87/CE ó Pharlaimint na hEorpa agus ón gComhairle  (1) , trí lamháltais a thabhairt suas faoi scéim réigiúnach CTA AE a bhfuil feidhm acu freisin maidir leis na heitiltí sin.

Le rannpháirtíocht sna scéimeanna réigiúnacha, cuirtear d’oibleagáid ar oibreoirí as [an Ballstát] aghaidh a thabhairt ar na hastaíochtaí sin.

Dá bhrí sin, déantar comhlíonadh na gceanglas fritháirimh ag céim um chur ar ceal aonad, a shonraítear i gCaibidil 4 d’Iarscríbhinn 16, Imleabhar IV, a ghabhann le Coinbhinsiún Chicago. Meastar go mbeidh ceanglais fritháirimh CORSIA comhlíonta ag oibreoirí arna riar ag [an Ballstát] ach a mbeidh Tuarascáil fíoraithe um chur ar ceal aonad astaíochtaí curtha isteach acu. Léireofar sa tuarascáil sin cealú leibhéal leordhóthanach aonad CORSIA, cé is moite d’eitiltí idir Stáit LEE agus eitiltí idir Stáit LEE agus an Ríocht Aontaithe nó an Eilvéis.

(1)  Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear córas maidir le trádáil lamháltas astaíochtaí gás ceaptha teasa laistigh den Aontas agus lena leasaítear Treoir 96/61/CE ón gComhairle (IO AE L 275, 25.10.2003, lch. 32, ELI: http://data.europa.eu/eli/dir/2003/87/oj).’ "

Déanfar an difríocht sin a lipéadú mar dhifríocht Chatagóir A, ‘Níos beaichte nó ag dul níos faide ná Caighdeán nó Cleachtas Molta ICAO’ agus mar ‘Dhifríocht Shuntasach’ sa Chóras um Chomhdú Leictreonach na nDifríochtaí.

3.   Difríocht i dtaca le pointe 4.2.1 de Chaibidil 4 den Dara hEagrán, ‘Aonaid Astaíochtaí’, leis na sonraí difríochta seo a leanas:

‘I gcomhréir le hAirteagal 11a de Threoir 2003/87/CE, tugann [Ballstát] fógra do ICAO nach mór, sa bhreis ar na critéir a áirítear i ndoiciméad ICAO dar teideal “CORSIA Emissions Unit Eligibility Criteria” [Critéir Incháilitheachta Aonad Astaíochtaí CORSIA], na coinníollacha seo a leanas a chomhlíonadh chun go measfar aonaid a bheith incháilithe chun CORSIA a chomhlíonadh i gcás oibreoirí arna riar ag [Ballstát]:

Déanfar an difríocht sin a lipéadú mar dhifríocht Chatagóir A, ‘Níos beaichte nó ag dul níos faide ná Caighdeán nó Cleachtas Molta ICAO’ agus mar ‘Dhifríocht Shuntasach’ sa Chóras um Chomhdú Leictreonach na nDifríochtaí.

4.   Difríocht i dtaca le pointe 2.1.1 de Chaibidil 2 den Dara hEagrán, ‘Faireachán, Tuairisciú agus Fíorú (MRV) astaíochtaí bliantúla CO2 Oibreoirí Eitleán’, leis na sonraí difríochta seo a leanas:

‘I gcomhréir le hIarscríbhinn I a ghabhann le Treoir 2003/87/CE, tugann [an Ballstát] fógra do ICAO nach mbeidh feidhm, i dteannta na ndíolúintí a leagtar amach i bpointí 2.1.1 agus 2.1.3 d’Iarscríbhinn 16, Imleabhar IV, a ghabhann le Coinbhinsiún Chicago, ag na Caighdeáin ná na Cleachtais Mholta sa Chaibidil seo maidir leis na heitiltí seo a leanas a imíonn ó LEE nó a thagann isteach ann:

(2)  Rialachán (CE) Uimh. 1008/2008 ó Pharlaimint na hEorpa agus ón gComhairle an 24 Meán Fómhair 2008 maidir le rialacha comhchoiteanna le haghaidh oibriú aersheirbhísí sa Chomhphobal (IO AE L 293, 31.10.2008, lch. 3, ELI: http://data.europa.eu/eli/reg/2008/1008/oj).’ "

Déanfar an difríocht sin a lipéadú mar dhifríocht Chatagóir C, ‘Curtha chun feidhme go páirteach’ agus ní mar ‘Dhifríocht Shuntasach’ sa Chóras um Chomhdú Leictreonach na nDifríochtaí.

