Uimh.

Ceanglas dé-úsáide

Luach dé-úsáide

Nóta

1

Tréimhsí Oibriúcháin

Tógáil nó leathnú an bhonneagair agus na nasc le hiompar ilmhódach agus trealamh lena n-éascaítear inniúlacht maidir le hoibríochtaí 24/7 agus oibríochtaí Lae/Oíche/Uile-Aimsire.

Áirítear naisc iarnróid agus naisc phíblíne i gcomhair breosla (a bhraitheann ar bhreosla a sheachadadh le haghaidh aerárthaí míleata agus sibhialta araon).

2

Oibríochtaí Bunáite 24/7

Acmhainneacht maidir le hoibríochtaí Lae/Oíche/Uile-Aimsire.

3

Rialú Aerthráchta

Bonneagar Rialaithe Aerthráchta a bhfuil inniúlacht leordhóthanach aige chun oibríochtaí aerpháirce a bhainistiú de lá agus d’oíche.

Le tuiscint de réir Rialacháin ICAO agus AE chomh maith le Treoirlínte Eurocontrol CUMA.

4

Sócmhainní Aeir in aghaidh an lae

Toilleadh bonneagair láimhseála:

Aerárthaí in aghaidh an lae: 6 cinn ar a laghad in aghaidh an lae.

Aerárthaí Coirp Leathain lena nglactar: 4 spás páirceála chomhthráthacha ar a mhéid ar an naprún.

5

Fad an Rúidbhealaigh

Íoscheanglas: 3 000 m.

Inmholta: 3 500 m.

Le cinneadh i ngach Ballstát ina bhféadfadh 2 800 m a bheith leordhóthanach mar fhad rúidbhealaigh.

Oiriúnach d’Iompar Straitéiseach na Catagóire Aerárthaigh chomh maith le haerárthaí A330/A400M/IL76/B747/An225/C5/C17.

6

Leithead an Rúidbhealaigh

Ó 45 m suas le 60 m.

Le cinneadh ag na Ballstáit i gcás ina bhfuil gá le leithead 60 m.

Oiriúnach d’Iompar Straitéiseach na Catagóire Aerárthaigh chomh maith le haerárthaí A330/A400M/IL76/B747/An225/C5/C17.

7

Dromchla an Rúidbhealaigh

Is féidir leis a bheith de chineál docht nó solúbtha.

Le cinneadh i ngach Ballstát inar cheart do na 150 m ag deireadh an rúidbhealaigh a bheith docht chun dul i ngleic le héifeachtaí shruth an scairdinnill.

8

Bealach innlithe

Leithead: 22.5 m, is féidir leis a bheith de chineál docht nó solúbtha.

9

Neart Phábháil an Rúidbhealaigh

Leordhóthanach le haghaidh Aerárthaí Coirp Leathain Straitéiseacha

Is féidir an ceanglas sin a sheachadadh i gcomhréir le rialacháin ICAO agus AE.

10

Naprún – Fad

190 m ar a laghad.

11

Leithead an Naprúin

350 m ar a laghad.

12

Inniúlacht an Naprúin

66 500 m2.

13

Pábháil an Naprúin Aicmiú Uimhir (PCN)  (1)

Bunaithe ar Uimhir Aicmithe Aerárthaigh (ACN)  (2) a dhíorthaíonn ón gcineál foghráid.

Rátáil aonaid aonair atá in ACR lena gcuirtear in iúl an éifeacht choibhneasta a bhíonn ag aerárthach ar phábháil i gcás neart sonrach foghráid lena léirítear an tiús atá i bpábháil áirithe (arna thomhas lena PCR). Is féidir an ceanglas sin a sheachadadh i gcomhréir le rialacháin ICAO agus AE.

