<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.7-->
  <head>
    <title>2022-03-202203C101202002750-00-TRA-DOC-MT-CONCL-C-0275-20-202109475-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="29/03/2022 15:18:14" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="gWjSqjqb7dE7Zl/wO2TjsAYqP/Jino0ZHNEZ+x9os+iFVzRTWJNCkPujn/hi947pD7VH07upGeOXPPhxtf8nrn7C9Cq3vucolsg0KxPvT/K5IZkF21tNsYiQzZcxwEG2LR+xjhAJyUqb8CNgc1Jkmvf9chsDmZIc7cKvph1fQ+I=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="vellaka" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0275" name="NumeroOrdre"/>
    <meta content="2020" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="vellaka" name="Gendoc_DGTGeneratedUser"/>
    <meta content="FAST_document_go_green" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 19/10/2021 14:11:26" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="56bf8d8eb4ff4fc5b9536eacff1fd792" name="DocumentIdentifier"/>
    <meta content="0275" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RD" name="NatureAff"/>
    <meta content="RD" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Konklużjonijiet Richard de la Tour – Kawża C‑275/20</div>
      <div id="rId22" style="default">Il‑Kummissjoni vs Il‑Kunsill (Ftehim mar-Repubblika tal-Korea)</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      RICHARD DE LA TOUR
    </p>
    <p class="C36Centre" id="para-3" title="page-1">
      ippreżentati fit‑28 ta’ Ottubru 2021  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑275/20
    </p>
    <p class="C37Centregras" id="para-5" title="page-1">
      Il‑Kummissjoni Ewropea
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Il‑Kunsill tal-Unjoni Ewropea
    </p>
    <p class="C71Indicateur" id="para-8" title="page-1">
      “Rikors għal annullament – Deċiżjoni (UE) 2020/470 – Estensjoni tal-perijodu tad-dritt għal koproduzzjonijiet awdjoviżivi kif previst fl-Artikolu 5 tal-Protokoll dwar il-Kooperazzjoni Kulturali għall-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, minn naħa waħda, u r-Repubblika tal-Korea, min-naħa l-oħra – Bażi legali proċedurali – Artikolu 218(7) TFUE – Proċedura u regola ta’ vot applikabbli”
    </p>
    <p class="C02AlineaAltA" id="para-9" title="page-1">
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Permezz tar-rikors tagħha, il‑Kummissjoni Ewropea titlob l-annullament tad-Deċiżjoni tal‑Kunsill (UE) 2020/470 tal‑25 ta’ Marzu 2020 dwar l-estensjoni tal-perjodu tad-dritt għal koproduzzjonijiet awdjoviżivi kif previst fl-Artikolu 5 tal-Protokoll dwar il-Kooperazzjoni Kulturali għall-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, minn naħa waħda, u r-Repubblika tal-Korea, min-naħa l-oħra  (<span class="note footnote notemarker">
<a id="c-2" href="#t-2">2</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Dan il-protokoll stabbilixxa qafas li fih il-Partijiet għandhom jikkooperaw bil-għan li jiffaċilitaw skambji ta’ attivitajiet, ta’ oġġetti u ta’ servizzi kulturali, b’mod partikolari fis-settur awdjoviżiv, kif ukoll li jtejbu l-kundizzjonijiet li jirregolaw dawn l-iskambji. Fl-imsemmi protokoll, il-Partijiet aċċettaw li jagħtu lill-koproduzzjonijiet awdjoviżivi bejn produtturi mill-Unjoni u mir-Repubblika tal-Korea d-dritt li jibbenefikaw mill-iskemi rispettivi tagħhom għall-promozzjoni tal-kontenut kulturali reġjonali jew lokali. Dan id-dritt huwa suġġett għal tiġdid kull tliet snin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Fuq il-livell tal-Unjoni, il‑Kummissjoni ġiet awtorizzata mill‑Kunsill tal-Unjoni Ewropea sabiex tittermina d-dritt inkwistjoni qabel kull skadenza jew għall-kuntrarju tipproponi t-tiġdid tiegħu. Din il-kawża ser twassal lill-Qorti tal-Ġustizzja sabiex tispeċifika jekk din l-awtorizzazzjoni taqax fil-kamp ta’ applikazzjoni tal-Artikolu 218(7) TFUE u, fl-affermattiv, jekk il-kundizzjonijiet għall-eżerċizzju tagħha humiex konformi ma’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Il-Protokoll dwar il-Kooperazzjoni Kulturali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Il-Protokoll dwar il-Kooperazzjoni Kulturali  (<span class="note footnote notemarker">
<a id="c-3" href="#t-3">3</a>
</span>), anness mal-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra  (<span class="note footnote notemarker">
<a id="c-4" href="#t-4">4</a>
</span>), jipprevedi, fl-Artikolu 5 tiegħu, intitolat “Produzzjonijiet Awdjoviżivi Konġunti”, id-dritt, għall-koproduzzjonijiet awdjoviżivi, li jibbenefikaw mill-iskemi rispettivi għall-promozzjoni tal-kontenut kulturali reġjonali jew lokali (iktar ’il quddiem id-“dritt inkwistjoni”). Dan huwa fformulat kif ġej:</p>
</td>
</tr>
</table>
    <p class="C02AlineaAltA" id="para-17" title="page-3">
      “[…]
    </p>
    <p class="C02AlineaAltA" id="para-18" title="page-4">
      3. Il-Partijiet, f’konformità mal-leġiżlazzjoni rispettiva tagħhom, għandhom jiffaċilitaw il-produzzjonijiet konġunti bejn produtturi mill-Parti tal-UE u l-Korea, fosthom permezz tad-dritt li l-produzzjonijiet konġunti jibbenefikaw mill-iskemi rispettivi għall-promozzjoni ta’ kontenut kulturali lokali/reġjonali.
    </p>
    <p class="C02AlineaAltA" id="para-19" title="page-4">
      […]
    </p>
    <p class="C29Marge0doubleretrait" id="para-20" title="page-4">
      8. (a) Id-dritt għall-produzzjonijiet konġunti li jibbenefikaw mill-iskemi rispettivi għall-promozzjoni tal-kontenut kulturali lokali/reġjonali msemmi fil-paragrafi 4 u 5 huwa stabbilit għal perjodu ta’ tliet snin wara l-applikazzjoni ta’ dan il-Protokoll. Fuq parir mill-Gruppi Konsultattivi Domestiċi, sitt xhur qabel l-iskadenza, il-Kumitat dwar il-Kooperazzjoni Kulturali għandu jikkoordina sabiex jevalwa r-riżultati tal-implimentazzjoni tad-dritt f’termini tat-tkabbir tad-diversità kulturali u l-kooperazzjoni ta’ benefiċċju reċiproku fuq xogħlijiet bi produzzjoni konġunta.
    </p>
    <p class="C11Marge1avecretrait" id="para-21" title="page-4">
      (b) Id-dritt għandu jiġġedded għal perjodu ta’ tliet snin u wara jiġġedded awtomatikament għal perjodi oħra suċċessivi tal-istess tul, sakemm Parti ma ttemmx id-dritt billi tagħti avviż bil-miktub mill-anqas tliet xhur qabel l-iskadenza tal-perjodu inizjali jew ta’ kwalunkwe perjodu suċċessiv. Sitt xhur qabel l-iskadenza ta’ kull perjodu mġedded, il-Kumitat dwar il-Kooperazzjoni Kulturali għandu jwettaq evalwazzjoni fuq termini simili kif deskritt fis-subparagrafu (a).
    </p>
    <p class="C02AlineaAltA" id="para-22" title="page-4">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Id-Deċiżjoni 2011/265/UE</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Il-premessa 6 tad-Deċiżjoni tal-Kunsill 2011/265/UE tas‑16 ta’ Settembru 2010 dwar l-iffirmar, f’isem l-Unjoni Ewropea, u l-applikazzjoni provviżorja tal-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra  (<span class="note footnote notemarker">
<a id="c-5" href="#t-5">5</a>
</span>) tiddikjara:</p>
</td>
</tr>
</table>
    <p class="C09Marge0avecretrait" id="para-25" title="page-4">
      “(6) Skont l-Artikolu 218(7) tat-Trattat, huwa opportun li l-Kunsill jawtorizza lill-Kummissjoni biex tapprova ċerti modifiki limitati għall-Ftehim [mar-Repubblika tal-Korea]. Il-Kummissjoni għandha tkun awtorizzata ttemm l-intitolament tal-koproduzzjonijiet kif previst fl-Artikolu 5 tal-Protokoll dwar il-Kooperazzjoni Kulturali dment li l-Kummissjoni ma tiddeterminax li l-intitolament għandu jissokta u dan jiġi approvat mill-Kunsill skont proċedura speċifika meħtieġa kemm minħabba n-natura sensittiva ta’ dan l-element tal-Ftehim kif ukoll għall-fatt li l-Ftehim ser jiġi konkluż mill-Unjoni u mill-Istati Membri tagħha […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 4(1) ta’ din id-deċiżjoni jipprovdi:</p>
</td>
</tr>
</table>
    <p class="C02AlineaAltA" id="para-27" title="page-5">
      “Il-Kummissjoni għandha tgħarraf lill-Korea bil-ħsieb tal-Unjoni li ma testendix il-perijodu ta’ intitolament ta’ koproduzzjoni skont l-Artikolu 5 tal-Protokoll dwar il-Kooperazzjoni Kulturali skont il-proċedura stabbilita fl-Artikolu 5(8) tiegħu dment li, fuq proposta mill-Kummissjoni, il-Kunsill, erba’ xhur qabel tmiem dan il-perijodu ta’ intitolament, ma jaqbilx li jissokta bl-intitolament. Jekk il-Kunsill jaqbel li jissokta b’dan l-intitolament, din id-dispożizzjoni għandha terġa’ ssir applikabbli fi tmiem il-perijodu mġedded tal-intitolament. Għall-għan speċifiku biex jiddeċiedi dwar l-issoktar tal-perijodu ta’ intitolament, il-Kunsill għandu jaġixxi b’unanimità.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">C.</p>
</td>
<td valign="top">
<p class="normal">Id-Deċiżjoni ta’ Implimentazzjoni 2014/226/UE</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Permezz tad-Deċiżjoni ta’ Implimentazzjoni tal-Kunsill 2014/226/UE tal‑14 ta’ April 2014 dwar it-titwil tal-perijodu ta’ intitolament għall-koproduzzjonijiet awdjoviżivi kif previst fl-Artikolu 5 tal-Protokoll dwar il-Kooperazzjoni Kulturali anness mal-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra  (<span class="note footnote notemarker">
<a id="c-6" href="#t-6">6</a>
</span>), il-perijodu ta’ applikazzjoni tad-dritt għall-koproduzzjonijiet awdjoviżivi li jibbenefikaw mill-iskemi rispettivi tal-partijiet għall-promozzjoni tal-kontenut kulturali lokali u reġjonali skont l-Artikolu 5(4) sa (7) ta’ dan il-protokoll, ġie estiż għal perijodu ta’ tliet snin, mill‑1 ta’ Lulju 2014 sat‑30 ta’ Ġunju 2017.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">D.</p>
</td>
<td valign="top">
