|
2.3.2022 |
GA |
Iris Oifigiúil an Aontais Eorpaigh |
C 102/10 |
Réamhfhógra faoi chomhchruinniú
(Cás M.10639– MAX MARA / MITSUI / MCJ)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 102/07)
1.
An 22 Feabhra 2022 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
Mitsui & Co. Ltd. (“Mitsui”, an tSeapáin), |
|
— |
Max Mara Fashion Group (“MMFG”, an Iodáil), faoi úinéireacht an Max Mara Group, |
|
— |
International Fashion Trading S.a.r.l. (“IFT”, Lucsamburg), faoi úinéireacht an Max Mara Group, |
|
— |
Max & Co. Japan Co. Ltd. (“MCJ”, an tSeapáin), faoi rialú an Max Mara Group. |
Gheobhaidh Mitsui rialú comhpháirteach ar MGJ ina iomláine, de réir bhrí Airteagal 3(1)(b) den Rialachán um Chumaisc.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
Is cuideachta trádála, bainistíochta gnó agus forbartha tionscadail é Mitsui, agus is i dTóiceo na Seapáine atá a cheanncheathrú. Oibríonn Mitsui ar fud an domhain agus tá sé gníomhach in earnálacha éagsúla, lena n-áirítear i dtáirgeadh, dáileadh agus gníomhaíochtaí miondíola éadaigh, |
|
— |
Is grúpa Iodálach cuideachtaí é MMFG, grúpa a mhonaraíonn agus a dhíolann éadach prét-a-porter agus oiriúintí ar an leibhéal domhanda. Is leis an ngrúpa roinnt brandaí lena n-áirítear Max Mara, Max & Co., Sportmax, Weekend Max Mara, Pennyblack, Marina Rinaldi, Persona, Marella, Emme Marella, iBlues agus Intrend, |
|
— |
Is cuideachta atá lonnaithe i Lucsamburg é IFT agus is cuid den Max Mara Group é ar deireadh. Gníomhaíonn an chuideachta mar thrádála ar éadach Max Mara Fashion Group ar mhargadh na Seapáine, i measc margaí eile, |
|
— |
Is fochuideachta Sheapánach de chuid MMFG é Max & Co. Japan (MCJ), fochuideachta atá gníomhach i miondíol tháirgí brandáilte Max & Co agus Marina Rinaldi sa tSeapáin. Max Mara Japan, ar cuideachta chomhfhiontair é idir Mitsui, IFT agus MMFG agus atá gníomhach i miondíol tháirgí brandáilte Max Mara agus Weekend Max Mara sa tSeapáin, slógfaidh sé MCJ. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10639 – MAX MARA / MITSUI / MCJ
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:
Ríomhphost: COMP-MERGER-REGISTRY@ec.europa.eu
Facs +32 22964301
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).