|
26.8.2021 |
GA |
Iris Oifigiúil an Aontais Eorpaigh |
L 302/1 |
RIALACHÁN CUR CHUN FEIDHME (AE) 2021/1401 ÓN gCOIMISIÚN
an 25 Lúnasa 2021
lena leasaítear Rialacháin Cur Chun Feidhme (AE) 2020/761 agus (AE) 2020/1988 a mhéid a bhaineann leis na cainníochtaí is féidir a allmhairiú faoi tharaif-chuótaí áirithe
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagrú na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001, agus (CE) Uimh. 1234/2007 ón gComhairle (1), agus go háirithe Airteagal 187 agus Airteagal 223(3) de,
Ag féachaint do Rialachán (AE) Uimh. 1306/2013 ó Pharlaimint na hEorpa agus ón gComhairle an 17 Nollaig 2013 maidir leis an gcomhbheartas talmhaíochta a mhaoiniú, a bhainistiú agus faireachán a dhéanamh air agus lena n-aisghairtear Rialacháin (CEE) Uimh. 352/78, (CE) Uimh. 165/94, (CE) Uimh. 2799/98, (CE) Uimh. 814/2000, (CE) Uimh. 1290/2005 agus (CE) Uimh. 485/2008 ón gComhairle (2), agus go háirithe Airteagal 66(4) de,
Ag féachaint do Rialachán (AE) Uimh. 510/2014 ó Pharlaimint na hEorpa agus ón gComhairle an 16 Aibreán 2014 lena leagtar síos na socruithe trádála is infheidhme maidir le hearraí áirithe ar den toradh ar phróiseáil táirgí talmhaíochta iad agus lena n-aisghairtear Rialacháin (CE) Uimh. 1216/2009 agus (CE) Uimh. 614/2009 ón gComhairle (3), agus go háirithe Airteagal 9, an chéad mhír, pointí (a) go (d), agus Airteagal 16(1) de,
De bharr an mhéid seo a leanas:
|
(1) |
Le Rialachán Cur Chun Feidhme (AE) 2020/761 ón gCoimisiún (4), leagtar síos na rialacha maidir le bainistiú na dtaraif-chuótaí ar allmhairí agus onnmhairí maidir le táirgí talmhaíochta a bhainistítear le córas ceadúnas allmhairiúcháin agus onnmhairiúcháin agus déantar foráil ann maidir le rialacha sonracha. |
|
(2) |
Le Rialachán Cur Chun Feidhme (AE) 2020/1988 ón gCoimisiún (5), leagtar síos na rialacha maidir le riar taraif-chuótaí ar allmhairí atá ceaptha lena n-úsáid ar bhonn ord croineolaíoch na ndátaí a ghlactar leis na dearbhuithe custaim (an prionsabal “tagadh do sheal mar a tháinig tú féin”). |
|
(3) |
Leis an gComhaontú idir an tAontas Eorpach agus Ríocht na Téalainne a bhaineann le modhnú lamháltas ar na cuótaí ráta taraife go léir a áirítear i Sceideal CLXXV an Aontais de thoradh tharraingt siar na Ríochta Aontaithe as an Aontas Eorpach, arna thabhairt i gcrích le Cinneadh (AE) 2021/1234 ón gComhairle (6), déanann an Comhaontú roinnt taraif-chuótaí a leasú maidir le cainníochtaí táirgí atá le hallmhairiú ón Téalainn. |
|
(4) |
Trí mhalartú litreacha idir an tAontas Eorpach agus Poblacht na hAirgintíne de bhun Airteagal XXVIII den Chomhaontú Ginearálta um Tharaifí agus Trádáil (CGTT) 1994 a bhaineann le modhnú lamháltas ar na cuótaí ráta taraife go léir a áirítear i Sceideal CLXXV an Aontais de thoradh tharraingt siar na Ríochta Aontaithe as an Aontas Eorpach, arna thabhairt i gcrích le Cinneadh (AE) 2021/1213 ón gComhairle (7), déanann an Comhaontú roinnt taraif-chuótaí a leasú maidir le cainníochtaí táirgí atá le hallmhairiú ón Airgintín. Leasaítear leis freisin córas bainistíochta na dtaraif-chuótaí faoi shraithuimhreacha 09.4099 agus 09.4104, agus cruthaítear dhá tharaifchuóta nua d’éanlaith chlóis de thionscnamh na hAirgintíne. |