<p class="normal">Id-Deċiżjoni (UE) 2015/2169</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">Permezz tad-Deċiżjoni tal-Kunsill (UE) 2015/2169 tal‑1 ta’ Ottubru 2015 dwar il-konklużjoni ta’ Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra  (<span class="note footnote notemarker">
<a id="c-7" href="#t-7">7</a>
</span>), dan il-ftehim ġie approvat f’isem l-Unjoni. Il-premessa 6 ta’ din id-deċiżjoni hija fformulata bl-istess mod bħall-premessa 6 tad-Deċiżjoni 2011/265. Bl-istess mod, l-Artikolu 3(1) tad-Deċiżjoni 2015/2169 għandu kontenut simili huwa identiku għall-Artikolu 4(1) tad-Deċiżjoni 2011/265.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">E.</p>
</td>
<td valign="top">
<p class="normal">Id-Deċiżjoni (UE) 2017/1107</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">Permezz tad-Deċiżjoni tal-Kunsill (UE) 2017/1107 tat‑8 ta’ Ġunju 2017 fir-rigward tal-estensjoni tal-perijodu ta’ intitolament għall-koproduzzjonijiet awdjoviżivi kif previst fl-Artikolu 5 tal-Protokoll dwar il-Kooperazzjoni Kulturali anness mal-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra  (<span class="note footnote notemarker">
<a id="c-8" href="#t-8">8</a>
</span>), il-perijodu ta’ applikazzjoni tad-dritt għall-koproduzzjonijiet awdjoviżivi li jibbenefikaw mill-iskemi rispettivi tal-partijiet għall-promozzjoni tal-kontenut kulturali lokali u reġjonali skont l-Artikolu 5(4) sa (7) ta’ dan il-protokoll ġie estiż għal perijodu ta’ tliet snin, mill‑1 ta’ Lulju 2017 sat‑30 ta’ Ġunju 2020.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">F.</p>
</td>
<td valign="top">
<p class="normal">Id-deċiżjoni kkontestata</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">Id-deċiżjoni kkontestata, li ġiet adottata abbażi tal-Artikolu 3(1) tad-Deċiżjoni 2015/2169, tipprovdi li l-perijodu ta’ applikazzjoni tad-dritt għall-koproduzzjonijiet awdjoviżivi li jibbenefikaw mill-iskemi rispettivi tal-partijiet għall-promozzjoni tal-kontenut kulturali reġjonali jew lokali skont l-Artikolu 5(4) sa (7) tal-Protokoll dwar il-Kooperazzjoni Kulturali għandu jiġi estiż għal perijodu ta’ tliet snin, mill‑1 ta’ Lulju 2020 sat‑30 ta’ Ġunju 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">It-talbiet tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Il-Kummissjoni titlob lill-Qorti tal-Ġustizzja tannulla d-deċiżjoni kkontestata u tikkundanna lill-Kunsill għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Il-Kunsill jitlob li r-rikors jiġi miċħud u li l-Kummissjoni tiġi kkundannata għall-ispejjeż. Sussidjarjament, fil-każ li d-deċiżjoni kkontestata tiġi annullata, huwa jitlob lill-Qorti tal-Ġustizzja żżomm l-effetti tagħha sakemm il-motivi ta’ annullament jiġu rrimedjati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Permezz ta’ deċiżjonijiet tal-President tal-Qorti tal-Ġustizzja tas‑7 ta’ Diċembru 2020, ir-Repubblika Franċiża u r-Renju tal-Pajjiżi l-Baxxi ġew awtorizzati jintervjenu insostenn tat-talbiet tal-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Sunt tal-motivi u tal-argumenti tal-partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Insostenn tar-rikors għal annullament tagħha, il-Kummissjoni tqajjem motiv uniku, ibbażat fuq l-allegazzjoni li l-użu, bħala bażi legali, tal-Artikolu 3(1) tad-Deċiżjoni 2015/2169 sabiex fuqu tiġi bbażata d-deċiżjoni kkontestata jmur kontra t-Trattat u l-ġurisprudenza tal-Qorti tal-Ġustizzja u, għaldaqstant, huwa illegali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Hija tesponi li din id-dispożizzjoni tad-Deċiżjoni 2015/2169 kienet tinsab fil-Proposta għal deċiżjoni tal-Kunsill li tikkonkludi Ftehim ta’ Kummerċ Ħieles bejn l-Unjoni Ewropea u l-Istati Membri tagħha u r-Repubblika tal-Korea, li hija ppreżentat fid‑9 ta’ April 2010  (<span class="note footnote notemarker">
<a id="c-9" href="#t-9">9</a>
</span>), iżda li, fid-dawl tal-iżvilupp tal-ġurisprudenza tal-Qorti tal-Ġustizzja wara d-dħul fis-seħħ tat-Trattat ta’ Lisbona, jidher li l-proposta li hija kienet obbligata tippreżenta sabiex tikseb l-approvazzjoni tal-Kunsill għall-finijiet li jiġi konkluż dan il-ftehim ma hijiex konformi mat-Trattati, u għal din ir-raġuni hija sistematikament irrifjutat li tibbaża ruħha fuq l-imsemmija dispożizzjoni mis-sena 2015 ’il quddiem. Minkejja l-oppożizzjoni espliċita tagħha, l-istess dispożizzjoni, li teħtieġ l-unanimità mingħajr il-parteċipazzjoni tal-Parlament Ewropew, ġiet applikata mill-Kunsill fl-adozzjoni kemm tad-Deċiżjoni 2017/1107 kif ukoll tad-deċiżjoni kkontestata, li għalihom il-proposta tagħha għal deċiżjoni kienet ibbażata fuq l-Artikolu 167(3) TFUE, flimkien mal-Artikolu 218(6)(a)(v) TFUE, li jipprevedi, flimkien mal-ewwel subparagrafu tal-Artikolu 218(8) TFUE, vot bil-maġġoranza kkwalifikata tal-Kunsill, wara l-approvazzjoni tal-Parlament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Il-Kummissjoni ssostni li dawn id-dispożizzjonijiet tal-aħħar kienu applikabbli, għaliex id-deċiżjoni kkontestata tirrigwarda l-estensjoni ratione temporis tal-applikazzjoni ta’ parti minn ftehim internazzjonali. L-Artikolu 3(1) tad-Deċiżjoni 2015/2169 jikkostitwixxi bażi legali sekondarja, li l-użu tagħha jmur kontra l-prinċipju ta’ attribuzzjoni tal-kompetenzi stabbilit fl-Artikolu 13(2) TUE kif ukoll kontra l-prinċipju ta’ ekwilibriju istituzzjonali u, konsegwentement, kontra t-Trattat kif interpretat mill-Qorti tal-Ġustizzja  (<span class="note footnote notemarker">
<a id="c-10" href="#t-10">10</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Barra minn hekk, l-użu ta’ bażi legali sekondarja li timponi l-unanimità fi ħdan il-Kunsill huwa illegali fid-dawl tal-ġurisprudenza tal-Qorti tal-Ġustizzja  (<span class="note footnote notemarker">
<a id="c-11" href="#t-11">11</a>
</span>). Ikun barra minn hekk inkoerenti li tintalab l-unanimità fil-Kunsill għat-tiġdid tad-dritt inkwistjoni, meta l-istabbiliment ta’ dan tal-aħħar ġie deċiż bil-maġġoranza kkwalifikata u meta l-Unjoni aċċettat, bis-saħħa tad-dritt internazzjonali, li dan bħala prinċipju jiġġedded awtomatikament. L-applikazzjoni ta’ regola interna iktar stretta u r-rekwiżit li l-Kunsill għandu jaċċetta t-tiġdid ta’ dan id-dritt imorru kontra l-għan tat-tiġdid awtomatiku miftiehem mill-Partijiet fil-Protokoll dwar il-Kooperazzjoni Kulturali u, għaldaqstant, imorru kontra l-ġurisprudenza dwar is-supremazija tal-ftehimiet internazzjonali fuq id-dritt sekondarju tal-Unjoni  (<span class="note footnote notemarker">
<a id="c-12" href="#t-12">12</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Il-Kunsill, sostnut mir-Repubblika Franċiża u mir-Renju tal-Pajjiżi l-Baxxi, iqis li, meta adotta d-deċiżjoni kkontestata, huwa aġixxa fil-limiti tal-kompetenzi tiegħu, f’konformità mal-proċedura prevista fit-Trattati, u osserva l-prinċipju ta’ ekwilibriju istituzzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Huwa jfakkar li l-Kummissjoni ppreżentat proposta għal deċiżjoni tal-Kunsill li tawtorizza l-firma u l-applikazzjoni provviżorja tal-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, minn naħa waħda, u r-Repubblika tal-Korea, min-naħa l-oħra  (<span class="note footnote notemarker">
<a id="c-13" href="#t-13">13</a>
</span>), li l-Protokoll dwar il-Kooperazzjoni Kulturali jagħmel parti minnu, kif ukoll proposta għal deċiżjoni tal-Kunsill dwar il-konklużjoni ta’ dan il-ftehim  (<span class="note footnote notemarker">
<a id="c-14" href="#t-14">14</a>
</span>). F’dawn iż-żewġ proposti, il-Kummissjoni ppreżentat il-proċedura applikabbli għall-proċess deċiżjonali intern tal-Unjoni għall-finijiet tal-estensjoni jew tat-tħassir tad-dritt inkwistjoni fi tmiem kull perijodu ta’ tliet snin, filwaqt li din il-proċedura ġiet sussegwentement adottata fil-kuntest tad-Deċiżjoni 2015/2169. Il-Kummissjoni tat ukoll spjegazzjonijiet dwar il-bażi legali tal-imsemmija proċedura, jiġifieri l-Artikolu 218(7) TFUE, fil-premessa 6 ta’ kull waħda miż-żewġ proposti li ġew adottati mill-Kunsill mingħajr emenda. Il-Parlament ta l-approvazzjoni tiegħu għad-deċiżjoni tal-Kunsill dwar il-konklużjoni tal-imsemmi ftehim permezz ta’ riżoluzzjoni leġiżlattiva tas‑17 ta’ Frar 2011  (<span class="note footnote notemarker">
