<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-12-202512C118202402590-00-TRA-DOC-MT-ARRET-C-0259-24-202513266-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="13/01/2026 16:38:47" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="qljzpBdzYyeFsEEzPZNYgGQMEeRZVwLeKZ3g2a0fIQg9UqEC1M4fx0OVGI2cfkli07xUKDWX4XlKfWisbpMfCEetADGXy3nzFvEBpg7AhjL297t5HenoutNWHzH1sLs6fCJ2Ox54OHcEqNnK5tA/6JRR9KW0QmQgJpGnCk5qfCw=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="ael" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="baf443a9-a1c4-43e8-b860-63828fde2fbd" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0259" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="ael" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 15-12-25 16:54:32" name="Created"/>
    <meta content="" name="Canevas3_Vademecum"/>
    <meta content="2026-01-06T10:34:08Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="68b20a3bccfe416bb7195ee85c2496b8" name="DocumentIdentifier"/>
    <meta content="0259" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Sentenza tat‑18.12.2025 – Kawża C‑259/24</div>
      <div id="rId22" style="default">Tenergie (Talba għal maħfra tad-dazji fuq l-importazzjoni)</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Id-Disa’ Awla)
    </p>
    <p class="C19Centre" id="para-2" title="page-1">
      18 ta’ Diċembru 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Unjoni doganali – Proċeduri ta’ importazzjoni u ta’ esportazzjoni – Rimbors jew maħfra tad-dazji fuq l-importazzjoni jew fuq l-esportazzjoni – Trażmissjoni tal-fajl ta’ talba għal maħfra lill-Kummissjoni Ewropea – Maħfra awtomatika tad-dazji – Responsabbiltà tal-Istat Membru – Inammissibbiltà tat-talba għal deċiżjoni preliminari”
    </p>
    <p class="C02AlineaAltA" id="para-4" title="page-1">
      Fil-Kawża C‑259/24,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mit-tribunal judiciaire de Marseille (il-Qorti tal-Ewwel Istanza ta’ Marseille, Franza), permezz ta’ deċiżjoni tat‑8 ta’ April 2024, li waslet fil-Qorti tal-Ġustizzja fit‑12 ta’ April 2024, fil-proċedura
    </p>
    <p class="C02AlineaAltA" id="para-6" title="page-1">
      SAS Tenergie Development
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Directeur régional des douanes de Marseille,
    </p>
    <p class="C02AlineaAltA" id="para-9" title="page-1">
      Direction interrégionale des douanes Provence-Alpes-Côte d’Azur-Corse,
    </p>
    <p class="C02AlineaAltA" id="para-10" title="page-1">
      Direction régionale des douanes de Marseille,
    </p>
    <p class="C19Centre" id="para-11" title="page-1">
      IL-QORTI TAL-ĠUSTIZZJA (Id-Disa’ Awla),
    </p>
    <p class="C02AlineaAltA" id="para-12" title="page-1">
      komposta minn M. Condinanzi, President tal-Awla, N. Jääskinen (Relatur) u R Frendo, Imħallfin,
    </p>
    <p class="C02AlineaAltA" id="para-13" title="page-1">
      Avukat Ġenerali: D. Spielmann,
    </p>
    <p class="C02AlineaAltA" id="para-14" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-15" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-16" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal SAS Tenergie Development, minn N Akodad, F. Locatelli, G. Menu-Lejeune u H. Saoudi, avocats,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Franċiż, minn P. Chansou u B. Travard, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Taljan, minn G. Palmieri, bħala aġent, assistita minn A. Collabolletta, avvocato dello Stato,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn A. Demeneix u B. Eggers, bħala aġenti,</p>
</td>
</tr>
</table>
    <p class="C02AlineaAltA" id="para-21" title="page-1">
      wara li rat id-deċiżjoni meħuda, wara li nstema’ l-Avukat Ġenerali, li taqta’ l-kawża mingħajr konklużjonijiet,
    </p>
    <p class="C02AlineaAltA" id="para-22" title="page-1">
      tagħti l-preżenti
    </p>
    <p class="C75Debutdesmotifs" id="para-23" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 116 tar-Regolament (UE) Nru 952/2013 tal-Parlament Ewropew u tal-Kunsill tad‑9 ta’ Ottubru 2013 li jistabbilixxi l-Kodiċi Doganali tal-Unjoni (ĠU 2013, L 269, p. 1, rettifiki fil-ĠU 2013, L 287, p. 90 u fil-ĠU 2016, L 267, p. 2, iktar ’il quddiem il-“Kodiċi Doganali”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ kawża bejn, minn naħa, SAS Tenergie Development (iktar ’il quddiem “Tenergie”) u, min-naħa l-oħra, id-directeur régional des douanes de Marseille (id-Direttur Reġjonali tad-Dwana ta’ Marseille, Franza), id-direction interrégionale des douanes Provence-Alpes-Côte d’Azur-Corse (id-Direttorat Interreġjonali tad-Dwana ta’ Provence-Alpes-Côte d’Azur-Corse, Franza) u d-direction régionale des douanes de Marseille (id-Direttorat Reġjonali tad-Dwana ta’ Marseille, Franza, iktar ’il quddiem, meħuda flimkien, l-“Amministrazzjoni tad-Dwana Franċiża”) dwar il-legalità ta’ avviż ta’ rkupru ta’ dazji antidumping u ta’ dazji kumpensatorji, indirizzat lil Tenergie, għal pannelli solari importati u sussegwentement irrilaxxati għal ċirkulazzjoni libera fi Franza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">L-Artikolu 116 tal-Kodiċi Doganali jipprevedi li:</p>
</td>
</tr>
</table>
    <p class="C02AlineaAltA" id="para-28" title="page-2">
      “1. Soġġett għall-kondizzjonijiet stabbiliti f’din it-Taqsima, l-ammonti tad-dazju tal-importazzjoni jew esportazzjoni għandhom jitħallsu lura jew jinħafru għal kwalunkwe waħda mir-raġunijiet li ġejjin:
    </p>
    <p class="C09Marge0avecretrait" id="para-29" title="page-2">
      (a) ammonti ta’ dazju tal-importazzjoni jew esportazzjoni mitluba żejda;
    </p>
    <p class="C09Marge0avecretrait" id="para-30" title="page-2">
      (b) merkanzija difettuża jew merkanzija li ma tikkonformax mat-termini tal-kuntratt;
    </p>
    <p class="C09Marge0avecretrait" id="para-31" title="page-2">
      (c) żball mill-awtoritajiet kompetenti;
    </p>
    <p class="C09Marge0avecretrait" id="para-32" title="page-2">
      (d) ekwità.