|
(5) |
Na leasuithe a rinneadh leis na Comhaontuithe sin, ba cheart iad a léiriú i Rialacháin Cur Chun Feidhme (AE) 2020/761 agus (AE) 2020/1988. |
|
(6) |
Dá bhrí sin, ba cheart Rialacháin Cur Chun Feidhme (AE) 2020/761 agus (AE) 2020/1988 a leasú dá réir. |
|
(7) |
De dheasca na práinne a bhaineann le cur chun feidhme na gComhaontuithe sin, ba cheart go dtiocfadh an Rialachán seo i bhfeidhm lá a fhoilsithe in Iris Oifigiúil an Aontais Eorpaigh. Ciallaíonn sé sin go bhfuil feidhm freisin ag na leasuithe a rinneadh leis an Rialachán seo maidir le Rialachán Cur Chun Feidhme (AE) 2020/1988 i dtaca le tréimhsí taraif-chuótaí atá ar siúl fós an lá a thiocfaidh an Rialachán seo i bhfeidhm. Ba cheart go mbeadh feidhm ag na leasuithe ar Rialachán Cur Chun Feidhme (AE) 2020/761 ón gcéad tréimhse iarratais ar cheadúnais tar éis theacht i bhfeidhm an Rialacháin seo. Maidir leis na leasuithe ar chainníochtaí na dtaraif-chuótaí faoi shraithuimhreacha 09.4412 agus 09.4213, chomh maith leis na leasuithe a bhaineann le cruthú taraif-chuótaí faoi shraithuimhreacha 09.4288, 09.4289 agus 09.4290, áfach, ba cheart feidhm a bheith ag na leasuithe sin amhail ó thús na dtréimhsí taraif-chuóta a thosóidh tar éis theacht i bhfeidhm an Rialacháin seo. |
|
(8) |
Is gá foráil idirthréimhseacha áirithe a leagan síos maidir le cur i bhfeidhm leanúnach Airteagail 38 agus 40 de Rialachán Cur Chun Feidhme (AE) 2020/761 i ndáil leis na tréimhsí taraif-chuóta atá ar siúl faoi láthair do na taraif-chuótaí faoi shraithuimhreacha 09.4099 agus 09.4104, go dtí go gcuirfear tús leis an gcéad tréimhse tharaif-chuóta den taraif-chuóta faoi shraithuimhir 09.4288, agus nuair a leasaítear na tréimhsí taraif-chuótaí atá ar siúl fós i dtaca leis na cainníochtaí atá ar fáil tar éis na leasuithe a dhéantar leis an Rialachán seo. |
|
(9) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um Chomheagrú na Margaí Talmhaíochta, |
TAR ÉIS AN RIALACHÁN SEO A GHLACADH:
Airteagal 1
Leasuithe ar Rialachán Cur Chun Feidhme (AE) 2020/761
Leasaítear Rialachán Cur Chun Feidhme (AE) 2020/761 mar a leanas:
|
(1) |
Scriostar Airteagail 38 agus 40; |
|
(2) |
Leasaítear Iarscríbhinní I, II, III, VI agus XII i gcomhréir le hIarscríbhinn I a ghabhann leis an Rialachán seo. |
Airteagal 2
Leasuithe ar Rialachán Cur Chun Feidhme (AE) 2020/1988
Leasaítear Rialachán Cur Chun Feidhme (AE) 2020/1988 mar a leanas:
|
(1) |
Leasaítear Airteagal 7 mar a leanas:
|
|
(2) |
Leasaítear Iarscríbhinn I i gcomhréir le hIarscríbhinn II a ghabhann leis an Rialachán seo. |
Airteagal 3
Forálacha idirthréimhseacha
1. Leanfaidh Airteagail 38 agus 40 de Rialachán Cur Chun Feidhme (AE) 2020/761 d’fheidhm a bheith acu maidir leis na tréimhsí taraif-chuóta atá ar siúl faoi láthair do na taraif-chuótaí faoi shraithuimhreacha 09.4099 agus 09.4104.