<a id="c-15" href="#t-15">15</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Il-Kunsill josserva li l-Kummissjoni, li ma tispjegax ir-raġuni li għaliha kienet “ħasset ruħha obbligata” li tagħmel proposta li kienet opposta għaliha, qatt ma ppreżentat lill-Kunsill proposta intiża li temenda l-proċedura prevista fl-Artikolu 3(1) tad-Deċiżjoni 2015/2169 u, meta l-aħħar perijodu ta’ estensjoni kien ser jiskadi fit‑30 ta’ Ġunju 2020, naqset milli tippreżenta proposta għal estensjoni ġdida tad-dritt inkwistjoni. Il-Kunsill, wara li talab lill-Kummissjoni tavża lir-Repubblika tal-Korea bit-tħassir ta’ dan id-dritt jew tippreżenta proposta għal deċiżjoni tal-Kunsill għall-finijiet tal-estensjoni tiegħu għal perijodu ġdid ta’ tliet snin, adotta d-deċiżjoni kkontestata abbażi ta’ proposta tal-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Il-Kunsill isostni, fl-ewwel lok, li huwa ma bbażax ruħu fuq bażi legali sekondarja meta adotta d-deċiżjoni kkontestata, li l-proċedura li applika hija bbażata fuq l-Artikolu 218(7) TFUE u li din il-proċedura hija kompatibbli ma’ din id-dispożizzjoni. Ir-riferiment espliċitu għall-Artikolu 218(7) TFUE li jinsab fil-premessa 6 tad-Deċiżjoni 2015/2169 jindika b’mod ċar ħafna li l-Artikolu 3(1) ta’ din id-deċiżjoni huwa bbażat fuq din id-dispożizzjoni, li tippermetti lill-Kunsill jidderoga mill-Artikolu 218(5), (6) u (9) TFUE meta l-ftehim konkluż mill-Unjoni jipprevedi proċedura ta’ emenda ssemplifikata, bħal dik prevista fl-Artikolu 5(8) tal-Protokoll dwar il-Kooperazzjoni Kulturali. Dan ir-riferiment għall-Artikolu 218(7) TFUE jispjega wkoll il-proċedura stabbilita fl-Artikolu 3(1) tad-Deċiżjoni 2015/2169 għall-finijiet tal-applikazzjoni ta’ din id-dispożizzjoni ta’ dan il-protokoll.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Il-kundizzjonijiet għall-applikabbiltà tal-Artikolu 218(7) TFUE huma ssodisfatti, peress li, minn naħa, l-estensjoni tad-drittijiet tikkostitwixxi emenda ta’ parti speċifika u indipendenti mill-Ftehim mar-Repubblika tal-Korea, permezz ta’ proċedura ssemplifikata, billi l-Kummissjoni hija b’mod partikolari awtorizzata, fil-kwalità tagħha ta’ negozjatriċi, temenda d-dritt inkwistjoni permezz tat-tħassir tiegħu mal-iskadenza tal-perijodu ta’ tliet snin li jkun għaddej u tavża lir-Repubblika tal-Korea b’din id-deċiżjoni. Għaldaqstant, din il-proċedura timplimenta l-proċedura ta’ emenda ssemplifikata stabbilita fl-Artikolu 5(8) tal-Protokoll dwar il-Kooperazzjoni Kulturali. Min-naħa l-oħra, il-proċedura prevista fl-Artikolu 3(1) tad-Deċiżjoni 2015/2169 tissuġġetta għal kundizzjonijiet validi l-awtorizzazzjoni mogħtija lill-Kummissjoni f’dan il-kuntest. Għaldaqstant, huwa previst li, jekk il-Kummissjoni tiddeċiedi li d-dritt inkwistjoni għandu jiġi estiż għal perijodu ġdid ta’ tliet snin, hija għandha tippreżenta din id-deċiżjoni lill-Kunsill għall-approvazzjoni. Konsegwentement, din il-proċedura, li tikkostitwixxi l-bażi legali tad-deċiżjoni kkontestata, ġiet stabbilita konformement mal-awtorizzazzjoni prevista mit-Trattati u l-bażi legali ta’ din id-deċiżjoni ma hijiex bażi legali sekondarja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Fit-tieni lok, il-Kunsill josserva li l-Kummissjoni tikkontradiċi ruħha f’dak li jirrigwarda l-proċedura li hija tqis li hija applikabbli meta tafferma li l-approvazzjoni tal-Parlament hija meħtieġa taħt l-Artikolu 218(5) u (6) TFUE, filwaqt li tallega li ebda proċedura interna ma għandha tapplika, peress li l-Artikolu 5(8) tal-Protokoll dwar il-Kooperazzjoni Kulturali jipprevedi tiġdid awtomatiku tad-dritt inkwistjoni kull tliet snin u peress li din id-dispożizzjoni tad-dritt internazzjonali tipprevali fuq id-dritt sekondarju intern. Issa, ma hemmx kunflitt bejn l-Artikolu 5(8) ta’ dan il-protokoll u l-Artikolu 3(1) tad-Deċiżjoni 2015/2169, billi l-ewwel dispożizzjoni tistabbilixxi l-proċedura li għandha tiġi segwita bejn il-Partijiet fil-Ftehim mar-Repubblika tal-Korea, filwaqt li t-tieni dispożizzjoni tistabbilixxi l-proċedura deċiżjonali fi ħdan l-Unjoni għall-finijiet tal-applikazzjoni ta’ dan l-Artikolu 5(8) tal-imsemmi protokoll.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Fit-tielet lok, il-Kunsill iqis li l-argument tal-Kummissjoni dwar in-nuqqas ta’ osservanza tal-prinċipju ta’ ekwilibriju istituzzjonali u tal-prinċipju ta’ attribuzzjoni tal-kompetenzi ma huwiex iġġustifikat. Fil-fatt, il-Kummissjoni qatt ma kellha l-intenzjoni li tiżgura li tintalab l-approvazzjoni tal-Parlament, peress li ppreżentat il-proposta tagħha għal deċiżjoni tal-Kunsill inqas minn xahar qabel l-iskadenza tat-terminu sabiex in-nuqqas ta’ tiġdid tad-dritt inkwistjoni jiġi kkomunikat lir-Repubblika tal-Korea, meta ma kienx iktar materjalment possibbli li jintlaħaq ftehim fi ħdan il-Kunsill jew li tintalab l-approvazzjoni tal-Parlament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Fir-raba’ lok, il-Kunsill iqis li l-Kummissjoni twettaq żball meta tikkontesta r-rekwiżit ta’ unanimità fi ħdan il-Kunsill, meta hija stess ipproponiet din ir-regola ta’ vot u meta hija qatt ma pproponiet li jiġi emendat l-Artikolu 3(1) tad-Deċiżjoni 2015/2169. L-estensjoni tad-dritt inkwistjoni tikkostitwixxi deroga mir-regola ġenerali li d-dritt jitħassar fl-assenza ta’ deċiżjoni kuntrarja, ħaġa li tiġġustifika kundizzjonijiet iktar stretti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Sussidjarjament, il-Kunsill isostni li, kieku l-Qorti tal-Ġustizzja kellha tikkonkludi li ma kienx possibbli li tiġi prevista l-unanimità fost il-kundizzjonijiet previsti fl-Artikolu 218(7) TFUE, ikun biss l-obbligu ta’ deċiżjoni b’unanimità li ma jkunx validu. Madankollu, skontu, peress li d-deċiżjoni kkontestata ġiet adottata b’unanimità, hija għandha titqies li ġiet adottata validament u ma għandhiex tiġi annullata. Fl-aħħar nett, fil-każ li l-Qorti tal-Ġustizzja tannulla d-deċiżjoni kkontestata, il-Kunsill iqis li għandhom jinżammu l-effetti tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Fir-replika tagħha, il-Kummissjoni tirrispondi, prinċipalment, li hija tikkondividi l-opinjoni tal-Kunsill li s-suġġett tad-deċiżjoni kkontestata jikkostitwixxi emenda ta’ ftehim, fis-sens tal-Artikolu 218(7) TFUE, sa fejn din testendi ratione temporis l-applikazzjoni tad-dispożizzjoni li tinsab fil-Protokoll dwar il-Kooperazzjoni Kulturali. Madankollu, meta jipprevedi tiġdid awtomatiku tad-dritt inkwistjoni għal perijodi suċċessivi ġodda tal-istess tul, dan il-protokoll ma jistabbilixxi ebda proċedura ssemplifikata għat-tiġdid ta’ dan id-dritt, b’tali mod li ma huwiex neċessarju li l-Kunsill jawtorizza lill-Kummissjoni tapprova t-tiġdid tal-imsemmi dritt. Konsegwentement, l-Artikolu 3(1) tad-Deċiżjoni 2015/2169 ma jistax jitqies li huwa każ ta’ applikazzjoni tal-Artikolu 218(7) TFUE. Għall-kuntrarju, l-imsemmi protokoll jistabbilixxi proċedura sabiex jiġi tterminat id-dritt inkwistjoni. Għal dan il-għan, il-Kunsill jista’ jawtorizza lill-Kummissjoni tiddeċiedi li tibgħat preavviż lill-Parti l-oħra fil-Ftehim mar-Repubblika tal-Korea u din l-awtorizzazzjoni tista’ tingħata bil-quddiem fid-deċiżjoni dwar il-konklużjoni ta’ dan il-ftehim, bla ħsara għal kundizzjonijiet xierqa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Il-Kummissjoni żżid li, kuntrarjament għal dak li jsostni l-Kunsill, il-kundizzjonijiet proċedurali li għalihom hija suġġetta l-awtorizzazzjoni allegatament mogħtija lill-Kummissjoni huma inkompatibbli mal-Artikolu 218 TFUE, għaliex il-Qorti tal-Ġustizzja ddeċidiet li, f’dak li jirrigwarda s-sitwazzjonijiet li fihom japplika l-Artikolu 218(9) TFUE, l-użu ta’ bażi legali sekondarja li teħtieġ l-unanimità fi ħdan il-Kunsill huwa illegali  (<span class="note footnote notemarker">
<a id="c-16" href="#t-16">16</a>
</span>). Dan iktar u iktar huwa evidenti f’dak li jirrigwarda s-sitwazzjonijiet li għalihom japplika l-Artikolu 218(7) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Barra minn hekk, l-Artikolu 3(1) tad-Deċiżjoni 2015/2169 ma jawtorizzax lill-Kummissjoni tapprova, f’isem l-Unjoni, emendi tal-ftehim mar-Repubblika tal-Korea, fis-sens tal-Artikolu 218(7) TFUE, iżda sempliċement jirrifletti s-setgħa li għandha l-Kummissjoni li tiżgura, fil-każ ta’ deċiżjoni li topponi t-tiġdid tad-dritt inkwistjoni, ir-rappreżentanza esterna tal-Unjoni skont l-Artikolu 17 TUE. L-Artikolu 3(1) tad-Deċiżjoni 2015/2169 jikkonferma li s-setgħa li jiġi deċiż dan it-tiġdid baqgħet f’idejn il-Kunsill u li ma kienx hemm trasferiment effettiv tas-setgħa ta’ deċiżjoni favur il-Kummissjoni. Konsegwentement, l-Artikolu 218(7) TFUE ma jikkostitwixxix bażi legali li tippermetti lill-Kunsill jissuġġetta t-tiġdid tad-dritt inkwistjoni għall-kundizzjonijiet speċifiċi stabbiliti fl-Artikolu 3(1) tad-Deċiżjoni 2015/2169.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Fl-aħħar nett, il-Kummissjoni topponi t-talbiet sussidjarji tal-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Fil-kontroreplika, il-Kunsill jopponi, fl-ewwel lok, l-argument tal-Kummissjoni li d-dritt inkwistjoni jista’ jiġi estiż mill-Unjoni mingħajr l-użu ta’ proċedura interna meta l-intenzjoni tal-Kummissjoni tkun li ġġeddu, filwaqt li proċedura deċiżjonali hija neċessarja sabiex dan jiġi tterminat. Skontu, l-Unjoni għandha tapplika l-proċedura deċiżjonali interna rilevanti sabiex temenda l-Protokoll dwar il-Kooperazzjoni Kulturali, kemm sabiex id-dritt inkwistjoni jiġi estiż kif ukoll sabiex jiġi tterminat. Fil-fatt, in-natura awtomatika tal-estensjoni fir-rigward ta’ kull waħda mill-Partijiet fil-Ftehim mar-Repubblika tal-Korea ma tistax teskludi kull tip ta’ proċedura deċiżjonali interna, peress li, skont l-Artikolu 5(8) ta’ dan il-protokoll, it-tul tad-dritt inkwistjoni huwa limitat għal tliet snin u peress li huwa possibbli li dan id-dritt jiġġedded għal perijodi suċċessivi li t-tul tagħhom huwa wkoll limitat għal tliet snin, ħaġa li timplika teħid ta’ deċiżjoni kull tliet snin skont il-proċeduri deċiżjonali interni xierqa. L-interpretazzjoni tal-Kummissjoni tippreġudika mhux biss l-awtonomija tal-ordinament ġuridiku tal-Unjoni, iżda wkoll l-ekwilibriju istituzzjonali, peress li l-Kummissjoni tista’ tiddeċiedi li teskludi lill-Kunsill mill-proċess deċiżjonali relatat mal-estensjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Fit-tieni lok, il-Kunsill isostni li l-Artikolu 218(7) TFUE jikkostitwixxi l-bażi legali xierqa għall-proċedura prevista fl-Artikolu 3(1) tad-Deċiżjoni 2015/2169. Kuntrarjament għal dak li ssostni l-Kummissjoni, l-Artikolu 5(8) tal-Protokoll dwar il-Kooperazzjoni Kulturali jistabbilixxi proċedura ssemplifikata għall-finijiet tal-estensjoni tad-dritt inkwistjoni, sa fejn il-kunsens tal-Partijiet jingħata taċitament. Barra minn hekk, dan l-artikolu jimponi fuq il-Parti li tixtieq tittermina dan id-dritt li twettaq komunikazzjoni minn qabel. Il-proċedura għalhekk hija doppja u tistabbilixxi żewġ stadji proċedurali li jagħmlu parti mill-kuntest ta’ proċedura ta’ emenda ssemplifikata tal-imsemmi protokoll.