    </p>
    <p class="C02AlineaAltA" id="para-33" title="page-2">
      […]
    </p>
    <p class="C02AlineaAltA" id="para-34" title="page-2">
      3. Fejn l-awtoritajiet kompetenti jikkunsidraw li l-ħlas lura jew il-maħfra għandhom jingħataw abbażi tal-Artikolu 119 jew 120, l-Istat Membru kkonċernat għandu jibgħat id-dokumentazzjoni lill-Kummissjoni biex tieħu deċiżjoni fil-każijiet li ġejjin:
    </p>
    <p class="C09Marge0avecretrait" id="para-35" title="page-2">
      (a) fejn l-awtoritajiet doganali jqisu li ċ-ċirkostanzi speċjali huma r-riżultat tal-fatt li l-Kummissjoni naqset mill-obbligi tagħha;
    </p>
    <p class="C09Marge0avecretrait" id="para-36" title="page-2">
      (b) fejn l-awtoritajiet doganali jqisu li l-Kummissjoni tkun għamlet żball fis-sens tal-Artikolu 119;
    </p>
    <p class="C09Marge0avecretrait" id="para-37" title="page-2">
      (c) fejn iċ-ċirkostanzi tal-każ huma marbutin mal-konklużjonijiet minn investigazzjoni tal-Unjoni [Ewropea] magħmula taħt ir-Regolament tal-Kunsill (KE) Nru 515/97 tat‑13 ta’ Marzu 1997 dwar għajnuna reċiproka bejn l-awtoritajiet amministrattivi tal-Istati Membri u l-kooperazzjoni bejn dawn tal-aħħar u l-Kummissjoni biex tkun żgurata l-applikazzjoni korretta tal-liġi dwar materji doganali u agrikoli [(ĠU Edizzjoni Speċjali bil-Malti, Kapitolu 2, Vol. 8, p. 217)] jew skont kwalunkwe leġislazzjoni oħra tal-Unjoni jew skont xi ftehim milħuq mill-Unjoni ma’ pajjiżi jew gruppi ta’ pajjiżi li fih isir provvediment għat-twettiq ta’ investigazzjonijiet bħal dawn tal-Unjoni;
    </p>
    <p class="C09Marge0avecretrait" id="para-38" title="page-2">
      (d) fejn l-ammont li għalih il-persuna kkonċernata tista’ tkun responsabbli fir-rigward ta’ operazzjoni waħda jew aktar ta’ importazzjoni jew esportazzjoni jkun daqs jew aktar minn EUR 500 000 b’riżultat ta’ żball jew ta’ ċirkostanzi speċjali[.]
    </p>
    <p class="C02AlineaAltA" id="para-39" title="page-2">
      Minkejja l-ewwel subparagrafu, m’ħandhiex tintbagħat dokumentazzjoni f’aħda mis-sitwazzjonijiet li ġejjin:
    </p>
    <p class="C09Marge0avecretrait" id="para-40" title="page-2">
      (a) fejn il-Kummissjoni tkun diġà adottat deċiżjoni dwar każ li jinvolvi kwistjonijiet paragunabbli ta’ fatt u ta’ dritt;
    </p>
    <p class="C09Marge0avecretrait" id="para-41" title="page-3">
      (b) fejn il-Kummissjoni tkun diġà qed tikkunsidra każ li jinvolvi kwistjonijiet paragunabbli ta’ fatt u ta’ dritt.
    </p>
    <p class="C02AlineaAltA" id="para-42" title="page-3">
      4. Soġġett għar-regoli ta’ kompetenza għal deċiżjoni, fejn l-awtoritajiet doganali nfushom jiskopru fil-perijodi msemmija fl-Artikolu 121(1) li ammont ta’ dazju tal-importazzjoni jew esportazzjoni jista’ jitħallas lura jew jinħafer skont l-Artikoli 117, 119 jew 120 huma għandhom iħallsu lura jew jaħfru fuq l-inizjattiva tagħhom stess.
