(1)

Le Treoir (AE) 2018/2001, bunaítear ceanglais le haghaidh bithbhreoslaí, bithleachtanna, breoslaí bithmhaise, breoslaí leachtacha agus gásacha in-athnuaite de thionscnamh neamh-bhitheolaíoch agus breoslaí carbóin athchúrsáilte, chun a áirithiú nach féidir iad a áireamh mar chuid de na spriocanna a leagtar amach sa Treoir sin ach amháin más rud é gur táirgeadh go hinbhuanaithe iad agus go sábháiltear leo líon mór astaíochtaí gás ceaptha teasa i gcomparáid le breoslaí iontaise. Le hAirteagal 29 de Threoir (AE) 2018/2001, leagtar síos critéir maidir le hinbhuanaitheacht agus maidir le laghdú ar astaíochtaí gás ceaptha teasa do bhithbhreoslaí, do bhithleachtanna agus do bhreoslaí bithmhaise, agus le hAirteagal 26 den Treoir sin agus Rialachán Tarmligthe (AE) 2019/807 ón gCoimisiún (2), bunaítear na critéir chun an méid seo a leanas a chinneadh:

(2)

Foráiltear le Treoir (AE) 2018/2001 do rialacha i ndáil leis an gcaoi a ríomhtar rannchuidiú an leictreachais in-athnuaite leis na spriocanna iompair, nuair a úsáidtear an leictreachas go díreach chun feithiclí leictreacha a chumhachtú agus nuair a úsáidtear é chun breoslaí in-athnuaite leachtacha agus gásacha de thionscnamh neamh-bhitheolaíoch a tháirgeadh, ar breoslaí iad a úsáidtear in earnáil an iompair.

(3)

Chun a sheiceáil go gcomhlíontar na rialacha a leagtar síos maidir le bithbhreoslaí, bithleachtanna, breoslaí bithmhaise, breoslaí leachtacha agus gásacha in-athnuaite de thionscnamh neamh-bhitheolaíoch agus breoslaí carbóin athchúrsáilte, féadfaidh na Ballstáit scéimeanna deonacha nó scéimeanna deimhniúcháin náisiúnta a úsáid. Bhí ról tábhachtach ag scéimeanna deimhniúcháin náisiúnta agus deonacha araon i dtaca le fianaise a sholáthar i leith chomhlíonadh na gcritéar maidir le hinbhuanaitheacht agus na gcritéar maidir le laghdú ar astaíochtaí gás ceaptha teasa le haghaidh bithbhreoslaí agus bithleachtanna faoi Threoir 2009/28/CE ó Pharlaimint na hEorpa agus ón gComhairle (3). Faoi Threoir (AE) 2018/2001, leathnaíodh ról na scéimeanna deimhniúcháin deonacha agus náisiúnta. Ar an gcéad dul síos, is féidir iad a úsáid anois chun a dheimhniú go gcomhlíonann na breoslaí uile a tháirgtear ó bhithmhais, lena n-áirítear breoslaí gásacha agus soladacha, na critéir maidir le hinbhuanaitheacht a leagtar amach i dTreoir (AE) 2018/2001, agus is féidir sonraí cruinne a sholáthar leo maidir leis an laghdú ar astaíochtaí gás ceaptha teasa a bhaineann leis na breoslaí sin. Ar an dara dul síos, is féidir iad a úsáid chun a dheimhniú go gcomhlíonann breoslaí in-athnuaite iompair leachtacha agus gásacha de thionscnamh neamh-bhitheolaíoch agus breoslaí carbóin athchúrsáilte a gcritéir maidir le laghdú ar astaíochtaí gás ceaptha teasa. Ar an tríú dul síos, is féidir iad a úsáid chun comhlíonadh na rialacha a bhunaítear le hAirteagal 27(3) de Threoir (AE) 2018/2001 a chruthú chun leictreachas in-athnuaite in earnáil an iompair a ríomh. Ar an gceathrú dul síos, is féidir iad a úsáid chun a chruthú go n-iontrálann oibreoirí eacnamaíocha faisnéis chruinn sa bhunachar sonraí de chuid an Aontais nó sa bhunachar sonraí náisiúnta maidir le breoslaí in-athnuaite agus breoslaí carbóin athchúrsáilte a úsáidtear in earnáil an iompair i gcomhréir le hAirteagal 28(4) de Threoir (AE) 2018/2001. Ar an gcúigiú dul síos, is féidir iad a úsáid chun bithbhreoslaí, bithleachtanna agus breoslaí bithmhaise lena ngabhann riosca íseal maidir le hathrú indíreach ar thalamhúsáid a dheimhniú.