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Fit-tielet lok, il-Kunsill jafferma li l-proċedura stabbilita fl-Artikolu 3(1) tad-Deċiżjoni 2015/2169 hija xierqa. Hija tistabbilixxi internament il-pożizzjoni awtomatika tal-Unjoni fir-rigward tal-emenda tal-Protokoll dwar il-Kooperazzjoni Kulturali għal perijodi suċċessivi ta’ tliet snin sakemm jiġi tterminat id-dritt inkwistjoni. Awtomatikament, dan id-dritt jintemm mal-iskadenza tal-perijodu ta’ tliet snin li għalih ġie stabbilit u l-Kummissjoni għandha tissodisfa r-rekwiżit stabbilit fl-Artikolu 5(8)(b) ta’ dan il-protokoll. Madankollu, il-Kummissjoni hija awtorizzata tqis li t-tiġdid tal-imsemmi dritt huwa xieraq u teskludi f’dan il-każ il-pożizzjoni awtomatika, billi titlob l-approvazzjoni tal-Kunsill li jaġixxi unanimament sabiex ma jiġix ikkomunikat it-tħassir tal-istess dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Il-Kunsill jopponi l-allegazzjoni li r-regola ta’ vot b’unanimità tinvalida l-proċedura fit-totalità tagħha u, għal din ir-raġuni, l-Artikolu 3(1) tad-Deċiżjoni 2015/2169 jikkostitwixxi bażi legali sekondarja. Din l-allegazzjoni ma tiħux inkunsiderazzjoni l-fatt li l-Kunsill approva l-pożizzjoni tal-Unjoni meħtieġa mill-proċedura prevista fl-Artikolu 5(8) tal-imsemmi protokoll, jiġifieri li d-dritt inkwistjoni jiġi tterminat mal-iskadenza tal-perijodu kurrenti, u li l-estensjoni ta’ dan id-dritt li tidderoga minn din il-pożizzjoni adottata bil-maġġoranza kkwalifikata teħtieġ regola ta’ vot iktar stretta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Ir-Repubblika Franċiża taqbel mat-talbiet kollha tal-Kunsill. Bħal dan tal-aħħar, hija tosserva li l-bażi legali tad-deċiżjoni kkontestata tiddefinixxi proċedura deċiżjonali bbażata fuq l-Artikolu 218(7) TFUE u li din id-deċiżjoni timplimenta din il-proċedura.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Hija tqis, fl-ewwel lok, li l-modalitajiet ta’ estensjoni tad-dritt inkwistjoni tabilħaqq jikkostitwixxu każ ta’ applikazzjoni tal-Artikolu 218(7) TFUE. Fil-fatt, l-ewwel, kif tirrikonoxxi l-Kummissjoni, it-tiġdid ta’ dan id-dritt tabilħaqq jikkostitwixxi emenda tal-Protokoll dwar il-Kooperazzjoni Kulturali, fis-sens ta’ din id-dispożizzjoni. Jekk jitqies li l-estensjoni tal-imsemmi dritt ma tikkostitwixxix tali emenda għar-raġuni li hija awtomatika, dan iwassal sabiex id-dispożizzjoni ta’ dan il-protokoll li tipprevedi, għall-istess dritt, perijodu ta’ validità limitat fl-assenza ta’ kunsens taċitu tal-Partijiet, tiċċaħħad mill-effett tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">It-tieni, kuntrarjament għal dak li ssostni l-Kummissjoni, it-tiġdid awtomatiku tad-dritt inkwistjoni jagħmel parti minn proċedura ddefinita mill-Protokoll dwar il-Kooperazzjoni Kulturali, li tinvolvi t-twettiq ta’ studju ta’ evalwazzjoni mill-Kumitat dwar il-Kooperazzjoni Kulturali. L-interpretazzjoni tal-kunċett ta’ “proċedura semplifikata”, fis-sens tal-Artikolu 218(7) TFUE, fid-dawl tal-prinċipji tad-dritt internazzjonali, b’mod partikolari tal-Konvenzjoni ta’ Vjenna dwar il-Liġi tat-Trattati, tat‑23 ta’ Mejju 1969  (<span class="note footnote notemarker">
<a id="c-17" href="#t-17">17</a>
</span>), tikkonferma li dan il-kunċett japplika fil-każ inkwistjoni. Fil-fatt, b’deroga mill-paragrafi 5, 6 u 9 tal-Artikolu 218 TFUE, il-paragrafu 7 tiegħu japplika meta ftehim internazzjonali jipprevedi dispożizzjonijiet derogatorji sabiex jiġi emendat, bil-kundizzjoni li dawn ixaqilbu lejn semplifikazzjoni tal-proċedura ta’ reviżjoni. Issa, it-tiġdid awtomatiku tad-dritt inkwistjoni, fis-silenzju tal-Partijiet, għandu jitqies li jidħol f’din il-kategorija ta’ dispożizzjonijiet derogatorji għall-proċedura ta’ reviżjoni ordinarja tal-ftehimiet internazzjonali, li fir-rigward tagħha dan evidentement iwassal għal semplifikazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Fit-tieni lok, ir-Repubblika Franċiża tqis li l-mekkaniżmu previst fl-Artikolu 3(1) tad-Deċiżjoni 2015/2169 jimplimenta korrettament l-Artikolu 218(7) TFUE sa fejn dan jipprovdi li l-Kunsill għandu japprova d-deċiżjoni tal-Kummissjoni li ma tikkomunikax it-terminazzjoni tad-dritt inkwistjoni. Din id-deċiżjoni tawtorizza lill-Kummissjoni tavża lir-Repubblika tal-Korea bl-intenzjoni tal-Unjoni li ma testendix dan id-dritt, mingħajr l-approvazzjoni tal-Kunsill. Madankollu, jekk il-Kummissjoni tiddeċiedi li l-applikazzjoni tal-imsemmi dritt għandha titkompla, hija għandha tikseb l-approvazzjoni tal-Kunsill. Għaldaqstant, l-awtorizzazzjoni tal-Kummissjoni hija suġġetta għal kundizzjonijiet speċifiċi, fis-sens tal-Artikolu 218(7) TFUE, ħaġa li hija leġittima, peress li din id-dispożizzjoni tikkostitwixxi deroga mill-Artikolu 218(5), (6) u (9) TFUE. Dawn il-kundizzjonijiet għandhom jiġu kkunsidrati fid-dawl tal-ekwilibriju istituzzjonali stabbilit mit-Trattat u, b’mod partikolari, mit-tielet subparagrafu tal-Artikolu 16(6) TUE. Issa, id-deċiżjoni li tiġi aċċettata l-estensjoni ratione temporis tal-validità tad-dritt inkwistjoni għandha titqies li tagħmel parti mill-atti ta’ definizzjoni tal-politiki tal-Unjoni u ta’ elaborazzjoni tal-azzjoni esterna tagħha. Għalhekk huwa leġittimu għall-Kunsill li jipprovdi, fost il-kundizzjonijiet speċifiċi, li d-deċiżjoni li tista’ tieħu l-Kummissjoni, abbażi tal-Artikolu 3(1) tad-Deċiżjoni 2015/2169, għandha tkun ippreċeduta minn kunsens tal-Kunsill f’dan is-sens sabiex dan tal-aħħar jitqiegħed f’sitwazzjoni li jivverifika li d-dritt inkwistjoni dejjem jikkorrispondi għall-interess tal-Unjoni. L-użu tal-unanimità jikkostitwixxi biss modalità ta’ eżerċizzju ta’ din l-approvazzjoni tal-Kunsill li n-natura legali jew le tagħha ma għandhiex effett fuq il-validità tar-rekwiżit ta’ tali approvazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Fit-tielet u fl-aħħar lok, ir-Repubblika Franċiża tqis li, fi kwalunkwe każ, mill-perspettiva tad-dritt tal-Unjoni, id-dritt inkwistjoni ma setax jiġġedded validament bis-saħħa tas-sempliċi proċedura ta’ tiġdid taċitu prevista mill-Protokoll dwar il-Kooperazzjoni Kulturali, fl-assenza ta’ att tal-Unjoni li jawtorizzah speċifikament. Fil-fatt, skont il-prinċipju ta’ awtonomija tal-ordinament ġuridiku tal-Unjoni, ftehim internazzjonali ma għandux jiddetermina l-proċeduri interni tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Ir-Renju tal-Pajjiżi l-Baxxi jiddikjara li jaqbel kompletament mal-pożizzjoni tal-Kunsill u mal-argumenti kollha invokati insostenn tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Fuq il-motiv uniku invokat mill-Kummissjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Fir-rigward tal-emenda ta’ ftehim internazzjonali konkluż mill-Unjoni skont il-proċedura ordinarja prevista fl-Artikolu 218(6) TFUE, ir-regola ġenerali hija dik tal-paralleliżmu tar-rekwiżiti formali, ħaġa li timplika li tali emenda teħtieġ, bħala prinċipju, l-implimentazzjoni ta’ din l-istess proċedura ordinarja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">B’mod eċċezzjonali, l-Artikolu 218(7) TFUE jipprevedi proċedura ssemplifikata  (<span class="note footnote notemarker">
<a id="c-18" href="#t-18">18</a>
</span>) sabiex jiġi emendat ftehim konkluż mill-Unjoni, li hija intiża li tissostitwixxi l-proċedura ordinarja dwar il-konklużjoni ta’ tali ftehim.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Skont l-Artikolu 218(7) TFUE, “[m]eta jikkonkludi ftehim, il-Kunsill jista’, b’deroga mill-paragrafi 5, 6 u 9, jawtorizza lin-negozjatur sabiex japprova f’ isem l-Unjoni emendi għall-ftehim meta dan jipprovdi li dawn l-emendi għandhom jiġu adottati skond proċedura simplifikata jew minn korp stabbilit mill-ftehim. Il-Kunsill jista’ jorbot kondizzjonijiet speċifiċi ma’ din l-awtorizzazzjoni”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Permezz tal-motiv uniku tagħha, il-Kummissjoni ssostni li d-deċiżjoni kkontestata ġiet adottata b’mod żbaljat abbażi tal-Artikolu 3(1) tad-Deċiżjoni 2015/2169, li jikkostitwixxi bażi legali sekondarja, mhux prevista mit-Trattat FUE. Għaldaqstant, il-Kunsill kiser il-prinċipju ta’ attribuzzjoni tal-kompetenzi stabbilit fl-Artikolu 13(2) TUE u l-prinċipju ta’ ekwilibriju istituzzjonali żviluppat mill-Qorti tal-Ġustizzja fil-ġurisprudenza tagħha  (<span class="note footnote notemarker">