    </p>
    <p class="C02AlineaAltA" id="para-43" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Skont l-Artikolu 119 ta’ dan il-kodiċi, intitolat “Żball mill-awtoritajiet kompetenti”:</p>
</td>
</tr>
</table>
    <p class="C02AlineaAltA" id="para-45" title="page-3">
      “1. F’każijiet barra dawk imsemmija fit-tieni subparagrafu tal-Artikolu 116(1) u fl-Artikoli 117, 118 u 120, ammont ta’ dazju tal-importazzjoni jew l-esportazzjoni għandu jitħallas lura jew jinħafer fejn, minħabba żball min-naħa tal-awtoritajiet kompetenti, l-ammont li jikkorrispondi għad-dejn doganali li kien notifikat fil-bidu kien aktar baxx mill-ammont li jrid jitħallas, sakemm jintlaħqu l-kondizzjonijiet li ġejjin:
    </p>
    <p class="C09Marge0avecretrait" id="para-46" title="page-3">
      (a) id-debitur raġonevolment ma setax induna b’dak l-iżball; u
    </p>
    <p class="C09Marge0avecretrait" id="para-47" title="page-3">
      (b) id-debitur kien qed jaġixxi b’intenzjoni tajba.
    </p>
    <p class="C02AlineaAltA" id="para-48" title="page-3">
      2. Fejn il-kondizjonijiet stabbiliti fl-Artikolu 117(2) ma jkunux sodisfatti, il-ħlas lura jew il-maħfra għandhom jingħataw fejn in-nuqqas ta’ applikazzjoni tar-rata mnaqqsa jew ir-rata żero ta’ dazju kien ir-riżultat ta’ żball min-naħa tal-awtoritajiet doganali stess u d-dikjarazjoni doganali għar-rilaxx għal ċirkolazzjoni ħielsa kien fiha d-dettalji kollha u kienet akkumpanjata mid-dokumenti kollha meħtieġa għall-applikazzjoni tar-rata mnaqqsa jew ir-rata żero.
    </p>
    <p class="C02AlineaAltA" id="para-49" title="page-3">
      3. Fejn it-trattament preferenzjali tal-merkanzija huwa mogħti abbażi ta’ sistema ta’ kooperazzjoni amministrattiva li tinvolvi l-awtoritajiet ta’ pajjiż jew territorju barra t-territorju doganali tal-Unjoni, il-ħruġ ta’ ċertifikat minn dawk l-awtoritajiet, jekk ikollu jirriżulta li mhux korrett, għandu jikkostitwixxi żball li ma setax raġonevolment jkun osservat fis-sens tal-punt (a) tal-paragrafu 1.
    </p>
    <p class="C02AlineaAltA" id="para-50" title="page-3">
      Il-ħruġ ta’ ċertifikat mhux korrett m’għandux, madankollu, jikkostitwixxi żball fejn iċ-ċertifikat hu bbażat fuq resokont mhux korrett tal-fatti mogħti mill-esportatur, ħlief fejn ikun evidenti li l-awtoritajiet li ħarġuh kienu jafu jew kellhom ikunu jafu li l-merkanzija ma ssodisfatx il-kondizzjonijiet stabbiliti għall-jedd ta’ trattatment preferenzjali.
    </p>
    <p class="C02AlineaAltA" id="para-51" title="page-3">
      Id-debitur għandu jkun kkunsidrat bħala li kellu intenzjoni tajba jekk jista’ juri li, matul il-perijodu li matulu kienu qed isiru l-operazzjonijiet ta’ kummerċ ikkonċernati, hu jkun ħa ħsieb biżżejjed sabiex jiżgura li l-kondizzjonijiet kollha għat-trattament preferenzjali kienu sodisfatti.
    </p>
    <p class="C02AlineaAltA" id="para-52" title="page-4">
      Id-debitur ma jistax jiddipendi fuq l-eċċezzjoni li kellu intenzjoni tajba jekk il-Kummissjoni tkun ippubblikat avviż f’Il-Ġurnal Uffiċjali tal-Unjoni Ewropea, fejn jingħad li jkun hemm lok ta’ dubbju dwar l-applikazzjoni xierqa tal-arranġamenti preferenzjali mill-pajjiż jew territorju benefiċjarju.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 120 tal-imsemmi kodiċi, intitolat “Ekwità”, jgħid li:</p>
</td>
</tr>
</table>
    <p class="C02AlineaAltA" id="para-54" title="page-4">
      “1. F’ każijiet oħrajn barra dawk imsemmijin fit-tieni subparagrafu tal-Artikolu 116(1) u fl-Artikoli 117, 118 u 119 ammont ta’ dazju tal-importazzjoni jew l-esportazzjoni għandu jitħallas lura jew jinħafer fl-interess tal-ekwità fejn dejn doganali jinħoloq taħt ċirkostanzi speċjali li fihom id-debitur ma jistax ikun mixli b’qerq jew b’negliġenza ċara.
