|
31.1.2018 |
MT |
Il-Ġurnal Uffiċjali tal-Unjoni Ewropea |
L 26/11 |
REGOLAMENT DELEGAT TAL-KUMMISSJONI (UE) 2018/149
tal-15 ta' Novembru 2017
li jemenda r-Regolament Delegat (UE) 2016/1238 f'dak li għandu x'jaqsam mar-rekwiżiti tal-kompożizzjoni u mal-karatteristiċi tal-kwalità tal-ħalib u tal-prodotti tal-ħalib li huma eliġibbli għall-intervent pubbliku u għall-għajnuna għall-ħżin privat
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikulari l-Artikolu 19(1)(a) tiegħu,
Billi:
|
(1) |
Ir-Regolament Delegat tal-Kummissjoni (UE) 2016/1238 (2) jistabbilixxi r-rekwiżiti tal-kompożizzjoni u l-karatteristiċi tal-kwalità tal-ħalib u tal-prodotti tal-ħalib li huma eliġibbli għall-intervent pubbliku u għall-għajnuna għall-ħżin privat. |
|
(2) |
Minħabba li sar titjib tekniku fil-metodoloġija li tintuża għall-analiżi u għall-evalwazzjoni tal-kwalità tal-ħalib u tal-prodotti tal-ħalib, u sabiex ir-regoli eżistenti tal-Unjoni marbutin mar-rekwiżiti tal-iġjene jiġu allinjati flimkien, jeħtieġ li jiġu riveduti l-parametri tar-rekwiżiti tal-kompożizzjoni u tal-karatteristiċi tal-kwalità ta' ċerti prodotti tal-ħalib li huma eliġibbli għall-intervent pubbliku u għall-għajnuna għall-ħżin privat, u li dawn jiġu aġġornati. |
|
(3) |
Għalhekk jenħtieġ li l-Annessi IV u V tar-Regolament Delegat (UE) 2016/1238 jiġu emendati kif xieraq, |
ADOTTAT DAN IR-REGOLAMENT:
Artikolu 1
L-Annessi tar-Regolament Delegat tal-Kummissjoni (UE) 2016/1238 huma emendati kif ġej:
|
(a) |
il-Parti II tal-Anness IV qed tinbidel bit-test mogħti fl-Anness I ta' dan ir-Regolament; |
|
(b) |
il-Parti II tal-Anness V qed tinbidel bit-test mogħti fl-Anness II ta' dan ir-Regolament. |
Artikolu 2
Dan ir-Regolament għandu jidħol fis-seħħ fis-seba' jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta' Novembru 2017.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 671.
(2) Ir-Regolament Delegat tal-Kummissjoni (UE) 2016/1238 tat-18 ta' Mejju 2016 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill fir-rigward tal-intervent pubbliku u l-għajnuna għall-ħżin privat (ĠU L 206, 30.7.2016, p. 15).
ANNESS I
“PARTI II
Rekwiżiti tal-kompożizzjoni u karatteristiċi tal-kwalità
Il-butir huwa emulsjoni solida, l-aktar tat-tip tal-ilma fiż-żejt, bil-karatteristiċi tal-kompożizzjoni u tal-kwalità li ġejjin:
|
Parametri |
Kontenut u karatteristiċi tal-kwalità |
|
Xaħam |
Minimu ta' 82 % |
|
Ilma |
Massimu ta' 16 % |
|
Solidi bla xaħam |
Massimu ta' 2 % |
|
Aċidità tax-xaħam |
Massimu ta' 1,2 mmole għal kull 100 gramma xaħam |
|
Valur tal-perossidu |
Massimu ta' 0,3 meq ta' ossiġnu għal kull 1 000 gramma xaħam |
|
Xaħam bla ħalib |
Mhux traċċabbli b'analiżi tat-trigliċeridi |
|
Karatteristiċi sensorjali |
Mill-anqas erba' minn ħames punti għad-dehra, għat-togħma u għall-konsistenza” |
ANNESS II
“PARTI II
Rekwiżiti tal-kompożizzjoni u karatteristiċi tal-kwalità
|
Parametri |
Kontenut u karatteristiċi tal-kwalità |
|
Proteina |
Minimu ta' 34,0 % tal-materja niexfa bla xaħam |
|
Xaħam |
Massimu ta' 1,00 % |
|
Ilma |
Massimu ta' 3,5 % |
|
Aċidità titrabbli f'millilitri ta' soluzzjoni tal-idrossidu tas-sodju deċinormali |
Massimu ta' 19,5 ml |
|
Lattat |
Massimu ta' 150 mg għal kull 100 gramma |
|
Test tal-fosfatażi |
Negattiv, jiġifieri mhux aktar minn 350 mU ta' attività tal-fosfatażi għal kull litru ta' ħalib rikostitwit |
|
Indiċi tal-insolubbiltà |
Massimu ta' 0,5 ml (24 °C) |
|
Partiċelli maħruqin |
Massimu ta' 15,0 mg, jiġifieri tal-inqas id-diska B |
|
Mikroorganiżmi |
Massimu ta' 40 000 CFU għal kull gramma |
|
Xorrox tal-butir (1) |
L-ebda traċċa tiegħu (2) |
|
Xorrox tat-tames (3) |
L-ebda traċċa tiegħu |
|
Xorrox aċiduż (3) |
L-ebda traċċa tiegħu (4) jew massimu ta' 150 mg għal kull 100 gramma (5) |
|
Togħma u riħa |
Nodfa |
|
Dehra |
Kulur abjad jew li jagħti ftit fl-isfar, mingħajr impuritajiet u partiċelli kkuluriti |
(1) ‘Xorrox tal-butir’ tfisser il-prodott sekondarju tal-manifattura tal-butir li jinkiseb wara li titħawwad il-krema u jinfired ix-xaħam solidu.
(2) In-nuqqas ta' xorrox tal-butir jista' jiġi stabbilit jew permezz ta' spezzjoni fuq il-post tal-impjant tal-produzzjoni li titwettaq tal-inqas darba fil-ġimgħa mingħajr avviż minn qabel, jew permezz ta' analiżi fil-laboratorju tal-prodott aħħari li tindika massimu ta' 69,31 mg ta' PEDP għal kull 100 gramma.
(3) ‘Xorrox’ tfisser il-prodott sekondarju tal-manifattura tal-ġobon jew tal-kaseina li jinkiseb permezz tal-azzjoni tal-aċidi, tat-tames u/jew ta' proċessi kimiċi u fiżiċi.
(4) Meta jitwettqu spezzjonijiet fuq il-post.
(5) Meta jintuża l-istandard tal-ISO 8069.”