<a id="c-19" href="#t-19">19</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">L-għan tal-Artikolu 3(1) tad-Deċiżjoni 2015/2169 huwa li jispeċifika l-modalitajiet u l-kundizzjonijiet tal-awtorizzazzjoni li tingħata lill-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Il-premessa 6 tad-Deċiżjoni 2015/2169 tindika li din l-awtorizzazzjoni hija bbażata fuq l-Artikolu 218(7) TFUE, li bis-saħħa tiegħu l-Kunsill jista’ jawtorizza lill-Kummissjoni tapprova ċerti emendi ta’ ftehim. L-għan tal-imsemmija awtorizzazzjoni huwa speċifikat fil-premessa 6 u fl-Artikolu 3(1) ta’ din id-deċiżjoni. Dan huwa li il-Kummissjoni għandha tiġi awtorizzata tittermina, f’isem l-Unjoni, id-dritt mogħti lill-koproduzzjonijiet skont l-Artikolu 5 tal-Protokoll dwar il-Kooperazzjoni Kulturali u tavża b’dan lir-Repubblika tal-Korea. Għaldaqstant, il-Kummissjoni hija awtorizzata tinforma lil dan l-Istat bl-intenzjoni tal-Unjoni li ma testendix il-perijodu ta’ applikazzjoni tad-dritt inkwistjoni skont il-proċedura prevista fl-Artikolu 5(8) ta’ dan il-protokoll.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">Infakkar, f’dan ir-rigward, li l-Artikolu 5(8)(b) tal-imsemmi protokoll jistabbilixxi r-regola li, wara l-perijodu inizjali ta’ tliet snin, id-dritt mogħti lill-koproduzzjonijiet għandu jiġġedded għal perijodu ta’ tliet snin u wara jiġġedded awtomatikament għal perijodi suċċessivi ġodda tal-istess tul, sakemm parti ma titterminax dan id-dritt billi tagħti preavviż bil-miktub mill-inqas tliet xhur qabel l-iskadenza tal-perijodu inizjali jew ta’ kwalunkwe perijodu suċċessiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Mill-perspettiva tal-Unjoni, il-Kummissjoni għalhekk hija l-istituzzjoni li hija awtorizzata tittermina, f’isem l-Unjoni, id-dritt mogħti lill-koproduzzjonijiet li, altrimenti, jiġġedded awtomatikament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Din l-awtorizzazzjoni li tgawdi l-Kummissjoni hija madankollu suġġetta għal kundizzjonijiet speċifiċi, kif jipprevedi l-Artikolu 218(7) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Fil-fatt, kif jirriżulta mill-premessa 6 tad-Deċiżjoni 2015/2169, il-Kummissjoni hija awtorizzata tittermina d-dritt inkwistjoni, sakemm “ma tiddeċidix li dan il-jedd għandu jkompli u dan jiġi approvat mill-Kunsill skont proċedura speċifika” jew, fi kliem ieħor billi jiġi rriprodott il-kliem li jinsab fl-Artikolu 3(1) ta’ din id-deċiżjoni, “sakemm, fuq proposta mill-Kummissjoni, erba’ xhur qabel it-tmiem ta’ tali perjodu ta’ dritt, il-Kunsill ma japprovax li dan id-dritt ikompli”. F’dan il-każ tal-aħħar, din l-istess dispożizzjoni tipprovdi li l-Kunsill għandu jaġixxi b’unanimità. L-applikazzjoni ta’ din il-“proċedura speċifika” hija ġġustifikata, skont il-premessa 6 tad-Deċiżjoni 2015/2169, mis-“sensittività ta’ dan l-element tal-Ftehim [mar-Repubblika tal-Korea] kif ukoll minħabba l-fatt li [dan i]l‑Ftehim ser jiġi konkluż mill-Unjoni u mill-Istati Membri tagħha”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">Fil-qosor, il-proċedura ta’ awtorizzazzjoni tal-Kummissjoni li hija deskritta fl-Artikolu 3(1) tad-Deċiżjoni 2015/2169 hija intiża li tippermetti lill-Unjoni tittermina d-dritt inkwistjoni wara kull perijodu ta’ tliet snin, konformement mal-possibbiltà mogħtija f’dan is-sens lil kull Parti mill-Artikolu 5(8)(b) tal-Protokoll dwar il-Kooperazzjoni Kulturali. Għalhekk in-natura opportuna jew le ta’ tħassir jew ta’ tiġdid tad-dritt inkwistjoni tiġi evalwata kull tliet snin fil-kuntest ta’ proċedura li titmexxa mill-Kummissjoni. Huwa biss jekk din tal-aħħar tqis li d-dritt inkwistjoni għandu jiġġedded li deċiżjoni tal-Kunsill f’dan is-sens għandha tiġi adottata, u dan b’unanimità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Id-deċiżjoni kkontestata hija, preċiżament, l-espressjoni tal-intenzjoni tal-Kunsill li jaċċetta l-estensjoni tal-perijodu ta’ applikazzjoni tad-dritt inkwistjoni għal perijodu ta’ tliet snin, mill‑1 ta’ Lulju 2020 sat‑30 ta’ Ġunju 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Mit-test tad-deċiżjoni kkontestata jirriżulta b’mod ċar li din tal-aħħar hija bbażata fuq l-Artikolu 3(1) tad-Deċiżjoni 2015/2169.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Għaldaqstant, il-motiv invokat mill-Kummissjoni insostenn tar-rikors tagħha ser ikun jista’ jintlaqa’ biss jekk tiġi stabbilita l-illegalità ta’ din id-dispożizzjoni. Dan ikun il-każ li kieku kellu jiġi konkluż li l-proċedura li hija tistabbilixxi bil-għan li jiġu adottati miżuri bħad-deċiżjoni kkontestata titbiegħed minn dak li huwa awtorizzat mill-Artikolu 218(7) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">F’dan ir-rigward, mill-ġurisprudenza tal-Qorti tal-Ġustizzja jirriżulta li, “sa fejn ir-regoli li jiddeterminaw il-mod kif l-istituzzjonijiet tal-Unjoni jaslu għad-deċiżjonijiet tagħhom huma stabbiliti mit-Trattati u ma jaqgħux fid-diskrezzjoni la tal-Istati Membri u lanqas tal-istituzzjonijiet innifishom, it-Trattati biss jistgħu, f’każijiet partikolari, jawtorizzaw lil istituzzjoni temenda proċedura deċiżjonali li huma jistabbilixxu. Għalhekk, rikonoxximent lil istituzzjoni tal-possibbiltà li tistabbilixxi bażijiet legali dderivati li jippermettu l-adozzjoni ta’ atti leġiżlattivi jew ta’ miżuri ta’ implementazzjoni, sew fis-sens ta’ tisħiħ jew ukoll fis-sens ta’ tħaffif tal-modalitajiet għall-adozzjoni ta’ att, ikun qed jattribwixxi fil-konfront tagħha setgħa leġiżlattiva li teċċedi dak li huwa previst mit-Trattati”  (<span class="note footnote notemarker">
<a id="c-20" href="#t-20">20</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">Għalhekk għandu jiġi vverifikat jekk il-proċedura prevista fl-Artikolu 3(1) tad-Deċiżjoni 2015/2169 hijiex konformi mal-Artikolu 218(7) TFUE, li hija għandha l-għan li timplimenta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Għal dan il-għan, għandu jiġi eżaminat jekk il-kundizzjonijiet għall-applikazzjoni tal-Artikolu 218(7) TFUE humiex issodisfatti. Dan jimplika li jiġi ddeterminat, qabel kollox, jekk l-Artikolu 3(1) tad-Deċiżjoni 2015/2169 jinkludix awtorizzazzjoni tal-Kummissjoni sabiex tapprova, f’isem l-Unjoni, emenda tal-Ftehim mar-Repubblika tal-Korea, sussegwentement, jekk dan tal-aħħar jipprovdix li tali emenda għandha tiġi adottata skont proċedura ssemplifikata jew minn korp stabbilit minn dan il-ftehim u, fl-aħħar nett, jekk ir-regoli previsti f’din id-dispożizzjoni jikkostitwixxux “kondizzjonijiet speċifiċi”, fis-sens tal-Artikolu 218(7) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">Fl-ewwel lok, f’dak li jirrigwarda l-punt jekk l-Artikolu 3(1) tad-Deċiżjoni 2015/2169 jinkludix awtorizzazzjoni tal-Kummissjoni sabiex tapprova, f’isem l-Unjoni, emenda tal-Ftehim mar-Repubblika tal-Korea, nirrileva li l-partijiet jaqblu dwar dan il-punt. Il-Kummissjoni ma tipprovdix spjegazzjonijiet f’dan ir-rigward. Fir-rigward tal-Kunsill, huwa jqis li l-estensjoni tad-dritt inkwistjoni tikkostitwixxi emenda ta’ parti speċifika u indipendenti ta’ dan il-ftehim, billi josserva, b’mod partikolari, li l-Kummissjoni, fil-kwalità tagħha ta’ negozjatriċi, hija awtorizzata temenda dan l-istess dritt billi tħassru mal-iskadenza tal-perijodu ta’ tliet snin. Ir-Repubblika Franċiża tqis li t-tiġdid jestendi l-applikazzjoni ratione temporis tad-dispożizzjonijiet tal-imsemmi ftehim relatati mad-dritt mogħti lill-koproduzzjonijiet u, konsegwentement, jikkostitwixxi emenda tal-istess ftehim.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Nammetti li għandi dubji dwar il-possibbiltà li t-tiġdid tad-dritt inkwistjoni jiġi kklassifikat bħala “emenda tal-ftehim”, sa fejn il-Protokoll dwar il-Kooperazzjoni Kulturali nnifsu jistabbilixxi l-prinċipju ta’ tiġdid taċitu u awtomatiku ta’ dan id-dritt, ħlief fil-każ ta’ oppożizzjoni minn waħda mill-Partijiet. Issa, id-deċiżjoni kkontestata ma hijiex intiża li temenda dan il-protokoll dwar dan il-punt, iżda, għall-kuntrarju, hija intiża li tirrepeti, fuq il-livell tal-Unjoni, l-intenzjoni tagħha li tkompli l-applikazzjoni tad-dritt inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">Għall-kuntrarju, nammetti li, sa fejn l-awtorizzazzjoni tal-Kummissjoni inkluża fl-Artikolu 3(1) tad-Deċiżjoni 2015/2169 tfittex li tittermina, f’isem l-Unjoni, id-dritt inkwistjoni, l-implimentazzjoni mill-Kummissjoni ta’ tali awtorizzazzjoni għandha l-effett li tirrendi mingħajr skop l-Artikolu 5(8) tal-Protokoll dwar il-Kooperazzjoni Kulturali kif ukoll id-dispożizzjonijiet ta’ dan tal-aħħar li jistabbilixxu dan id-dritt, ħaġa li tipproduċi effett legali ekwivalenti għat-tħassir ta’ dawn id-dispożizzjonijiet. Għalhekk, kif timponi l-formulazzjoni tal-Artikolu 218(7) TFUE, li jipprevedi li “[m]eta jikkonkludi ftehim, il-Kunsill jista’ […] jawtorizza lin-negozjatur sabiex japprova f’ isem l-Unjoni emendi għall-ftehim”  (<span class="note footnote notemarker">
<a id="c-21" href="#t-21">21</a>
</span>), huwa tabilħaqq billi tiġi analizzata l-portata tal-awtorizzazzjoni inkluża fl-Artikolu 3(1) tad-Deċiżjoni 2015/2169 li għandu jitqies li tali awtorizzazzjoni għandha l-għan li jiġi emendat il-Ftehim mar-Repubblika tal-Korea. Dan japplika f’dan il-każ sa fejn din l-awtorizzazzjoni tfittex li temenda l-kontenut normattiv tal-Protokoll dwar il-Kooperazzjoni Kulturali billi ċċaħħad potenzjalment mill-effett legali d-dritt mogħti lill-koproduzzjonijiet kif ukoll ir-regola li dan id-dritt bħala prinċipju jiġġedded awtomatikament kull tliet snin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">F’dan l-istadju tal-argumenti tiegħi, jidhirli li huwa interessanti li jsir parallel mal-atti ddelegati rregolati mill-Artikolu 290 TFUE, minkejja li ma iniex qiegħed nallega li l-awtorizzazzjoni prevista mill-Artikolu 218(7) TFUE għandha tiġi assimilata kompletament ma’ delega fis-sens tal-Artikolu 290 TFUE. Infakkar li l-possibbiltà li jiġu ddelegati setgħat li hija rregolata minn dan l-artikolu hija intiża li tippermetti lil-leġiżlatur tal-Unjoni jikkonċentra fuq l-elementi essenzjali ta’ leġiżlazzjoni kif ukoll fuq l-elementi mhux essenzjali li fir-rigward tagħhom huwa jqis li huwa xieraq li jilleġiżla, filwaqt li jħalli f’idejn il-Kummissjoni l-kompitu li tissupplimenta ċerti elementi mhux essenzjali tal-att leġiżlattiv adottat jew inkella li temenda tali elementi fil-kuntest ta’ delega mogħtija lilha  (<span class="note footnote notemarker">
<a id="c-22" href="#t-22">22</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Bħal fir-rigward tal-użu tal-atti ddelegati, l-awtorizzazzjoni tal-Kummissjoni bis-saħħa tal-Artikolu 218(7) TFUE tissodisfa għanijiet ta’ effettività u ta’ ħeffa, billi l-idea hija li jitħaffef il-proċess deċiżjonali tal-Unjoni  (<span class="note footnote notemarker">