Modheolaíocht nuashonraithe de chuid mhodheolaíocht na hUimhreach Aicmithe Aerárthaigh (ACN) agus na hUimhreach Aicmithe Pábhála (PCN) atá sa ghaol idir ACR/PCR. Amhail ó mhí na Samhna 2024, déanfar an mhodheolaíocht maidir le measúnú agus tuairisciú a dhéanamh ar an acmhainn seasaimh atá ag pábháil aerpháirce a shloinneadh mar ghaol idir an Rátáil Aicmithe Aerárthaigh agus an Rátáil Aicmithe Pábhála (ACR/PCR), seachas an gaol idir an Uimhir Aicmithe Aerárthaigh agus an Uimhir Aicmithe Pábhála (ACN/PCN).

D’fhormheas an Painéal um Dhearadh agus Oibríochtaí Aerfort (ADOP) de chuid ICAO an modh agus is é an Córas nua Rátála Pábhála de chuid ICAO é ó bhí mí Iúil 2020 ann. Déanfar doiciméadacht náisiúnta agus sainiúlachtaí deartha a oiriúnú le linn idirthréimhse ó 2020 go 2024.

14

Trealamh Sneachta agus Oighir le haghaidh an Rúidbhealaigh agus táirgí Dí-Oighrithe

Limistéar iata stórála 180 m2.

15

Tarrtháil Dóiteáin de dheasca Tuairte (Catagóir)

Saoráid tógála Fráma Cruach nó Saoirseachta ar féidir léi feithiclí tarrthála tuairte agus dóiteáin araon a stóráil (200 m2 ar a laghad le spás bá inmheánach 98 m2).

Uimh.

Ceanglas dé-úsáide

Luach dé-úsáide

Nóta

1

Tréimhse oibriúcháin calafoirt

Tógáil nó leathnú an bhonneagair le haghaidh rochtain ar an ngréasán iompair ilmhódaigh, agus trealamh lena n-éascaítear oibríochtaí 24/7 uile-aimsire.

Áirítear cumas briste oighir agus trealamh chun sneachta a bhaint i gcalafort.

Ní áirítear foirgnimh, saoráidí stórála agus stórais, craenacha, iompróirí, ná gléasanna eile chun lasta a bhogadh, ná sócmhainní soghluaiste amhail innill fhéinghluaiste. Ní thabharfar buntáiste roghnaitheach d’oibreoir ar leith ná do ghrúpa ar leith oibreoirí le gníomhaíochtaí agus beidh siad inrochtana ar bhonn neamh-idirdhealaitheach.

2

Líon na mBeart

3.

Ní mór na bearta a bheith laistigh de chalafort mar a shainítear i sonraí geografacha na gceanglas míleata. Ní gá do na bearta a bheith in aice a chéile.

3

Bíoma

32 m.

Bealach isteach chuig calafort.

4

Doimhneacht chun glacadh le soitheach

12 m ar a laghad ag meánlag trá.

Bealach isteach chuig calafort.

5

Doimhneacht an chalafoirt

12 m ar a laghad, le 14 m inmholta chun glanspás doimhneachta 2 m a cheadú.

Le cinneadh i ngach Ballstát ina bhféadfadh doimhneacht calafoirt 12 m a bheith leordhóthanach.

D’fhéadfadh glanspás doimhneachta 1 m a bheith leordhóthanach i gcalafoirt gan éifeacht taoide.

Bealach isteach chuig calafort.

6

Fad an bhearta

310 m ar a laghad agus suas le 340 m in aghaidh an tsoithigh.

7

Bíoma bearta calafoirt

32 m ar a laghad

Le haghaidh chatagóir na long mór/meánach atá i mbeart.

8

Cineál bearta calafoirt

Ba cheart freastal ar na cineálacha long seo a leanas:

Báirse, lasta ginearálta, coimeádán, paisinéirí, Róró, tancaer.

9

Doimhneacht an bhearta

12 m ar a laghad, le 14 m inmholta.

Le cinneadh i ngach Ballstát ina mbeadh doimhneacht bearta 12 m leordhóthanach.

Ag teastáil le haghaidh chatagóir na long mór agus Róró an-mhór.

10

Acmhainneacht maidir le díluchtú

2 long go comhuaineach.