    </p>
    <p class="C02AlineaAltA" id="para-55" title="page-4">
      2. Iċ- ċirkostanzi speċjali imsemmija fil- paragrafu 1 għandhom jitqiesu li jeżistu fejn ikun ċar miċ-ċirkostanzi tal-każ li d-debitur jinsab f’sitwazzjoni eċċezzjonali meta mqabbel ma’ operaturi oħra impenjati fl-istess negozju, u li, fin-nuqqas ta’ tali ċirkostanzi, ma kienx ibgħati minn żvantaġġ ikkawżat mill-ġbir tal-ammont ta’ dazju tal-importazzjoni jew l-esportazzjoni.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Tenergie, kumpannija rregolata mid-dritt Franċiż, timporta fi Franza, billi tirrikorri għal fornituri stabbiliti f’pajjiżi differenti, materjal użat fil-kostruzzjoni ta’ impjanti tal-enerġija solari. Bejn it‑18 ta’ Diċembru 2013 u s‑27 ta’ Frar 2014, hija għalhekk importat fi Franza, imbagħad irrilaxxat għal ċirkulazzjoni libera u għall-konsum, pannelli solari mibgħuta mit-Tajwan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Wara li, fl‑2014, l-Uffiċċju Ewropew ta’ Kontra l-Frodi (OLAF) wettaq investigazzjoni internazzjonali sabiex jivverifika l-oriġini doganali tal-pannelli solari mibgħuta mit-Tajwan u li huma s-suġġett ta’ importazzjoni fl-Ewropa, l-Amministrazzjoni tad-Dwana Franċiża wettqet kontroll tal-importazzjonijiet ta’ Tenergie.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Fil‑15 ta’ Ottubru 2015, l-Amministrazzjoni tad-Dwana Franċiża kkomunikat lil Tenergie avviż ta’ riżultat ta’ investigazzjoni li jsemmi ksur tal-leġiżlazzjoni tal-Unjoni fil-qasam doganali, sa fejn il-pannelli solari importati minn Tenergie matul il-perijodu kkontestat kienu oriġinaw miċ-Ċina. Fil‑15 ta’ Diċembru 2015, l-Amministrazzjoni tad-Dwana Franċiża ħarġet avviż ta’ ksur għal dikjarazzjonijiet foloz ta’ oriġini tal-pannelli solari importati bejn it‑18 ta’ Diċembru 2013 u s‑27 ta’ Frar 2014. Fit‑2 ta’ Marzu 2016, din ħarġet l-ewwel avviż ta’ rkupru tad-dazji antidumping u tad-dazji kumpensatorji applikabbli għall-pannelli solari li oriġinaw miċ-Ċina importati minn Tenergie (iktar ’il quddiem id-“dazji antidumping u d-dazji kumpensatorji kontenzjużi”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Fil‑21 ta’ Novembru 2019, l-Amministrazzjoni tad-Dwana Franċiża rtirat dan l-ewwel avviż ta’ rkupru għar-raġuni li d-dritt għal smigħ ta’ Tenergie kien ġie miksur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Fil‑11 ta’ Diċembru 2019, l-Amministrazzjoni tad-Dwana Franċiża kkomunikat lil Tenergie avviż ġdid ta’ riżultat ta’ investigazzjoni. Fis‑26 ta’ Awwissu 2020, din l-amministrazzjoni kkomunikat lil Tenergie avviż ta’ ksur tal-leġiżlazzjoni tal-Unjoni fil-qasam doganali, li annulla u ssostitwixxa l-avviż ta’ ksur li kien ġie kkomunikat lilha fil‑15 ta’ Diċembru. Fis‑16 ta’ Settembru 2020, l-imsemmija amministrazzjoni ħarġet it-tieni avviż ta’ rkupru tad-dazji antidumping u tad-dazji kumpensatorji kontenzjużi, għal ammont ta’ EUR 2 405 887.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Permezz ta’ ittra tat‑12 ta’ April 2021, Tenergie ressqet quddiem l-Amministrazzjoni tad-Dwana Franċiża l-ewwel talba għal maħfra ta’ dawn id-dazji antidumping u d-dazji kumpensatorji, ibbażata fuq l-Artikoli 119 u 120 tal-Kodiċi Doganali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Fl‑4 ta’ Mejju 2021, Tenergie ppreżentat l-ewwel rikors quddiem it-tribunal judiciaire de Marseille (il-Qorti tal-Ewwel Istanza ta’ Marseille, Franza), intiż għall-annullament ta’ dan it-tieni avviż ta’ rkupru tad-dazji antidumping u tad-dazji kumpensatorji kontenzjużi, li ġie miċħud permezz ta’ sentenza tad‑9 ta’ Mejju 2023. Tenergie appellat minn dik is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Fit‑18 ta’ Mejju 2021, Tenergie ressqet, quddiem l-Amministrazzjoni tad-Dwana Franċiża, it-tieni talba għal maħfra tad-dazji antidumping u tad-dazji kumpensatorji kontenzjużi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Permezz ta’ ittra tas‑16 ta’ Settembru 2021, l-Amministrazzjoni tad-Dwana Franċiża tat opinjoni sfavorevoli dwar it-tieni talba għal maħfra ta’ dawn id-dazji antidumping u d-dazji kumpensatorji, għar-raġuni li, minn naħa, ebda żball, fis-sens tal-Artikolu 119 tal-Kodiċi Doganali, ma seta’ jiġi imputat lill-awtoritajiet doganali kkonċernati u, min-naħa l-oħra, is-sitwazzjoni ta’ Tenergie ma kinitx tirriżulta minn ċirkustanzi partikolari, fis-sens tal-Artikolu 120 ta’ dan il-kodiċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Permezz ta’ ittra tad‑19 ta’ Ottubru 2021, l-Amministrazzjoni tad-Dwana Franċiża tat opinjoni sfavorevoli dwar l-ewwel talba għal maħfra tad-dazji antidumping u tad-dazji kumpensatorji kontenzjużi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Permezz ta’ ittra tad‑29 ta’ Novembru 2021, l-Amministrazzjoni tad-Dwana Franċiża rrifjutat b’mod definittiv it-talbiet għal maħfra tad-dazji antidumping u tad-dazji kumpensatorji kontenzjużi mressqa minn Tenergie.