<a id="c-23" href="#t-23">23</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">Jista’ jkun xieraq, f’dan ir-rigward, filwaqt li tittieħed inkunsiderazzjoni n-natura partikolari li tikkaratterizza awtorizzazzjoni tal-Kummissjoni sabiex tapprova emendi ta’ ftehim internazzjonali, li wieħed jispira ruħu mill-interpretazzjoni adottata mill-Qorti tal-Ġustizzja tal-kunċett ta’ “emenda” li jinsab fl-Artikolu 290(1) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Skont il-ġurisprudenza tal-Qorti tal-Ġustizzja, mill-Artikolu 290(1) TFUE jirriżulta li att leġiżlattiv jista’ jiddelega lill-Kummissjoni s-setgħa li tadotta atti mhux leġiżlattivi ta’ applikazzjoni ġenerali li jissupplimentaw jew jemendaw ċerti elementi mhux essenzjali tal-att leġiżlattiv  (<span class="note footnote notemarker">
<a id="c-24" href="#t-24">24</a>
</span>). L-Artikolu 290(1) TFUE jipprevedi żewġ kategoriji ta’ setgħat iddelegati, jiġifieri dik li tippermetti li jiġi ssupplimentat u dik li tippermetti li jiġi emendat l-att leġiżlattiv  (<span class="note footnote notemarker">
<a id="c-25" href="#t-25">25</a>
</span>). Id-delega ta’ setgħa li jiġi emendat att leġiżlattiv hija intiża li tawtorizza lill-Kummissjoni temenda jew tħassar elementi mhux essenzjali stabbiliti f’dan l-att mil-leġiżlatur tal-Unjoni  (<span class="note footnote notemarker">
<a id="c-26" href="#t-26">26</a>
</span>). L-eżistenza ta’ emenda tiġi stabbilita meta l-Kummissjoni tingħata s-setgħa li temenda l-kontenut normattiv ta’ att leġislattiv  (<span class="note footnote notemarker">
<a id="c-27" href="#t-27">27</a>
</span>), ħaġa li tista’ sseħħ permezz tal-introduzzjoni ta’ dispożizzjoni ġdida f’dan l-att  (<span class="note footnote notemarker">
<a id="c-28" href="#t-28">28</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">Jekk wieħed jaċċetta li ma jillimitax l-interpretazzjoni tal-kunċett ta’ “emendi għall-ftehim”, fis-sens tal-Artikolu 218(7) TFUE, għas-sempliċi dimensjoni formali tiegħu, billi jqis, minn perspettiva iktar sostantiva, li hemm lok ukoll li tiddaħħal fil-kamp ta’ dan il-kunċett sitwazzjoni li fiha dispożizzjonijiet ta’ ftehim jiċċaħħdu mill-effett legali fil-każ ta’ implimentazzjoni tal-awtorizzazzjoni mogħtija lill-Kummissjoni, ikun għalhekk possibbli li jitqies li l-Artikolu 3(1) tad-Deċiżjoni 2015/2169 tabilħaqq jawtorizza lil din l-istituzzjoni tapprova, f’isem l-Unjoni, “emendi għall-ftehim”, fis-sens tal-Artikolu 218(7) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">Fit-tieni lok, f’dak li jirrigwarda l-punt jekk il-Ftehim mar-Repubblika tal-Korea jipprovdix li l-emendi ta’ dan tal-aħħar għandhom jiġu adottati skont proċedura ssemplifikata jew minn korp stabbilit minn dan il-ftehim, għandha diġà tiġi eskluża din it-tieni sitwazzjoni sa fejn, skont l-Artikolu 5(8)(a) tal-Protokoll dwar il-Kooperazzjoni Kulturali, il-Kumitat dwar il-Kooperazzjoni Kulturali għandu biss il-funzjoni li, “[f]uq parir mill-Gruppi Konsultattivi Domestiċi, sitt xhur qabel l-iskadenza [tal-perijodu ta’ tliet snin], […] jikkoordina sabiex jevalwa r-riżultati tal-implimentazzjoni tad-dritt f’termini tat-tkabbir tad-diversità kulturali u l-kooperazzjoni ta’ benefiċċju reċiproku fuq xogħlijiet bi produzzjoni konġunta”. Għalhekk dan il-kumitat ma huwiex inkarigat li jemenda l-imsemmi ftehim f’dak li jirrigwarda d-dritt inkwistjoni. Madankollu, l-intervent tal-imsemmi kumitat sitt xhur qabel l-iskadenza ta’ kull perijodu ta’ tliet snin juri l-fatt li, għalkemm it-tiġdid awtomatiku ta’ dan id-dritt huwa r-regola skont l-Artikolu 5(8)(b) ta’ dan il-protokoll, din ir-regola ma żżommx milli jitqies, kuntrarjament għal dak li ssostni l-Kummissjoni, li din id-dispożizzjoni tabilħaqq tistabbilixxi stadju proċedurali għall-finijiet tat-tiġdid jew tat-tħassir tal-imsemmi dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">Barra minn hekk, jidhirli li huwa possibbli li jitqies li l-Ftehim mar-Repubblika tal-Korea jipprevedi proċedura ssemplifikata, kif jeżiġi l-Artikolu 218(7) TFUE, għat-tħassir tad-dritt inkwistjoni, sa fejn huwa suffiċjenti li Parti tittermina dan id-dritt billi tagħti preavviż mill-inqas tliet xhur qabel l-iskadenza tal-perijodu inizjali jew ta’ kwalunkwe perijodu suċċessiv. Barra minn hekk, li kieku kellu jitqies, b’riżultat ta’ interpretazzjoni partikolarment wiesgħa, li t-tiġdid ta’ dan id-dritt jikkostitwixxi emenda ta’ dan il-ftehim, ħaġa li ma nemminx, ma hemmx dubju li n-natura awtomatika ta’ dan it-tiġdid, li għalhekk ma jeħtieġ li jittieħed ebda pass mill-Partijiet, tippermettilu jiġi kklassifikat bħala “proċedura semplifikata”, fis-sens tal-Artikolu 218(7) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">Fit-tielet lok, f’dak li jirrigwarda l-kwistjoni jekk l-approvazzjoni tal-Kunsill sabiex jiġġedded id-dritt inkwistjoni tistax titqies li hija kundizzjoni speċifika li għaliha hija suġġetta l-awtorizzazzjoni mogħtija lill-Kummissjoni mill-Artikolu 3(1) tad-Deċiżjoni 2015/2169, jidhirli li dan tabilħaqq huwa l-każ, għaliex it-tħassir ta’ dan id-dritt jista’ jiġi evitat biss bil-kundizzjoni li l-Kunsill, fuq proposta tal-Kummissjoni, jiddeċiedi b’unanimità li jġedded l-imsemmi dritt għal perijodu ġdid ta’ tliet snin. Fi kliem ieħor, l-awtorizzazzjoni li tingħata lill-Kummissjoni sabiex tittermina d-dritt inkwistjoni tista’ tiġi implimentata biss bil-kundizzjoni li din l-istess istituzzjoni ma tiddeċidix li tibda l-proċedura speċjali li tista’ twassal għall-adozzjoni mill-Kunsill ta’ deċiżjoni dwar l-estensjoni ta’ dan id-dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Madankollu, inqis li, billi jissuġġetta t-tiġdid tad-dritt inkwistjoni għal tali proċedura speċjali, ikkaratterizzata minn vot tal-Kunsill b’unanimità, l-Artikolu 3(1) tad-Deċiżjoni 2015/2169 ma huwiex konformi mal-Artikolu 218(7) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Infakkar li l-premessa 6 ta’ din id-deċiżjoni tindika li l-estensjoni tal-applikabbiltà tad-dritt inkwistjoni għandha tiġi approvata mill-Kunsill skont proċedura speċjali, kemm minħabba n-natura sensittiva ta’ dan l-element tal-Ftehim mar-Repubblika tal-Korea kif ukoll minħabba l-fatt li dan tal-aħħar għandu jiġi konkluż mill-Unjoni u mill-Istati Membri tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71.</p>
</td>
<td valign="top">
<p class="normal">Għalkemm nista’ nikkonċepixxi li t-tiġdid tad-dritt inkwistjoni għal perijodu ta’ tliet snin jista’, mill-perspettiva tal-Unjoni, jagħti lok għal deċiżjoni tal-Kunsill qabel kull skadenza, insibha diffiċli nikkonċepixxi, għall-kuntrarju, għaliex ir-regola ta’ vot li hija meħtieġa għall-adozzjoni ta’ din id-deċiżjoni għandha tkun differenti minn dik li ġiet applikata għall-adozzjoni mill-Kunsill tad-deċiżjoni li jiġi konkluż il-ftehim mar-Repubblika tal-Korea, jiġifieri l-maġġoranza kkwalifikata. Sa fejn id-dritt inkwistjoni u l-prinċipju li dan tal-aħħar jiġġedded awtomatikament kull tliet snin kienu s-suġġett ta’ kunsens min-naħa tal-Unjoni permezz ta’ deċiżjoni vvotata bil-maġġoranza kkwalifikata, inqis li r-repetizzjoni mill-Unjoni, fuq livell intern, tal-impenn tagħha, għandu, b’paralleliżmu, ikun ukoll is-suġġett ta’ deċiżjoni vvotata bil-maġġoranza kkwalifikata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72.</p>
</td>
<td valign="top">
<p class="normal">Nirrileva, f’dan ir-rigward, li xejn fil-formulazzjoni tal-Artikolu 218(7) TFUE ma jindika li r-regola ta’ vot applikabbli għad-deċiżjonijiet relatati mal-proċedura ta’ awtorizzazzjoni prevista minn din id-dispożizzjoni, inkluża l-formulazzjoni tal-kundizzjonijiet speċifiċi li għalihom tkun suġġetta l-awtorizzazzjoni inkwistjoni, għandha titbiegħed mir-regola ta’ vot bil-maġġoranza kkwalifikata li tikkostitwixxi l-prinċipju fil-kuntest tal-Artikolu 218 TFUE  (<span class="note footnote notemarker">
<a id="c-29" href="#t-29">29</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73.</p>
</td>
<td valign="top">
<p class="normal">Il-ġurisdizzjoni tal-Qorti tal-Ġustizzja dwar proċedura ssemplifikata oħra, jiġifieri dik li hija prevista fl-Artikolu 218(9) TFUE tidher li xxaqleb lejn din id-direzzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74.</p>
</td>
<td valign="top">
<p class="normal">Din id-dispożizzjoni tal-aħħar tipprevedi proċedura ssemplifikata għall-finijiet, b’mod partikolari, tad-definizzjoni tal-pożizzjoni li għandha tittieħed f’isem l-Unjoni għall-parteċipazzjoni tagħha fl-adozzjoni, fi ħdan l-istanza deċiżjonali stabbilita mill-ftehim internazzjonali kkonċernat, ta’ atti dwar l-applikazzjoni jew l-implimentazzjoni ta’ dan tal-aħħar  (<span class="note footnote notemarker">
<a id="c-30" href="#t-30">30</a>
</span>). Skont il-Qorti tal-Ġustizzja, sa fejn l-Artikolu 218(9) TFUE ma jipprevedi “ebda regola ta’ vot għall-adozzjoni mill-Kunsill tal-kategoriji ta’ deċiżjonijiet li huwa jsemmi, huwa b’riferiment għall-Artikolu 218(8) TFUE li r-regola ta’ vot applikabbli għandha, f’kull każ inkwistjoni, tiġi ddeterminata” (<span class="note footnote notemarker">
<a id="c-31" href="#t-31">31</a>
</span>). Għaldaqstant, għandu jitqies li, “bħala regola ġenerali, il-Kunsill għandu jiddeċiedi b’maġġoranza kkwalifikata u li huwa biss unikament fil-każijiet esposti [fit-tieni subparagrafu ta’ din id-dispożizzjoni] li huwa għandu jiddeċiedi b’unanimità. F’dawn iċ-ċirkustanzi, ir-regola ta’ vot applikabbli għandha, f’kull każ inkwistjoni, tiġi ddeterminata skont jekk taqax jew le taħt dawn l-aħħar każijiet”  (<span class="note footnote notemarker">
<a id="c-32" href="#t-32">32</a>
</span>). F’dan il-kuntest, sabiex jiġi ddeterminat jekk deċiżjoni adottata fil-kuntest tal-Artikolu 218(9) TFUE tirrigwardax qasam li għalih hija meħtieġa l-unanimità, hemm lok li jsir riferiment għall-bażi legali sostantiva tagħha  (<span class="note footnote notemarker">
