|
1.9.2022 |
GA |
Iris Oifigiúil an Aontais Eorpaigh |
C 333/12 |
Réamhfhógra faoi chomhchruinniú
(Cás M.10826 — GOLDMAN SACHS / NORGINE)
Cás a d'fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 333/11)
1.
An 24 Lúnasa 2022, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Baineann an fógra seo leis na gnóthais seo a leanas:
|
— |
The Goldman Sachs Group, Inc. (“Goldman Sachs”, Stáit Aontaithe Mheiriceá); |
|
— |
Norgine Europe B.V. in éineacht lena fhochuideachtaí díreacha agus indíreacha (“Norgine Group” nó an “Sprioc”, an Ísiltír). |
Gheobhaidh Goldman Sachs rialú aonair, de réir bhrí Airteagal 3(1)(b) den Rialachán um Chumaisc, ar Norgine ina iomláine (2).
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:|
— |
Is gnólacht domhanda baincéireachta, urrús agus bainistíochta infheistíochta é Goldman Sachs a sholáthraíonn réimse seirbhísí baincéireachta, urrús agus infheistíochta ar fud an domhain do bhonn cliant suntasach éagsúlaithe, lena n-áirítear corparáidí, institiúidí airgeadais, rialtais agus daoine a bhfuil glanfhiúchas ard acu, |
|
— |
Is cuideachta sainearraí cógaisíochta é Norgine Group, a bhfuil a cheanncheathrú acu san Ísiltír, agus déanann sé earraí cógaisíochta a fhorbairt, a mhonarú agus a mhargú go príomha sna réimsí teiripeacha seo a leanas: gaistreintreolaíocht, heipiteolaíocht, cúram éigeandála, haemaiteolaíocht, obstatraic, cairdeolaíocht, oinceolaíocht, úireolaíocht agus néareolaíocht. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (3), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10826 — GOLDMAN SACHS / NORGINE
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Facs +32 22964301
Seoladh poist:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).
(2) Sula dtabharfar an tIdirbheart chun críche, déanfar Norgine Ventures B.V. agus a fhochuideachtaí díreacha agus indíreacha (“Norgine Ventures”) a scaradh ó Norgine Group, arb é Sprioc an Idirbhirt.