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Fil‑25 ta’ Frar 2022, Tenergie ppreżentat it-tieni rikors quddiem it-tribunal judiciaire de Marseille (il-Qorti tal-Ewwel Istanza ta’ Marseille), li hija l-qorti tar-rinviju, li permezz tiegħu hija titlob, b’mod partikolari, l-annullament tad-deċiżjoni ta’ ċaħda tat-talbiet tagħha għal maħfra tad-dazji antidumping u tad-dazji kumpensatorji kontenzjużi jew, fin-nuqqas, li tiġi ordnata investigazzjoni ġdida tal-fajl inkwistjoni mill-Amministrazzjoni tad-Dwana Franċiża bit-trażmissjoni tagħha lill-Kummissjoni għal eżami.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Tenergie ssostni li l-kundizzjonijiet għall-maħfra tad-dazji fuq l-importazzjoni ġew issodisfatti f’dan il-każ. Fil-fatt, minn naħa, il-Kummissjoni kellha tavża lill-kumpanniji inkwistjoni li l-pannelli solari inkwistjoni fil-kawża prinċipali kienu joriġinaw miċ-Ċina. Barra minn hekk, l-Amministrazzjoni tad-Dwana Franċiża, wara li wettqet għadd ta’ kontrolli u kellha suspetti dwar il-provenjenza ta’ dawn il-pannelli solari, kellha tapprofondixxi dawn il-kontrolli u tinforma lil Tenergie dwar dan. Billi naqset milli tagħmel dan, din l-amministrazzjoni wettqet żball, fis-sens tal-Artikolu 119 tal-Kodiċi Doganali, li barra minn hekk kien impossibbli li jiġi identifikat minn Tenergie li ma għandhiex mezzi ta’ investigazzjoni u ta’ kontroll paragunabbli ma’ dawk tal-awtoritajiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Min-naħa l-oħra, Tenergie ssostni li s-sitwazzjoni tagħha kienet tirriżulta minn ċirkustanzi partikolari, fis-sens tal-Artikolu 120 tal-Kodiċi Doganali, mingħajr ma kienet ħatja ta’ ebda qerq jew negliġenza manifesta intiża li jiġu evitati d-dazji antidumping u d-dazji kumpensatorji kontenzjużi. Għall-kuntrarju, hija tindika li aġixxiet b’bona fide billi wettqet hija stess investigazzjonijiet u verifiki fuq il-post. F’dawn iċ-ċirkustanzi, Tenergie tqis li l-Amministrazzjoni tad-Dwana Franċiża kienet obbligata tittrażmetti l-fajl tagħha ta’ talba għal maħfra tad-dazji antidumping u tad-dazji kumpensatorji kontenzjużi lill-Kummissjoni, sa fejn il-kontroll imwettaq minn din l-amministrazzjoni kien prinċipalment ibbażat fuq il-konklużjonijiet tal-investigazzjoni tal-OLAF imsemmija fil-punt 7 ta’ din is-sentenza, li twettqet b’osservanza tal-Artikoli 2 u 20 tar-Regolament Nru 515/97.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">L-Amministrazzjoni tad-Dwana Franċiża ssostni, min-naħa tagħha, li qatt ma appoġġjat lil Tenergie għal dak li jirrigwarda l-oriġini tal-pannelli solari inkwistjoni fil-kawża prinċipali. Din l-amministrazzjoni tindika, minn naħa, li, sakemm l-OLAF ta l-konklużjonijiet tal-investigazzjoni tiegħu, u dan wara x-xahar ta’ Novembru 2014, hija ma kellhiex elementi li jippermettulha tinvalida din l-oriġini u, min-naħa l-oħra, li l-evalwazzjonijiet magħmula mill-awtoritajiet doganali Tajwaniżi ma humiex rilevanti fil-kuntest tal-politika antidumping tal-Unjoni. Barra minn hekk, hija tqis li l-mala fide ta’ fornitur ma hijiex ċirkustanza partikolari li għandha tittieħed inkunsiderazzjoni għall-finijiet tal-evalwazzjoni ta’ talba għal maħfra ta’ dazji antidumping u ta’ dazji kumpensatorji iżda tikkostitwixxi riskju inerenti għall-attività kummerċjali. Konsegwentement, l-Amministrazzjoni tad-Dwana Franċiża tqis li l-kundizzjonijiet previsti fl-Artikoli 119 u 120 tal-Kodiċi Doganali ma kinux issodisfatti f’dan il-każ u li għalhekk ma kienx hemm lok li l-fajl inkwistjoni jiġi trażmess lill-Kummissjoni skont l-Artikolu 116 ta’ dan il-kodiċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Il-qorti