<a id="c-33" href="#t-33">33</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75.</p>
</td>
<td valign="top">
<p class="normal">Fil-fehma tiegħi, għall-proċedura ssemplifikata prevista fl-Artikolu 218(7) TFUE għandu jiġi applikat b’analoġija r-raġunament li elaborat il-Qorti tal-Ġustizzja fir-rigward tal-proċedura ssemplifikata prevista fl-Artikolu 218(9) TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76.</p>
</td>
<td valign="top">
<p class="normal">Minn dan isegwi li, sa fejn id-deċiżjoni kkontestata ma tirrigwardax qasam li għalih hija meħtieġa l-unanimità  (<span class="note footnote notemarker">
<a id="c-34" href="#t-34">34</a>
</span>), ir-regola ta’ vot applikabbli kienet dik prevista fl-ewwel subparagrafu tal-Artikolu 218(8) TFUE, jiġifieri l-maġġoranza kkwalifikata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77.</p>
</td>
<td valign="top">
<p class="normal">Barra minn hekk, f’dak li jirrigwarda l-argument li l-proċedura speċjali kkaratterizzata minn vot tal-Kunsill b’unanimità hija ġġustifikata kemm minħabba n-natura sensittiva tat-tiġdid tad-dritt inkwistjoni kif ukoll minħabba l-fatt li l-Ftehim mar-Repubblika tal-Korea għandu jiġi konkluż mill-Unjoni u mill-Istati Membri tagħha, dan, fil-fehma tiegħi, għandu jiġi miċħud. Fil-fatt, huwa minnu li l-Qorti tal-Ġustizzja diġà rrikonoxxiet li, “meta jkun jidher li s-suġġett ta’ xi ftehim ikun, parzjalment, jaqa’ taħt il-kompetenza tal-Unjoni u, parzjalment, taħt dik tal-Istati Membri, għandha tiġi żgurata kooperazzjoni mill-qrib bejn dawn tal-aħħar u l-istituzzjonijiet tal-Unjoni kemm fil-proċess tan-negozjati u tal-konklużjoni, kif ukoll fl-eżekuzzjoni tal-impenji meħuda”  (<span class="note footnote notemarker">
<a id="c-35" href="#t-35">35</a>
</span>). Madankollu, il-Qorti tal-Ġustizzja ddeċidiet li “dan il-prinċipju ma jistax jiġġustifika li l-Kunsill ma josservax ir-regoli tal-proċedura u l-modalitajiet ta’ votazzjoni previsti fl-Artikolu 218 TFUE”  (<span class="note footnote notemarker">
<a id="c-36" href="#t-36">36</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78.</p>
</td>
<td valign="top">
<p class="normal">Inżid li, kif diġà ddeċidiet il-Qorti tal-Ġustizzja, “[l‑]adozzjoni tal-bażijiet legali sekondarji lanqas tista’ tiġi ġġustifikata fuq il-bażi tal-kunsiderazzjonijiet marbuta man-natura politikament sensittiva tal-qasam ikkonċernat jew mal-preokkupazzjoni li tiġi ggarantita l-effikaċja ta’ azzjoni Komunitarja”  (<span class="note footnote notemarker">
<a id="c-37" href="#t-37">37</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79.</p>
</td>
<td valign="top">
<p class="normal">Fl-aħħar nett, għandu jiġi miċħud l-argument li, peress li d-deċiżjoni kkontestata ġiet adottata mill-Kunsill skont ir-regola ta’ unanimità, hija kienet tiġi adottata a fortiori bil-maġġoranza kkwalifikata li kieku tali regola ta’ vot kienet fis-seħħ, b’mod li din id-deċiżjoni ma għandhiex tiġi annullata għal din ir-raġuni. Dan l-argument huwa bbażat fuq l-idea li deċiżjoni adottata b’unanimità tissodisfa neċessarjament ir-rekwiżit ta’ maġġoranza kkwalifikata. Madankollu, jidhirli li tali raġunament huwa żbaljat. Fil-fatt, ir-regola ta’ vot b’unanimità ma setgħetx tiġi applikata, għaliex din setgħet twassal għan-nuqqas ta’ adozzjoni tad-deċiżjoni tal-Kunsill li tawtorizza t-tiġdid tad-dritt inkwistjoni. Fil-fehma tiegħi, minn dan isegwi li d-deċiżjoni kkontestata għandha tiġi annullata minħabba l-fatt biss li ġiet adottata skont regola ta’ vot li tmur kontra l-Artikolu 218 TFUE  (<span class="note footnote notemarker">
<a id="c-38" href="#t-38">38</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80.</p>
</td>
<td valign="top">
<p class="normal">Mill-kunsiderazzjonijiet kollha preċedenti jirriżulta li, billi jipprovdi li, għall-finijiet tal-adozzjoni ta’ deċiżjoni dwar l-estensjoni tal-perijodu ta’ applikazzjoni tad-dritt inkwistjoni, il-Kunsill għandu jaġixxi b’unanimità, l-Artikolu 3(1) tad-Deċiżjoni 2015/2169 jistabbilixxi illegalment modalitajiet ta’ adozzjoni ta’ miżuri, bħad-deċiżjoni kkontestata, li huma msaħħa meta mqabbla mal-proċedura li għandha tiġi applikata għal dan il-għan skont l-Artikolu 218 TFUE  (<span class="note footnote notemarker">
<a id="c-39" href="#t-39">39</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81.</p>
</td>
<td valign="top">
<p class="normal">Fil-fehma tiegħi, minn dan isegwi li l-motiv invokat mill-Kummissjoni huwa fondat u li, konsegwentement, id-deċiżjoni kkontestata għandha tiġi annullata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Fuq iż-żamma tal-effetti tad-deċiżjoni kkontestata</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82.</p>
</td>
<td valign="top">
<p class="normal">Il-Kunsill jitlob lill-Qorti tal-Ġustizzja, fil-każ li tannulla d-deċiżjoni kkontestata, li żżomm l-effetti tagħha sakemm il-motivi ta’ annullament jiġu rrimedjati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83.</p>
</td>
<td valign="top">
<p class="normal">Skont it-tieni paragrafu tal-Artikolu 264 TFUE, il-Qorti tal-Ġustizzja tista’, jekk tqis li huwa neċessarju, tindika liema mill-effetti ta’ att annullat għandhom jitqiesu li huma definittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84.</p>
</td>
<td valign="top">
<p class="normal">F’dan ir-rigward, mill-ġurisprudenza tal-Qorti tal-Ġustizzja jirriżulta li, fid-dawl tal-motivi relatati maċ-ċertezza legali, l-effetti ta’ tali att jistgħu jinżammu b’mod partikolari meta l-effetti immedjati tal-annullament tiegħu jwasslu għal konsegwenzi negattivi gravi għall-partijiet ikkonċernati  (<span class="note footnote notemarker">
<a id="c-40" href="#t-40">40</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85.</p>
</td>
<td valign="top">
<p class="normal">F’dan il-każ, l-annullament tad-deċiżjoni kkontestata mingħajr ma jinżammu l-effetti tagħha jista’ jqajjem dubju dwar l-impenn tal-Unjoni fir-rigward tal-estensjoni tal-perijodu ta’ applikazzjoni tad-dritt inkwistjoni għal perijodu ta’ tliet snin, mill‑1 ta’ Lulju 2020 sat‑30 ta’ Ġunju 2023, u jostakola b’dan il-mod l-implimentazzjoni tajba tal-Ftehim mar-Repubblika tal-Korea  (<span class="note footnote notemarker">
<a id="c-41" href="#t-41">41</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86.</p>
</td>
<td valign="top">
<p class="normal">Konsegwentement, fil-fehma tiegħi, ikun hemm lok li, għal raġunijiet ta’ ċertezza legali, jinżammu l-effetti tad-deċiżjoni kkontestata jekk, kif nipproponi, din tal-aħħar tiġi annullata mill-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">VI.</p>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87.</p>
</td>
<td valign="top">
<p class="normal">Skont l-Artikolu 138(1) tar-Regoli tal-Proċedura tal-Qorti tal-Ġustizzja, il-parti li titlef il-kawża għandha tiġi kkundannata għall-ispejjeż, jekk dawn ikunu ntalbu. Peress li l-Kunsill tilef, hemm lok li huwa jiġi kkundannat għall-ispejjeż kif mitlub mill-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88.</p>
</td>
<td valign="top">
<p class="normal">Skont l-Artikolu 140(1) tar-Regoli tal-Proċedura, l-Istati Membri li jintervjenu fil-kawża għandhom ibatu l-ispejjeż rispettivi tagħhom. Għaldaqstant, hemm lok li jiġi deċiż li r-Repubblika Franċiża u r-Renju tal-Pajjiżi l-Baxxi għandhom ibatu l-ispejjeż rispettivi tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">VII.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89.</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, nipproponi li l-Qorti tal-Ġustizzja:</p>
</td>
</tr>
</table>
    <p class="C09Marge0avecretrait" id="para-122" title="page-23">
      1) tannulla d-Deċiżjoni tal-Kunsill (UE) 2020/470 tal‑25 ta’ Marzu 2020 dwar l-estensjoni tal-perjodu tad-dritt għal koproduzzjonijiet awdjoviżivi kif previst fl-Artikolu 5 tal-Protokoll dwar il-Kooperazzjoni Kulturali għall-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, minn naħa waħda, u r-Repubblika tal-Korea, min-naħa l-oħra;
    </p>
    <p class="C09Marge0avecretrait" id="para-123" title="page-23">
      2) iżżomm l-effetti tad-Deċiżjoni 2020/470;
    </p>
    <p class="C09Marge0avecretrait" id="para-124" title="page-23">
      3) tikkundanna lill-Kunsill tal-Unjoni Ewropea għall-ispejjeż, u
    </p>
    <p class="C09Marge0avecretrait" id="para-125" title="page-23">