2. Mura bhforáiltear a mhalairt in Iarscríbhinní II go XII a ghabhann le Rialachán Cur Chun Feidhme (AE) 2020/761, i gcás ina bhfuil tús curtha leis an tréimhse taraif-chuóta, a bhaineann le taraif-chuóta ar leith, ar lá theacht i bhfeidhm an Rialacháin seo, cuirfear an difríocht idir an chainníocht nua agus na cainníochtaí a leithdháileadh cheana ar fáil d’iarratais a thaiscfear tar éis theacht i bhfeidhm an Rialacháin seo.
I gcás tréimhsí taraif-chuóta arna roinnt i bhfothréimhsí, déanfar an difríocht idir an chainníocht nua agus na cainníochtaí a leithdháileadh cheana a dháileadh go cothrom idir na fothréimhsí a bheidh fágtha.
3. Chun críocha Rialachán Cur Chun Feidhme (AE) 2020/1988, an chainníocht a bheidh ar fáil don chuid eile den tréimhse taraif-chuóta atá ar siúl fós an lá a thiocfaidh an Rialachán seo i bhfeidhm, is í sin an difríocht idir an chainníocht nua agus na cainníochtaí a leithdháileadh cheana roimh theacht i bhfeidhm an Rialacháin seo.
I gcás méadú ar na cainníochtaí a leagtar amach in Iarscríbhinn I a ghabhann le Rialachán Cur Chun Feidhme (AE) 2020/1988, más rud é, ar lá theacht i bhfeidhm an Rialacháin seo, go bhfuil tús curtha cheana le tréimhse ábhartha an taraif-chuóta agus go bhfuil an chainníocht a bhí ar fáil roimhe sin ídithe, déanfar an difríocht idir an chainníocht nua agus an chainníocht roimhe sin a leithdháileadh ar oibreoirí de réir an oird chroineolaíoch ar dháta glactha an dearbhaithe custaim maidir le scaoileadh i saorchúrsaíocht. Déanfar an difríocht sa dleacht a íocadh cheana a aisíoc le hoibreoirí a d’allmhairigh a gcuid earraí as an gcuóta roimh theacht i bhfeidhm an Rialacháin seo.
I gcás laghdú ar na cainníochtaí a leagtar amach in Iarscríbhinn I a ghabhann le Rialachán Cur Chun Feidhme (AE) 2020/1988, más rud é, ar lá theacht i bhfeidhm an Rialacháin seo, gur cuireadh tús cheana féin le tréimhse ábhartha an taraif-chuóta agus gur scaoileadh i saorchúrsaíocht cheana féin cainníocht atá níos airde ná an chainníocht arna leasú leis an Rialachán seo, ní bheidh sé de cheangal ar oibreoirí an dleacht iomlán a íoc i leith na gcainníochtaí laistigh den chuóta a allmhairíodh de bhreis ar na méideanna nua a bhí ar fáil.
Airteagal 4
Teacht i bhfeidhm agus cur i bhfeidhm
Tiocfaidh an Rialachán seo i bhfeidhm lá a fhoilsithe in Iris Oifigiúil an Aontais Eorpaigh.
Beidh feidhm ag Pointe (2) d’Airteagal 1 maidir leis na taraif-chuótaí lena mbaineann ón gcéad tréimhse iarratais ar cheadúnais tar éis theacht i bhfeidhm an Rialacháin seo, seachas pointí (1), (4), agus (5)(b), (g), agus (h) d’Iarscríbhinn I, a mbeidh feidhm acu maidir leis na tréimhsí taraif-chuóta a thosóidh tar éis theacht i bhfeidhm an Rialacháin seo.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 25 Lúnasa 2021.
Thar ceann an Choimisiúin
An tUachtarán
Ursula VON DER LEYEN
(1) IO L 347, 20.12.2013, lch. 671.
(2) IO L 347, 20.12.2013, lch. 549.
(3) IO L 150, 20.5.2014, lch. 1.
(4) Rialachán Cur Chun Feidhme (AE) 2020/761 ón gCoimisiún an 17 Nollaig 2019 lena leagtar síos rialacha maidir le cur i bhfeidhm Rialacháin (AE) Uimh. 1306/2013, (AE) Uimh. 1308/2013 agus (AE) Uimh. 510/2014 ó Pharlaimint na hEorpa agus ón gComhairle a mhéid a bhaineann le córas bainistíochta na dtaraif-chuótaí le ceadúnais (IO L 185, 12.6.2020, lch. 24).