11

Líon na rianta caocha/na gceann ráille

3.

Líon na gceann ráille atá ag teastáil.

Uimh.

Ceanglas dé-úsáide

Luach dé-úsáide

Nóta

1

Tréimhse oibriúcháin sheirbhís an chinn ráille

Tógáil nó leathnú an bhonneagair le haghaidh rochtain ar an ngréasán iompair ilmhódaigh, agus trealamh lena n-éascaítear oibríochtaí 24/7 uile-aimsire.

2

Sócmhainní paisinéirí iarnróid

Bonneagar atá in ann cóistí paisinéirí iarnróid a láimhseáil (atá in ann paisinéirí a iompar), lena n-áirítear cóistí dhá urlár, chun 80 duine ar a laghad a luchtú ar gach ceann; líon íosta cóistí in aghaidh an lae: 6 phíosa.

3

Stáisiúin traenach

Bonneagar ardáin atá in ann déileáil le 3-4 thraein (10 gcóiste dhá urlár nó a gcoibhéis) in aghaidh an stáisiúin in aghaidh an lae (5,000 duine in aghaidh an lae in aghaidh an stáisiúin).

4

Oibríochtaí cinn ráille

Bonneagar atá in ann déileáil le 3 thraein lastais ar a laghad go comhuaineach i láithreacha críochfoirt.

Beidh trealamh a thaistealaíonn d’iarnród faoi réir pleanáil chúramach lasta agus turais chun a chomhlíontacht leis an leithead iarnróid, an bonneagar, na bealaí agus na tolláin atá ar fáil sna Ballstáit a áirithiú.

5

Infhaighteacht an chórais leictrithe

Buan le córas cúltaca gan beann ar an bhfoinse fuinnimh.

Baineann sé le córais chúltaca le haghaidh stáisiúin nó saoráidí láimhseála ilmhódaigh.

6

Dépholarúchán

Is féidir rochtain a fháil.

Baineann sé le córais sábháilteachta agus le ciorcaid riain chun traenacha a bhrath ar na rianta, chomh maith le hoibriú sa dá threo má cheadaíonn an ceann ráille rian amháin nó níos mó d’iarnród ilriain a oibriú, le haghaidh úsáid rialta nó éigeandála.

7

Infhaighteacht soilsiúcháin

Acmhainneacht 24/7 maidir le soilsiúchán i stáisiúin agus críochfoirt.

8

Leithead rianta

1 435 mm. Foirfe le haghaidh gréasán iarnróid caighdeánach leanúnach pan-Eorpach agus an-inmhianaithe le haghaidh soghluaisteacht mhíleata.

I gcásanna ina bhfuil tairbhe shoiléir ann don earnáil shibhialtach agus don earnáil mhíleata araon, is féidir glacadh le leithid iarnróid 1 520 /1 524 mm agus 1 668 mm.

9

Leithead luchtaithe

Caighdeán GC inmholta.

Le cinneadh i ngach Ballstát inar leor leithead luchtaithe éagsúil a imchlúdaíonn P-400 agus atá i gcomhréir le STInna iarnróid.

Leithead luchtaithe le haghaidh coimeádáin mhóra. Luíonn GC le caighdeán UIC P-400.

10

Airde uasta lasta

4.5 m.

Tá an lamháil sábháilteachta san áireamh san fhigiúr sin.

11

Leithead uasta lasta

3.15 m faoi ghnáthchúinsí.

Suas le 3.75 m i gcásanna eisceachtúla, i gcás ina bhfuil sochar sibhialtach soiléir agus ina n-urramaítear STInna.

Bheadh leithead suas le 4.5 m inmhianaithe le haghaidh gluaiseacht mhíleata.

12

Fad uasta lasta

18.75 m.

13

Ualach ar acastóir iarnróid i dtonaí

22.5 t/acastóir ar a laghad ar chroíghréasán TEN-T; 25 t/acastóir inmholta.