tar-rinviju tqis li s-soluzzjoni tat-tilwima fil-kawża prinċipali tiddependi mill-preċiżazzjonijiet li l-Qorti tal-Ġustizzja ser tagħti għall-interpretazzjoni tad-dritt tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">F’dan ir-rigward, hija tfakkar li, skont Tenergie, qabelxejn, l-awtoritajiet doganali Franċiżi qatt ma esprimew l-iċken riżerva u lanqas ma qajmu xi anomalija dwar l-oriġini tal-merkanzija, sussegwentement, l-aċċettazzjoni, mill-awtoritajiet doganali, ta’ dikjarazzjoni doganali li twassal għal klassifikazzjoni tariffarja żbaljata tal-merkanzija inkwistjoni, filwaqt li d-dokumenti kollha neċessarji kienu ġew ipprovduti lilhom mill-importatur ikkonċernat, jikkaratterizza żball fis-sens tal-Artikolu 119 tal-Kodiċi Doganali u, fl-aħħar nett, din il-kumpannija kellha tiġi avżata bir-riskji assoċjati mal-importazzjonijiet inkwistjoni fil-kawża prinċipali sa mill-ftuħ tal-investigazzjoni tal-OLAF mill-Amministrazzjoni tad-Dwana Franċiża u mill-awtoritajiet Ewropej inkarigati, filwaqt li tippreċiża li mir-rapport tal-OLAF relatat ma’ din l-investigazzjoni jirriżulta li informazzjoni dwar it-trażbord, fit-Tajwan, ta’ diversi pannelli solari li joriġinaw miċ-Ċina kienet ġiet ikkomunikata lill-OLAF mill-awtoritajiet doganali Tajwaniżi sa mill‑24 ta’ Novembru 2014. Il-qorti tar-rinviju tqis, konsegwentement, li Tenergie għandha raġun tistaqsi jekk l-Amministrazzjoni tad-Dwana Franċiża kinitx obbligata tittrażmetti l-fajl tagħha ta’ talba għal maħfra tad-dazji antidumping u tad-dazji kumpensatorji kontenzjużi lill-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">F’dawn iċ-ċirkustanzi, it-tribunal judiciaire de Marseille (il-Qorti tal-Ewwel Istanza ta’ Marseille) iddeċidiet li tissospendi l-proċedura quddiemha u li tagħmel id-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-75" title="page-7">
      “1) Fil-każ li [kumpannija] tissodisfa, bħal f’dan il-każ, il-kundizzjonijiet imsemmija fl-Artikoli 119 u 120 tal-Kodiċi Doganali tal-Unjoni, l-Artikolu 116 ta’ dan il-kodiċi għandu jiġi interpretat fis-sens li jobbliga lill-awtoritajiet nazzjonali kompetenti li jittrażmettu lill-[Kummissjoni] l-fajl tat-talba għal maħfra tad-dazji kkomunikati?
    </p>
    <p class="C09Marge0avecretrait" id="para-76" title="page-7">
      2) Jekk ir-risposta li tingħata tkun fis-sens li dawn l-awtoritajiet nazzjonali għandhom kompetenza limitata f’tali każ, in-nuqqas ta’ twettiq tal-obbligu li jiġi trażmess il-fajl tat-talba għal maħfra lill-Kummissjoni Ewropea huwa ta’ natura li jirriżulta fil-maħfra tad-dazji u tal-penali mitluba?
    </p>
    <p class="C09Marge0avecretrait" id="para-77" title="page-7">
      3) Fil-każ ta’ risposta fin-negattiv għat-tieni domanda, il-prinċipju li skontu Stat Membru għandu jikkumpensa d-danni kkawżati lil individwi minħabba l-ksur tiegħu tad-dritt tal-Unjoni, sakemm dan il-ksur ikun kompletament attribwibbli lil dan l-Istat Membru, jista’ jiġi applikat meta dan l-Istat Membru jkun applika l-Artikolu 116 tal-Kodiċi Doganali tal-Unjoni b’mod żbaljat, filwaqt li l-obbligu li jiġi trażmess il-fajl tat-talba għal maħfra tad-dazji li dan l-artikolu jistabbilixxi jitqies li jagħti drittijiet lill-individwi, dan il-ksur ikun suffiċjentement serju u teżisti rabta kawżali diretta bejnu u d-dannu mġarrab mill-persuna leża?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ammissibbiltà tat-talba għal deċiżjoni preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Il-Kummissjoni ssostni li din it-talba għal deċiżjoni preliminari hija inammissibbli minħabba n-natura ipotetika tal-ewwel domanda, li minnha jirriżultaw iż-żewġ domandi l-oħra magħmula mill-qorti tar-rinviju. Fil-fatt, din l-istituzzjoni tqis li, kuntrarjament għal dak li jirriżulta mill-ewwel domanda, Tenergie ma tistax titqies li ssodisfat il-kundizzjonijiet previsti fl-Artikoli 119 u 120 tal-Kodiċi Doganali, b’tali mod li hija ma tistax tinvoka dawn id-dispożizzjonijiet sabiex titlob il-maħfra tad-dazji antidumping u tad-dazji kumpensatorji kontenzjużi. Hija ssostni li l-qorti tar-rinviju ma stabbilixxietx il-fatti li minnhom jirriżulta li, f’dan il-każ, Tenergie ssodisfat il-kundizzjonijiet imsemmija fl-Artikoli 119 u 120. Għall-kuntrarju, mid-deċiżjoni tar-rinviju kif ukoll