(5) Rialachán Cur Chun Feidhme (AE) 2020/1988 ón gCoimisiún an 11 Samhain 2020 lena leagtar síos rialacha maidir le cur i bhfeidhm Rialacháin (AE) Uimh. 1308/2013 agus (AE) Uimh. 510/2014 ó Pharlaimint na hEorpa agus ón gComhairle a mhéid a bhaineann le riaradh taraif-chuótaí ar allmhairí i gcomhréir leis an bprionsabal “tagadh do sheal mar a tháinig tú féin” (IO L 422, 14.12.2020, lch. 4).
(6) Cinneadh (AE) 2021/1234 ón gComhairle an 13 Iúil 2021 maidir le tabhairt i gcrích an Chomhaontaithe idir an tAontas Eorpach agus Ríocht na Téalainne de bhun Airteagal XXVIII den Chomhaontú Ginearálta um Tharaifí agus Thrádáil (CGTT) 1994, a bhaineann le modhnú lamháltas ar na taraif-chuótaí uile a áirítear i Sceideal CLXVV an Aontais de thoradh tharraingt siar na Ríochta Aontaithe as an Aontas Eorpach (IO L 274, 30.7.2021, lch. 55).
(7) Cinneadh (AE) 2021/1213 ón gComhairle an 13 Iúil 2021 maidir le tabhairt i gcrích, thar ceann an Aontais, an Chomhaontaithe i bhfoirm Malartú Litreacha idir an tAontas Eorpach agus Poblacht na hAirgintíne de bhun Airteagal XXVIII de Chomhaontú Ginearálta um Tharaifí agus Trádáil (CGTT) 1994 a bhaineann le modhnú lamháltas ar na cuótaí ráta taraife uile a áirítear i Sceideal CLXXV de chuid an Aontais mar thoradh ar tharraingt siar na Ríochta Aontaithe as an Aontas Eorpach (IO L 264, 26.7.2021, lch. 1).
IARSCRÍBHINN I
Leasaítear Iarscríbhinní I, II, III, VI agus XII a ghabhann le Rialachán Cur Chun Feidhme (AE) 2020/761 mar a leanas:
|
(1) |
Leasaítear Iarscríbhinn I mar a leanas:
|
|
(2) |
in Iarscríbhinn II, sa tábla a bhaineann leis an taraif-chuóta a bhfuil an tsraithuimhir 09.4131 air, sa ró “Cainníocht i gcileagraim”, cuirtear an chainníocht “276 440 000 kg” in ionad “269 214 000 kg”; |
|
(3) |
in Iarscríbhinn III, sa tábla a bhaineann leis an taraif-chuóta a bhfuil an tsraithuimhir 09.4168 air, sa ró “Cainníocht i gcileagraim”, cuirtear an chainníocht “28 360 000 kg” in ionad “26 581 000 kg”; |
|
(4) |
Leasaítear Iarscríbhinn VI mar a leanas:
|
|
(5) |
leasaítear Iarscríbhinn XII mar a leanas:
|
IARSCRÍBHINN II
Leasaítear Iarscríbhinn I a ghabhann le Rialachán Cur Chun Feidhme (AE) 2020/1988 mar a leanas:
|
(1) |
sa roinn faoin gceannteideal “Taraif-chuótaí in earnáil na ngránach”, sa tábla a bhaineann leis an taraif-chuóta a bhfuil an tsraithuimhir 09.0138 air, sa ró “Cainníocht”, cuirtear an chainníocht “307 105 000 kg” in ionad “306 812 000 kg”; |
|
(2) |
sa roinn faoin gceannteideal, leasaítear “Tariff-Chuóta in earnáil na dtorthaí agus na nglasraí agus an fhíona phróiseáilte” mar a leanas:
|
|
(3) |
leasaítear an roinn faoin gceannteideal “Taraif-chuotaí in earnáil na mairteola agus na laofheola” mar a leanas:
|
|
(4) |
sa roinn faoin gceannteideal “Taraif-chuótaí in earnáil na caoireola agus na feola gabhair”, sa tábla a bhaineann leis na taraif-chuótaí a bhfuil na sraithuimhreacha 09.2101, 09.2102, 09.2011 orthu, sa ró “Cainníocht”, cuirtear an chainníocht “19 090 000 kg” in ionad “17 006 000 kg”. |