      4) tiddeċiedi li r-Repubblika Franċiża u r-Renju tal-Pajjiżi l-Baxxi għandhom ibatu l-ispejjeż rispettivi tagħhom.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: il-Franċiż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) ĠU 2020, L 101, p. 1, iktar ’il quddiem id-“deċiżjoni kkontestata”.</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) ĠU 2011, L 127, p. 1418.</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) ĠU 2011, L 127, p. 6, iktar ’il quddiem il-“Ftehim mar-Repubblika tal-Korea”.</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) ĠU 2011, L 127, p. 1.</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) ĠU 2014, L 124, p. 25.</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) ĠU 2015, L 307, p. 2.</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) ĠU 2017, L 160, p. 33.</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) KUMM(2010)137 finali.</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Hija tirreferi, f’dan ir-rigward, għas-sentenza tas‑6 ta’ Mejju 2008, Il‑Parlament vs Il‑Kunsill (C‑133/06, EU:C:2008:257, punti 54 sa 60 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Il-Kummissjoni tirreferi, f’dan ir-rigward, għas-sentenza tal‑4 ta’ Settembru 2018, Il‑Kummissjoni vs Il‑Kunsill (Ftehim mal-Kazakistan) (C‑244/17, EU:C:2018:662, punt 27 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) Il-Kummissjoni tirreferi, f’dan ir-rigward, għas-sentenza tat‑3 ta’ Ġunju 2008, Intertanko et (C‑308/06, EU:C:2008:312, punt 42).</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) COM(2010) 136 final.</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Ara n-nota ta’ qiegħ il-paġna 9 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) ĠU 2012, C 188 E, p. 113.</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Il-Kummissjoni tirreferi, f’dan ir-rigward, għas-sentenza tal‑4 ta’ Settembru 2018, Il‑Kummissjoni vs Il‑Kunsill (Ftehim mal-Kazakistan) (C‑244/17, EU:C:2018:662, punt 27 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Ġabra tat-Trattati tan-Nazzjonijiet Uniti, Vol. 1155, p. 331.</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Ara l-konklużjonijiet tal-Avukat Ġenerali Szpunar fil-kawża Il-Ġermanja vs Il‑Kunsill (C‑600/14, EU:C:2017:296, punt 57). In-natura ssemplifikata tal-proċedura timmanifesta ruħha b’mod partikolari bil-fatt li l-Artikolu 218(7) TFUE ma jipprevedix l-involviment tal-Parlament. Ara, f’dan ir-rigward, Rapoport, C., “La procédure de conclusion des accords externes de l’Union européenne: quelle unité après Lisbonne?”, The European Union in the World – Essays in Honour of Marc Maresceau, Brill-Nijhoff, Leyde, 2014, p. 149 sa 169. L-awtriċi tirrileva li “il-moviment ta’ demokratizzazzjoni jibqa’ tali li jista’ jiġi pperfezzjonat sa fejn japplika biss fl-istadju tal-elaborazzjoni ta’ ftehim u ma jkomplix ladarba l-ftehim ikun fis-seħħ. F’dak li jirrigwarda l-emenda ta’ ftehim skont proċedura semplifikata, is-sospensjoni tal-ftehim jew l-adozzjoni ta’ dritt sekondarju ta’ dan il-ftehim, il-Parlament […] ser jibbenefika biss mid-dritt għall-informazzjoni ggarantit mill‑[Artikolu 218](10) [TFUE]. F’dawn it-tliet oqsma, il-Parlament jiddependi mill-osservanza sħiħa mill-Kummissjoni tal-ftehim qafas [tal-Ftehim Qafas dwar ir-relazzjonijiet bejn il-Parlament Ewropew u l-Kummissjoni Ewropea (ĠU 2010, L 304, p. 47)] jew mid-deċiżjoni purament diskrezzjonali tal-Kunsill li jinvolvih” (p. 158). Għandu jiġi rrilevat li l-Kummissjoni impenjat ruħha li żżomm il-Parlament informat kompletament qabel ma tapprova emendi għal ftehim skont l-awtorizzazzjoni li hija tkun irċeviet mill-Kunsill skont l-Artikolu 218(7) TFUE: ara l-punt 9 tal-Anness 3 tal-Ftehim Qafas dwar ir-relazzjonijiet bejn il-Parlament Ewropew u l-Kummissjoni Ewropea.</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) Ara, b’mod partikolari, is-sentenza tas‑6 ta’ Mejju 2008, Il‑Parlament vs Il‑Kunsill (C‑133/06, EU:C:2008:257, punti 56 sa 61).</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) Ara, b’mod partikolari, is-sentenza tat‑22 ta’ Settembru 2016, Il-Parlament vs Il‑Kunsill (C‑14/15 u C‑116/15, EU:C:2016:715, punt 47 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Korsiv miżjud minni.</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Ara, b’mod partikolari, is-sentenza tas‑17 ta’ Marzu 2016, Il‑Parlament vs Il‑Kummissjoni (C‑286/14, EU:C:2016:183, punt 54).</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) Ara l-Komunikazzjoni mill-Kummissjoni lill-Parlament Ewropew u lill-Kunsill, tad‑9 ta’ Diċembru 2009, dwar l-implimentazzjoni tal-Artikolu 290 tat-Trattat dwar il-Funzjonament tal-Unjoni Ewropea (KUMM(2009)673 finali), punt 3.2, p. 5.</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Ara, b’mod partikolari, is-sentenza tas‑17 ta’ Marzu 2016, Il‑Parlament vs Il‑Kummissjoni (C‑286/14, EU:C:2016:183, punt 30 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Ara, b’mod partikolari, is-sentenza tas‑17 ta’ Marzu 2016, Il‑Parlament vs Il‑Kummissjoni (C‑286/14, EU:C:2016:183, punt 32).</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Ara, b’mod partikolari, is-sentenza tas‑17 ta’ Marzu 2016, Il‑Parlament vs Il‑Kummissjoni (C‑286/14, EU:C:2016:183, punt 42).</p>
<p class="note footnote">(<span class="note footnote notemarker">
<a id="t-27" href="#c-27">27</a>
</span>) Ara, b’mod partikolari, is-sentenza tas‑16 ta’ Lulju 2015, Il‑Kummissjoni vs Il‑Parlament u Il‑Kunsill (C‑88/14, EU:C:2015:499, punt 44).</p>
<p class="note footnote">(<span class="note footnote notemarker">
<a id="t-28" href="#c-28">28</a>
</span>) Ara, b’mod partikolari, is-sentenza tas‑16 ta’ Lulju 2015, Il‑Kummissjoni vs Il‑Parlament u Il‑Kunsill (C‑88/14, EU:C:2015:499, punt 43).</p>
<p class="note footnote">(<span class="note footnote notemarker">
<a id="t-29" href="#c-29">29</a>
</span>) Kif irrileva l-Avukat Ġenerali Mengozzi fil-konklużjonijiet tiegħu fil-kawża Il‑Kummissjoni vs Il‑Kunsill (C‑28/12, EU:C:2015:43, punt 89), “[i]l-qafas proċedurali għan-negozjar u l-konklużjoni tal-ftehim internazzjonali tal-Unjoni ġie stabbilit mit-Trattat ta’ Lisbona li fost oħrajn, introduċa bħala regola ġenerali r-regola ta’ maġġoranza kkwalifikata. L-Istati Membri approvaw u rratifikaw dan it-trattat, u huma vvinkolati bih. Huma ma jistgħux jevadu jew jinjoraw regoli li huma stess stabbilixxew”.</p>
<p class="note footnote">(<span class="note footnote notemarker">
<a id="t-30" href="#c-30">30</a>
</span>) Ara s-sentenza tat‑2 ta’ Settembru 2021, Il‑Kummissjoni vs Il‑Kunsill (Ftehim mal-Armenja) (C‑180/20, EU:C:2021:658, punt 28).</p>
<p class="note footnote">(<span class="note footnote notemarker">
<a id="t-31" href="#c-31">31</a>
</span>) Sentenza tat‑2 ta’ Settembru 2021, Il‑Kummissjoni vs Il‑Kunsill (Ftehim mal-Armenja) (C‑180/20, EU:C:2021:658, punt 29).</p>
<p class="note footnote">(<span class="note footnote notemarker">
<a id="t-32" href="#c-32">32</a>
</span>) Sentenza tat‑2 ta’ Settembru 2021, Il‑Kummissjoni vs Il‑Kunsill (Ftehim mal-Armenja) (C‑180/20, EU:C:2021:658, punt 29).</p>
<p class="note footnote">(<span class="note footnote notemarker">
<a id="t-33" href="#c-33">33</a>
</span>) Ara s-sentenza tat‑2 ta’ Settembru 2021, Il‑Kummissjoni vs Il‑Kunsill (Ftehim mal-Armenja) (C‑180/20, EU:C:2021:658, punt 31 u l-ġurisprudenza ċċitata). Fis-sentenza tagħha tal‑4 ta’ Settembru 2018, Il‑Kummissjoni vs Il‑Kunsill (Ftehim mal-Kazakistan) (C‑244/17, EU:C:2018:662, punt 30), il-Qorti tal-Ġustizzja insistiet fuq in-neċessità li “tiġi ppreżervata s-simmetrija bejn il-proċeduri relatati mal-azzjoni interna tal-Unjoni u l-proċeduri relatati mal-azzjoni esterna tagħha, fir-rispett tal-ekwilibriju istituzzjonali stabbilit mill-awturi tat-Trattati”.</p>
<p class="note footnote">(<span class="note footnote notemarker">
<a id="t-34" href="#c-34">34</a>
</span>) F’dan ir-rigward, jidhirli li l-bażi legali sostantiva li għandha tittieħed inkunsiderazzjoni hija l-Artikolu 167(3) TFUE, li jissemma fid-Deċiżjoni 2015/2169. Skont din id-dispożizzjoni, “[l‑]Unjoni u l-Istati Membri għandhom jikkultivaw il-koperazzjoni ma’ pajjiżi terzi u ma’ l-organizzazzjonijiet internazzjonali kompetenti fil-qasam tal-kultura, partikolarment il-Kunsill ta’ l-Ewropa”.</p>
<p class="note footnote">(<span class="note footnote notemarker">
<a id="t-35" href="#c-35">35</a>
</span>) Ara, b’mod partikolari, is-sentenza tat‑28 ta’ April 2015, Il‑Kummissjoni vs Il‑Kunsill (C‑28/12, EU:C:2015:282, punt 54 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-36" href="#c-36">36</a>
</span>) Sentenza tat‑28 ta’ April 2015, Il‑Kummissjoni vs Il‑Kunsill (C‑28/12, EU:C:2015:282, punt 55).</p>
<p class="note footnote">(<span class="note footnote notemarker">
<a id="t-37" href="#c-37">37</a>
</span>) Sentenza tas‑6 ta’ Mejju 2008, Il‑Parlament vs Il‑Kunsill (C‑133/06, EU:C:2008:257, punt 59).</p>
<p class="note footnote">(<span class="note footnote notemarker">
<a id="t-38" href="#c-38">38</a>
</span>) Ara l-konklużjonijiet tal-Avukat Ġenerali Mengozzi fil-kawża Il‑Kummissjoni vs Il‑Kunsill (C‑28/12, EU:C:2015:43), li fihom dan tal-aħħar qies li ma setax jirnexxi l-argument li r-regola ta’ vot prevista fl-Artikolu 218 TFUE ma nkisritx, għaliex l-unanimità dejjem tinkludi l-maġġoranza kkwalifikata. Filwaqt li rrefera għal dak li diġà kien ġie rrilevat mill-Avukata Ġenerali Sharpston, l-Avukat Ġenerali Mengozzi sostna li “deċiżjoni li dwarha ma hemmx oppożizzjoni ma hijiex neċessarjament l-istess bħal deċiżjoni li dwarha maġġoranza kkwalifikata mill-parteċipanti tista’ taqbel, sa fejn il-kontenut ta’ deċiżjoni li tista’ tikseb maġġoranza kkwalifikata jista’ jeħtieġlu li jiġi mmitigat sabiex ikun jista’ jiġi approvat unanimament jew mingħajr ebda oppożizzjoni” (punt 81). Ara, fl-istess sens, il-konklużjonijiet tal-Avukata Ġenerali Sharpston fil-kawża Il‑Kummissjoni vs Il‑Kunsill (C‑114/12, EU:C:2014:224, punt 189).</p>
<p class="note footnote">(<span class="note footnote notemarker">
<a id="t-39" href="#c-39">39</a>
</span>) Ara, għal raġunament simili, is-sentenza tat‑22 ta’ Settembru 2016, Il‑Parlament vs Il‑Kunsill (C‑14/15 u C‑116/15, EU:C:2016:715, punt 72).</p>
<p class="note footnote">(<span class="note footnote notemarker">
<a id="t-40" href="#c-40">40</a>
</span>) Ara, b’mod partikolari, is-sentenza tat‑2 ta’ Settembru 2021, Il‑Kummissjoni vs Il‑Kunsill (Ftehim mal-Armenja) (C‑180/20, EU:C:2021:658, punt 62 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-41" href="#c-41">41</a>
</span>) Ara, b’analoġija, is-sentenza tat‑2 ta’ Settembru 2021, Il‑Kummissjoni vs Il‑Kunsill (Ftehim mal-Armenja) (C‑180/20, EU:C:2021:658, punt 63 u l-ġurisprudenza ċċitata).</p>
</body>
</html>
