|
29.6.2023 |
GA |
Iris Oifigiúil an Aontais Eorpaigh |
L 164/83 |
CINNEADH Ó CHOMHCHOISTE LEE Uimh. 337/2022
an 9 Nollaig 2022
lena leasaítear Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus Prótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE [2023/1279]
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,
De bharr an mhéid seo a leanas:
|
(1) |
Treoir (AE) 2018/1808 ó Pharlaimint na hEorpa agus ón gComhairle an 14 Samhain 2018 lena leasaítear Treoir 2010/13/AE maidir le comhordú forálacha áirithe arna leagan síos le dlí, rialachán nó gníomh riaracháin i mBallstáit i dtaobh seirbhísí meán closamhairc a sholáthar (An Treoir maidir le Seirbhísí Meán Closamhairc) i bhfianaise athruithe ar an margadh (1), tá sí le hionchorprú i gComhaontú LEE. |
|
(2) |
Dá bhrí sin, ba cheart Iarscríbhinn XI agus Prótacal 37 a ghabhann le Comhaontú LEE a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Leasaítear pointe 5p (Treoir 2010/13/AE ó Pharlaimint na hEorpa agus ón gComhairle) d’Iarscríbhinn XI a ghabhann le Comhaontú LEE mar a leanas:
|
1. |
Cuirtear an méid seo a leanas isteach: ‘, arna leasú le:
|
|
2. |
Athuimhrítear oiriúnuithe (a), (b) agus (c) mar oiriúnuithe (b), (c) agus (d). |
|
3. |
Cuirtear an t- oiriúnú seo a leanas isteach roimh oiriúnú (b):
|
|
4. |
Cuirtear na hoiriúnuithe seo a leanas isteach tar éis oiriúnú (d):
|
Airteagal 2
Cuirtear an méid seo a leanas in ionad théacs phointe 39 de Phrótacal 37 a ghabhann le Comhaontú LEE:
‘Grúpa na Rialálaithe Eorpacha um Sheirbhísí Meán Closamhairc (ERGA) (Cinneadh C(2014)462 ón gCoimisiún an 3.2.2014 maidir le Grúpa na Rialálaithe Eorpacha um Sheirbhísí Meán Closamhairc a bhunú agus Treoir (AE) 2018/1808 ó Pharlaimint na hEorpa agus ón gComhairle).’
Airteagal 3
Is téacs barántúil a bheidh i dtéacs Threoir (AE) 2018/1808 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.
Airteagal 4
Tiocfaidh an Cinneadh seo i bhfeidhm an 10 Nollaig 2022, ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*1).
Airteagal 5
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil, an 9 Nollaig 2022.
Thar ceann Chomhchoiste LEE
An tUachtarán
Kristján Andri STEFÁNSSON
(1) IO L 303, 28.11.2018, lch. 69.
(*1) Ní shonraítear aon cheanglas bunreachtúil.
Dearbhú Comhpháirteach ó na Páirtithe Conarthacha
maidir le Cinneadh Uimh. 337/2022 lena n- ionchorpraítear Treoir (AE) 2018/1808 sa Chomhaontú
I dTreoir (AE) 2018/1808 tá forálacha ina bhfuil tagairtí do Threoir (AE) 2017/541 ó Pharlaimint na hEorpa agus ón gComhairle, do Threoir 2011/93/AE ó Pharlaimint na hEorpa agus ón gComhairle agus do Chinneadh Réime 2008/913/CGB, arna nglacadh faoi Theideal V CFAE. Meabhraítear go bhfuil ionchorprú gníomhartha ina bhfuil forálacha den chineál sin i gComhaontú LEE gan dochar don tuiscint go bhfuil reachtaíocht AE a glacadh de bhun Theideal V CFAE lasmuigh de raon feidhme Chomhaontú LEE.
A mhéid a bhaineann leis na tagairtí d’Airteagal 5 de Threoir (AE) 2017/541, d’Airteagal 5(4) de Threoir 2011/93/AE agus d’Airteagal 1 de Chinneadh Réime 2008/913/CGB, aithníonn na Páirtithe Conarthacha, i gcomhthéacs comhluachanna atá ann le fada agus na féiniúlachta Eorpaí, go ndéantar forálacha i ndlí náisiúnta na Stát CSTE a chur i bhfeidhm go coibhéiseach ó thaobh feidhme de.