(4)

I gcás ina soláthróidh oibreoir eacnamaíoch cruthúnas nó sonraí i dtaca le comhlíonadh na gcritéar maidir le hinbhuanaitheacht agus na gcritéar maidir le laghdú ar astaíochtaí gás ceaptha teasa, ar cruthúnas nó sonraí iad a fhaightear i gcomhréir le scéim náisiúnta nó dheonach atá aitheanta ag an gCoimisiún, a mhéid a chumhdaítear leis an gcinneadh aitheantais, níor cheart do Bhallstát a cheangal ar an oibreoir eacnamaíoch sin tuilleadh fianaise a sholáthar mar chruthúnas breise ar chomhlíonadh den sórt sin. Dá bhrí sin, le measúnú dearfach agus aitheantas foirmiúil an Choimisiúin ar scéim deimhniúcháin náisiúnta nó dheonach, áirithítear go nglacfaidh gach Ballstát lena ráitis chomhlíonta ar bhonn sainordaitheach.

(5)

Chuir an Ostair iarraidh ar aitheantas do scéim deimhniúcháin talmhaíochta na hOstaire (AACS) faoi Airteagal 30(6) de Threoir (AE) 2018/2001 faoi bhráid an Choimisiúin den chéad uair an 14 Iúil 2021. De thoradh na hiarrata sin rinne an Coimisiún measúnú ar an scéim, measúnú inar sainaithníodh roinnt saincheisteanna a raibh modhnú ag teastáil ina leith. Sa scéim mhodhnaithe a chuir an Ostair isteach an 7 Márta 2022, tugadh aghaidh mar ba cheart ar na saincheisteanna sin. Leis an scéim, cumhdaítear bunábhair thalmhaíochta agus olaí plandúla (lena n-áirítear iarmhair) ón bhfeirm go dtí an phróiseáil tosaigh.

(6)

Agus measúnú á dhéanamh ag an gCoimisiún ar AACS, chinn sé go gcumhdaítear leis go leormhaith na critéir maidir le hinbhuanaitheacht a leagtar síos in Airteagal 29(3) go (5) de Threoir (AE) 2018/2001, agus san am céanna go soláthraítear leis sonraí cruinne faoi laghduithe ar astaíochtaí gás ceaptha teasa chun críoch Airteagal 29(10) de Threoir (AE) 2018/2001 agus go gcuirtear modheolaíocht maidir le maischothromaíocht i bhfeidhm leis i gcomhréir le ceanglais Airteagal 30(1) agus (2) de Threoir (AE) 2018/2001.

(7)

Sa mheasúnú ar AACS, tagtar ar an gconclúid go gcomhlíonann an scéim caighdeáin leordhóthanacha iontaofachta, trédhearcachta agus iniúchóireachta neamhspleáiche agus na ceanglais mhodheolaíocha a leagtar amach in Iarscríbhinn V a ghabhann le Treoir (AE) 2018/2001.

(8)

Ba cheart an scéim aitheanta a chur ar fáil sa roinn atá dírithe ar scéimeanna deonacha ar shuíomh gréasáin Europa an Choimisiúin.

(9)

Na bearta dá bhforáiltear sa Chinneadh seo, tá siad i gcomhréir leis an tuairim ón gCoiste um Inbhuanaitheacht Bithbhreoslaí, Bithleachtanna agus Breoslaí Bithmhaise,

(a)

comhlíontacht na gcoinsíneachtaí bithbhreoslaí, bithleachtanna agus breoslaí bithmhaise leis na critéir maidir le hinbhuanaitheacht a leagtar síos in Airteagal 29(2) go (5) agus (10) de Threoir (AE) 2018/2001;

(b)

comhlíontacht na n-oibreoirí eacnamaíocha leis an oibleagáid faisnéis chruinn a iontráil sa bhunachar sonraí de chuid an Aontais nó sa bhunachar sonraí náisiúnta maidir le breoslaí in-athnuaite agus breoslaí carbóin athchúrsáilte a úsáidtear in earnáil an iompair i gcomhréir le hAirteagal 28(4) de Threoir (AE) 2018/2001.

(a)

má léirítear go soiléir nach bhfuil eilimintí curtha chun feidhme leis an scéim, arb eilimintí iad a mheastar a bheith tábhachtach don Chinneadh seo, nó má cuireadh stop lena gcur chun feidhme trí shárú tromchúiseach agus struchtúrach;

(b)

mura gcuireann an scéim tuarascálacha bliantúla faoi bhráid an Choimisiúin, mar a cheanglaítear le hAirteagal 30(5) de Threoir (AE) 2018/2001; nó

(c)

mura gcomhlíontar leis an scéim na caighdeáin iniúchóireachta neamhspleáiche nó ceanglais eile a shonraítear sna gníomhartha cur chun feidhme dá dtagraítear in Airteagal 30(8) de Threoir (AE) 2018/2001 nó mura gcuirtear chun feidhme léi feabhsuithe ar eilimintí eile den scéim a mheastar a bheith tábhachtach maidir le haitheantas leanúnach.