Deċiżjoni tal-kummissjoni

tal-20 ta’ Diċembru 1989

li tfassal lista ta’ pajjiżi terzi mil-liema l-Istati Membri jawtorizzaw l-importazzjoni ta’ semen friżat ta’ annimali domestiċi ta’ l-ispeċi bovina

(90/14/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 88/407/KEE ta’ l-14 ta’ Ġunju 1988 li tippreskrivi l-ħtiġiet fis-saħħa ta’ l-annimali applikabbli għall-kummerċ intra-Komunitarju u l-importazzjoni ta’ semen friżat minn annimali domestiċi ta’ l-ispeċi bovina [1], u partikolarment l-Artikolu 8 ta’ dan;

Billi, sabiex titfassal lista ta’ pajjiżi terzi mil-liema l-Istati Membri tista’ tawtorizza importazzjoni ta’ semen, huwa xieraq li jittieħed kont l-ewwel net tal-lista tal-pajjiżi terzi mil-liema l-Istati Membri jawtorizzaw importazzjonijiet ta’ annimali tal-fart, it-tieni ta’ pajjiżi terzi li jesportaw tradizzjonalment semen lill-Komunità u finalment ta’ l-istat magħruf ta’ saħħa ta’ l-annimali ta’ dawn il-pajjiżi;

Billi, waqt li jiġu rispettati l-limitazzjonijiet li joħorġu mill-adozzjoni tal-lista, importazzjonijiet ta’ semen għandhom jibqgħu jiġu suġġetti għad-disposizzjonijiet nazzjonali rigward spezzjonijiet ta’ saħħa u veterinarji sakemm u safejn m’humiex diġà suġġetti għal miżuri protettivi ta’ saħħa Komunitarji;

Billi miżuri oħra tal-Komunità jibqgħu jiġu adottati rigward importazzjoni ta’ semen; billi l-Kummissjoni qed tkompli x-xogħol ta’ preparazzjoni ta’ dawn il-miżuri b’veloċità meħtieġa; billi sadattant huwa neċessarju li jittieħed l-ewwel pass fit-tfassil ta’ lista ta’ pajjiżi terzi minn liema Stati Membri jawtorizzaw importazzjoni ta’ semen sabiex jevitaw taħwid fil-kummerċ;

Billi l-miżuri previsti f’din id-Deċiżjoni huma bi qbil ma’ l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

L-importazzjoni ta’ semen friżat ta’ annimali domestiċi ta’ l-ispeċi bovina huwa permess biss minn dawk il-pajjiżi terzi li jidhru fil-lista ta’ l-Anness għal din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussel, fl-20 ta’ Diċembru 1989.

Għall-Kummissjoni

Ray Mac Sharry

Membru tal-Kummissjoni

[1] ĠU L 194, ta’ tat-22.7.1988, pġ. 10.

--------------------------------------------------

ANNESS

Lista ta' pajjiżi terzi mil-liema l-Istati Membri jawtorizzaw l-importazzjoni ta' semen friżat ta' annimali domestiċi ta' l-ispeċi bovina

L-Awstralja Polonja

L-Awstrija Rumanija

Kanada L-Isvezja

Ċekoslovakja L-Isvizzera

Finlandja Stati Uniti tal-Amerika

L-Ungerija Jugoslavja

New Zealand

Polonja

Rumanija

L-Isvezja

L-Isvizzera

Stati Uniti tal-Amerika

Jugoslavja

--------------------------------------------------