European flag

Il-Ġurnal Uffiċjali
ta'l-Unjoni Ewropea

MT

Is-serje L


2024/2508

24.9.2024

REGOLAMENT DELEGAT TAL-KUMMISSJONI (UE) 2024/2508

tas-17 ta’ Lulju 2024

li jemenda r-Regolament Delegat (UE) 2017/891 fir-rigward tan-notifiki tal-Istati Membri dwar il-prezzijiet tal-produtturi tal-frott u l-ħxejjex fis-suq intern

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1) u b’mod partikulari l-Artikolu 223(2) tiegħu,

Billi:

(1)

Skont l-Artikolu 55(1) tar-Regolament Delegat tal-Kummissjoni (UE) 2017/891 (2), l-Istati Membri jridu jinnotifikaw lill-Kummissjoni dwar il-prezzijiet tal-produtturi tal-frott u l-ħxejjex irreġistrati fis-suq intern li jikkorrispondu għat-tipi u l-varjetajiet ta’ prodotti, daqsijiet u preżentazzjonijiet speċifikati fl-Anness VI ta’ dak ir-Regolament Delegat. Sabiex jiġu allinjati n-notifiki mill-Istati Membri u jittejbu l-komparabbiltà u t-trasparenza tal-prezzijiet tal-frott u l-ħxejjex elenkati f’dak l-Anness, jeħtieġ li jiżdiedu ċerti dispożizzjonijiet mal-Artikolu 55 ta’ dak ir-Regolament Delegat.

(2)

Biex jitqiesu l-iżviluppi tad-daqsijiet rappreżentattivi u tal-preżentazzjoni tal-frott u l-ħxejjex fis-suq, u l-kapaċità tal-produzzjoni tal-Istati Membri għal ċertu frott u ħxejjex, jeħtieġ li jiġi aġġornat l-Anness VI tar-Regolament Delegat (UE) 2017/891, abbażi tal-aħħar informazzjoni disponibbli. Minħabba l-importanza ekonomika tagħhom, xi prodotti jenħtieġ li jiżdiedu mal-lista f’dak l-Anness. Ċertu frott jenħtieġ li jitneħħa minn dik il-lista peress li mhuwiex meqjus rappreżentattiv għas-suq tal-Unjoni kollu kemm hu. Valutazzjoni ġdida tal-kapaċità tal-produzzjoni tal-Istati Membri kienet teħtieġ ukoll aġġornament tal-lista tas-swieq rappreżentattivi.

(3)

Għalhekk jenħtieġ li r-Regolament Delegat (UE) 2017/891 jiġi emendat skont dan.

(4)

Minħabba li hemm swieq rappreżentattivi ġodda u prodotti ġodda fl-Anness VI tar-Regolament Delegat (UE) 2017/891, jenħtieġ li l-Istati Membri jingħataw biżżejjed żmien biex jadattaw is-sistemi ta’ komunikazzjoni tagħhom. Għalhekk, l-applikazzjoni ta’ dan ir-Regolament Delegat jenħtieġ li tiġi differita għall-1 ta’ Jannar 2025,

ADOTTAT DAN IR-REGOLAMENT:

Artikolu 1

Ir-Regolament Delegat (UE) 2017/891 huwa emendat kif ġej:

(1)

fl-Artikolu 55(1), jiddaħħal is-subparagrafu li ġej wara t-tieni subparagrafu:

“L-Istati Membri għandhom jinnotifikaw biss il-prezzijiet tal-frott u l-ħxejjex prodotti fit-territorju tagħhom. Il-prezzijiet għandhom ikopru l-frott u l-ħxejjex konvenzjonali u mhux organiċi għall-konsum frisk.”;

(2)

l-Anness VI huwa sostitwit bit-test fl-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu japplika mill-1 ta’ Jannar 2025.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-17 ta’ Lulju 2024.

Għall-Kummissjoni

Il-President

Ursula VON DER LEYEN


(1)  Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671, ELI: http://data.europa.eu/eli/reg/2013/1308/oj).

(2)  Ir-Regolament Delegat tal-Kummissjoni (UE) 2017/891 tat-13 ta’ Marzu 2017 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill għas-setturi tal-frott u l-ħaxix u tal-frott u l-ħaxix ipproċessat u li jissupplimenta r-Regolament (UE) Nru 1306/2013 tal-Parlament Ewropew u tal-Kunsill fir-rigward tal-penali li jridu jiġu applikati f’dawk is-setturi u li jemenda r-Regolament ta’ Implimentazzjoni tal-Kummissjoni (UE) Nru 543/2011 (ĠU L 138, 25.5.2017, p. 4, ELI: http://data.europa.eu/eli/reg_del/2017/891/oj).


ANNESS

“ANNESS VI

NOTIFIKA TAL-PREZZIJIET IMSEMMIJA FL-ARTIKOLU 55(1)

Prodott

Tip/varjetà

Preżentazzjoni/daqs

Swieq rappreżentattivi

Tadam

Tond

Daqs 47-102 mm, bl-ingrossa, f’pakketti ta’ madwar 5 jew 6 kg

Il-Belġju

Il-Greċja

Spanja

Franza

L-Italja

In-Netherlands

Il-Polonja

Il-Portugall

Ir-Rumanija

Għenieqed

Kull tip ta’ għanqud, iżda biss jekk id-daqs medju tat-tadam individwali jkun ta’ 47 mm jew iżjed minn 47 mm, f’pakketti ta’ 3 sa 10 kg

