02020R2131 — GA — 18.12.2020 — 000.001

Is áis doiciméadúcháin amháin an téacs seo agus níl aon éifeacht dhlíthiúil aige. Ní ghabhann institiúidí an Aontais aon dliteanas orthu féin i leith inneachar an téacs. Is iad na leaganacha de na gníomhartha a foilsíodh in Iris Oifigiúil an Aontais Eorpaigh agus atá ar fáil ar an suíomh gréasáin EUR-Lex na leaganacha barántúla de na gníomhartha ábhartha, brollach an téacs san áireamh. Is féidir teacht ar na téacsanna oifigiúla sin ach na naisc atá leabaithe sa doiciméad seo a bhrú

►B

RIALACHÁN (AE) 2020/2131 Ó PHARLAIMINT NA hEORPA AGUS ÓN gCOMHAIRLE

an 16 Nollaig 2020

maidir le díchur dleachtanna custaim ar earraí áirithe

(IO L 430 18.12.2020, lch. 1)


Arna cheartú le:

►C1

Ceartúchán, IO L 071, 2.3.2021, lch.  24 (2020/2131)



▼B

RIALACHÁN (AE) 2020/2131 Ó PHARLAIMINT NA hEORPA AGUS ÓN gCOMHAIRLE

an 16 Nollaig 2020

maidir le díchur dleachtanna custaim ar earraí áirithe



Airteagal 1

Díchur dleachtanna custaim

0 % (saor ó dhleacht) a bheidh i ndleachtanna custaim allmhairiúcháin faoin gComhtharaif Chustaim is infheidhme le haghaidh na n-earraí a aicmítear sna línte taraife a liostaítear i Roinn I den Iarscríbhinn ar bhonn erga omnes.

Airteagal 2

Na coinníollacha chun dleachtanna custaim a dhíchur

Díchur na ndleachtanna custaim le haghaidh na n-earraí a aicmítear sna línte taraife a liostaítear i Roinn I den Iarscríbhinn, beidh sé faoi réir na coinníollacha seo a leanas:

(a) 

na Stáit Aontaithe do laghdú dleachtanna custaim ar bhonn erga omnes le haghaidh na n-earraí a aicmítear sna línte taraife a liostaítear i Roinn II den Iarscríbhinn; agus

(b) 

na Stáit Aontaithe do staonadh ó bhearta nua a thabhairt isteach i gcoinne an Aontais a bhaineann an bonn de na cuspóirí atá á saothrú leis an gComhráiteas.

Airteagal 3

Fionraí sealadach

Mura gcomhlíonann na Stáit Aontaithe na coinníollacha a leagtar amach in Airteagal 2, nó má tá dóthain fianaise ann faoi mhainneachtain thodhchaí na Stát Aontaithe na coinníollacha sin a chomhlíonadh, féadfaidh an Coimisiún gníomh cur chun feidhme a ghlacadh lena ndéantar díchur dleachtanna custaim dá dtagraítear in Airteagal 1 a chur ar fionraí go dtí go gcomhlíonfar na coinníollacha a leagtar amach in Airteagal 2. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 4(2).

Airteagal 4

Nós imeachta coiste

1.  
Déanfaidh an Coiste um an gCód Custaim a bunaíodh le hAirteagal 285 de Rialachán (AE) Uimh. 952/2013 ó Pharlaimint na hEorpa agus ón gComhairle ( 1 ) cúnamh a thabhairt don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.
2.  
I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

Airteagal 5

Teacht i bhfeidhm agus cur i bhfeidhm

1.  
Tiocfaidh an Rialachán seo i bhfeidhm ar lá a fhoilsithe in Iris Oifigiúil an Aontais Eorpaigh.
2.  
Beidh feidhm ag an Rialachán seo ón 1 Lúnasa 2020 go dtí an 31 Iúil 2025.
3.  
Foilseoidh an Coimisiún fógra fionraí in Iris Oifigiúil an Aontais Eorpaigh i gcás ina ndéanfar cur i bhfeidhm an Rialacháin seo a chur ar fionraí de bhun Airteagal 3 nó i gcás ina scoirfidh an Rialachán seo d’fheidhm a bheith aige roimh an 31 Iúil 2025.

▼C1

4.  
Arna iarraidh sin do na hoibreoirí eacnamaíocha lena mbaineann, aisíocfaidh údaráis chustaim náisiúnta na mBallstát lena mbaineann aon dleachtanna arna n-íoc de bhreis ar na dleachtanna is infheidhme i gcomhréir leis an Rialachán seo le haghaidh allmhairí idir an 1 Lúnasa 2020 agus an 18 Nollaig 2020.

▼B

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.



IARSCRÍBHINN

Cuid I (Ainmníocht Chomhcheangailte an Aontais Eorpaigh)



Cód CN

Tuairisc

0306 11 90

Gliomaigh charraige reoite agus piardóga farraige eile, Palinurus spp., Panulirus spp., Jasus spp., fiú agus iad deataithe, bídís sa bhlaosc nó ná bídís, lena n-áirítear iad sin sa bhlaosc, iad cócaráilte le gal nó beirithe in uisce (cé is moite d’eireabaill piardóg)

0306 12 10

Gliomaigh reoite Homarus spp., iad iomlán, fiú agus iad deataithe nó cócaráilte le gal nó beirithe in uisce

0306 12 90

Gliomaigh reoite Homarus spp., fiú agus iad deataithe, bídís sa bhlaosc nó ná bídís, lena n-áirítear gliomaigh sa bhlaosc, iad cócaráilte le gal nó beirithe in uisce (cé is moite de ghliomaigh ina n-iomláine)

0306 32 10

Gliomaigh bheo Homarus spp.

Cuid II (Taraif Chustaim na Stát Aontaithe)



Cód Taraife

Tuairisc

Taraif an Náisiúin Barrfhabhair atá ann cheana

Ráta Nua an Náisiúin Barrfhabhair

1604 20 05

Táirgí a bhfuil feoil crústach, moileasc nó inveirteabrach uisceach eile iontu, béilí ullmhaithe

10 %

5 %

7013 41 50

Earraí gloine chun críocha boird nó cistine (cé is moite de ghloiní óil), iad déanta as criostal luaidhe, dar luach is mó ná USD 5 an ceann

6 %

3 %

3214 90 50

Ullmhóidí neamh-theasfhulangacha le haghaidh dromchlú aghaidheanna, ballaí faoi dhíon, urlár, síleálacha nó a leithéidí, nach bhfuil bunaithe ar rubar

6,5 %

3,25 %

3601 00 00

Púdair thiomántacha

6,5 %

3,25 %

9613 10 00

Lastóirí toitíní agus lastóirí comhchosúla, iad breoslaithe le gás, nach féidir a athlíonadh, le haghaidh an phóca

8 %

4 %

9613 90 80

Páirteanna le haghaidh lastóirí toitíní neamhleictreacha agus lastóirí comhchosúla

8 %

4 %


( 1 ) Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (IO L 269, 10.10.2013, lch. 1).