22.5 t/acastóir ar a laghad atá sa cheanglas maidir le hualach ar acastóir le haghaidh chroíghréasán iarnróid TEN-T lena n-áirítear droichid. Tá sé suntasach go bhféadfadh uasghráduithe ar an ualach ar acastóir go dtí 25 t/acastóir ar a laghad a bheith tairbhiúil le haghaidh gluaiseachtaí sibhialtacha agus míleata. Tá an ghluaiseacht mhíleata atá ann faoi láthair ag teorainn an ollmheáchain atá ann faoi láthair.

14

Fad uasta traenach

740 m ar a laghad.

De réir Rialachán (AE) 1315/2013  (3), ní mór an inniúlacht a bheith in ann traenacha 740 m ar a laghad ar fhad a oibriú.

Athraíonn fad traenach a bhíonn ag gluaiseacht (e.g. nuair a bhíonn sí ag coscánú nó ag luasghéarú). Dá bhrí sin, tagann an ceanglas dé-úsáide leis an gceanglas míleata.

15

Rianta taobhlaigh

3 cinn ar a laghad, gach ceann acu ≥ 300 m ar a laghad.

Is féidir leo a bheith i gcomharsanacht na láithreacha críochfoirt nó laistigh díobh.

Uimh.

Ceanglas dé-úsáide

Luach dé-úsáide

Nóta

1

Aicmiú bóithre

Lána aonair: 3.5 m – 5.5 m

Sreabhadh aonair 5.5 m – 7.3 m

Sreabhadh dúbailte ≥ 7.3 m.

Sreabhadh aonair – scoitheann feithiclí aonair nó gluaiseann siad sa treo contrártha ag pointí/limistéir shocraithe.

Sreabhadh dúbailte – gluaiseann 2 cholún feithiclí i gcomhthráth agus ar 2 lána ar a laghad (gan iad a bheith níos cúinge ná 8.2 m go hidéalach).

Ní áirítear tionscadail a bhaineann le guaillí crua a úsáid mar lánaí breise.

2

Cineálacha bealaí

Cineál X – bealach uile-aimsire arna chothabháil go maith, ar féidir úsáid a bhaint as le linn na bliana ar fad ag an toilleadh uasta.

Is fearr Cineál X le haghaidh gluaiseacht mhíleata, óir go ginearálta ní dhéanann báisteach ná athruithe teochta difear do dhromchlaí uiscedhíonacha.

3

Ollmheáchain bóthair

130 t.

Ní thagraíonn 130 t do shaorchúrsaíocht feithiclí ag a bhfuil ollmheáchan 130 t. Tagraíonn an ceanglas dé-úsáide sin do chumas dromchlaí bóthair gluaiseachtaí nó iompar sócmhainní míleata róthrom a sheasamh ar bhonn ócáideach.

Dá bhrí sin, leis an teorainn shibhialta de 44 t (mar a léirítear i dTreoir 96/53/CE ón gComhairle  (4)) ba cheart gluaiseachtaí ócáideacha sócmhainní iompair róthroma suas le 130 t a bhfuil ualach uasta 12.23 t/acastóir ar acastóir acu a cheadú.

Le gluaiseachtaí ócáideacha den sórt sin (idir ghluaiseachtaí míleata agus sibhialta), is dócha go dteastaíonn ceadanna nó tarscaoileadh speisialta agus bearta maolaithe iomchuí, a chinneann na Ballstáit go heisceachtúil.

4

Ollmheáchan droichid

130 t.

Ní thagraíonn 130 t do shaorchúrsaíocht feithiclí ag a bhfuil ollmheáchan 130 t. Tagraíonn an ceanglas dé-úsáide sin do chumas droichead gluaiseachtaí nó iompar sócmhainní míleata róthrom a sheasamh ar bhonn ócáideach.

Le gluaiseachtaí ócáideacha den sórt sin (idir ghluaiseachtaí míleata agus sibhialta), is dócha go dteastaíonn ceadanna nó tarscaoileadh speisialta agus bearta maolaithe iomchuí, a chinneann na Ballstáit go heisceachtúil.