Speċjali/Ċirasa

Tadam mhux ippakkjat jew tadam fl-għenieqed, tadam speċjali, iżda biss jekk id-daqs medju tat-tadam individwali jkun inqas minn 47 mm (40 mm fil-każ tat-tadam ċirasa), f’pakketti ta’ madwar 250 sa 500 g

Berquq

Il-varjetajiet u t-tipi kollha

Daqs 40-50 mm, tilari jew pakketti ta’ madwar 5 sa 10 kg jew pakketti ta’ 500 g sa 1 kg

Il-Bulgarija

Il-Greċja

Spanja

Franza

L-Italja

L-Ungerija

Ir-Rumanija

Nuċipriska

Laħma bajda

Laħma safra

Daqs A/B, tilari jew pakketti ta’ madwar 6 sa 10 kg

Il-Greċja

Spanja

Franza

L-Italja

Nuċiprisk ċatt

Daqs A/B, tilari jew pakketti ta’ madwar 5 kg

Ħawħ

Laħma bajda

Laħma safra

Daqs A/B, tilari jew pakketti ta’ madwar 6 sa 10 kg jew pakketti ta’ 500 g sa 1 kg

Il-Greċja

Spanja

Franza

L-Italja

Ħawħ ċatt

Daqs A/B, tilari jew pakketti ta’ madwar 5 kg

Għeneb tal-mejda

It-tipi u l-varjetajiet kollha biż-żerriegħa

It-tipi u l-varjetajiet kollha mingħajr żerriegħa

Tilari ta’ 300 sa 700 g u pakketti ta’ 3 sa 10 kg

Il-Greċja

Spanja

Franza

L-Italja

Lanġas

Blanquilla

Daqs 55/60, pakketti ta’ madwar 5-10 kg

Il-Belġju

Il-Greċja

Spanja

Franza

L-Italja

In-Netherlands

L-Awstrija

Il-Polonja

Il-Portugall

Ir-Rumanija

Conference

Daqs 60/65+, pakketti ta’ madwar 5 sa 10 kg

Williams

Rocha

Daqs 65+/75+, pakketti ta’ madwar 5 sa 10 kg

Abbé Fétel

Kaiser

Daqs 70/75, pakketti ta’ madwar 5 sa 10 kg

Doyenné du Comice

Daqs 75/90, pakketti ta’ madwar 5 sa 10 kg

Tuffieħ

Braeburn

Cox orange

Elstar

Gala

Golden delicious

Jonagold (jew Jonagored)

Idared

Fuji

Shampion

Granny Smith

Red delicious u varjetajiet ħomor oħrajn

Ligol

Boskoop

Daqs 65/80, pakketti ta’ madwar 4 sa 20 kg

Il-Belġju

Il-Ġermanja

Il-Greċja

Spanja

Franza

L-Italja

L-Ungerija

In-Netherlands

Il-Polonja

Il-Portugall

Ir-Rumanija

Lumi

Il-varjetajiet kollha

Daqsijiet 3-4, pakketti ta’ madwar 10 sa 20 kg

Il-Greċja

Spanja

L-Italja

Klementini

Il-varjetajiet kollha

Daqsijiet 1-X-3, pakketti ta’ madwar 8 sa 20 kg

Il-Greċja

Spanja

L-Italja

Franza

Mandolin

Il-varjetajiet kollha

Daqsijiet 1-X-3, pakketti ta’ madwar 8 sa 20 kg

Il-Greċja

Spanja

L-Italja

Larinġ

Medja nazzjonali ponderata tal-varjetajiet ewlenin li jkopru mill-inqas 70 % tas-suq rappreżentattiv fil-perjodu ta’ referenza tan-notifika

Daqs 3-6, pakketti ta’ madwar 8 sa 20 kg

Il-Greċja

Spanja

L-Italja

Il-Portugall

Kiwi

Green Hayward

Daqsijiet 85-90 u 95-125, pakketti ta’ madwar 3 sa 10 kg

Il-Greċja

Spanja

Franza

L-Italja

Il-Portugall

Pastard

Il-varjetajiet u t-tipi kollha

Daqs 16 sa 20 cm

Il-Belġju

Il-Ġermanja

Il-Greċja

Spanja

Franza

L-Italja

In-Netherlands

Il-Polonja

Il-Portugall

Ir-Rumanija

Brunġiel

Il-varjetajiet u t-tipi kollha

Daqs 40+/70+

Il-Greċja

Spanja

Franza

L-Italja

In-Netherlands

Ir-Rumanija

Dulliegħ

Medja nazzjonali ponderata tal-aktar tipi u varjetajiet rappreżentattivi li jkopru mill-inqas 70 % tas-suq rappreżentattiv

Standards tas-soltu fis-suq rappreżentattiv

Il-Bulgarija

Il-Greċja

Spanja

L-Italja

L-Ungerija

Ir-Rumanija

Bettieħ

Medja nazzjonali ponderata tal-aktar tipi u varjetajiet rappreżentattivi li jkopru mill-inqas 70 % tas-suq rappreżentattiv

Standards tas-soltu fis-suq rappreżentattiv

Il-Greċja

Spanja

Franza

L-Italja

Il-Portugall

Ir-Rumanija

Ħjar

Varjetajiet lixxi

minn 350 sa 500 g, irranġati fil-pakkett

Il-Bulgarija,

Il-Ġermanja

Il-Greċja

Spanja

Franza

L-Italja

L-Ungerija

In-Netherlands

Il-Polonja

Ir-Rumanija

Il-Finlandja

”

ELI: http://data.europa.eu/eli/reg_del/2024/2508/oj

ISSN 1977-074X (electronic edition)