mis-sentenza tat-tribunal judiciaire de Marseille (il-Qorti tal-Ewwel Istanza ta’ Marseille) tad‑9 ta’ Mejju 2023, imsemmija fil-punt 12 ta’ din is-sentenza, jirriżulta li Tenergie ma ssodisfatx dawn il-kundizzjonijiet. Konsegwentement, id-domandi magħmula dwar il-modalitajiet ta’ implimentazzjoni tal-Artikolu 116 tal-Kodiċi Doganali ma humiex rilevanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Bl-istess mod, il-Gvern Franċiż u dak Taljan, mingħajr ma eċċepixxew formalment l-inammissibbiltà tat-talba għal deċiżjoni preliminari, enfasizzaw li minn din it-talba ma jirriżultax li l-kundizzjonijiet previsti fl-Artikoli 119 u 120 tal-Kodiċi Doganali kienu ssodisfatti f’dan il-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">F’dan ir-rigward, għandu jitfakkar li, skont ġurisprudenza stabbilita, id-domandi dwar l-interpretazzjoni tad-dritt tal-Unjoni magħmula mill-qorti nazzjonali fil-kuntest leġiżlattiv u fattwali li hija għandha r-responsabbiltà tiddefinixxi, u li ma huwiex il-kompitu tal-Qorti tal-Ġustizzja li tivverifika l-eżattezza tiegħu, jibbenefikaw minn preżunzjoni ta’ rilevanza. Il-Qorti tal-Ġustizzja tista’ tirrifjuta li tiddeċiedi fuq talba għal deċiżjoni preliminari mressqa minn qorti nazzjonali biss jekk ikun jidher b’mod manifest li l-interpretazzjoni mitluba tad-dritt tal-Unjoni ma jkollha ebda rabta mar-realtà jew mas-suġġett tat-tilwima fil-kawża prinċipali, meta l-problema tkun ta’ natura ipotetika jew inkella meta l-Qorti tal-Ġustizzja ma jkollhiex għad-dispożizzjoni tagħha l-punti ta’ fatt u ta’ liġi neċessarji sabiex tirrispondi b’mod utli għad-domandi li jsirulha (sentenza tal‑1 ta’ Awwissu 2025, Alace u Canpelli, C‑758/24 u C‑759/24, EU:C:2025:591, punt 38 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Skont ġurisprudenza stabbilita, il-proċedura stabbilita fl-Artikolu 267 TFUE hija strument ta’ kooperazzjoni bejn il-Qorti tal-Ġustizzja u l-qrati nazzjonali, li permezz tagħha l-Qorti tal-Ġustizzja tagħti lill-qrati nazzjonali l-elementi ta’ interpretazzjoni tad-dritt tal-Unjoni li huma neċessarji għalihom sabiex tkun deċiża l-kawża li tkun tressqet quddiemhom. Il-ġustifikazzjoni tar-rinviju għal deċiżjoni preliminari ma hijiex il-formulazzjoni ta’ opinjonijiet konsultattivi dwar kwistjonijiet ġenerali jew ipotetiċi, iżda l-ħtieġa inerenti għas-soluzzjoni effettiva ta’ tilwima (digriet tal‑24 ta’ Marzu 2025, Cajasur Banco, C‑443/24, EU:C:2025:253, punt 16 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Kif jirriżulta mill-formulazzjoni stess tal-Artikolu 267 TFUE, id-deċiżjoni preliminari mitluba għandha tkun “meħtieġa” sabiex tippermetti lill-qorti tar-rinviju “tagħti s-sentenza” tagħha fil-kawża li hija adita biha. Fil-fatt, il-missjoni tal-Qorti tal-Ġustizzja, fil-kuntest ta’ proċedura għal deċiżjoni preliminari, hija li tassisti lill-qorti tar-rinviju fis-soluzzjoni tat-tilwima konkreta pendenti quddiemha. Fil-kuntest ta’ tali proċedura, għandu għalhekk ikun hemm, bejn l-imsemmija tilwima u d-dispożizzjonijiet tad-dritt tal-Unjoni li l-interpretazzjoni tagħhom hija mitluba, rabta b’tali mod li din l-interpretazzjoni tissodisfa bżonn oġġettiv għad-deċiżjoni li l-qorti tar-rinviju għandha tieħu (digriet tat‑2 ta’ Mejju 2025, Klinka-Geo Trans, C‑501/24, EU:C:2025:348, punt 36 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">F’dan il-każ, mill-formulazzjoni tal-ewwel domanda, li tirrigwarda l-interpretazzjoni tal-Artikolu 116 tal-Kodiċi Doganali, jirriżulta li din id-domanda tirrigwarda “ipoteżi” partikolari, jiġifieri dik li fiha kumpannija tissodisfa l-kriterji previsti fl-Artikoli 119 u 120 tal-Kodiċi Doganali sabiex tikseb ir-rimbors jew il-maħfra tal-ammont tad-dazji fuq l-importazzjoni li hija tkun ħallset. Il-qorti tar-rinviju tippreċiża f’dan ir-rigward li dan huwa l-każ ta’ Tenergie.