Beidh droichid in ann ollmheáchan 130 t a sheasamh le hualach uasta 12.23 t/acastóir ar acastóir (le Treoir 96/53/CE ceadaítear suas le 11.5 t/acastóir, seachas sa Fhrainc, áit arb é 13 t/acastóir an t-ualach ceadaithe). In imthosca ina bhfuil meáchan 130 t i bhfeithicil amháin, is gá a áirithiú go gcuirfear bearta maolaithe iomchuí i bhfeidhm, amhail luas agus fad ó fheithiclí eile, agus, más gá, go gcuirfear sreabhadh aonair tráchta i bhfeidhm agus úsáid á baint as droichid.

Deartar droichid bhóthair sa chaoi is go mbeidh fad iomlán na ndroichead in ann feithiclí lánluchtaithe a sheasamh ar gach lána. Dá bhrí sin, más féidir le droichead trucailí iolracha a bhfuil meáchan 44 t iontu a sheasamh go comhuaineach, ba cheart dó a bheith in ann ollmheáchan iomlán 130 t a sheasamh ó am go ham, más rud é go n-áirithítear na bearta maolaithe iomchuí amhail luas, an fad idir feithiclí agus an fad idir acastóirí na bhfeithiclí.

5

Airde uasta lasta

4.5 m.

Ní mór srianta ar tholláin a chur san áireamh agus bealaí á bpleanáil, go háirithe i gcás feithiclí gan ráillí, leantóirí agus earraí contúirteacha. Le cinneadh i ngach tír i gcás ina mbeidh feidhm ag 4.5 m agus ina mbeidh sé infheidhme.

Áirítear leis seo an teaglaim d’airde lasta deice na feithicle, móide airde an lasta agus glanspás sábháilteachta lastuas.

Le Treoir 96/53/CE ceadaítear airde feithicle suas le 4 m.

Tar éis cead iompair eisceachtúil a fháil, tá airde 4.5 m ceadaithe (airde iompair 4.35 m + 0.15 m le haghaidh crochta agus gluaiseachtaí feithicle).

6

Leithead uasta lasta

4.5 m.

Mar a léirítear i dTreoir 96/53/CE, is é 2.55 m an leithead uasta feithicle le haghaidh feithicil údaraithe. De ghnáth, teastaíonn 3.5 m ó fheithiclí rothacha agus 4.5 m ó fheithiclí rianaithe le haghaidh iompar míleata. Le gluaiseachtaí ócáideacha den sórt sin (idir ghluaiseachtaí míleata agus sibhialta), is dócha go dteastaíonn ceadanna nó tarscaoileadh speisialta agus bearta maolaithe iomchuí, a chinneann na Ballstáit go heisceachtúil.

7

Fad uasta lasta

Ó 18.75 m suas le 27.5 m

Is é 18.75 m an fad uasta feithicle, ar féidir síneadh suas le 25.03 m a chur leis i gcás ina gceadaítear é sin le forbairt bonneagair. Féadfar cead a thabhairt d’fheithiclí níos faide gluaiseacht má fhaigheann siad cead iompair eisceachtúil. De ghnáth, le haghaidh lasta ina bhfuil meáchan os cionn 130 t beidh gá le teaglaim de tharracóir le 8 mbonn agus 4 acastóir + leantóir le 8 n-acastóir. I bhformhór na gcásanna, is leor leathleantóir traidisiúnta le 8 n-acastóir chun críoch dé-úsáide. Mar sin féin, nuair a theastaíonn leantóir le leaba íseal ar chúiseanna praiticiúla (e.g. airde glanta droichid), is é a bheidh ann de riachtanas leathleantóir le 3 acastóir go 5 acastóir, atá thart ar 22.5 m ar fhad. Arna cheangal d’aonad tarracóra faoina bhfuil 8 mbonn agus 4 acastóir, beidh an fheithicil chomhcheangailte thart ar 27 m ar fhad ar an iomlán. Tá buntáistí ag baint le leantóirí le leaba íseal a úsáid chomh fada agus a bhaineann le droichid bhreise agus airde uasbhealaí a ghlanadh, toisc go ndáiltear ualaí ar acastóir de chuid feithiclí níos faide ar dhromchla níos mó, agus ar an mbealach sin laghdaítear an t-ualach a bhíonn ar phointí ar leith de dhroichid agus d’uasbhealaí. Glacann formhór na mBallstát cheana féin le feithiclí 27.5 m mar chuid de na ceadanna iompair eisceachtúla a eisíonn siad.