5.   Difríocht i dtaca le pointí 2.2.1.3.1, 2.2.1.3.2 agus 2.2.1.3.6 de Chaibidil 2 den Dara hEagrán, ‘Faireachán, Tuairisciú agus Fíorú (MRV) astaíochtaí bliantúla CO2 Oibreoirí Eitleán’, leis na sonraí difríochta seo a leanas:

‘I gcomhréir le hAirteagal 55(1) de Rialachán Cur Chun Feidhme (AE) 2018/2066 ón gCoimisiún  (2) , measfar gur astaírí beaga iad oibreoirí aerárthaí a oibríonn níos lú ná 243 eitilt in aghaidh na tréimhse ar feadh trí thréimhse ceithre mhí as a chéile agus oibreoirí aerárthaí a oibríonn eitiltí ar lú a n-astaíochtaí bliantúla iomlána ná 25 000 tona CO2 in aghaidh na bliana. Tugann [Ballstát] fógra do ICAO go n-úsáidfidh oibreoirí aerárthaí atá os cionn thairseach na n-astaírí beaga Modh A nó Modh B mar Mhodh Faireacháin ar Úsáid Breosla.’

(2)  Rialachán Cur Chun Feidhme (AE) 2018/2066 ón gCoimisiún an 19 Nollaig 2018 maidir le faireachán agus tuairisciú a dhéanamh ar astaíochtaí gás ceaptha teasa de bhun Threoir 2003/87/CE ó Pharlaimint na hEorpa agus ón gComhairle agus lena leasaítear Rialachán (AE) Uimh. 601/2012 ón gCoimisiún (IO AE L 334, 31.12.2018, lch. 1, ELI: http://data.europa.eu/eli/reg_impl/2018/2066/oj).’ "

‘I gcomhréir le Rialachán Cur Chun Feidhme (AE) 2018/2066, tugann [Ballstát] fógra do ICAO go n-úsáidfidh oibreoirí aerárthaí an modh Faireacháin ar Úsáid Breosla roghnaithe le haghaidh a n-eitiltí tuairiscithe uile, lena n-áirítear le haghaidh eitiltí idirnáisiúnta nach bhfuil faoi réir ceanglais fritháirimh.’

‘I gcomhréir le Treoir 2003/87/CE, tugann [Ballstát] fógra do ICAO, maidir le hoibreoirí aerárthaí a chomhlíonann ceanglais phointí 2.1.1 agus 2.1.3 d’Iarscríbhinn 16, Imleabhar IV, a ghabhann le Coinbhinsiún Chicago, tar éis an 1 Eanáir 2021 den chéad uair gan cáiliú mar iontrálaí nua agus nach astaírí beaga iad, go n-úsáidfidh siad Modh Faireacháin ar Úsáid Breosla go díreach.’

Déanfar an difríocht sin a lipéadú mar dhifríocht Chatagóir A, ‘Níos beaichte nó ag dul níos faide ná Caighdeán nó Cleachtas Molta ICAO’ agus ní mar ‘Dhifríocht Shuntasach’ sa Chóras um Chomhdú Leictreonach na nDifríochtaí.

6.   Comhdóidh gach Ballstát na difríochtaí san Airteagal seo tráth nach déanaí ná 2 mhí tar éis theacht i bhfeidhm an Chinnidh seo agus cuirfidh siad an Coimisiún ar an eolas dá réir sin.