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Madankollu, il-qorti tar-rinviju ma indikatx u lanqas, a fortiori, ma wriet kif il-kundizzjonijiet meħtieġa fl-Artikoli 119 u 120 tal-Kodiċi Doganali kienu ssodisfatti f’dan il-każ. Fil-fatt, la mill-punti ta’ fatt esposti fid-deċiżjoni tar-rinviju u lanqas mill-motivazzjoni tagħha ma jirriżulta li dawn il-kundizzjonijiet kienu ssodisfatti. Kif irrileva l-Gvern Franċiż, il-qorti tar-rinviju sempliċement tikkonstata, fl-espożizzjoni tal-motivi tal-applikazzjoni tagħha, li, skont Tenergie, l-aċċettazzjoni, mill-awtoritajiet doganali, ta’ dikjarazzjoni doganali li għandha klassifikazzjoni tariffarja żbaljata tal-merkanzija inkwistjoni fil-kawża prinċipali tikkaratterizza żball, fis-sens tal-Artikolu 119 tal-Kodiċi Doganali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Għandu jiġi rrilevat ukoll li l-Kummissjoni ppreżentat bħala anness mal-osservazzjonijiet bil-miktub tagħha s-sentenza mogħtija mill-qorti tar-rinviju fid‑9 ta’ Mejju 2023 fil-kuntest tal-proċedura mibdija minn Tenergie u intiża għall-annullament tal-avviż ta’ rkupru tad-dazji antidumping u tad-dazji kumpensatorji kontenzjużi, maħruġ mill-Amministrazzjoni tad-Dwana Franċiża fis‑16 ta’ Settembru 2020. Din il-proċedura kienet tirrigwarda, essenzjalment, l-istess fatti bħal dawk tal-kawża prinċipali f’din il-kawża. Issa, minn dik is-sentenza jirriżulta li, skont il-qorti tar-rinviju, Tenergie ma kinitx tissodisfa l-kundizzjonijiet previsti fl-Artikoli 119 u 120 tal-Kodiċi Doganali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">F’dan il-kuntest, permezz ta’ talba għal informazzjoni tal‑20 ta’ Diċembru 2024, il-qorti tar-rinviju ġiet mistiedna mill-Qorti tal-Ġustizzja tindika jekk hija kinitx tqis li l-kundizzjonijiet previsti fl-Artikoli 119 u 120 tal-Kodiċi Doganali kienu ssodisfatti minn Tenergie u, jekk dan kien il-każ, tispjega r-raġunijiet għal dan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Fit‑3 ta’ Frar 2025, il-qorti tar-rinviju rrispondiet li, f’dan l-istadju, kien impossibbli għaliha li tikkonferma jew tiċħad jekk dawn il-kundizzjonijiet kinux issodisfatti minn Tenergie sa fejn, fl-istennija ta’ risposta għat-talba tagħha għal deċiżjoni preliminari, hija kienet għadha ma ddeċidietx dwar it-talbiet li kienu ġew indirizzati lilha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, għandu jiġi kkonstatat li l-premessa li fuqha hija bbażata l-ewwel domanda preliminari, jiġifieri l-ipoteżi li Tenergie “issodisfat […] il-kundizzjonijiet imsemmija fl-Artikoli 119 u 120 tal-Kodiċi Doganali”, la hija sostnuta mid-deċiżjoni tar-rinviju u lanqas, b’mod iktar ġenerali, mill-proċess għad-dispożizzjoni tal-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Issa, l-applikazzjoni tal-Artikolu 116(3) tal-Kodiċi Doganali, li hija s-suġġett, kif jirriżulta mill-punt 29 ta’ din is-sentenza, tal-ewwel domanda, tippreżupponi li l-kundizzjonijiet imsemmija fl-Artikoli 119 u 120 ta’ dan il-kodiċi jkunu ssodisfatti. Għaldaqstant, peress li l-qorti tar-rinviju tirrikonoxxi li ma huwiex stabbilit li l-kundizzjonijiet previsti f’dawn iż-żewġ Artikoli 119 u 120 kienu ssodisfatti f’dan il-każ, jidher li din id-domanda għandha titqies li hija ta’ natura ipotetika, fis-sens tal-ġurisprudenza msemmija fil-punti 26 u 27 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Konsegwentement, sa fejn it-tieni u t-tielet domanda magħmula mill-qorti tar-rinviju jiddependu mir-risposta mogħtija għall-ewwel domanda, din it-talba għal deċiżjoni preliminari għandha tiġi ddikjarata inammissibbli fl-intier tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Madankollu, għandu jiġi ppreċiżat li l-qorti tar-rinviju żżomm il-possibbiltà li tressaq talba ġdida għal deċiżjoni preliminari billi tipprovdi lill-Qorti tal-Ġustizzja l-elementi kollha li jippermettulha tagħti deċiżjoni (ara, f’dan is-sens, is-sentenza tal‑11 ta’ Settembru 2019, Călin, C‑676/17, EU:C:2019:700, punt 41 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Minn dan isegwi li t-talba għal deċiżjoni preliminari hija inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-96" title="page-10">
      Għal dawn il-motivi, Il-Qorti tal-Ġustizzja (Id-Disa’ Awla) taqta’ u tiddeċiedi:
    </p>
    <p class="C30Dispositifalinea" id="para-97" title="page-10">
      It-talba għal deċiżjoni preliminari mressqa mit-tribunal judiciaire de Marseille (il-Qorti tal-Ewwel Istanza ta’ Marseille, Franza), permezz ta’ deċiżjoni tat‑8 ta’ April 2024, hija inammissibbli.
    </p>
    <div class="signatures">
<p class="C77Signatures" id="para-98" title="page-10">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Franċiż.</p>
</body>
</html>