8

Ga casadh chun trealamh trom a iompar

Ó 12.5 m suas le 15.5 m.

Le cinneadh i ngach Ballstát.

Is é an ceanglas atá i dTreoir 96/53/CE nach mór d’fheithiclí bóthair a bheith in ann casadh laistigh de gha seachtrach 12.5 m.

Uimh.

Ceanglas dé-úsáide

Luach dé-úsáide

Nóta

1

Loic

I gcomhréir le Caighdeáin ‘Pháipéar Gorm’ UNECE  (5)

2

Doimhneacht

I gcomhréir le Caighdeáin ‘Pháipéar Gorm’ UNECE  (6)

3

Beart

2

Líon na mbeart.

4

Acmhainneacht maidir le Díluchtú

2 bháirse go comhuaineach

5

Glanspás droichid

3.5 m

I gcomhréir le Rialachán (AE) 1315/2013.

Uimh.

Ceanglas dé-úsáide

Luach dé-úsáide

Nóta

1

Nascadh le nód

Ag teastáil ag calafort/aerfort/uiscebhealach intíre/ceann ráille/príomhbhóithre i gcás inarb infheidhme, lena n-áirítear pointí luchtaithe ó dheic go deic thar mhodhanna iompair ilmhódaigh

2

Rampaí lódála agus trealamh láimhseála/Toilleadh páirceála

Líon leordhóthanach rampaí lódála (feistithe) a bhfuil ar a gcumas tacú le lasta 100 t agus le feithiclí suas le 120 t lena n-áirítear Príomhthancanna Catha ag a bhfuil ualach uasta 12.23 t/acastóir (bóthar) ar acastóir agus ualach íosta 22.5 t/acastóir (iarnród) ar acastóir.

Trealamh láimhseála chun nascadh le nóid ilmhódacha go háirithe (iarnród, aer, calafort (Lóló/Róró) agus uiscebhealaí intíre). Toilleadh páirceála ar féidir leis rothstoc agus lasta ginearálta a choinneáil go sealadach.

Gníomhaíochtaí a bhaineann le bonneagar seasta chun tacú le gluaiseacht sócmhainní de bhóthar, d’iarnród, de mhuir agus d’uiscebhealaí intíre i saoráidí láimhseála trealaimh ilmhódaigh.

Oiriúnach le haghaidh coimeádáin lasta a chomhlíonann an sainmhíniú ar chaighdeán ISO 1496-1:2013 Sraith 1.

Ba cheart do rampaí bóthair a bheith in ann déileáil le coimeádáin, trealamh trom agus lasta ginearálta.

Ní áirítear foirgnimh, saoráidí stórála agus stórais, craenacha, iompróirí, ná gléasanna eile chun lasta a bhogadh, ná sócmhainní soghluaiste amhail innill fhéinghluaiste.

Ní thabharfar buntáiste roghnaitheach d’oibreoir ar leith ná do ghrúpa ar leith oibreoirí le gníomhaíochtaí agus beidh siad inrochtana ar bhonn neamh-idirdhealaitheach.

Uimh.

Ceanglas dé-úsáide

Luach dé-úsáide

Nóta

1

An Chibearshlándáil

Trealamh, réitigh agus córais chibearshlándála a bhaineann go díreach le tograí tionscadail a bhfuil nasc acu le hathléimneacht an bhonneagair dé-úsáide, i gcás inarb iomchuí.